Nunaqarfimmi aqutsisut nalinginnaasumik oqarasuaatikkut ataatsimiinnerat

Immikkoortortaqarfiit
Kapisillit, Qeqertarsuatsiaat
Date
13. February 2020 -
Qulequtaq
Saqqaa

Suliassamik saqqummiussaq

Aggersakkat.:

Ingvar Motzfeldt (S)

Gertrud Henriksen(S)

Steffanus Boye (S)

Anda Nathanielsen (IA) 

Jakob Josefsen (S)
Oqaluuserisassat akuerineqarnerat

Suliassamik saqqummiussaq

Oqaluuserisassat taamatut isikkoqartillugit akuerineqarput.
Nalunaarutit

Suliassamik saqqummiussaq

2A. Siulittaasumit

  • KANUNUPE-p ukiumoortumik nalunaarutaa ilaasortaasunut ingerlateqqinneqarpoq.  
  • Utoqqaat ornittagassaat aqagu 14. februar 2020 atoqqaarfissiorneqassaaq. Inuit qulingiluat peqataassapput. Programmi utaqqiisaagallartoq tunniunneqarpoq. Taamatuttaaq unnukkut innuttaasunik ataatsimiititsisoqassaaq.
  • Aalisartut peqatigiiffianni saaffiginnissut. Majuartarfiit pineriusiviup eqqaaniittut naappallaarneri aaqqinneqarnissaanut kissaatigineqarpoq. SAI-mut ingerlateqqinneqassaaq saaffiginnissut.

2B. Allaffeqarfimmiit

  • Nunaqarfimmi aningaasaliissutit konto-i inissipput
  • Suleqatigiissitaq ”Nunaqarfiga seqinnarimmi” Qeqertarsuatsiaanut tikeqqissaaq 18-20 marts.

Oqaaseqaatit:

  • Siulittaasoq Nunaqarfinnut aningaasaliissutit 2020-mut naammassineqarsimanerat qujassutigaa.
  • Taamatuttaaq Suleqatigiissitap tikinnissaa nuannaarutissatut tiguvaa.

 
Ilisimatitsissutit

Suliassamik saqqummiussaq
Parteerisamiit nuunneq.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Qangali eqqarsaatigisareernikuullugu siulittaasutta siulliup maaniinneranili eqqartortarsimasara, naalakkersuisut aammalu inatsisartut pakatsiffigisarsimaneri ikigisassaajunnaalermata naammatsiffigalugit taamak isummerama.

IA-mut nuunnissaq tassa kissaatigilersimallugu, taannalu annertunerusumik oqaaseqarfiginagu kalerriutigaara.

Qinikkat allatseqarfianiit oqaaseqaatit

Qinikkanut allatseqarfik Nunaqarfinnut aqutsisunut inassuteqaatigaa:

  • Nunaqarfinni aqutsisut amerlanerussuteqarnikkut siulittaasumik qinersissasut.

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Nun. Aq siulit. Tullia G. Henriksen

Aalajangiineq

Ilisimatitsissut tusaatissatut tiguneqarpoq.
Apeqquteqaatit

Suliassamik saqqummiussaq

Soqanngilaq. 
Aalajangiiffigisassat

Suliassamik saqqummiussaq
Sinerissap qanittuani aalisarneq pillugu immikkortumut pilersaarummut Kapisilinniit oqaaseqaat.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Ilisimatitsissut Kapisilinni nunaqarfiup iluani aalisakkanik suugaluartunilluunniit ukiorpanngortuni tunitsiveqartitaanngilagut tamatuma kingunerisaanik malunnartumik inukilleriataarnikuuvoq. Neriunniarta aalisakkanik tigujoqqaalersussamik kissaateqartoqarpat maanngaanniit tapersersorneqarumaartoq. Taamatullu nunaqarfiit aqutsisuisa Qeqertarsuatsiaani Kapisilinniillu tamakkiisumik taperserneqarumaartoq.

Qinikkat allatseqarfianiit oqaaseqaatit

Qinikkanut allatseqarfik Nunaqarfinnut aqutsisunut inassuteqaatigaa:

  • Nunaqarfinni aqutsisut amerlanerussuteqarnikkut siulittaasumik qinersissasut.

