Nunaqarfimmi aqutsisut naliginnaasumik oqarasuaatikkut ataatsimiinnerat

Immikkoortortaqarfiit
Kuummiit, Sermiligaaq
Date
6. February 2020 -
Qulequtaq
Saqqaa

Suliassamik saqqummiussaq

Ilaasortat

Anders Sanimuinaq (S)

Peter Utuange (S)

Peter Uitsatikitseq (A)

Peter Nathanielsen (S)

Otto Umêrineq (S) 

Otto Umêrineq (S) Peqataanngilaq
Oqaluuserisassat akuerineqarnerat

Suliassamik saqqummiussaq

Akuerineqarput. 
Nalunaarutit

Suliassamik saqqummiussaq

2A. Siulittaasumit

  • Siullermik Otto Umerineq napparsimalluni peqataasinnaanani nalunaarsimavoq.
  • 14. januar 2020-imili Kuummiuni kommuunip allaffiani qarasaasiaq ataaseq kisimik iserfigineqarsinnaavoq, taamaammat kipiluttunarpoq attaveqarniarneq. Siorna 2019 qaammatit pingasut attaveqaatit aamma ajornikuupput. Tamanna immikkut iliuuseqarfigineqartariaqarpoq. Ukiaq Tasiilami områdeleder-imut IT-ilerisumik kissaateqarneq ingerlateqqinnissaa innersuussutigaa.
  • Nunaqarfinni aqutsisut siulittaasui Anders kiisalu Justus Tasiilami ataatsimiinnermi peqataassapput. Ulluni 24. Kiisalu 25. Februar 2020. Tassani UNESCO-p nunarsuarmi anguniagai sammineqassapput.
  • Kuummiuni utoqqaat suli ukiortaarsiortinneqanngillat sila ajoqattaarnera pissutigalugu. Qinnuteqaammilu tigusaqarlutik taanna aalajangiiffigisassatut ilanngunneqarpoq.
  • Qaleralinniarneq aatsaat 01/02-2020 akuerineqarpoq, tamanna aalisartutut ilaqutaasunullu naleqarsimavoq. Ukioq nutaaq aallartinneraniit sila unerisimanngilaq sulilu sikunani.

 

2B. Allaffeqarfimmiit

  • Kommuneqarfik Sermersuumi nunaqarfinni aqutsisut tamarmik april-imi Tasiilami isumasioqatigiinnissaat ingerlanneqarnissaanik massakkut suliat ingerlapput.
Ilisimatitsissutit

Suliassamik saqqummiussaq
Katersortarfiit

Suliassamik saqqummiussaq

Ilisimatitsissut

J.nr.: 01.10-A00-4-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Katersortarfiit ingerlatsinerit iluarsaassinerillu ukioq nutaamiit Kommuneqarfik Sermersuumiit  Sanarfarnermut avatangiisinillu akuerineqarsimapput.

Kuummiuni innuttaasunut siulittaasup nalunaarutigissavaa.

Kiisalu Sermiligaami katersortarfimmi iluarsartugassat igalaat taarserneqarnissaat apequtillu qullermut orserneranilu akiligassat kiap akilertassanerai ingerlateqqissapput.

Qinikkat allatseqarfianiit oqaaseqaatit

Soqanngilaq

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Ilisimatitsissut tusaatissatut tiguneqassasoq

Ilanngussaq/Ilanngussat

Soqanngilaq

Aalajangiineq

Ilisimatitsissut tusaatissatut tiguneqarpoq.
KANUNUPEp nalunaarutaa

Suliassamik saqqummiussaq

Ilisimatitsissut

J.nr.: 01.10-A00-4-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

KANUNUPE-miit siulersuisut nalunaarutaat 2019-mut.

Qinikkat allatseqarfianiit oqaaseqaatit

Soqanngilaq

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Ilisimatitsissut tusaatissatut tiguneqassasoq

Ilanngussaq/Ilanngussat

Siulersuisut nalunaarutaat 2019-mut

Aalajangiineq

Ilisimatitsissut tusaatissatut tiguneqarpoq.
Tusarniaassut – Sinerissap qanittuani aalisarneq pillugu immikkoortumut pilersaarut

Suliassamik saqqummiussaq

Aalajangiiffigisassaq

J.nr.: 01.10-A00-4-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Kommunalbestyrelsip 30. apriili 2019-imi ataatsimiinnerani Pilersaarusiornermut periusissaq P18 akuersissutigineqarpoq, ilaatigut uku suliniutigisassanngorlutik:

  • ”Kommunimi illoqarfinni nunaqarfinnilu annerusumik minnerusumilluunniit inuussutissarsiutigalugu aalisartut piniartullu pisariaqartitaat tamakkerlugit qulaajarniarlugit aalisarneq pillugu immikkoortumut pilersaarummik suliaqartoqassaaq.”

Tamanna siorna aallartinneqarpoq, maannalu siunnersuut politikkerinut eqqartugassanngorlugu saqqummiunneqarluni.

