Nunaqarfimmi aqutsisut nalinginnaasumik oqarasuaatikkut ataatsimiinnerat

Immikkoortortaqarfiit
Kapisillit, Qeqertarsuatsiaat
Date
28. March 2019 -
Qulequtaq
Saqqaa

Suliassamik saqqummiussaq

Peqataasut.:

Mánassínguaκ Noahsen (S)

Gertrud Henriksen(S)

Ingvar Motzfeldt (S)

Jakob Josefsen (S)

Anda Nathanielsen (IA)

Oqaluuserisassat akuerineqarnerat

Suliassamik saqqummiussaq

Taamatut isikkoqartillugit akuerineqarput.

Nalunaarutit

Suliassamik saqqummiussaq

2A. Siulittaasumit

2A. 1 Kanunupe-mit allakkiaq.

2A. 2 IBA-mut isumaqatigiissut pillugu iisimatitsissut.

2A. 3 Siunnersuut Itilliannguaq.

 

2B. Allaffeqarfimmiit

· Soqanngilaq

Ilisimatitsissutit

Suliassamik saqqummiussaq

GM-langrend 2019 meeqqat peqataatsinnissaanut dragtinik qinnuteqarneq kr. 6.285 kr.

Suliassamik saqqummiussaq

Aalajangiiffigisassaq

J.nr.: 16.03-P15-1-18

Suliffeqarfimmi Kiffartuussineq - Kommunaldirektøri Lars Møller-Sørensen / LMS

 

Suliassamik saqqummiussineq

Nunaqarfinni aqutsisut ulloq 14.2.2019 ataatsimiinnerminni punkt nr. 5F aaliangerpaat QUP 2000 naatsorsuutinik tunniussipppat Nunaqarfinni aqutsisunit taperserneqarsinnaasoq, siulittaasullu naatsorsuutit tunniunneqartut akornutissaqartinngippagit QUP 2000 qinnuteqaataa akuerineqassasoq, siulittaasullu naatsorsuutit tunniunneqartut akornutissaqartinngimmagit taamaasillutik akuerineqarput.

Naatsorsuutit takussutissatut ilanngunneqarput.

 

Qinikkat allatseqarfianiit oqaaseqaatit

 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Ilisimatitsissut tusaatissatut tiguneqassasoq.

 

Ilanngussaq/Ilanngussat

QUP 2000 naatsorsuutai.

Ilisimatitsissut tusaatissatut tiguneqarpoq.

Apeqquteqaatit

Suliassamik saqqummiussaq

Soqanngilaq

Aalajangiiffigisassat

Suliassamik saqqummiussaq

Innassuteqaat akuerineqarpoq, suliarlu Nunaqarfinni aqutsisuni siunnersortip imaqarniliornera isumagissavaa.

Nunaqarfinnut suliassanut aningaasaliissutit 2 mio.kr. qaffanneqarneri

Suliassamik saqqummiussaq

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

 

Suliassamik saqqummiussineq

Ukioq kingulleq missingersuutit angisuut sammineqarneranni Nunaqarfinnut suliassanut tunngatillugu aningaasaliissutit 2 mio.kr. qaffanneqarput, 8 mio.kr.niit 10 mio.kr.nut.

Nunaqarfinni Aqutsisut siulittaasui tamarmiusut kissaataat malillugu allaffeqarfik nunaqarfinni suliassat pilersarutaareersut aallaavigalugit 2019mi aammalu 2020mi suliassanik pingaarnersiuivoq, taakkualu ilanngussami takuneqarsinnaapput.

 

Qinikkat allatseqarfianiit oqaaseqaatit

Siunnersuutit Qinikkat allatseqarfianit aammalu Sanarfinermut avatangiisunullu ingerlatsivimmiit suliarineqarsimapput, nunaqarfinnut immikkoortumik pilersaarut toqqammavigalugu.

 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq

 

Ilanngussaq/Ilanngussat

  • 2019mi aammalu 2020mi kitaani kangianilu suliassatut siunnersuutit

Qinnuteqartut kaammattoquneqarput Kommuneqarfik Sermersuup Kulturikkut qinnuteqartarfiat siulliullugu alloriarfigineqarsinnaasoq. Nun. Aqutsisut tamarmiullutik qinnuteqaat akuersissutigaat. Kostbillet pisariaqartitsissappata siulittaasup naliliiffigisinnaagaa pisinnaatitaaffiata iluaniimmat, nunaqarfinni aqutsisunut ilaasortat akuersaarput.

