Tasiilami Najukkamik Ataatsimiititaliaq

Immikkoortortaqarfiit
Najukkami Ataatsimiititaq Tasiilaq
Date
11. February 2020 -
Qulequtaq
Saqqaa

Suliassamik saqqummiussaq

Tasiilami Najukkamik ataatsimiititaliami ilaasortat:

Siulittaasoq, Ole J. Lundblad

Siulittaasup tullia, Ole Núko

Ilaasortaq, James O. Ignatiussen

Ilaasortaq, Harald Amagtangneq (Peqataanngilaq/napparsimavoq)

Ilaasortaq, Malik Davidsen

Ilisimatitsissutit

Suliassamik saqqummiussaq

A: Sanarfarnermut Avatangiisinullu Ingerlatsivimmiit allakkat Arealtildeling – Nunaminertamik tunineqarneq. Tasiilap qinnguaniittussaq akuerineqarnera.

Ilanngussaq 1: Allakkat Nunaminertamik tunineqarneq.

 

B: Tasiilami tamakkiisumik pilersaarut 2020. Kommuneqarfik Sermersuumiit Illoqarfimmik Inerisaanermut Immikkoortortaqarfimminngaaneersoq.

Ilanngussaq 2: Tasiilami tamakkiisumik pilersaarut 2020.

2A:

Illuaqqamik sanasussaq Bianco Mikaelsen saaffigineqassaaq aasarpat suliarinissaa aallartinnissaanik. Illuaraq qanoq atorneqassanersoq malittarisassat il.il. tikinneqaqqikkumaarpoq. Pequtissai siniffiit (briksit) sanasoqarnissaanik Piorsaavimmut saaffiginnissuteqassaagut

 

2B:

Najukkami ataatsimiititaliap pilersaarut misissornerani iliveqarfissaq ilanngunneqarsimannginnera amigaatigivaa. Taamaattumik siunnersuut nassiunneqassaaq ulloq 24/2-2020 nallertinnagu. Najukkami ataatsimiititaliaq arlaannik eqqaasissagaluaruni siunnersuummut ilannguttussamik nalunaaruteqassapput.

Josef Tarrak Petrussen qinnuteqaataa

Suliassamik saqqummiussaq

Josef Tarrak kissaateqarpoq Kalaallit Nunaat angalaniarlugu Tasiilami kiisalu Kulusumi isiginnaartitseriarnissaminik ataataqannginneq pillugu. Taamaalilluni Katuaq aningaasanik 70.000 kr.-inik qinnuteqarpoq angalanissaat, nassataat kiisalu Tasiilami najugaqarnissaminnik atugassaminnik.

Inassuteqaat

Allattoqarfimminngaaniit innersuussutigineqarpoq qinnuteqaat itigartinnissaanik akisuallaaqimmat, Najukkamik ataatsimiititaliap aningaasaliissutissai illoqarfitsinni atugassatut innersuunneqarmata.

Itigartinneqarput.

Josef & Nick qinnuteqaataat

Suliassamik saqqummiussaq

Josef Lund Josefsen nutaamik misiliilluni pop-imik Nick Poulsen peqatigalugu tusarnaartitsinissaminnik 24. Maj 2020 aningaasanik 20.000 kr.-nik qinnuteqarput.

Inassuteqaat

Allattoqarfimminngaaniit innersuussutigineqarpoq qinnuteqaaat itigartinnissaa. Januar-imi Josef Lund Josefsen-ip qinnuteqaataa billetsip nalinga akuersissutigineqareermat.

Itigartinneqarput.

Katersugaasiviup qinnuteqaataa

Suliassamik saqqummiussaq

Katersugaasiviup atuakkanik atorniartarfittaarnissaminik tunumiut atuagaataannik kulturikkut oqaluttuat atortorissaarutinik 13.816 kr.-inik qinnuteqarpoq.

