Illoqarfiit nunaqarfiillu

Kommuneqarfik Sermersuumi illoqarfiit nunaqarfiillu nittartakkap quppersagaani tamarmik immikkut tulluuttunik paasissutissiissutigineqarput. Quppersakkani ilaatigut sumiiffiit ataasiakkaat tamarmik ilisaritinneqarneri atuarsinnaavatit.

Nunaqarfiit ilisaritinneqarneri illoqarfiit ataanni inissisimatinneqarput.

Sumiiffiit ilisaritinneqarneri
Kommunip illoqarfii nunaqarfiilu sumiiffikkaartumik borgmesterip allattoqarfianiit ilisaritinneqarnissai suliarai. Illoqarfiit nunaqarfiillu tamarmik immikkut ilisaritinneqarput. Sumiiffiit ilisaritinneqarneranni Kommuneqarfik Sermersuup illoqarfii nunaqarfiilu allaaserineqarput. Allaaserineqarnerinilu kommunip suleqatigisalluallat naatsorsueqqissaarutaat kisitsisaallu atorlugit inuussutissarsiutit, ineqarneq, ilinniartitaaneq inuttullu atukkat nassuiaatigineqarlutik.

Kommunip illoqarfiinik nunaqarfiinillu paasinnikkusuttunut tamanut, sumiiffiit ilisaritinneqarneri

ajornanngittuaqqamik takuneqarsinnaapput. Politikerinut politikikkut aalajangiinissamut sakkussatut aallaaviusinnaapput, aammalu taakku aallaavigalugit kommunip ingerlatsiviiniit sulisuiniillu suliniutinik pilersaarusiortoqarsinnaalluni aammalu sumiiffiit ilisimasaqarfigeriigassatut atorneqarsinnaallutik.

Sumiiffiit ilisaritinneqarneri minnerpaamik ukioq allortarlugu nutarterneqartassapput, taamaaliornikkut sumiiffinni assigiinngitsuni siuariartoqarnersoq kinguariartoqarnersorluunniit malinnaavigineqarsinnaapput.

Naatsorsoqqissaakkat kisitsisillu pissarsiarinissaat ajornakusoorsimavoq, taamaattumik naapertuuteqqissaanngitsoqarsinnaavoq aammalu sumiiffiit tamarmik tamakkeeqqissaartumik paasissutissiivigineqanngillat. Taamaattorli ingerlatsiviit pisiortorfiillu suleqatiginiarneqarput paasissutissat kikkunnut tamanut iluaqutaasussat tunniunneqarsinnaaniassammata.

Saqqummertut siulliit misiliutaanerupput. Neriuppugut 2015-imi sumiiffiit ilisaritinneqarneri aappassaanik saqqummiukkutsigit naapertuutinngitsut iluarsineqarumaartut. Sumiiffiit ilisaritinneqarinut iluarsiissutaasinnaasutut oqaaseqaatit tunniussarisinnaasallu tikilluaqquneqangaarput. Saaffiginninnissaq mailikkut unnga pisinnaavoq:

kommuneqarfik@sermersooq.gl