Suliaq Sanarfinermut Avatangiisinullu Ingerlatsivimmit aqutsisoqatigiit suleqatigalugit suliarineqarpoq, aqutsisoqatigiit tassaasut kommunalbestyrelsimi ilaasortat Harald Bianco, Henrik Rachlev, Peter Davisen aamma piniartut peqatigiiffiinit KNAPK-mit, Neqitamit aamma NAPP-mit sinniisut.

Naatsumik oqaatigalugu, immikkoortumi pilersaarummi uku pineqarput:

  • Inatsisitigut tunngavigineqartoq
  • Politikkerit aamma immikkoortut suliniuteqarfiusut
  • Pineqartup killiffia Kommunimi illoqarfinni nunaqarfinnilu umiatsiaararsorluni aalisartunut atugassiat
  • Iliuusissatut pilersaarut – Qanoq angussavarput. Atugassiat pitsaanerulersinniarlugit sutigut suliaqartoqassava

Qinikkat allatseqarfianiit oqaaseqaatit

Allatseqarfiup Nunaqarfimmi Aqutsisut pilersaarut pillugu tusarniaassummut oqaaseqarnissaat neriuutigaa. Apeqquteqaatit Aqutsisoqatigiinnut ingerlateqqinneqarnissaat allaffeqarfiup isumagiumaarpaa.

Inassuteqaat/Inassuteqaatit

Qinikkanut allatseqarfiup inassuteqaatigaa:

  • Nunaqarfimmii aqutsisunit tusarniaassut oqaluuserineqassasoq, oqaaseqaatillu Aqutsisoqatigiinnut ingerlateqqinneqarumaartut

Ilanngussaq/Ilanngussat

  1. Sinerissap qanittuani aalisarneq pillugu immikkoortumut pilersaarut

Aalajangiineq

Tusarniaassut nunaqarfikkaarlugit oqaluuserineqarneranik Sermiligaami 5.2-mi pitsanngorsaatissatut siunnersuutigineqartut isumaqataaffigineqarput, umiatsianik iluarsaasarfik qulleqanngilaq nungullarsimallunilu kiisalu Sermiligaaq aalisarfiulluarmat qerititsivimmik pisaarnissaa kissaatigineqarluni. Tamannalu siulittaasup KNAPK-mut allaffeqarfimmiit ingerlatinneqarnissaa innersuussutigivaa. Kiisalu illumik ningittakkersuleraangamik neqitalersuisarfissamik kissaatigalugu. Kiisalu kran-i atorsinnaanngimmat amigaatigalugu.

Kuummiuni 5.2-mi aamma pitsanngorsaatissatut siunnersuutigineqartut aamma isumaqataaffigineqarput. Kiisalu Sermiligaamituulli illumik ningittakkersuleraangamik neqitalersuisarfissamik kissaatigalugu. Tassungalu imeq pinngitsoorneqarsinnaanngimmat imeqarnissaa kissaatigalugu.  Puttasoq ikkussuuteriaannaavoq ukioq manna ikkussuunneqassalluni. Pitsanngorsaatissatut siunnersuutigineqartut nunaqarfinnut marlunnut aningaasaliissutit siorna atunngitsuukkat ukioq manna atorneqarnissaat kissaatigivaat. Taakkulu malinnaaffiginissaat pisariaqarluni. Kiisalu suliassat suliarineqarnissaannut mandtiimit eqqarsaatigineqartariaqarlutik. 5.3-imi inuiaqatigiit katitigaanerat qiviaraanni ukiumiit nikerarput, taamaammat pingaaruteqarpoq innuttaasut nunaqarfiit aqutsisuanninngaaniit paasitissiilluartarnissaq nunaqarfinni suut pitsanngorsartinneqalernersut.
Apeqquteqaatit

Suliassamik saqqummiussaq

Soqanngilaq. 
Aalajangiiffigisassat

Suliassamik saqqummiussaq
Kuummiuni utoqqarnit qinnuteqaat

Suliassamik saqqummiussaq

Aalajangiiffigisassaq

J.nr.: 01.10-A00-4-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Kuummiuni utoqqaat pensionisiallit qinnuteqaataat ukiortaarsioqatigiinnissamik tapiiffigineqarnissamik ullulerneqartoq 29/1-2020.

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Qinnuteqaat akuersissutigineqassasoq.

Ilanngussaq/Ilanngussat

3.Qinnuteqaat

Aalajangiineq

Kuummiuni utoqqaat suli ukiortaarsiortinneqanngillat sila ajoqattaarnera pissutigalugu.  Qinnuteqartut siulittaasup allaffigissavai suleqatigissallugillu ukiortaarsioqatigiinnissamik. Ukiortaarsioqatigiinnissaat akuerineqarpoq.
Qinikkat allatseqarfianut ingerlateqqitassat

Suliassamik saqqummiussaq

Soqanngilaq. 
Borgmesterimik ataatsimeeqateqarnissamut oqaluuserisassanngortitat

Suliassamik saqqummiussaq

Soqanngilaq.
Oqaluuserisassat matoqqasut

Suliassamik saqqummiussaq

Soqanngilaq.
Taasariaqartut allat

Suliassamik saqqummiussaq
Imaqarniliap akuerineqarnera

Suliassamik saqqummiussaq