Tallimassaanik ileqquusumik ataatsimiinneq

Immikkoortortaqarfiit
Kommunalbestyrelsi
Date
9. January 2018 -
Qulequtaq
Saqqaa

Suliassamik saqqummiussaq

<p>Maluginiagassaq: ataatsimiinneq oqarasuaatikkut ingerlanneqassaaq.</p> <p>&nbsp;</p> <p><strong>Ilaasortat</strong></p> <p>Asii Chemnitz Narup (IA)</p> <p>Malene Lynge (IA)</p> <p>Charlotte Ludvigsen (IA)</p> <p>Uju Petersen (IA)</p> <p>Harald Bianco (IA)</p> <p>Inge Olsvig-Brandt (IA)</p> <p>Rasmine Geisler (IA)</p> <p>Knud Mathiassen (IA)</p> <p>Henrik Rachlev (IA)</p> <p>Nivi Olsen (D)</p> <p>Randi Vestergaard Evaldsen (D)</p> <p>Justus Hansen (D)</p> <p>Mala H&oslash;y K&uacute;ko (S)</p> <p>Peter Davidsen (S)</p> <p>Thiiooq Knudsen (S)</p> <p>Ane Egede Math&aelig;ussen (S)</p> <p>Jens Kristian Berthelsen&nbsp;(S)</p> <p>Rolf Pike (S)</p> <p>Laura T&aacute;unajik (S)</p> <p>&nbsp;</p>

Knud Mathiassen (IA) napparsimalluni ataatsimiinnermi ilaasinnaanngimmat Storm Ludvigsen (IA) aggersarneqarsimavoq.

Jens Kristian Berthelsen (S) ataatsimiinnermut ilaasinnaanngimmat Lars Poulsen (S) aggersarneqarsimavoq.

Sinniisussat tamaasa akuerineqarput.

Oqaluuserisassat akuerineqarnerat

Suliassamik saqqummiussaq

Oqaluuserisassat akuerineqarput.

Nalunaarutit

Suliassamik saqqummiussaq

<p>2A. Borgmesterimit</p> <p>2B. Ataatsimiititanit ataavartunit</p>

2A. Borgmesterimit Asii Chemnitz Narup-imit nalunaarutit.

