Neqerooruteqartitsineq NON FOOD

1. Aallaqqaasiut
Neqeroortitsinermi matumani pineqarpoq Kommuneqarfik Sermersuumut NON FOOD-inik tunniussisarnissamut sinaakkutaasumik isumaqatigiissut.

Paaqqutarisariaqartut angerlarsimaffiinit aamma ornittakkanit kiisalu ulluuneranilu ornittakkanit ingerlaavartumik taamaatitsineq pineqarpoq.

Neqerooruteqartitseriaaseq pisortat neqerooruteqartitsineraat kommunip nittartagaagut nalunaarutigineqartoq.

Arlaannik apeqqutissaqartoqaruni – saaffiginninnissaq pingaaruteqarpoq, taamaalilluta siunnersuisinnaavugut aamma neqerooruteqartup neqerooruteqarnissaminut eqqortunik tunngaveqarluni tunniussinissaa qulakkeerumallugu, taamaattoq pisiortorfik neqerooruteqarnermi piumasaqaatinik il.il. naammassinninnissamut tamakkiisumik akisussaaffeqassaaq.

Pisiortorfiit tamarmik assigiimmik pineqassapput aamma ataatsimut naliliinerit, nalilersuinerit aningaaqarnermillu naliliinerit ingerlanneqartinnagit pisiortorfinnik nioqqutissanilluunniit toqqaasoqassanngilaq.

Neqeroorutip tamarmiusup ilanngaasiinani katinnera ukiut tamaasa 800.000 kr-nik naleqartussatut naatsorsuutigineqarpoq.

Missingiinerinnaq pisiniamik pituttuisuunngitsoq taamaallaat pineqarpoq. Neqerooruteqarnermi matumani angusat ingerlatsinernilu pissusiviusut allannguinissamut pissutissiisinnaapput.

Taamaalilluni pisiniaq pisariaqartitavimi saniatigut imminut pisussaaffilinngilaq.

Tamatuma nassataanik pisiortorfissatut toqqagaq qanilluinnartumik suleqatigineqassaaq isumaqatigiissummik tunisassianillu suleqatigiissuteqarneq atuutsilersinniarlugit, taamaaliornikkullu angallassinermi aaqqiissutissat pitsaanerpaat pilersissinnaaqqullugit soorluttaaq kommunimi immikkoortortaqarfinnut sullissineq.

Neqerooruteqartup akinik inissiinera aamma neqeroorutai piffissami matumani akinik neqeroorutigineqarsinnaasunik tunngaveqassapput. Ilanngaaseereerluni akinut allagartatut ilanngussami ilanngaaseereerluni akissatut neqeroorutaasoq ilanngunneqassaaq aamma nioqqutissanut aalajangersimasunut akikilliliissut akikilliliissut akiligassami akikilliliissutitut aalajangersimasutut allanneqassaaq, takuuk ilanngussaq.

Nioqqutissiat aamma assigiinngitsut amerlassusiat neqeroorutitut ilanngussami allaaserineqarput.

Tamakku saniatigut pisariaqartitsiniviit naapertorlugit immikkoortuni ataasiakkaani periarfissiisoqassaaq.

Tasiilamut, Paamiunut Ittoqqortoormiinut aamma nunaqarfinnut, avataanit pisiortorfiit allat pillugit pisiassanut amerlassusileriikkanut atatillugu toqqaannartumik isumaqatigiittoqassaaq.


2. Pisiniaq
Pisiniaq tassaavoq:

Kommuneqarfik Sermersooq

Aningaasaqarnermut Allatseqarfik

Pisiortortarnermut Allaffik

Mail: udbud@sermersooq.gl

3.  Piffissamut pilersaarut
Neqeroorut ulloq septembarip arferngat 2021 nal 12.00 kommunimit tiguneqareersimassaaq. Neqeroorutip tiguneqarnera malilikkut kommunimit uppernarsarneqassaaq.

Neqeroorut aamma ilanngussat kiisalu uppernarsaatit neqerooruteqartup aqqanik atsiorneranillu imaqassapput.
  

4. Apeqqutit akissutillu
Neqerooruteqartoq ilanngussani allaniluunniit piumasaqaatit pillugit nalornissuteqarpat qulaajaanissaq pillugu apeqquteqarnissaanut kaammattorparput.

Neqerooruteqartitsineq pillugu saaffiginnissutigineqartut apeqqutillu kalaallisut danskisullu oqaasertaqassapput uungalu nassiunneqassallutik:

udbud@sermersooq.gl.