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Andreas Martinsen allakkiaa KAPP sinnerlugu.

Aalajangiineq

Kapisilinni aalisakkanik tigooraavimmik kissaateqartoqarpat Nunaqarfimmi aqutsisunit taperserneqarumaartoq aalajangiunneqarpoq. Taamatutaaq sinerissap qanittuani aalisarnermut pilersaarummut tusarniaassummut akissuteqaat siulittaasoq peqatigalugu allaffeqarfimmiit suliarineqarsinnaanera akuersissutigineqarpoq. Akissuteqaammi aalisarneq eqqarsaatigalugu periarfissat qulaajarnissaannut aaqqissuussinissamik kaammaatuinissaq ilanngunneqarumaarpoq.
Sinerissap qanittuani aalisarnermut pilersaarut pillugu siulittaasumit siunnersuutit.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Qupperneq 3-4 1.4 Ilassutissatut siunnersuut. Aalisartut naak pisinnaatitaaffigigaluaraat isumaqarpunga naapinneqartartariaqartut piniutiminnik qimagaaginnartarneq unitilluinnartariaqaraat,nalunngilaammi nipisat suaat eqqaarsaatigalugit meqqelersukkanik piniarlutik.

Qup 5 2.1 Qeqertarsuatsiaat ullutsinnut naleqquttumik kalaalimineerniarfeqarpoq.Tamanna maannakkut naqitatigut allassimaneratut ingilaq,ima paasillugu maannakkut suliassaangaatialernikuuvoq natia eqqarsaatigalugu.

Qup.12 3.3 Qeqertarsuatsiaani 2019 puttasoq kangerlunnguami avannarlermi puttasoq kujalleq piaartumik suliarineqartariaqarpoq allaat navianartutut nalilerneqarsinnaalluni maannakkut.

Taakkuupput taarusutakka Nunaqarfimmi aqutsisut ataatsimiinnissaanni.

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Siulittaasoq I. Motzfeldt

 

Aalajangiineq

Siunnersuutigineqartut ilalerneqarput, taamatuttaaq SAI-mut/drift-mut pkt. 2.1 aammalu 3.3 piaartumik saaffiginnissutigineqarnissaat innersuussutigineqarpoq.
Kapsilinni oqaluffiup tungaanut aqqusineq.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Tunngavilersuut: aqusineq ukiorpanngortuni majuartarfissuit nalaanniit aserfallakkiartortoq taamaammat iluarsaanneqarnissaanik kissaateqarpugut ukiumi aqqusineq nivanneqartarnerani qamussuarnit aqqutigisinnaalernissaat pisariaqarmat oqaluffiup kiassaataata osertarnerani sulisuusumut ilungersunartarmat apisimatillugu orsiiniarneq oqaluffik ungasippallaarlugu unittarnerup kingunerisaanik sulisoq ilungersuatinneqartarmat issilersillugu akulikitsumik orsiineq pilersarmat pinngitsoorneqarsinnaananilu.

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Ilagiit sinniisaat Kapisillit, ajoqi-lu

Aalajangiineq

Siunnersuut ilalerneqarpoq. Suliassap qanoq akeqarnissaa pillugu SAI-mut suliaq ingerlateqqinneqassaaq. Nunaqarfinnut aningaasaliissutit 75.000 kr. Atorneqarsinnaanissaat periarfissaammat kingusinnersukkut ataatsimiinnermi suliassaq qaqeqqinneqarumaarpoq.
Kapisilinni innuttaasunut ataatsimiisitsisarneq amigaatigaarput.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Qulaani pineqartumi isumaga annisilaarpara isumaqarama innuttaasugut paasissutissanik tusarniaaffigineqartarneq taamatullu ataatsimiisinneqartarneq uangaannaanngitsumik amigaatigineqartoq ukut kingulliit ingerlatinneqarneq ajormat ingerlateqqippara taamatut pisoqqassappat tamatsinnut pinngitsoorani iluaqutissiisinnaasunik katersuisoqarsinnaammat avammut saqqummmiussassanik piviusunngornissaa kissaatigalugu. Sulilluarnissassinnik kissaappassi

Qinikkat allatseqarfianiit oqaaseqaatit

Soqanngilaq.

