Food-imi piumasaqaatinik ersarissaaneq

Inuussutissanut piumasaqaatit – Ajortunngujaassuseq, Nammineq Nakkutilliineq, Poortuutissalersuineq aamma Nalunaaqqutsersuinermut piumasaqaatit.

Pisiortortarnermut allaffik aamma immikkoortortat pisiniarnermik suliallit piumasaqaatigaat, inuussutissat peqqinnartut tunisassiortumit Nuummi pisiniartumut imaluunniit Kommuneqarfik Sermersuup iluani najukkamut allamut sapinngisamik pitsaanerpaamik sukkanerpaamillu tunniussisarnissaat taamaaliornikkut kommunimut aamma pisiniartumut nalimik annerpaamik pilersitsisoqarsinnaaqqullugu. 

Taamaaliornikkut tunisassiortumit nioqqutissanik sunilluunniit tunniussinermi akuissuseq annerpaaq qulakkeerneqassaaq, nioqqutissat atorneqarsinnaasutut piareersimasut pingaartumik paarnat/naatitat nioqqutissallu nutaat allat ilanngullugit.  Nioqqutissanik tunniussinerit igitsinernik kinguneqanngitsut qulakkeerneqassapput, taamaaliortoqassaaq tunniussinerit sioqqullugit asuliinnartitsinissaq pinaveersaarniarlugu tunisassiortumit pitsaassutsip nakkutilliiffigineqarneratigut.   Pisiortortarnermut Allaffimmit tamanna malittariuarneqassaaq pisiortorfinnik aamma immikkoortortat pisiniarnermik suliallit nakkutilliilluni pulaartarnerisigut. 

Inuussutissanik peqqinnartunik nutaanillu pisisarnissaq qulakkeerumallugu Nammineq Nakkutilliinermut, Poortuinermut aamma Nalunaaqqutsersuinermut tulliuttut atuutissapput, aamma tulliuttut Ajortunngujaassuseq pillugu anguniarneqarumapput:

Piffissami Nuummi nioqqutissanik tunniussinermi ajortunngujaassutsimut piumasaqaat minnerpaaffissaat:

Immuk, immunnik nerisassiat aamma punneq: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Nioqqutissat nillataartitassat aamma akoorneqanngitsut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Manniit aamma immussuit: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Paarnat aamma naatitat qalipaatai ima allanngortigisimassanngillat illinnaassillutik.

Nammineq nakkutilliinissamut/poortuinermut piumasaqaatit minnerpaaffissaat Nuuk:

Nioqqutissat nillataartut:

Uninngatitsinermi, angallassinermi aamma tunniussinermi kissassutsimut piumasaqaatit tulliuttut atuutissapput:

· Naatitat aggugassat 2 aamma 5 gradit akornanni kissassuseqassapput.

· Neqit aserortikkat akoorneqanngitsut annerpaamik gradit 2.

· Neqit allat akoorneqanngitsut 3-4 gradinik kissartigissapput

· Aalisakkat nutaat akoorneqanngitsut 0-2 gradit akornannut qeritinneqassapput Aalisagaq tamarmi sikunik qallerneqassaaq.

· Aalisakkat nutaat suliarineqarsimasut 2-5 gradit akornanni kissassuseqassapput

· Nioqqutissat nillataartitassat sinneri 5 gradit imaluunniit nillernerusut

Nioqqutissat tamalaat
Tunisassiortumit kissassusissatut/uninngatitsinissamut innersuussutigineqartoq annerpaaq naapertorlugu uninngatitsisoqassaaq.

Tasiilami nunaqarfiinilu aamma Ittoqqortoormiini nunaqarfiinilu umiarsuakkut nioqqutissanik nassiussinermi piffissami tunniussinermi ajortunngujaassutsimut piumasaqaatit minnerpaaffissaat:

Qerisut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup pingasunik sisamararterutaanik 3/4 sivisussuseqassaaq.

Immuk, immunnik nerisassiat aamma punneq: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup pingasunik sisamararterutaanik 3/4 sivisussuseqassaaq.

Nioqqutissat nillataartitassat aamma akoorneqanngitsut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup pingasunik sisamararterutaanik 3/4 sivisussuseqassaaq.

Manniit aamma immussuit: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup pingasunik sisamararterutaanik 3/4 sivisussuseqassaaq.

Paarnat aamma naatitat qalipaatai ima allanngortigisimassanngillat illinnaassisimallutik.

