Nunaqarfimmi Aqutsisut naliginnaasumik ataatsimiinnerat

Immikkoortortaqarfiit
Arsuk
Date
14. January 2020 -
Qulequtaq
Saqqaa

Suliassamik saqqummiussaq

Ilaasortat

Niels P. Mikaelsen (S)  Siulittaasoq

Jørgen Christensen (S) Siulittaasup Tullia

Hanne Jakobsen (IA) NA-ni ilaasortaq.

Oqaluuserisassat akuerineqarnerat

Suliassamik saqqummiussaq

Nalunaarutit

Suliassamik saqqummiussaq

2A. Siulittaasumit:

  • Borgmesteri ataatsimeeqatiginerani aalajangiunneqarpoq nunaqarfimmi aqutsisut isumasioqatigiinnissaat April 20-ni 2020 Tasiilami ingerlanneqarumaarnera.

  • Meeqqanut tunngasut annertunerusumik sammineqarumaartut ulluni marlunni ilisimatitsissutigai. Isumasioqatigiinneq Paamiut-ni pisussaagaluaq Tasiilamut nuunneqarpoq. 

2B. Allaffeqarfimmiit

  • Nunaqarfinnut aningaasaliissutinut Kontut aaqqissuunneqarneri naammassineqarput.

  • Konto atulersut ilanngullugit agguaanneqarput.

  • Aningaasat atorneqartut allattoqqissaarneqartalissapput, qaammatikkaartumillu malinnaavigineqarlutik Qinikkat allatseqarfianut nassiunneqartassallutik. 

 

 

Ilisimatitsissutit

Suliassamik saqqummiussaq

Soqanngilaq.

Apeqquteqaatit

Suliassamik saqqummiussaq

Soqanngilaq.

Aalajangiiffigisassat

Suliassamik saqqummiussaq

Josef Lund Josefsen & Nick Poulsen Pop-mik tusarnaartitsinissaannik neqeroorut 2020

Suliassamik saqqummiussaq

Aalajangiiffissaq

J.nr.: 01.10-A00-2-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik eqikkaaneq:

Josef Lund Josefsen nutaamik misiliilluni erinarsoriaatsimik tassa Pop-mik Nick Poulsen peqatigalugu aappaagu 2020-mi aallarnerfigalugu upernaakkut maj aallartinnerani tusarnaartitsillutik aallartinniarput.

Qinikkat allatseqarfianiit oqaaseqaatit

Soqanngilaq. 

Inassuteqaat:

Nunaqarfinni aqutsisut inassuteqaatigaat:

  • Nunaqarfimmi Aqutsisut allagaqartoq akineqartariaqartoq suliaq ingerlammat.

Ilanngussaq/Ilanngussat:

Neqeroorut ilanngullugu agguaanneqarpoq.  

Aalajangiineq:

NA-t akueraat pineqartullu nalinaarfigineqarnissaat sulissutigineqassasoq.

2020-mi Ukiup sinneranut ataatsimiiffissat

Suliassamik saqqummiussaq

Aalajangiiffigisassaq

J.nr.: 01.10-A00-2-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Kommunalbestyrelsep Nunaqarfinnut Aqutsisunut suleriusissiaa malillugu ukiup sinneranut ataatsimiiffissat ataatsimiinnermi sammineqassapput aalajangiiffigineqarlutillu. Ulluliussat Kommunip nittartagaanut inissinneqarumaarput.

Qinikkat allatseqarfianiit oqaaseqaatit

Soqanngilaq 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

lanngussaq/Ilanngussat

Aalajangiineq

  • NA-t aalajangiuppaat siorngatullu qaammatip qeqqata missaani marlunngornikkut ataatsimiittarnissaat aalajangiuppaat, allannguisoqarataannaallunilu.
Ukiortaarsiornissaq

Suliassamik saqqummiussaq

Aalajangiiffigisassaq

J.nr.: 01.10-A00-2-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Arsummi ukiortaarsiornissaq pilersaarusiorneqarnissaa aammalu aningaasat qanoq annertutigisut atorneqarnissaat ataatsimiinnermi sammineqassaaq. Nunaqarfimmi Aqutsisut siunertamut immikkoortitsinikuupput:

Ullorsiornerit innuttaasullu ataatsimooqatigiinneri.

100.000 kr.

Katerisimaartitsisarnernut, inuiattut ullorseerneq, Juulli, ukiortaarsiortitsisarnermullu.

 

Qinikkat allatseqarfianiit oqaaseqaatit

Suinertaq taperserneqarpoq.

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Soqanngilaq 

Aalajangiineq

NA-t aalajangiuppaat 01.02.2020 katersortarfimmi. Aalisakkanik pisaqarnerpaat pingasut kiisalu puisit amiinik tunisinerpaat pingasut, aammalu Fitness-illammannik timeq aalatillugu atuilluartunik kajumissaaserneqarlutik nereqatigiinnertalimmik.