Qeqertarsuatsiaani timersortartut QUP 2000 meerartai GM-langrend angalanissaannut qinnuteqaataat kr. 12.750,00

Suliassamik saqqummiussaq

Aalajangiiffigisassaq

J.nr.: 16.03-P15-1-18

Suliffeqarfimmi Kiffartuussineq - Kommunaldirektøri Lars Møller-Sørensen / LMS

 

Suliassamik saqqummiussineq

QUP 2000 qinnuteqarpoq meeqqat GM-langrend 2019 Maniitsumi ingerlanneqartussami peqataanissaannut, meeqqat sisamat peqataassapput taavalu træner, holdlederilu.

Tamanna peqqutigalugu angalanissaannut Sarfaq Ittummut Qeqertarsuatsiaaniit Maniitsumullu uterlugulu qinnuteqarpugut aningaasartalik kr. 12.750,00

 

Neriulluta tapersersorluarneqarumaarluta.

 

Qinikkat allatseqarfianiit oqaaseqaatit

 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Ilisimatitsissut tusaatissatut tiguneqassasoq.

 

Ilanngussaq/Ilanngussat

QUP 2000 qinnuteqaataa

 

Akissutinik ulloq 27.3.2019 Angajoqqaat komitii tunniussisoqanngimmat, Nun. Aq. Siunnersuerusupput punkt nr. 5B-misut Kommuneqarfik Sermersuup kulturikkut qinnuteqartarfianut aamma qinnuteqaasiortoqarsinnaammat.

Qeqertarsuasiaani angajoqqaat komitii, meeqqat ulluanni appisimaartitsiniarlutik qinnuteqaataat kr. 30.500,00

Suliassamik saqqummiussaq

Aalajangiiffigisassaq

J.nr.: 16.03-P15-1-18

Suliffeqarfimmi Kiffartuussineq - Kommunaldirektøri Lars Møller-Sørensen / LMS

 

Suliassamik saqqummiussineq

Angajoqqaat komitii-niit qinnuteqarpugut aningaasanik meeqqat ulluani appisimaartussamut tikisitsinissamut atugassatsinnik. Tikisinniagarput meeqqat kissaataat tusaaniarsiarsimavarput taannalu rap-erartoq akuersivoq maanngarusulluni, Don Maliko (Malik Egede) appisimaaqatissaminik ilagisaqarniarpoq. 1 juni arfininngornerummat umiatsiaaqqamik aatinniarparput sivikinnerusumik maaniinniassammata.

Taakkununngalu aningaasartuutissat imaapput:

Don maliko akissarsiasssai: 20.000,00kr

Nerisassat: 2.000,00 kr

Aallertussaq: 6.000,00kr

Benzin: 2.500,00kr

Katillugit 30.500,00kr

 

Eqqarsaatigaarput kingusinnerusukkut meeqqanut sassaalligassatsinnik soorlu mamakujuttut imeruersaatillu qinnuteqaqqissagatta, erseqqissaatigissavarput Angajoqqaat komitii aningaasaateqarmata 1500kr-ninik taakkulu naammannavianngimmata. Sila takoqqaarusukkatisigu grilleriffissaanersoq (aasajaassanersoq) taamaassanngippat katerosrtarfimmiinnissarput ilimanaateqassammat.

 

Neriulluta akuerineqassalluta.

 

Qinikkat allatseqarfianiit oqaaseqaatit

 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Angajoqqaat komitii Kommune-p allaffianiit allakkatigut allaffigineqarnikuummata 2018-mi naatsorsuutit aammalu angallassinissamut angallassisussaq angallassinermut akuersissummik peqartussaanera pisariaqarmat. Akissummillu ulloq 27.3.2019 nallertinnagu tunniusseqqullugit peqquneqarput.

 

Ilanngussaq/Ilanngussat

Angajoqqaat komitii qinnuteqaataat.

Qinikkat allatseqarfianut ingerlateqqitassat

Suliassamik saqqummiussaq

Soqanngilaq.

Borgmestermik ataatsimeeqateqarnissamut oqaluuserisassanngortitat

Suliassamik saqqummiussaq

Soqanngilaq.

Oqaluuserisassat matoqqasut

Suliassamik saqqummiussaq

Soqanngilaq.

Taasariaqartut allat

Suliassamik saqqummiussaq