Kitaani Paamiuni nunaqarfiinilu aamma Tasiilami nunaqarfiinilu kiisalu Ittoqqortoormiini nunaqarfiinilu timmisartukkut nioqqutissanik nassiussinermi piffissami tunniussinermi ajortunngujaassutsimut piumasaqaatit minnerpaaffissaat:

Qerisut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Immuk, immunnik nerisassiat aamma punneq: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Nioqqutissat nillataartitassat aamma akoorneqanngitsut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Manniit aamma immussuit: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Paarnat aamma naatitat qalipaatai ima allanngortigisimassanngillat illinnaassisimallutik.

Kitaani Paamiuni nunaqarfiinilu umiarsuakkut nioqqutissanik nassiussinermi piffissami tunniussinermi ajortunngujaassutsimut piumasaqaatit minnerpaaffissaat:

Qerisut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Immuk, immunnik nerisassiat aamma punneq: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Nioqqutissat nillataartitassat aamma akoorneqanngitsut: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Manniit aamma immussuit: Nioqqutissap ajortunngujaassusia sinneruttoq minnerpaamik piffissap ajortunngujaassutsip tamakkiisup affaanik sivisussuseqassaaq.

Paarnat aamma naatitat qalipaatai ima allanngortigisimassanngillat illinnaassisimallutik.

Najukkanut tamanut ataatsimoorussaq:

Ajortunngujaassuseq:

Qulaani taaneqartut pissutsit tunisassiortunut imaluunniit illuatungerisamut iluanaaruteqartumut tunngassutillit pissutigalugit eqquutinneqarsinnaanngippata, taassuma minnerpaamik qulakkiissavaa, nioqqutissap atorneqarani immikkoortortani uninngasuutigineqarsinnaaneratut naatsorsuutigineqarsinnaasup naapertuuttumik sinneruttumik  ajortunngujaassuseqarsinnaanera –Nuummi imaluunniit najukkani allani uninngasuuteqarnermi tamani attuuttumi.

Tunisassiortumit qulakkeerneqassaaq qaammatit pingasut ingerlareerneri tamaasa tunisassiat assigiinngitsut akornanni tunisassiortut isaannit tunisassiat ajortunngujaassusiannut aarlerinaateqarsinnaasut “nikerarnerpaat” pillugit paasissutissanik nassiussisassalluni. Taamaaliornikkut uagut ilisimatinneqartassaagut ajortunngujaassutsit aarlerinaateqarsinnaasut killiffii pillugit, taamatuttaaq naammagittaalliornernik pisariaqanngitsunik pinngitsoortitsisinnaalluta.

Poortuutissalersuineq
Tunisassiortup tunisassiat ima poortuutissalersussavai Suliffeqarfimmut tunniunneqarnerminni aserorsimanatik illersorneqarsinnaasumillu issuseqassasut.

  • Karsit/qillertuusat aporsimassanngillat imaluunniit imillunneqassanngillat soorluttaaq naatitat asiusimasut/oqussimasut karsinit/puussianit piiarneqarsimassapput.
  • Poortuutissat tamarmik ipeqassanngillat illersorneqarsinnaasumillu eqqiluissuseqarlutik.  Poortuutissat inuussutissanut atorneqarsinnaasutut akuerisaasimassaaq uppernarsaqquneqarpallu uppernarsaatissaq saqqummiunneqarsinnaassaaq.

Poortuutissaq nioqqutissanut ataasiakkaanut atorneqartoq PVC-mik  AKOQASSANNGILAQ, soorluttaaq akoorutissanik EU-mit aamma/imaluunniit Avatangiisinut aqutsisoqarfiup akoorutissatut kissaatiginngisatut allassimasuutaanut ilaassanngilaq aamma qaqugukkulluunniit inatsisinut atuuttunut naammassinnittuussaaq.

Pisiniartup piumasarippagu piumasaqaatinut tamanut uppernarsaatissat saqqummiunneqarsinnaassapput.

Allagartalersuineq aamma nalunaaqutsersuineq
Tunisassiat neqeroorutigineqartut ileqqusanik, nalunaaqqutsersuinermik, uppernarsaasersuinermik il il inatsisinik atuuttunik naammassinnissapput taamaalillutik tunisassiat Kalaallit Nunaanni tuniniarneqarsinnaanerat atorneqarsinnaanerannullu inatsisinik malinnissinnaaqqullugit.

Nuuk aggustip sisamaat 2021