Paamiuni Najukkamik Ataatsimiititaliaq

Immikkoortortaqarfiit
Najukkami Ataatsimiititaq Paamiut
Date
23. October 2019 -
Qulequtaq
Saqqaa

Suliassamik saqqummiussaq

Paamiuni Najukkamik Ataatsimiititaliami ilaasortat:

Siulittaasoq, Lucia Møller-Grønvold

Siulittaasup tullia, Ulrik Mathiesen

Ilaasortaq, Jørgen Jakobsen

Ilaasortaq, Jakob Thorsen

Ilaasortaq, Hermann Hegelund
Nalunaarutit

Suliassamik saqqummiussaq

2A: Pavillion narsartamiittussaq suliarineqalerpoq/napparneqalerpoq. 

Tusaatissatut tiguneqarpoq.

Kallerup inneranik atassuserneqarsinnaanersoq misissorneqassaaq, neqeroorummillu piniartoqarluni. Qulleerartassaanik piniartoqareerpoq.
Ukioq 2019-mut aningaasaliissutaasimasunut killiffik.

Suliassamik saqqummiussaq

Ulloq 14 januari 2019 aningaasaqarnermik ataatsimiititaliaq ataatsimiinnerminni ukioq 2019-mut aningaasaliissutissat tamakkiisumik akuersissutigaat, immikkut oqaasertalernagit.

 

Ukioq 2019-mut aningaasaliissutaasut kr. 350.000.- ipput. Aningaasalliissutaasut ulloq 16. oktober 2019 killiffiat imatut isikkoqarpoq.

 

Atugassat:

Atuisimaneq:

Killiffik:

Kr. 350.000.-

230.368,93

119.631,07

 85.363,33 kr jubilæumsfonden-miit pissarsiat ilanngukkaanni, ukiup sinneranut kr. 204.994,40

Taakkunani neqeroorut suli akilerneqanngitsoq ima annertutigaaq: 88.700.- (5.000)

Kr. 2.648,05.- bogføreqqammerput, taakkunani Imarsiornermik ilinniarfimmi aaqqissuussineq, aammalu innuttaasunik ataatsimiisitsineq, ataatsimiinnermilu aningaasartuutaasimasut. 

Ukiup sinneranut sinneruttut: kr. 108.646,35 

 

Tusaatissatut tiguneqarpoq.

Majoriap eqqaaniittussaq pavillion napparneqarnissaa isumagineqassaaq.

Oqaluffiup saavani qulliliinissaq. Taanna kr. 5.000.- tagginneqarpoq. Formandilu pisinnaatitsissummik tunineqarpoq akissaat tiguneqariarpat aalajangiisinnaanngorlugu.

Pavillionip kallerup inneranut aqqusernissaanut neqeroorut aamma ujartorneqassaaq.

 

Bilagi
Nipilersornerup erinarsornerullu silarsuaani "Ukiaanerani unammiuaarneq".

Suliassamik saqqummiussaq

Peter Angunnguaq Mikaelsen suliffiminut atatsillugu, Thomas Pavia Abrahamsen suleqatigalugu, ukiaanerani nipilersornerup, erinarsornerullu silarsuaani tamanut unammisitsiniarpoq, taallugu " Ukiaanerani unammiuaaneq".

Tamannalu tunngavigalugu præmie-ssanik Najukkamik Ataatsimiititaliamut qinnuteqarput.

Najukkamik ataatsimiititaliap kr. 3.000.- tapiisutigerusuppaat, kissaatigalugu akissarsissutissatut agguarlugit tunniunneqassasut, imaasillugit:

1. præmie 1.500 kr.

2. præmie 1.000 kr.

3. præmie 500 kr.

