Angajoqqaarsiat

Kommuneqarfik Sermersooq angajoqqaarsiassanik, oqilisaassisartunik, tassanngaannarlu inissiivissanik pissarsiorpoq.

Meeqqanut, ilaqutariinnut, atuarfeqarnermullu ingerlatsivik, Angajoqqaarsianik Sullissivik angajoqqaarsiatut oqilisaassisartutullu sulisinnaasunik pissarsiorpoq.

Nalinginnaasumik angajoqqaarsiat meeqqanik 0-18-nik ukiulinnut angerlarsimaffiup avataanut sivikinnerusumik sivisunerusumilluunniit inissinneqarsimasunik paarsisarput.

Oqilisaassisartut aamma meeqqanik 0-18-nik ukiulinnik paarsisarput, angajoqqaavi ulluinnarni atugarisaannik ikiorsertariaqalersimasut oqilisaanniarlugit.

Tassanngaannaq inissiiviusartut suliassaraat, meeqqamut tassanngaannaq inissinneqarsimasunut isumassuineq meeqqat 0-18-nik ukiulinnut, piffissami sivikitsumi annerpaamillu ulluni 30-ini paarsineq.

Meeqqat pisariaqartippaat:

    • Isumassorneqarneq tapersersorneqarnerlu
    • Aaqqissuussaasumik inuuneqarnissaq
    • Aaliangersimasunik avatangiiseqarnissaq

Naatsorsuutigaarput:

    • Tungiuinermik Ingerlatsivik meeqqallu angajoqqaavi suleqatigisinnaagisi
    • Meeqqat pisariaqartitaannut nukissaqarnissarsi
    • Ammasuullusilu suleqatikkuminartuunissarsi
    • Meeqqanik paarsinermik misilittagaqartusi
    • Pinerluuteqarsimannginnissaq
    • Timikkut tarnikkullu nukittuujunissarsi

Neqeroorutigisinnaavagut:

    • Siunnersorneqarneq aqqutissiuinerlu
    • Malittarisassat tunngavigalugit paarsinersiutit
    • Angajoqqaarsianik pikkorissaanerit

Soqutiginnikkussi ukununnga saaffiginnissinnaavusi: Gerda W. Lyberth, oqarasuaat 36 72 07, Nielsine Jessen, oqarasuaat 36 72 09 kiisalu Atangana Hansen, oqarasuaat 36 72 08.