Kommunimut pilersaarummut tapiliussamut siunnersuut 4B4-1 aamma 4E1-1 Illoqarfimmik pilersaarusiorneq

Tusarniaarnermi piffissaq:
1. februaari 2017 til
29. marsi 2017

Nassiussisoq:
Illoqarfimmik Inerisaaneq

Tusarniaassutigineqartut:
Bilag 1

Akissuteqaat uunga nassiuguk:
sai@sermersooq.gl

Aningaasaqarnermut Ataatsimiititaq ulloq 19.01.2017 ataatsimiinnermini, Kommunimut pilersaarummut tapiliussatut siunnersuut 4B4-1 og 4E1-1 tamanut tusarniaassutigineqassasoq aalajangerpaa.

Siunertaa

Kommunimut pilersaarummut tapiliussamut tunngaviuvoq, kommunip ingerlatsiviisa immikkut inissisimavissaannik piumasaqaateqarnikkut pisortat ingerlatsinerannut nunaminertanik ataatsimut isigalugu amigaateqarneq kiisalu qaartiterutissanik uninngatitsinermut ataavartumik toqqorsivinnik pisariaqartitsineq.

Kommunimut pilersaarummut tapiliussamut siunnersuummi immikkoortut 4B4 aamma 4E1 Kommunimi pilersaarummi inuussutissarsiornermut umiarsualiveqarnermut aammalu qaartartuusiveqarnermut atugassanngortinneqarput. Siunnersuut taamaattumik kommunimut pilersaarummut naapertuuppoq.

Kommunimi pilersaarummi aqqusineeqqat sukissarsarnermut attuumassuteqartut aammalu Nuup timaanut aqqut qulakkeerneqarput, kiisalu isertitsivimmut ungasissutsimut killiliussat, mittarfeqarfimmut immikkut piumasaqaateqarfiusut aammattaaq qaartartuusiveqarfimmut atatillugu isumannaallisaanermut killiliussat ataqqineqarlutik.

Tamanut tusarniaaneq
Siunnersuut tamanut tusarniaassutigineqassaaq piffissami 01.02.2017 – 29.03.2017-ip tungaanut.

Piffissami tusarniaaffiusumi siunnersuummut oqaaseqaateqartoqarlunilu akililiissuteqartoqarsinnaavoq. Oqaaseqaatit akerliliissutillu Kommuneqarfik Sermersuumut tunniunneqareersimassapput ulloq 29.03.2017 nallertinnagu, uungalu nassiunneqassallutik: Kommuneqarfik Sermersooq, Sanarfinermut Avatangiisinullu ingerlatsivik, Postboks 1005, 3900 Nuuk immaqaluunnit uunga sai@sermersooq.gl ingerlatsiviup mailadresseanut.

Piffissaq eqqorlugu oqaaseqaatit akerliliissutillu pissarsiarineqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarneranut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.