Paamiuni Najukkamik Ataatsimiititaliaq

Immikkoortortaqarfiit
Najukkami Ataatsimiititaq Paamiut
Date
15. April 2020 -
Qulequtaq
Saqqaa

Suliassamik saqqummiussaq

Paamiuni Najukkamik Ataatsimiititaliami ilaasortat:

Siulittaasoq, Lucia Møller-Grønvold

Siulittaasup tullia, Peter Angunnguaq Mikaelsen

Ilaasortaq, Jørgen Jakobsen

Ilaasortaq, Jakob Thorsen

Ilaasortaq, Hermann Hegelund

Nalunaarutit

Suliassamik saqqummiussaq

Soqanngilaq.

Ukioq 2020-mut aningaasaliissutissat.

Suliassamik saqqummiussaq

Ulloq 12 decemberi 2019 aningaasaqarnermik ataatsimiititaliaq ataatsimiinnerminni ukioq 2020-mut aningaasaliissutissat tamakkiisumik akuersissutigaat, immikkut oqaasertalernagit.

Ukioq 2020-mut aningaasaliissutaasut kr. 350.000.- ipput. Aningaasalliissutaasut ulloq 13. marts 2020 killiffiat imatut isikkoqarpoq.

 

Atugassat:

Atuisimaneq:

Killiffik:

Kr. 350.000.-

5.200,15

344.799,85

Atuisimanerup allattorsimaffia akkiunneqarpoq.

Tusaatissatut tiguneqarpoq.

Silami issiaviit pisiarineqassapput. (50.000)

Apummi illuaqqiortitsiniarnerigaluaq unimmat kr. 10.000.- silami issiavinnut pisiniutigineqassapput.

Eqqaassutissaq "Sorlaqarfigaakkit" takujuminarsarnissaanut sulisussarsiuussineq ingerlanneqassaaq.

Mittarfeqarfiup tungaanut asiartarfissamut aningaasaliissutaasimasut sumut atornissaat siunnersuutigineqassaaq.Tamannalu siulittaasuugallartup ingerlatissuaa.

 

Bilagi

Illoqarfiup qeqqa qanoq kusassarsinnaava?

Suliassamik saqqummiussaq

Nuummi teknikkeqarfimmi atorfilittap Frederik Grønvold-ip, kissaatigaa Najukkamik Ataatsimiititaliaq isummersussasoq, illoqarfiup qeqqa qanoq kusassarneqarsinnaanersoq.

Siulittaasoq Lucia Møller-Grønvold marlunnik siunnersuuteqarpoq. Bilag 1 aamma bilag 2. akkiunneqaqarput. Taakkulu siunnersuutitut Frederik Grønvold-mut ingerlateqqinneqassapput.

Utoqqaat illutaavata saavanut erfalaserfimmik aamma peqarnissaa kissaatigineqarpoq.

 

Qinnuteqaat - Musik video

Suliassamik saqqummiussaq

Enok Poulsen allagai, 11. marts 2020 ullulerneqarsimasut:

"Najukkami ataatsimiitsitaliamut qinnutigaara Nuummiit illoqarfiup iluani Drone-mik allagartalik Paamiunut tikisitsinissamut akissarsiassaanut aningaasartuutissat.

Nunatsinni illoqarfiup iluani drone atorlugu allagartaqarani atoqqusaanngimmat allagartalimmik tikisitsisariaqassagatta.

20/5-2020 tikisinniarparput pilersaarutaavorlu Paamiuni, sapinngisamik meeqqat tamarmik peqataaffigisaannik musik video ”Paamiut asasara” meeraannavinnik erinarsortulik naammassineqassasoq.

Musik video Paamiunut kusanartumik meeqqanullu illoqarfipput najoruminarneranut takussutissat ilagissavaat.

Akissarsiassai 12.000.kr. Qinnutigaakka.

Ineqarnissaa Royal Greenland tapersersuisutut ulluni sisamani tunniuppaat."

 

Qinnuteqaat tamakkiisumik akuersissutigineqarpoq. kr. 12.000.- Kissaatigineqarpoq video akissarsiutigineqassanngitsoq, meeqqallu tamarmik pisinnaasut peqataanissaat kissaatigineqarluni.

Saligaatsoq

Suliassamik saqqummiussaq

Saligaatsoq qitiusumiit aqutsisoqarfik allakkatigut apeqqutigaa, ukioq manna aamma Paamiuni Saligaatsoq ingerlanneqaqqissanersoq, ullorlu suna ingerlaneqassanersoq.

Immersugassaq takussutissatut ilanngunneqarpoq.

Paamiuni Najukkamik ataatsimiititaliaq pisarnermisut ulloq 17. juni 2020, illoqarfimmi saleersuarneq ingerlatissuaat.

Bilagi

Sulinngiffeqalaarnissamik qinnuteqaat

Suliassamik saqqummiussaq

Siulittaasoq Lucia Møller-Grønvold, qaammatini marluni Najukkamik ataatsimiititaliami sulinngiffeqalaarnissamik qinnuteqarpoq.

Qinnuteqaataa aajuna:

"Matumuuna nalunaarutigissuara najukkami ataatsimiittitaliami Orlov-qarnissara, qaammatini pingasuni, tassa april- qaammataa sinneraa/maj juni 2020 – peqquteqavillunga tassunga innersuutissuara, vedtægtip § 15, naatsorsuutigalugulu ataatsimiittaliami sulinera nangeqqissallugu 01. juli 2020.

Taamatut ilisimatsisuteqarlunga nalunaaruteqarpunga.

Inuss.

Lucia Møller-Grønvold

Paamiut NA siuliuttaasoq"

Siulittaasup Sulinngiffeqarniarnera ilaasortat tamarmiullutik akuersissutigaat. Taamaasilluni siulittaasoq sulileqqissaaq juunip qaamataa naappat.

Siulittaasup tullia Peter-Angunnguaq MIkaelsen siulittaasup sulinngiffeqarnerani siulittaasuugallassaaq. 

Tamalaat

Suliassamik saqqummiussaq

Kalaalimineerniarfik:

* Atugassarititaasut pitsanngorsaavigineqartariaqarput, sinerissami allamituulli periarfissaqartitsisoqarluni.

Innuttaasunik ataatsimiisitsinissaagaluaq ulloq 16. april 2020:

* Corona piutillugu innuttaasunik ataatsimiisitsinissaraluit tamarmik unitsinneqarallarput.

Imaqarniliap akuerineqarnera

Suliassamik saqqummiussaq

Paamiuni Najukkamik Ataatsimiititaliami ilaasortat:

Siulittaasoq, Lucia Møller-Grønvold

 

Siulittaasup tullia, Peter Angunnguaq Mikaelsen

 

Ilaasortaq, Jørgen Jakobsen

 

Ilaasortaq, Jakob Thorsen

 

Ilaasortaq, Hermann Hegelund