Inassuteqaat

Allattoqarfimminngaaniit innersuussutigineqarpoq qinnuteqaat itigartinneqartussaq. Pissutigalugu immikkoortortaqarfiup nammineq ukiumut tamakku aningaasaliissutissat immikkoortittartussaagamikku.

Itigartinneqarput.

Lana Hansen-ip qinnuteqaataa

Suliassamik saqqummiussaq

Lana Hansen suleqatigiinnissamik suliniummut Inuusuttut kulturikkut illussaannut Tasiilami silap allanngoriartornera kiisalu atoqqiinissamik, meeqqanut inuusuttunillu sammitillugu suliaqarnissaminik angalanissaminut ullormusiussat aningaasartuutit 40.945 kr.-inik qinnuteqarpoq.

Inassuteqaat

Allattoqarfimminngaaniit innersuussutigineqarpoq qinnuteqaat itigartinneqartussaq. Pissutigalugu aningaasaateqarfinnut immikkoortortaqarfimmuluunniit qinnuteqarsinnaammat.

Itigartinneqarpoq.

Blå kors-it qinnuteqaataat

Suliassamik saqqummiussaq

Blå kors aallartisarniarneranut kaffi, tii kaageeqqanik qinnuteqarput.

Inassuteqaat

Inassutigineqarpoq akuerineqarnissaannik anguniakkami ilaammata.

Akuerineqarput.

Taasariaqartut allat

Suliassamik saqqummiussaq

Innuttaasunik ataatsimiititsinissaq ulloq 25/2-2020 kinguartippoq uge 13-imut. Ulloq 25/2-2020 UNESCO pillugu innuttaasunik ataatsimiitsisoqalernera pissutigalugu.

Inuuttaasunik ataatsimiititsinissami sammineqartussat uge 13-imi aalajangerpaat:

Najukkami ataatsimiititaliap inissititernerat.

Najukkami ataatsimiititaliap suleriaasia, qinnuteqaatit il.il.

Illuarassaq aasaru sananeqartussaq nalunaarutigalugu.

Innuttaasut aperigalugit sunik eqqartuerusunnersut, kiisalu tullissaanimut innuttaasunik ataatsimiititseqqilernermi arlaannik qulequttamik eqqartuerusunnersut aperineqassapput.

Søren aamma Pernille “Tasiilami suleqatigiippugut”-mi suliniuteqartut nal. marlunut ataatsimeeqatigineqarput. Ukiup affaani suliaminnik angusimasaannik saqqummiipput. Saqqummiinerminnik angusaqarsimaqaat innuttaasut suliffeqarfiillu oqaloqatigisarnerini Tasiilami ajornartorsiutit taakkartorpaat attaveqaatit arriippallaarneri, inissaaleqineq, suliffissaaleqineq il.il Kiisalu eqqaavaat qallunaat nunaanninngaaniit peqqissaasut marluk kinguaassiutit pillugit siunnersuiartortussat maani Tasiilami inuusuttuaqqanut. Siunertarineqarluni inuusuttuaqqat siunnersorneqareerpata taakku meeqqat atuarfianni meeqqanut inuusuttuaqqanillu nammineq oqaatsivut atorlugit kiisalu Tasiilami pisut misilittakkat ilisimasat malillugit siunnersuisalissallutik. Uge 13-imi tikeqqippata Najukkami ataatsimiititaliaq peqatigalugu innuttaasunik ataatsimiititsiniarput. Tassani innuttaasuniit siunnersuutit pitsaasut, suleqatigiissitaliornissaq, meeqqat inuusuttuaqqallu paarilluarnerulernissaat anguniarlugu.

 

Imaqarniliap akuersissutigineqarnera

Suliassamik saqqummiussaq

Tasiilami Najukkamik ataatsimiititaliami ilaasortat:

Siulittaasoq, Ole J. Lundblad

Siulittaasup tullia, Ole Núko

Ilaasortaq, James O. Ignatiussen

Ilaasortaq, Harald Amagtangneq (Peqataanngilaq/napparsimavoq)

Ilaasortaq, Malik Davidsen