Tasiilami Najukkamik Ataatsimiititaliap inissititernermi ataatsimiinnerat

Immikkoortortaqarfiit
Najukkami Ataatsimiititaq Tasiilaq
Date
4. February 2020 -
Qulequtaq
Saqqaa

Suliassamik saqqummiussaq

Tasiilami Najukkamik Ataatsimiititaliami ilaasortat:

Harald Amagtangneq

Ole Núko

Ole J. Lundblad

James O. Ignatiussen

Malik Davidsen (Peqataanngilaq)

Ilisimatitsissutit

Suliassamik saqqummiussaq

Soqanngilaq.

Siulittaasumik qinersineq

Suliassamik saqqummiussaq

Najukkami Ataatsimiititaliat ileqqoreqqusaat § 6 naapertorlugu inissititerneq ingerlanneqassaaq.

Siulittaasumillu qinersinermi inatsisitigut tunngavissaq imaappoq:

 

Ҥ 6. Ataatsimiitiitaliap ataatsimeerngaarnissaanut ilaasortaq angajulleq (utoqqaanerpaaq) aggersaassaaq.

Imm. 2. Ilaasortat akornannit Najukkami Ataatsimiititaliap siulittaasussaa ataatsimeerngaarnermi amerlanerpaanik taaneqartoq siulittaasunngussaaq. Ataatsimiinneq ilaasortamit angajullerpaamit (utoqqaanerpaaq) aquneqassaaq. Siulittaasoq qinerneqarniareeriarpat siulittaasup tullia ilaasortat akornannit qinerneqassaaq, taannalu siulittaasup peqannginnerani siulittaasuusassaaq.

Imm. 3. Siulittaasutut siulittaasullu tulliatut qinerneqartoq naaggaarsinnaatitaavoq.

Imm. 4. Siulittaasoq siulittaasulluunniit tullia ilaasortaajunnaarpat atuuffiup sinnerani atuuttussamik nutaamik ilaasortat akornanni qinersisoqassaaq”.

 

Siulittaasussatut qinerneqarpoq Ole Lundblad.

Siulittaasup tullianik qinersineq

Suliassamik saqqummiussaq

Najukkami Ataatsimiititaliat ileqqoreqqusaat § 6 naapertorlugu inissititerneq ingerlanneqassaaq.

Siulittaasumillu qinersinermi inatsisitigut tunngavissaq imaappoq:

 

Ҥ 6. Ataatsimiitiitaliap ataatsimeerngaarnissaanut ilaasortaq angajulleq (utoqqaanerpaaq) aggersaassaaq.

Imm. 2. Ilaasortat akornannit Najukkami Ataatsimiititaliap siulittaasussaa ataatsimeerngaarnermi amerlanerpaanik taaneqartoq siulittaasunngussaaq. Ataatsimiinneq ilaasortamit angajullerpaamit (utoqqaanerpaaq) aquneqassaaq. Siulittaasoq qinerneqarniareeriarpat siulittaasup tullia ilaasortat akornannit qinerneqassaaq, taannalu siulittaasup peqannginnerani siulittaasuusassaaq.

Imm. 3. Siulittaasutut siulittaasullu tulliatut qinerneqartoq naaggaarsinnaatitaavoq.

Imm. 4. Siulittaasoq siulittaasulluunniit tullia ilaasortaajunnaarpat atuuffiup sinnerani atuuttussamik nutaamik ilaasortat akornanni qinersisoqassaaq”.

 

Siulittaasup tullersortissaattut Ole Nuko qinerneqarpoq.

Ukioq 2020 ataatsimiiffissat

Suliassamik saqqummiussaq

Suliassamik eqikkaaneq:

Ukiup ingerlanerani pisussat allattorsimaffiani ersarissumik takuneqarsinnaavoq ataatsimiiffissat aamma suliassat suut pingaarnerit qaqugu naammassineqarfissai. Ukiup ingerlanerani pisussat allattorsimaffiat Najukkami Ataatsimiititaliap akuerippagu taanna ataqatigiissaarisumut nassiunneqassaaq.

Inassuteqaat: Soqanngilaq.

