Nunaqarfinni Aqutsisut naliginnaasumik ataatsimiinnerat

Peqataasut:

MánassínguaK’ Noahsen (S)

Gertrud Henriksen (S)

Ingvar Motzfeldt (S)

Jakob Josefsen(S) 

Anda Nathanielsen (IA)

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Siulittaasup tullianit ilisimatitsissut (ilanngussaq 1):

Toqqammavilersuut:

Tikeraartoqarneq Nersornaasiineq.

Siunertaq:

Nalunngisatsitut nunaqarfitsinnut Kim Kielsen nersornaasiiartorluni tikinnikuuvoq,

Tassanilu oqaaseqaatai nunaqarfimmiunut soorunalumi aamma uagutsinnut tulluusimaajallannartuullutik.

Oqaaseqaatai:

Nunaqarfik Qeqertarsuatsiaat qangali tikittarnermini kusagisarsimallugu aammalu tikikkuminartuujuaannartuusoq qangali misigisarsimallugu, nersornaallu taanna isumalipilussuartut isigaara nunaqqatigiit tamaasa immikkoortitaqarnani nersornaammik tunissuteqarfigai.

Aammalu siuariartortutut nunaqarfipput isigalugu oqariartuuteqarpoq allaallumi nunaqarfinni aqutsisorisimasagut tamaasa qujassuteqarfigivai qanoq tamaviaarlutik sulinikuunerisa inerneri aamma takusinnaasimallugit.

Eqqaamasanillu ulikkaarluni maanga tikissimalluni nersornaasiineq assut isumaqartumik oqaasertaalu nuannerluinnartut tunniunneqarlutik.

Qinikkat allatseqarfianiit oqaaseqaatit
-

Inassuteqaat/Inassuteqaatit

Nunaqarfinni aqutsisut inassuteqaatigaat:

• Ilisimatitsissut tusaatissatut tiguneqassasoq.

Ilanngussaq/Ilanngussat

Ilanngussaq 1.

Soqanngilaq

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Siulittaasumit oqaluuserisassangortitaq (ilanngussaq 2):

Toqqammavilersuut:

Meeqqanut ilaqutariinnermullu ataatsimiititaliaq  9. -10. september tikeraarnissaanut ataatsimeeqatiginnikkusunnersugut apeqqummut Nunaqarfinni Aqutsisut oqaloqatiginnissutissanik qulequttanik pajuguteqarnissaat isummersuutigerusullugu.

Siunertaq:

Taamaasilluni ataatsimiititaliaq arlaannik siunniussanik immersoqatogiiffigisinnaanera siunniullugu.

Ilaasortat qinnuvigaakka arlaannik isummersuutigisinnaasaminnik qulequtassanik siunniussaqaqqullugit.

Qinikkat allatseqarfianiit oqaaseqaatit

Qinikkanut allatseqarfik ataatsimiititaq ataatsimeeqatiginissaa kaammaatuutigineqarpoq.

Inassuteqaat/Inassuteqaatit

Nunaqarfinni aqutsisut inassuteqaatigaat:

•  Nun. Aqutsisut ataasinngorneq 19.08.19 qulequttanik tunniussissasut.

Ilanngussaq/Ilanngussat

Ilanngussaq 2.

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Siulittaasumit oqaluuserisassangortitaq (ilanngussaq 3):

Toqqammavilersuut:

Aliikkutaqartitsineq meeqqanut suli qaffassarlugu alloriaatissatut, pingaartumik aasaanerani.

Siunertaq:

Meeqqat aasaanerani nunaqarfik qimannagu aasisartut, kiisalu tikeraat meerartaat soorunami inersimasumik nakkutiginilimmik tasersuaq vandcykel-erlutik umiatsiaqattaarfigisalisagaluarmassuk. Taamaasilluni aamma nunaqarfitsinnut orniginarsaatitut neqitarineqalersinnaanera siunniullugu.

Qinikkat allatseqarfianiit oqaaseqaatit

Inassuteqaat/Inassuteqaatit

Nunaqarfinni aqutsisut inassuteqaatigaat:

- Siunnersuut akuersissutigineqassasoq

Ilanngussaq/Ilanngussat

Ilanngussaq 3

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Innuttaasumit allagaq (ilanngussaq 4):

“Qangali paasilerlugu Iserit A/S illut inueruttut tamaasa tuniniaraat makkulu attartuiniarlutik utaqqisut.

Tamanna uagutsinnut ajorpoq. Soqutigineqanngilagut naammagittaallioraluarlutalu tusaaneqarneq ajorluta.

Taamaammat illit Bygderåd-itut qinnuigaakkit piaartumik ataatsimiititseqqullutit tamakku pillugit. Kapisilinni innutaasuusugut taamatut pisoqartumut akerliussutsimik takutitsisariaqarpugut.

Kommuni Iserit-imullu tamatta atsiorluta naammagittaalliortariaqarpugut. Taamaattoqarsinnaanngilaq, nipangersimarusaaginnarnata tusaatitsilaartariaqarpugut allaat KNR immaqa ilanngullu.

Ilami illut inueruttullu ingerlaannaq tuniniagaagamik.

Neriullunga ataatsimiitsissasutit tamakku pillugit."

Qinikkat allatseqarfianiit oqaaseqaatit

-

Inassuteqaat/Inassuteqaatit

Nunaqarfinni aqutsisut inassuteqaatigaat:

Saaffiginissutigineqartoq iliuuseqarfigineqassasoq. 

Ilanngussaq/Ilanngussat

Ilanngussaq 4.

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Innuttaasumit allagaq (ilanngussaq 5):

“Akunnaanut oqaluffilinngikkaluarlugu sanningasorsualerlugu, atsap Anip utoqqallammi pulaarlugu oqaasia naammasserusullugu, neriullunga akuerissagissinnga. Taava iliveqarfiit qulaaniittut sanningasiligassaqqimmata assut piukkullugit qangali. Iliveqarfiit qulaaniilersut kiap akisussaaffigai? Assut piukkullugit akunnaanut sanningasussatut ivertillugit. Atsap oqaasii allanut oqaatigisarakku uppernarsaatigisarlugit.                               

Taava akunnaani naammassigutta aamma nuannaariartarfitinnut inussuleriatissatinnut qinnuteqarpunga, liilorsuarnut.”

Qinikkat allatseqarfianiit oqaaseqaatit
-

Inassuteqaat/Inassuteqaatit

Nunaqarfinni aqutsisut inassuteqaatigaat:

• Siunnersuuteqartoq taperserneqassasoq. 

Ilanngussaq/Ilanngussat

Ilanngussaq 4.

Soqanngilaq.

Soqanngilaq.

Soqanngilaq.