  1. Ulloq 24. novembarimi borgmesterip Islandip Generalkonsulia ataatsimeeqatigivaa. Kulturimut tunngasuni suleqatigiissutaasinnaasut ataatsimiinnermi eqqartorneqarput.
  2. Ulloq 27. novembarimi Tunumi inuussutissarsiornermut periarfissat pillugit borgmesterip Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq, Hans Enoksen, ataatsimeeqatigaa.
  3. Ulloq 1. decembarimi borgmesteri nunani tamalaani "The SDG’s in the Arctic: Local and Global Perspectives” pingaarnertut qulequtaralugu ataatsimeersuarnissamut danskit nunanut allanut naalakkersuisuanit, Anders Samuelsenimit, Nunanut Allanut, Namminiilivinnermut Nunalerinermullu Naalakkersuisumit, Suka K. Frederiksenimit aamma Savalimmiuni niuernermut nunanullu allanut naalakkersuisumit, Poul Michaelsenimit qaaqquneqarpoq.
  4. Ulloq 4. decembarimi Københavnimi Danmark tamakkerlugu katersugaasiviit pisortaanerat, Rane Willerslev, borgmesterimit ataatsimeeqatigineqarpoq. Rane Willerslev professoriuvoq, ilisimatooq, angalatooq, oqalugiartartoq atuakkiortorlu. Taassuma ilaatigut "tænk vildt" atuakkiarivaa, taannalu ilaatigut kattuffinni angisuuni nutaaliornermut, paasisimasanut aqutsinermullu allatullu iliorluni periuseqartarnermut tunngassuteqarpoq
  5. Ulloq 11. aamma 12. decembarimi borgmesteri Nuummi atuarfiit pisortaat isumasioqatigiisinneqarmata peqataavoq. Ullut taakku marluk atorlugit kommunimi atuarfiit pisortaat Meeqqanut Atuarfeqarnermullu Ataatsimiititamut ilaasortat borgmesterilu oqaloqatiginissaannut periarfissaqartinneqarput. Ilaatigut ingerlatsivimmit saqqummiussisoqarpoq kiisalu soqutigisaqaqatigiinnit ilisimatuutut misissuinermi angusat, meeqqat atuarfianni pitsaassuseq angajoqqaanillu suleqateqartarneq sammineqarlutik. Meeqqanut Atuarfeqarnermullu Ingerlatsivik aaqqissuisuuvoq.  
  6. Ulloq 12. decembarimi Sermersuup Inuussutissarsiornermut Siunnersuisoqatigiivinit inuussutissarsiornermut misissueqqissaarneq tamanut saqqummiuppaat. Siulersuisuni siulittaasuujunnaartussap Martin Sandy Shalmip aamma suliniummut aqutsisup Lars Barselajip kommunalbestyrelsip ataatsimiittarfiani inuussutissarsiornermut misissueqqissaarneq saqqummiuppaat.
  7. Ulloq 15. decembarimi Sermersuup Inuussutissarsiornermut Siunnersuisoqatigiinni siulersuisut ataatsimiipput.
  8. Ulloq 19. decembari borgmesterip nunaqarfinni aqutsisut siulittaasuinik qaammatit pingasukkaarlugit ataatsimeeqateqartarnini ingerlappaa. 
  9. Kuummiini aamma Sermiligaami nunaqarfinni aqutsisut siulittaasumik nutaamik qinersipput. Ulloq 5. decembarimiit Anders Sanimuinaq nunaqarfinni aqutsisuni siulittaasunngorpoq
  10. Ulloq 4. januaari borgmesteri suleqatigiinnut politikerinullu Nuummi Eqqumiitsulianik Saqqummersitsivimmi ukiortaami ilassinnippoq.
  11. Ulloq 1. decembari 2017-imi kommuninut, nunaqarfinnut, isorliunerusunut, attaveqaqatigiinnermut ineqarnermullu naalakkersuisoqarfimmit Kommuneqarfik Sermersooq allakkiamik nassinneqarpoq. Allakkiarlu pineqartoq tassaavoq, kommunalbestyrelsimut ilaasortap partiimut allamut nuunnerani ilaatigut kommunimi ataatsimiititami atuuffiit inuttalersortarnerinut qanoq iliortarnerit naalakkersuisoqarfimmit naliliiviginissaanut kommunalbestyrelsimut ilaasortap Peter Davidsenip kissaateqarneranut akissutigisap assilinera.
    (kommunalbestyrelsimut ilaasortap Mala Høy Kúkop Atassummit Siumumut nuunnera innersuussutigalugu) 
  12. Ulloq 5. januaari borgmesteri, kommunaldirektøri peqatigalugu, Peqqissutsimut Naalakkersuisoq, Peqqissutsimut Naalakkersuisoqarfiup pisortaa aamma Allorfiup pisortaa ataatsimeeqatigai, tassani siunertarineqarluni piffissami aalajangersimasumi Tasiilami misiligutitut aanngajaarniutinut tunngasunut qitiusoqarfimmik pilersitsinissaq pineqarpoq. Misiligut piffissap ingerlanerani ingerlanneqassasoq naatsorsuutigineqarpoq, tassa imaappoq qitiusoqarfik 2018-ip aasaanerani pilersinneqassaaq. Piviusunngortitsineq pissaaq Kommuneqarfik Sermersuup Peqqissutsimut Naalakkersuisullu suleqatigiinnerisigut.
  13. Ulloq 6. januaari Katuami timersortartut ulluat nalliussineqarpoq. Timersornikkut nersornaatit arfinillit tunniunneqarput, saniatigullu 2017-imi guldinnattut tamarmik allagartamik nersornaammik tunineqarput.
  14.  Piffissami 15/1 – 5/2 borgmesteri sulinngiffeqassaaq. Borgmesterip sinniisussaa siulleq Nivi Olsen piffissami borgmesteriugallassaaq.
  15.  Ulloq 25. januaari 2017 Ilulissani Hotel Arcticimi Naalakkersuinikkut Ataqatigiissaarisartoqatigiit ataatsimiissapput.  Borgmesterip sinniisussaa siulleq Nivi Olsen borgmesteri sinnerlugu peqataassaaq, Kommunaldirektøri Lars Møller-Sørensen peqatigalugu.

2B. Ataatsimiititanit ataavartunit nalunaarutit

Malene Lynge (IA), Sanarfinermut Avatangiiseqarnermullu Ataatsimiitiami siulittaasoq:

  1. 2019-imut Aningaasanut Inatsisissamut Siunnersuummut Kommuneqarfik Sermersuup sanaartugassanut siunnersuutaanik nassiusseqqusineq piareersaanerlu ingerlatsiviup suliarileruttorpaa. Ukiut siulii assigalugit naatsorsuutigineqarpoq, kommunip kissaatai Namminersorlutik Oqartussanut marsip aallaqqaataata 2018-ip missaani nassiunneqassasut.
  2. Nutaamik aaqqissuussinerup iluarsaatap tassungalu atatillugu kommunimut pilersaarummut tapiliussat 37-it pillugit tusarniaanermut akissuteqaatit akerliliissutillu ingerlatsiviup suliarileruttorpai. Tamassuma suliarinera naammassingajalerpoq, aammalu pilersaarutit pillugit inaarutaasumik politikkikkut suliarineqarnissaat Sanarfinermut Avatangiisiinullu Ataatsimiititami januaarip 22-anni aallartinneqarnissat naatsorsuutigineqarpoq.
  3. Ataatsimiititap angalasarnissai januaarip 22-ianni 2018 eqqartorneqarnissaat naatsorsuutigineqarpoq.

