Nunaqarfimmi aqutsisut naliginnaasumik oqarasuaatikkut ataatsimiinnerat

Immikkoortortaqarfiit
Kulusuk, Tiilerilaaq, Isertoq
Date
14. January 2020 -
Qulequtaq
Saqqaa

Suliassamik saqqummiussaq

Ilaasortat

Justus Poulsen (S)

Bendt Abelsen (S)

Moses Bajare (A) Peqataanngilaq

James B. Ignatiussen (S)

Paulus Larsen (S)

Oqaluuserisassat akuerineqarneri

Suliassamik saqqummiussaq

Nalunaarutit

Suliassamik saqqummiussaq

2A. Siulittaasumit

Kulusumi innuttaasut juullisiorluarput. Peqatigiiffiit kiisalu kajumissutsiminnik ingerlatsisut katersortarfimmi unnussiuaarnissaannik aningaasaliiffigineqarput rekvisitioni atorlugit. Katersortarfik atorluarneqarpoq. Orpik ajoraluartumik qaminneqanngilaq, sila ajornera pissutigalugu. Silami sulisut qamissimavaat.

Kiisalu Tiilerilaami aamma juullisiorluarsimapput aamma Isertumi juullisiorluarsimapput sila eqqaassanngikkaanni katersortarfik atorlualerpaat.

 

2B. Allaffeqarfimmiit

Katersortarfiit ingerlatsinerit iluarsaassinerillu ukioq nutaamiit Kommuneqarfik Sermersuumiit  Sanarfarnermut avatangiisinillu akuerineqarsimapput.

Ilisimatitsissutit

Suliassamik saqqummiussaq

Tusarniaassut – Sinerissap qanittuani aalisarneq pillugu immikkoortumut pilersaarut

Suliassamik saqqummiussaq

Aalajangiiffigisassaq

J.nr.: 01.10-A00-3-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Kommunalbestyrelsip 30. apriili 2019-imi ataatsimiinnerani Pilersaarusiornermut periusissaq P18 akuersissutigineqarpoq, ilaatigut uku suliniutigisassanngorlutik:

  • ”Kommunimi illoqarfinni nunaqarfinnilu annerusumik minnerusumilluunniit inuussutissarsiutigalugu aalisartut piniartullu pisariaqartitaat tamakkerlugit qulaajarniarlugit aalisarneq pillugu immikkoortumut pilersaarummik suliaqartoqassaaq.”

Tamanna siorna aallartinneqarpoq, maannalu siunnersuut politikkerinut eqqartugassanngorlugu saqqummiunneqarluni.

Suliaq Sanarfinermut Avatangiisinullu Ingerlatsivimmit aqutsisoqatigiit suleqatigalugit suliarineqarpoq, aqutsisoqatigiit tassaasut kommunalbestyrelsimi ilaasortat Harald Bianco, Henrik Rachlev, Peter Davisen aamma piniartut peqatigiiffiinit KNAPK-mit, Neqitamit aamma NAPP-mit sinniisut.

Naatsumik oqaatigalugu, immikkoortumi pilersaarummi uku pineqarput:

  • Inatsisitigut tunngavigineqartoq
  • Politikkerit aamma immikkoortut suliniuteqarfiusut
  • Pineqartup killiffia Kommunimi illoqarfinni nunaqarfinnilu umiatsiaararsorluni aalisartunut atugassiat
  • Iliuusissatut pilersaarut – Qanoq angussavarput. Atugassiat pitsaanerulersinniarlugit sutigut suliaqartoqassava

Qinikkat allatseqarfianiit oqaaseqaatit

Allatseqarfiup Nunaqarfimmi Aqutsisut pilersaarut pillugu tusarniaassummut oqaaseqarnissaat neriuutigaa. Apeqquteqaatit Aqutsisoqatigiinnut ingerlateqqinneqarnissaat allaffeqarfiup isumagiumaarpaa.

Inassuteqaat/Inassuteqaatit

Qinikkanut allatseqarfiup inassuteqaatigaa:

  • Nunaqarfimmii aqutsisunit tusarniaassut oqaluuserineqassasoq, oqaaseqaatillu Aqutsisoqatigiinnut ingerlateqqinneqarumaartut

Ilanngussaq/Ilanngussat

  1. Sinerissap qanittuani aalisarneq pillugu immikkoortumut pilersaarut

Aalajangiineq

Tusarniaassut nunaqarfikkaarlugit oqaluuserineqarneranik Tiilerilaami 5.2-mi pitsanngorsaatissatut siunnersuutigineqartut isumaqataaffigineqarpoq. Kaavitittagaq Nuummiit Tiilerilaamut nassiunneqarsimasoq suli tigunikuunngilaat, sumummita nassiunneqarsimava? Kiisalu Isertumi nalunaarfigineqarnikuusimapput Nuummiit suliarineqassasut. Kiisalu amutsivissaq tikiukkaluarpoq ikkussuunneqarnanili. Kulusumi sannavimmi amutsivik ikkuteriaannaagaluarpoq elektrikerilli suliaqartussat amigaatigineqarmata suli suliarineqanngilaq. Kiisalu puttasoq Kangaatsuardimmu 60 grader north-ikkut ukiaq ikkussuunniaraluarpaat naammassinagulu. Aasaru suliareqqinniarpaat.

Apeqquteqaatit

Suliassamik saqqummiussaq

Soqanngilaq. 

Kulusumi anartarfinnut puut plastikkit atorneqartartut utertinneqarnissaat

Suliassamik saqqummiussaq

Aalajangiiffigisassaq

J.nr.: 01.10-A00-3-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Siulittaasup apeqquteqaatigaa Kulusumi anartarfinnut puut plastikkit atorneqartartut utertinneqarnissaat.

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Apeqquteqaat susassaqartunut ingerlateqqinneqassasoq. 

Ilanngussaq/Ilanngussat

Aalajangiineq

Siornatigut nunaqarfinni anartarfinnut puut plastikkit qeratasuut atorneqartarsimagaluarput iluarnerullutillu. Anartarfinnut tipeqannginnerulernikuugaluarput anartarfiillu kusanarnerugaluarlutik.Massakkulli atorunnaarmatali tipeqarnerulerput anartarfinnut kusanarunnaarlutik. Ukiuunerani anartarfiit angerlarsimaffinni amerlasuuni ulikkaaraangat silamut inissittariaqartarpaat, arlaqartut pissamaarteqaramik taarsertarlugu. Taamaalioraangamillu silamut inissatagaat qerisarlutik. Allatullu ajornartumik nivaataq ikiortigalugu maangaannaq kuineqartariaqartarlutik. Anartarfinnik maangaannaq kueeraaneq inerteqqutaalernikuuvoq. Taamaammat puut plastikkit qeratasuut atorneqaqqilernissaannik tamarmik taperserpaat.

Aalajangiiffigisassat

Suliassamik saqqummiussaq

Soqanngilaq. 

Qinikkat allatseqarfianut ingerlateqqitassat

Suliassamik saqqummiussaq

Soqanngilaq. 

Borgmesterimik ataatsimeeqateqarneq

Suliassamik saqqummiussaq

Soqanngilaq. 

Oqaluuserisassat matoqqasut

Suliassamik saqqummiussaq

Soqanngilaq.

Taasariaqartut allat

Suliassamik saqqummiussaq

Imaqarniliap akuerineqarnera

Suliassamik saqqummiussaq