Suliassamik saqqummiussineq:

Ukiup ingerlanerani pisussat allattorsimaffiat

Ukiup ingerlanerani pisussat allattorsimaffiani ersarissumik takuneqarsinnaavoq ataatsimiiffissat aamma suliassat suut pingaarnerit qaqugu naammassineqarfissai. Ukiup ingerlanerani pisussat allattorsimaffiat Najukkami Ataatsimiititaliap akuerippagu taanna ataqatigiissaarisumut nassiunneqassaaq.

Inissititerluni ataatsimiinneq

Najukkami Ataatsimiititaliat ileqqoreqqusaat § 6 naapertorlugu inissititerneq ingerlanneqassaaq, aamma tassani ataatsimiinnermi, ukiup ingerlaasissaa akuerineqassaaq. Tassani pineqarput ukiumut ataatsimiiffissat ullui, kiisalu ukiup ingerlanerani suliassatut pilersaarutit pingaarnerit.

Missingersuusiorneq

Najukkami Ataatsimiititaliamut ileqqoreqqusani § 5-imi allassimavoq:

Imm. 5. … Najukkami ataatsimiititaliaq agguaattagassatut aningaasaliissutinut ukiumut tulliuttumut siunnersuutinik nassiussissaaq, qaammat apriili naatinnagu. Agguaanneqartussatut siunnersuutit siunertaat- pitsaassusaallu qularnaarniarlugu Borgmesterip Allatseqarfianut nassiunneqassaaq, Aningaasaqarnermullu Ataatsimiititamit akuerineqassalluni. Aammattaaq Najukkami Ataatsimiititaliap qaammatip naannginnerani qaammatikkaartumik akiligassat bankimut- karsimut bilagit tamaasa, Najukkami Ataatsimiititalianut ataqatigiissaarisumut nassiuttassavai siunertaralugu agguaanneqartussatut aningaasaliissutit qanoq atornerinut uppernarsaatinik tunniussinissaq.”

Qaammatikkaartumik takussutissanik nassiussisarneq

Qaammatikkaartumik akiligassat bankimut, karsimut bilagit tamaasa nassiunneqartassapput. Nassiussat qulequtarissavaat: Qaammatikkaartumik aningaasartuutinut takussutissat. Ilanngullugit takuneqarsinnaassaapput %-inngorlugu puljemit qanoq annertutigisut aningaasartuutigineqarsimanersut aamma aningaasartuutit sumut atorneqarsimaneri nassuiarneqarsimassallutik. Takussutissiinerup nassiutinnginnerani immersugassaq Najukkami Ataatsimiititaliap siulittaasuannit atsiorneqarsimassaaq.

Aningaasat immikkoortitat sumut atorneqassappat?

Agguaatassatut aningaasaliissutit aaqqissuussanut imigassallerfiusunut atorneqartassanngillat. Najukkami Ataatsimiititaliamut immikkoortitat inatsisitigut pisussaaffiliinerit iluanni atorneqassapput. Taamaattumik pingaaruteqarpoq siunnersuutigineqartut Najukkami Ataatsimiititaliamit aalajangiiffigineqannginnerminni, kommunemi ingerlatsivinnit siunnersuutit inatsisitigut pisussaaffiliinernut naapertuunnersut qulakkeerteqqaartassallugit.

Najukkami Ataatsimiititaliamut ileqqoreqqusani § 5-imi allassimavoq:

Aningaasanik agguaassisarnermi makkua eqqarsaatigineqassapput:

  • Aaqqissuussat, sumiiffinni najugaqartunut ataatsimoornerulersitsisut inooriaatsimillu ilorraap tungaanut saatitsisinnaasut.

  • Aaqqissuussat, oqaloqatigiinnermik attaveqaqatigiinnermik illoqarfigisami sumiiffiit inuinut, atuisunut, suliffeqarfinnut, ukiut, suminngaanneerneq allatigullu assigiinngissuteqarnerit apeqqutaatinnagit suleqatigiiffiullutillu pilersitsiffiusut.

  • Aaqqissuussat, illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu utoqqaat, meeqqat, angajoqqaat imaluunniit ataatsimoorfiusartut arlaatigut anguniagaqarlutik pitsaanerulersitsinissaq anguniarlugu sulissuteqartartut.

  • Aaqqissuussat neqeroorutillu kulturikkut, nipilersornikkut, timersornikkut eqqumiitsuliornikkut sunngiffimmilu sammisassaqartitsinikkut siunertarineqartut pitsaanerulersinnissaannut ineriartortinneqarnissaannullu tunngassuteqartut.