Sammisatut allanneqassaaq: Neqerooruteqartitsineq NON FOOD (inuussutissaanngitsut)

Nalunaarsukkat ilanngullugit nassiunneqartut naapertorlugit aperiinnartoqarsinnaavoq nioqqutissallu pineqartut tulleriiaarnerisa normui innersuussutigalugit.

Aggustip 13-iat 2021 tungaanut aperisoqarsinnaavoq, piffissamit apeqquteqarsinnaatitaanermit siullermit akissutit katinnerat saqqummiunneqassaaq kiisalu aammaarluni aggustip 23-at 2021 tungaanut. Matumani neqerooruteqartitsinermik atortussanik inniminniisimasut tamarmik apeqqutinik akissutinillu inuttaannik isertuunneqartussanik apeqqutinik akissutinillu nassinneqassapput. Apeqqutit akissutillu marloriartarluni oqaaseqarfiusimasut allattorsimaffiat aamma innersuussutigineqarpoq.

5. Tuniniarneqartut annertussusiat
Neqerooruteqartitsinermi pineqarput tunisassiat NON FOOD-it tamarmik neqeroorutitut ilanngussani ilaasut Kommuneqarfik Sermersuumi suliffeqarfinnut ingerlaavartumik saqqummiunneqartartussat. Pisiortorfiup akisussaaffigaa nioqqutissat isumaqatigiissummiittut tamaasa peqqumaataasivimmut inaalissussallugit aamma utoqqaat illuinit, ornittakkanit meeqqerivinnillu nukinginnartunik tunniussinissamut akisussaasuuvoq. Utoqqarnik paaqqutarinniffiit immikkoortortaanni aamma ulluunerani neqeroorutini ajornartoortoqarsinnaaneranut peqqumaataasivimmik taamaallaat pissamaateqartoqassaaq. Taamaalilluni qitiusumik peqqumaataasivik angallassinissatullu aaqqiissutit pisiortorfittut isumaqatigiissuteqarfigineqartumit akisussaaffigineqartussaq Nuummi inissisimasoq neqeroorutigineqassaaq.

6. Tunngaviusumik isumaqatigiissut/isumaqatigiissut
Isumaqatigiissut neqeroorutigineqartoq sinaakkutaasumik isumaqatigiissutaavoq/isumaqatigiissutaavoq, Kommuneqarfik Sermersuumi suliarineqartoq aamma illua´tungeriinnit tamanit atsiorneqartussaq. Isumaqatigiissut oktoberip 1-aanit 2021 septemberip 30-anut 2024 atuutissaaq 2 x 1 ukiut sivitsorneqarsinnaanera periarfissaassaaq. Periarfissaq taanna kingusinnerpaamik juulimi 2024 oqaluuserineqassaaq.

Kommuneqarfik Sermersooq ataatsimik isumaqatigiissuteqassalluni siunertaqarpoq.

7.  Sinaakkutaasumik isumaqatigiissummik / isumaqatigiissummik tunniussineq
Sinaakkutaasumik isumaqatigiissut / isumaqatigiissut neqerooruteqartumut aningaasatigut iluaqutaanerpaamik akit, immikkoortitikkat, pitsaassutsit sullissinerlu eqqarsaatigalugit pitsaanerpaanik neqerooruteqartumut tunniunneqassaaq. 

8. Neqeroortitsinermut killissarititaasoq
Neqeroorut tunniunneqassaaq kingusinnerpaamik septemberip 6-ngat 2021 nal 12.00 kitaani nalunaaqutaq naapertorlugu.

Neqeroorut ilisarnaaserneqassaaq: “Allakkerisoqarfimmit allagaq ammarneqassanngilaq”

Neqeroorutinik ammartuinerni najuuttoqassanngilaq. Neqeroorut mailikkut nassiunneqarsinnaavoq; udbud@sermersooq.gl, namminerluunniit tunniunneqarsinnaavoq.

Piffissaliussap iluani neqeroorutit tunniunneqanngitsut itigartitsissutigineqassapput, aamma naliliinermi ilaatinneqassanngillat.

Neqeroorut ilanngussanik aamma nioqqutissanut neqeroorutigineqartunut quppersakkanik attuumassuteqartunik ilaqartinneqassaaq. Akit pillugit ilanngussaq atsiorneqassaaq.

Kommuneqarfik Sermersuumi NON FOOD-inik (nerisassaanngitsunik) neqerooruteqarneq pillugu immersuiffissaq uani aasinnavat