Aningaasaqarnermut Ataatsimiititaq ulloq 19.01.2017 ataatsimiinnermini, Kommunimut pilersaarummut tapiliussatut siunnersuut O8 tamanut tusarniaassutigineqassasoq aalajangerpaa.
Siunertaa
Siunnersuummi immikkoortoq 08 nunaanarmiittoq pineqarpoq. Immikkoortoq Tasiilap eqqaa sermersuullu ilaa annertooq, sineriammiit 180 km isorartutigisoq pineqarpoq. Sumiiffik taanna pingaartumik sukisaarsarfittut susassaqarfittut atorneqarsinnaavoq aammalu Silami takornariaqartitsinermi suliniutinut akuersissuteqarfissatut immikkoortinneqarluni.
Siunnersuummi assigiinngitsunik silami takornariaqartitsinermi sammisanut assigiinngitsunut tunisisoqarsinnaanera periarfissiisoqarpoq, soorlu qulimiguulimmiit sisorarneq ilanngullugu, skitouring, ujakkaarneq, aputisiutinik pisuuteqarluni pisuttuarneq, qimusserneq, qamuteralanneq, pisunneq, majuarneq qaqqasiornerlu, sikumut sermersuarmullu majuarneq, sikumi sermersuarmilu pisunneq il.il.
Sumiiffimmi sammisat pioreersut, soorlu sunngiffimmi angallammik angalaneq, qimusserneq, qamuteralanneq il.il. pilersaarutip killilersorneqannginniissaat pingaartinneqarpoq
Tamanut tusarniaaneq
Siunnersuut tamanut tusarniaassutigineqassaaq piffissami 01.02.2017 – 29.03.2017-ip tungaanut.
Piffissami tusarniaaffiusumi siunnersuummut oqaaseqaateqartoqarlunilu akililiissuteqartoqarsinnaavoq. Oqaaseqaatit akerliliissutillu Kommuneqarfik Sermersuumut tunniunneqareersimassapput ulloq 29.03.2017 nallertinnagu, uungalu nassiunneqassallutik: Kommuneqarfik Sermersooq, Sanarfinermut Avatangiisinullu ingerlatsivik, Postboks 1005, 3900 Nuuk immaqaluunnit uunga sai@sermersooq.gl ingerlatsiviup mailadresseanut.
Piffissaq eqqorlugu oqaaseqaatit akerliliissutillu pissarsiarineqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarneranut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.