Bilagi
Ukioq 2020-mut aningaasaliissutissanik siunnersuutissat

Suliassamik saqqummiussaq

Ulloq 24. september 2019 Taqqissuummi innuttaasut ataatsimiisinnerani ukioq 2020-mut

aningaasaliissutissatut siunnersuutit katersorneqartut makkuupput:

* "Byfesti"

* Illoqarfik saligaatsoq, ukiumut marloriaq ingerlanneqartassasoq

* Aasiveeraq

* Illoqarfimmi unammiuaartitsineq, soorlu ungasissumut arpatitsineq il.il , illoqarfinni

allanitut ingerlatitsineq

* Qaannamik unammisitsineq (Narsalik uterlugulu)

* Silami issiaviit ilallugit, aamma qaqqani

* Paamiut ukiuni 275 nalliortorsiornera atatillugu eqqaassutissaq ersarinnerulersillugu

* Blokkit igartaat kusasarlugit

* Pinnguartarfik Ulu aserfallatsaalillugu, eqqaanilu allanik pinnguartarfinik ilallugit

* Immami cykkilit ilallugit, pinnguartarfiillu pullattakkat silami atorsinnaasut amerlanerit

* Iliveqarfitoqaq salillugu sanningasullu aserfallatsaalillugit

* Iliveqarfitaami sanningasoq angisooq

* Paamiut "allagartarsuaq" qaqqap qaavani pilersillugu (Soorlu Hollywood)

* Apummik ilusilersuititsineq

* Narsartami ukiuunerani skøjtertarfilerlugu

* Mittarfiup tungaanut tasersuup eqqaa ilaqutariinnut samisaqartitsivittut piorsarlugu,

illuaralerlugu.

 

Ulloq 14. oktober 2019 inuusuttut klubbi Kalaaleq-mi ataatsimeeqatiginerini siunnersuutit makku tiguneqarput:

* Sapaatip akunnerata naanerani Klubbi Kalaaleq ammasalissasoq.

* Skatestreet arsaattarfiup kujataatungaani

* Silami arsaattarfiup anginerup qullilersornissaa

* Skøjtebane

* Nunaqqatigiit unnussioaaqatigiittarnissaat

* Koncert - tusaamasat - Enok Poulsen

* Nuannisarfiup ammasuaannarnissaa ankissarsiaqartitsilluni

* TV/ Radio (lokal) Utoqqaat (Killiffissiorlugit)

* Atuartut / Inuusuttut ataatsimut saamisaqaqatigiittarneri akulikitsut

* Pinnguartarfiit amerlanerusut

* Rundbold tamanut

* Naluttarfik

* Computerit spillertarfiit klubbimi

* Gokart-ertarfik.

 

 

Ukioq 2020-mut aningaasaliissutissatut uku aalajangiunneqarput:

Apummik illuaqqiorluni unammisitsineq:                                            10.000.-

Pinnguartafik ulu aserfallatsaalillugu:                                                 10.000.-

Byfest                                                                                                  70.000.-

Mittarfiup tungaanut,ilaqutariinnut asiartarfik nuannersoq                100.000.-

Illoqarfik saligaatsoq *2                                                                       20.000.-

Silami issiaviit nutaat                                                                           50.000.-

Paamiut ukiuni 275-liinera atatilugu eqqaassutissaq ersarissarlugu  30.000.-

Ileveqarfik salillugu, sanningasut iluarsaallugit                                   10.000.-

Illoqarfiup ikinnera                                                                               25.000.-

21. juni Inuiattut ullorsiorneq                                                               25.000.-

Katillugit                                                                                           350.000.-

               

 
Paamiuni Musik Skole-miit qinnuteqaat

Suliassamik saqqummiussaq

Musik Skole-mi aqutsisoq Enok Poulsen allagaqarpoq, Musik Skole-p initaata akisuavallaarnera tunngavigalugu natsersualernissaanut kr. 10.100.- qinnuteqarluni.

Qinnuteqaat itigartitsissutigineqarpoq, ingerlatsiviup nammineq isumagisinnaammagu.

Bilagi
Tamalaat

Suliassamik saqqummiussaq

Soqanngilaq
Imaqarniliap akuerineqarnera

Suliassamik saqqummiussaq