  • Agguaanneqartussatut aningaasaliissutit aamma tusarniaassutinut tamanut ammasumik ingerlatitassanut, workshops-inut, suliniutinut, aaqqissukkanut allanut sulianulluunniit Najukkami Ataatsimiititaliap pilersitaanut atorneqarsinnaapput

     

Peqatigiiffiit, suliniutillit allat immikkoortitanut qinnuteqarnersinnaaneri

Najukkami Ataatsimiititaliap aalajangersinnaavaa peqatigiiffiit imaluunniit suliniutillit allat immikkoortitanut qinnuteqarsinnaasut. Taamaaliortoqassappat qinnuteqartunut malittarisassaliortoqassaaq, makkulu eqqumaffigineqartariaqarput:

  • Ukiumut tulliuttumut aningaasanut missingersuutit apriilip qaammataa naatinnagu nassiunneqarsimassammata – tassunga ilanngunneqarsinnaallutik, Najukkami Ataatsimiititap qinnuteqartut akuerineqartuussangatitat missingersorneri, ass. Missingersorneqarsinnaassaaq 30000 qinnuteqartunut immikkoortinneri.
  • Immikkoortitat imigassallerfiusunut atorneqassannginneri.
  • Qinnuteqartut erseqqissumik pilersaarutaat allaaserineqarsimanissaat

Qinnuteqartoqassappat, qinnuteqaatit malittarisassat qulaani taaneqartut saniatigut qinnuteqartunut eqqumaffigisassat aalajangiunneqartariaqarput:

  • Ullut qinnuteqarfissat
  • Suliniutit siunertanut naapertuunnissai – ass. Suliniutip allaaserinissaanut piumasaqaatit (projektbeskrivelse), missingersuutit (budget) il.il.
  • Suliniutit ingerlanneqarneri tamanut ammasuunissai
  • Suliniutinut ingerlataareersunut qinnuteqartoqarsinnaanngimmat
  • Kommunep ingerlataanut aningaasaliisoqassanngimmat

Taamaattumik pingaaruteqarpoq Najukkami Ataatsimiititaliap qinnuteqarnissamut immersuiffissamik ilusiliinissaa, tassanilu ilaassapput projektbeskrivelse suliniummullu aningaasartuutissat. Piumasaqaasiornermi isumassarsiorfigineqarsinnaasut ilagaat:

http://www.noerrebrolokaludvalg.kk.dk/

Aningaasaliissutit qaqugukkut atorneqarsinnaalertarpat?

Aningaasaliissutit atorneqarsinnaanngortarput Kommunalbestyrelsip missingersuutit akuerereeraangagit. Najukkani Ataatsimiititalianut ataqatigiissaarisup nalunaarutigissavai siunnersuutit sorliit akuerineqartut, qanorlu aningaasaliissutit annertutiginersut.

 

Ataatsimiiffissat uku siunniunneqarput:

14. januar, 11. februar, 10. marts, 6. april, 12. maj, 9. juni, 11. august, 8. september, 6. oktober,

10. november kiisalu 8. december 2020.

Innuttaasunik Ataatsimiisitsisarnissaq ukioq 2020

Suliassamik saqqummiussaq

Malittarisassat malillugit, ukiumut minnerpaamik sisamaria innuttaasunik ataatsimiisitsisarnissaq ingerlanneqartassaaq.

Innuttaasunik ataatsimiisitsisarnissat ulluliussat ukuupput:

25/2-2020 aamma 21/4-2020 aamma 22/9-2020 aamma 17/11-2020 nereqatigiinnittalimmik.

Kiisalu naggataagut makitsinertalinnik innuttaasut amerlusuut takkunnissaat anguniarlugu.

Taasariaqartut allat

Suliassamik saqqummiussaq

Soqanngilaq.

Imaqarniliap akuersissutigineqarnera

Suliassamik saqqummiussaq

Tasiilami Najukkamik Ataatsimiititaliami ilaasortat:

Siulittaasoq, Ole J. Lundblad

 

Siulittaasup tullia, Ole Núko

 

Ilaasortaq, Harald Amagtangneq

 

Ilaasortaq, James O. Ignatiussen

 

Ilaasortaq, Malik Davidsen (Peqataanngilaq)