Nuummi Meeqqanik Ilaqutariinnillu Sullissivik

Meeqqanut Ilaqutariinnullu sullissivik Nuummiittoq Kommuneqarfik Sermersuup Pitsaaliuinermut Immikkoortortaq aamma Meeqqanut Ilaqutariinnullu Katsorsaaviup ataaniippoq.

Tassani Nuummi ilaqutariit meerartallit ulluinnarni aamma pinartunik pissutsit pillugit siunnersorneqarusukkunik ilitsersorneqarusukkunillu saaffiginnissinnaapput. Kinaassutsimik isertuussilluni aammasumik siunnersortittoqarsinnaavoq aamma tarnip pissusiinik ilisimasalinnik katsorsartittoqarsinnaavoq. Immikkoortortaqarfiup aamma meeqqat angerlarsimaffiup avataanut inissinneqarsimasut angajoqqaaminnik najuinerat nakkutiginissaa akisussaffigaa, aamma meeqqat angerlarsimaffiup avataanut inissinneqarsimasut angerlartinneqarnerini siunnersuisarpoq, tapersersuilluni ilitsersuisarlunilu.  

Innuttaasutut Meeqqanut ilaqutariinnullu sullissivik attavigisinnaavat ilaatigut ukununnga ikiorneqarusukkuit.

• Meeqqappit ineriartornera ernummatigigukku
• Aappariinnissinni ajornartorsiuteqarussi
• Meeqqat/inuusuttut pillugit ajornartorsiutit qanoq passunneqarnissaat pillugit nalornisoqarnermi
• Aappat isumaqatiginngikkukku meeqqat qanoq perorsarneqassanersut
• Imaluunniit artornartut pillugit oqaloqatissaaleqiguit