Kommuneqarfik Sermersooq Nuummi biilinik, containerinik angallatinillu inuttaqarsorineqanngitsunik nalunaarsuisarpoq.

Avatangiisinik innarlitsaaliuineq pillugu Inatsisartut inatsisaat nr. 9, 22.november 2011-meersoq naapertorlugu, kommunip pigisat inuttaqanngitsut minnerpaamik qaammatini 3-ni piginnittussarsiutereernerini peersinnaavai.

Biili, angallat, containeriluunniit avatangiisimut angallannermut isigiuminaatsutullu nalilerneqarpat inuttassarsiunneqassaaq, kommunillu innersuussaanut nuunneqarluni.

Inuttassarsiussineq assimi ulluliussap ullut 100 ilanngullugit pissaaq. Inuttassarsiussineq tamanut takussutissianngorlugit assitai suussusaalu Sanarfinermut Avatangiisinullu ingerlatsivimmi Nuummi saqqummiunneqassapput.

Inuttassarsiussineq qaangiuppat kommunip pineqartoq piffimmit peersissavaa, peerneqarnerata kingorna taarsiinissamut kommuni pisussaaffeqanngilaq.

Inuttassarsiunneqartumut piginnittuuguit, pineqartumut piginnittuunerit nalunaarutigisinnaavat, saaffiginnillutit imaluuniit allakkatigut Nunaminertanik Oqartussaqarfimmut nassiullugu.

Quppernerup imarisaa qanganitsersimava?

Quppernermut naqqiutissaqarpit?