Ilaqutariinnik katsorsaasartut

Oqaluttuassartaa

1997-mi Nuup Kommuneani siullerpaamik ilaqutariinnik siunnersuisoqalerpoq. 1998-mi atorfik ilaqutariinnik siunnesuisartunik marlunnik atorfigineqarsinnaasunngorlugu aalajangersarneqarpoq 2000-milu ilaqutariinnik siunnersuisartut pingasuupput. 2010-mi Kommuneqarfik Sermersuumi ilaqutaariinnik siunnersuisartut amerlineqarput maannakkullu taakku ilaqutariinnik katsorsaasartunik taagorneqarput.

Aaqqissuussaaneq suleqatigisallu

Fagchefi Meeqqanut, Ilaqutariinnut, Aturfeqarnermullu ingerlatsiviup immikkoortortaqarfianiippoq.

Sullissivimmi aqutsisoq Meeqqanut Ilaqutariinnullu Sullissivimmi C.P. Holbøllsvej 8-mi issiavoq.

Suleqatigisavut qaninnerpaat tassaapput isumaginninnermut ingerlatsivimmi sullissisut, taakkuupummi ilaqutaariinnut uatsinnut innersuussisartut. Illup avataani suleqatigisavut tassaasinnaapput: Inuusuttunik siunnersuisartut, Piorsaavik, meeqqeriviit, atuarfiit, meeqqerisut, MISI, Sana, juumuut aamma A1.

Suliassaqarfipput

Suliassavut assigiinngiiaartuupput, ilaqutariit qanimut tikillugit sullinneqartarput.

Maannakkut ilaqutariit 60-it missaanniittut sullitaraavut.
Sullissisunit innersuussissummik tigusaqaraangatta siumoortumik nalilersuisoqartarpoq tamatumanilu sullissisoq peqataasinnaasarpoq. Suliassaq ilaqutariinnik katsorsaanertut akuersissutigineqarpat ilaqutariit pillugit suleqatigiissitaliortoqartarpoq.

Taamaattumik aningaasaqarnermut tunngassuteqartut tamarmik sullissisumit isumagineqartarput.