Uju Petersen (IA), Meeqqanut Ilaqutariinnullu Ataatsimiititami siulittaasoq:

  1. Aggustimi 2017-imi Meeqaanut Ilaqutariinnermullu immikkoortortaqarfimmi Kommunalbestyrelsip aalajangiiffigaat killiffiit malinnaaffigineqassasut. Ineriartortitsinermi anguniakkat Deloitte suleqatigalugu suliarineqarput.
  2. Tasiilami immikkoortortaqarfimmi sulisussarsiorneq ajornakusoorpoq.

Charlotte Ludvigsen (IA), Isumaginninnermut Suliffeqarnermullu Ataatsimiititami siulittaasoq:

  1. Decemberip arfineq pingajuanni angutit inuusuttut arfineq pingasut aalisakkerivinni immikkut sulinissamut ilinnialersut modul 1-imi diplominnapput.
  2. Aalisarnermut tunngatillugu ilinniarneq pillugu Inuussutissarsiuinermik ilinniarfik Inuili, ilinniarnerup atuagarsornertaanik ingerlatsisuusoq, aammalu Majoriaq Nuuk ingerlatamut tamakkiisumik akisussaasuusoq, Polar Seafoodaamma Kitaa Seafood sungiusaammik sulinissamut tunngatillugu isumaqatigiissuteqarput. Isumaqaqataanissamut tassunga aamma Royal Greenlandi peqataanissamut neqeeroorfigineqararluarpoq, taamaakkaluartorli Royal Greenland peqataajumasimanngilaq.
  3. Januaarip arfineq pingajuanni Aalborg Kommunemik suleqateqarneq atorlugu Aalborg Kommunemiit pikkorissaasulerlugu utoqqarnik sullissinermi sullitap peqqissusaanik maluginiaaneq pillugu Kommuneqarfik Sermersooq utoqqarnik paaqqutarininnermi sulisorisat ullut pingasut atorlugit pikkorissartinneqalerput.
  4. Januarip aqqarnani  Isumaginninnermi siunnersuisoqarfimmi ikiorsiissutinillu naatsorsuisarfimmi sulisut innuttaasunik pitsaasumi sullissinissamik pikkorissartinneqarnertik, sisamanik immikkoortortalik, naammassivaat. Pikkorissarneq ullut affakkaarlugit, ullut siamat ingerlanneqarpoq.
  5. 24.-28. februar Royal Greenland Tasiilamut sineriammi aalakkeriviutiminnut sulisussarsiorneq siunertaralugu angalaniarpoq.
  6. Piorsaavimmi 9. Januar inuusuttut 14-it ingerlapput, sulilu Piorsaavimmut innersuussinerit ingerlanneqarlutik. Piorsaaviup ingerlanneqarnera Piareersarfimmit ingerlanneqarnikuusoq maannamiit Majoriami ingerlatsiviup pisortaaniit akisussaaffigineqalerneratigut nutaamik aaqqissuussinissat pisariqarnera ersarissisimavoq.

Nivi Olsen (D), Meeqqanut Atuarfeqarnermullu Ataatsimiititami siulittaasoq.

  1. Decemberip ingerlanerani kommunemi meeqqat atuarfiini pisortat Hotel Hans Egede-mi katersuutsinneqarput, tassani ilaatigut eqqartorneqarlutik suliffeqarfimmut pilersaarusiortarneq, unamminartut iluatsittullu eqqartorlutik. Katersuutsitsinermi Meeqqanut Atuarfeqarnermullu Ataatsimiititami ilaasortat Meeqqanut Atuarfqearnermullu Ingerlatsivimmilu sulisut peqataatinneqarput. Islandimiit Islandimi misilittakkat pillugit saqqummiisoqarpoq.
  2. Atuarfinni IPad-it atorlugit atuartitsisarnissamut pilersaarut siuariartoraluttuinnarpoq,   fondit attaveqarfigineqarput pilersaarusiarlu siumut ingerlavoq. Pilersaarut Kommuneqarfik Sermersuumut kisimi atuutinngilaq, nunamulli tamarmut atuulluni.
  3. Meeqqanut Atuarfeqarnermullu Ingerlatsiviup aamma Meeqqanut Ilaqutariinnullu Ingerlatsiviup  aaqqissueqqinnermut atatillugu immikkoortinneqalernerisa kingorna sunniuti pittaasut sunniukkiartuaarput.
  4. Januarimi qeqqata missaani Meeqqani Atuarfqarnmili Ingerlatsivimmi pisortaq atorfilittallu allat NCD Siorarsiorfimminngaanniit paasisassarsiorlutik Danmarkimut angalassapput, tassani meeqqat atuarfiit allallit pulaarneqassallutik aammalu atuartitseriaatsit pillugit paasisassarsiussallutik.
  5. Januarip arfernani “Timersortartut Ulluat” illoqarfinni tamani ingerlanneqarpoq.
  6. Ataatsimiititap qaammatini tulliuttumi atuarfiit meeqqeriviillu pulaassamaarpai.    