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Innuttaasumit A. Martinsen

Aalajangiineq

Siunnersuut akuerineqarpoq. Kapisilinni sulisoq tikeriarpat Nunaqarfinnut aqutsisunut ilaasortaq peqatigalugu innuttaasunik ataatsimiititsinissaq piareersarneqassaaq ingerlanneqarlunilu. Taamatuttaaq Nunaqarfinnut Aqutsisut tamarmiusut Kapisilinnut tikinnissaat innuttaasunullu ataatsimiititsinerup ingerlanneqarnissaa pilersaarusiorneqarnissaa aalajangiunneqarpoq. Unnukkullu ataatsimiinnerit ingerlanneqarnissaat kissaatigineqarpoq.
Innuttaasunik ataatsimiisitinissaq februar 2020 Bygdepulje

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Pisariaqarluinnalersoraarra nunaqqatigiit ataatsimiisinneqarnissaat,neriullunga piaartumik Bygdepulje naammassiumaartoq.Taannaluunniit naammassingikkaluarpat nunaqqatigiit naapinneqartariaqarpuq.

Nunaqarfimmi aqutsisuni suleriaaserput nunaqqataasumik paasisitiniutigineqarnissaa

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Nun aq siulittaasoq I. Motzfeldt

Aalajangiineq

Innassuteqaat akuerineqarpoq. Innuttaasut aggersarneqassapput. Pkt. 5F nersornaaserneqarsimaneq aamma ataatsimiinnermi qaqinneqassaaq.

Unnuup ingerlanissaa: Ukioq manna Nunaqarfinnut aningaasaliissutit, Nunaqarfimmi aqutsisut suleriaasiat, Saligaatsuunermik Nersornaaserneqarsimanermi aningaasat qanoq atorneqarsinnaanerat pillugit innuttaasut tusarniaaffigineqarumaarput. Ataatsimiiffissatut uge 9 aalajangiunneqarpoq marlunngorneq 25. Februar unnukkut ataatsimiinneq ingerlanneqarumaarpoq.  
Innuttaasunik ataatsimiisitinnissaq februar 2020 Nersornaaserneqarneq saligaatsuneq pillugu.

Suliassamik saqqummiussaq

Aalajangiiffigisassaq

J.nr.: 01.10-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Nalunngisatitut aasaq nersornaasigaanikuugatta nunaqarfitta saligaatsuuneranut taamaattumik nunaqqatigiit eqqartortariaqarpagut qanoq atorneqarnissaat.

Nunaqqatigiit aningaasaatigimmatigit sumut atussanerlugit eqqartorneqartariaqarpoq.

Qinikkat allatseqarfianiit oqaaseqaatit

Soqanngilaq.

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Aalajangiineq

Innassuteqaat akuerineqarpoq, suliarlu oqaluuserisassani 5E-mi oqaluuserineqarluni.
Qinikkanut Allatseqarfimmut ingerlateqqitassat

Suliassamik saqqummiussaq

Soqanngilaq. 
Borgmestermik ataatsimeeqateqarnissamut oqaluuserisassanngortitat

Suliassamik saqqummiussaq

Soqanngilaq. 
Oqaluuserisassat matoqqasut

Suliassamik saqqummiussaq

Soqanngilaq. 
Taasariaqartut allat

Suliassamik saqqummiussaq

  • Inuit ataqatigiit Steffanus tikilluaqquaat, suleqatigilluarnissamullu qilanaarlutik. 
  • Steffanus qujavoq tikilluaqqusaanerminut.
  • Ingvarip ullut peqanngiffissani nalunaarutigaai. 13. marts utissapput. Uge 12 tikereersimassapput.
  • Gertrud – Pinnguartarfiit pillugit kataloginik perusuppoq. Arctic import saaffigineqassaaq.
Imaqarniliap akuerineqarnera

Suliassamik saqqummiussaq