 

Ilisimatitsissutit

Suliassamik saqqummiussaq

2017-imi Kommunimi atuarfinni siulersuisunut qinersinerup akuersissutigineqarnera pillugu ilisimatitsissut

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Qinigaaffik 2013-imiit 2017-imut Kommunalbestyrelsimut ilaasortanit siunnersuutit killiffii

Suliassamik saqqummiussaq

Ilisimatitsissutit tusaatissatut tiguneqarpoq. 

Bilagi

Arctic Winter Games 2016-imut naatsorsuutit

Suliassamik saqqummiussaq

Ilisimatitsissutit tusaatissatut tiguneqarpoq. 

Bilagi

Nuna tamakkerlugu pilersaarusiornermut nassuiaat 2017 ”Suleqatigiinneq pisariaqartinneqartoq”

Suliassamik saqqummiussaq

Ilisimatitsissutit tusaatissatut tiguneqarpoq. 

Bilagi

Kommunimut pilersaarummut tapiliussaq 1A6-3 Qaqortoq & Avannarliit Nuuk

Suliassamik saqqummiussaq

Ilisimatitsissutit tusaatissatut tiguneqarpoq. 

Bilagi

Aningaasanik ikisisarluni pinnguaatit pillugit killiffimik nalunaaruteqarneq

Suliassamik saqqummiussaq

Ilisimatitsissutit tusaatissatut tiguneqarpoq. 

Bilagi

Imigassanik aalakoornartortalinnik sassaalliisinnaanermut akuersissutit pillugit killiffik

Suliassamik saqqummiussaq

Ilisimatitsissutit tusaatissatut tiguneqarpoq imannak oqaasertalerlugu:

- sassaalliisinnaanermut akuersissutinik piginnittut aqqi misissoqqinneqassasut nutarsagassaasullu nutarsarneqarlutik.

Bilagi

Tasiilami, Tiilerilaami, Kuummiini, Sermiligaami Kulusummilu imigassaq pillugu inatsimmik malinnittoqarneranik nakkutilliinermut oqartussaasut nalunaarutaat

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Aalajangiiffigisassat

Suliassamik saqqummiussaq

Ataasiaannartumik atuuttussamik akuersissutinik illup iluani piginnaatitsineq

Suliassamik saqqummiussaq

Inassuteqaat akuersissutigineqarpoq.

Kommunimut pilersaarummut tapiliussaq, 1A1-5, Kujallerpaat, Nuuk

Suliassamik saqqummiussaq

Inassuteqaat akuersissutigineqarpoq.

Bilagi

Sermersooq Business Council-imit 2018-imut Inuussutissarsiorneq pillugu pilersaarut

Suliassamik saqqummiussaq

Inassuteqaat akuersissutigineqarpoq.

Bilagi

Suliffeqanngittut sulileqqinnissamullu unittoorsimasut sulilerteqqinniarlugit immikkut suliniutissamut aallartisaanissaq pillugu aalajangiiffigisassatut siunnersuut.

Suliassamik saqqummiussaq

Siunnersuut itigartinneqarpoq imannak oqaasertalerlugu:

- Suliffissaaleqisunut suliniutit pillugit Isumaginninnermut Suliffeqarnermullu Ataatsimiititap tulliani ataatsimiinnerani illoqarfiit assigiinngitsut sulliniutit killiffii tunngavigalugit ilisimatitisissutitut saqqummiunneqassasut 

Taasariaqartut allat

Suliassamik saqqummiussaq

Henrik Rachlev (IA): Paamiuni Aalisartut Piniartullu Peqatigiinnit aningaasaateqarfik pilersinneqarsimasoq pillugu saaffigineqarsimanini pillugu paasissutissiivoq.

 

  

Suliat matoqqasut

Suliassamik saqqummiussaq

6B. Taasariaqartut allat matoqqasut

Laura Táunâjik (S): Innuttaasut ataasiakkaat pillugit qaqitsivoq.

Thiioq Knudsen (S): Paamiuni imminortoqartarnera pillugu qaqitsivoq.

 

6C. Suliaq eqqartuussivimmut sassaqqusissummut pillugu paasissutissiineq.

Ilisimatitsisut tusaatissatut tiguneqarpoq.

Lukket

Suliassamik saqqummiussaq

Imaqarniliap akuerineqarnera

Suliassamik saqqummiussaq

Imaqarniliaq akuerineqarpoq nal. 19.15