Qinikkat allatseqarfianut ingerlateqqitassat

Suliassamik saqqummiussaq

Tusarniaassut – Sinerissap qanittuani aalisarneq pillugu immikkoortumut pilersaarut

Suliassamik saqqummiussaq

Aalajangiiffigisassaq

J.nr.:00.00.00-A00-5-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Kommunalbestyrelsip 30. apriili 2019-imi ataatsimiinnerani Pilersaarusiornermut periusissaq P18 akuersissutigineqarpoq, ilaatigut uku suliniutigisassanngorlutik:

  • ”Kommunimi illoqarfinni nunaqarfinnilu annerusumik minnerusumilluunniit inuussutissarsiutigalugu aalisartut piniartullu pisariaqartitaat tamakkerlugit qulaajarniarlugit aalisarneq pillugu immikkoortumut pilersaarummik suliaqartoqassaaq.”

Tamanna siorna aallartinneqarpoq, maannalu siunnersuut politikkerinut eqqartugassanngorlugu saqqummiunneqarluni.

Suliaq Sanarfinermut Avatangiisinullu Ingerlatsivimmit aqutsisoqatigiit suleqatigalugit suliarineqarpoq, aqutsisoqatigiit tassaasut kommunalbestyrelsimi ilaasortat Harald Bianco, Henrik Rachlev, Peter Davisen aamma piniartut peqatigiiffiinit KNAPK-mit, Neqitamit aamma NAPP-mit sinniisut.

Naatsumik oqaatigalugu, immikkoortumi pilersaarummi uku pineqarput:

  • Inatsisitigut tunngavigineqartoq
  • Politikkerit aamma immikkoortut suliniuteqarfiusut
  • Pineqartup killiffia Kommunimi illoqarfinni nunaqarfinnilu umiatsiaararsorluni aalisartunut atugassiat
  • Iliuusissatut pilersaarut – Qanoq angussavarput. Atugassiat pitsaanerulersinniarlugit sutigut suliaqartoqassava

Qinikkat allatseqarfianiit oqaaseqaatit

Allatseqarfiup Nunaqarfimmi Aqutsisut pilersaarut pillugu tusarniaassummut oqaaseqarnissaat neriuutigaa. Apeqquteqaatit Aqutsisoqatigiinnut ingerlateqqinneqarnissaat allaffeqarfiup isumagiumaarpaa.

Inassuteqaat/Inassuteqaatit

Qinikkanut allatseqarfiup inassuteqaatigaa:

  • Nunaqarfimmii aqutsisunit tusarniaassut oqaluuserineqassasoq, oqaaseqaatillu Aqutsisoqatigiinnut ingerlateqqinneqarumaartut

Ilanngussaq/Ilanngussat

  1. Sinerissap qanittuani aalisarneq pillugu immikkoortumut pilersaarut

Aalajangiineq

Tusarniaassissut allakkiorluni akissuteqarfigineqarnissaa aalajangiuppaat.

Tusarniaassut akuersissummik nutarterinissaq pillugu qinnuteqaat, 2007-45

Suliassamik saqqummiussaq

Aalajangiiffigisassaq

J.nr.: 01.10-A00-2-20

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Aatsitassalerinermik naalakkersuisoqarfik allakkamik tigusaqarsimavoq misissueqqissaarnissamut isumaqatigiissutip  sivitsorneqarnissaanik 2007-45 pillugu, killilerneqarsimasumik 30/1-2020.

  • ”Kalaallit Nunaanni Namminersorlutik Oqartussat akisussaaffigiumanngisat pillugit allagaa e-mail una (fil-it ilanngullugit nassiunneqarsimasut ilanngullugit)inummut aalajangersimasunmut atugassanngorlugu paasissutissanillu siammerterneqartussaanngitsunik imaqarsinnaalluni, taakkulu inatsisitigut illersugaallutik. Illit tigusisussaanngikkaluarlutit paasissutissat taakku tigusimagukkit e-mail pineqartoq fil-it ilanngullugit nassiunneqarsimasut ilanngullgit Kalaallit Nunaanni Namminersorlutik Oqartussat utertissavatit uppernarsarlugulu tigusimasatit tamarmik piiarneqartut allanut ingerlateqqinneqarsimanngitsut, assilineqarsimanngitsut siammarterneqarsimanngitsullu.”

Naatsumik oqaatigalugu, immikkoortumi pilersaarummi nunaminertaq  pineqarpoq:

  • Nunaminertaq 50km2, inissisimaffia Arsuk Kangiani 16 km miss.

Qinikkat allatseqarfianiit oqaaseqaatit

Allatseqarfiup Nunaqarfimmi Aqutsisut pilersaarut pillugu tusarniaassummut oqaaseqarnissaat neriuutigaa. Apeqquteqaatit Aqutsisoqatigiinnut ingerlateqqinneqarnissaat allaffeqarfiup isumagiumaarpaa.

Inassuteqaat/Inassuteqaatit

Qinikkanut allatseqarfiup inassuteqaatigaa:

  • Nunaqarfimmii aqutsisunit tusarniaassut oqaluuserineqassasoq, oqaaseqaatillu Aatsitassanut aqutsisoqarfimmut ingerlateqqinneqarumaartut

Ilanngussaq/Ilanngussat

  • E-mail-ip imarisai ullulerneqarsimasoq 10.01.2020 Aatsitassanik Aqutsisoqarfimminngaanneersoq ilanngullugit agguaanneqarput.
Borgmesterimut ataatsimeeqateqarnissamut oqaluuserisassanngortitat

Suliassamik saqqummiussaq

Soqanngilaq.

Oqaluuserisassat matoqqasut

Suliassamik saqqummiussaq

Soqanngilaq.

Taasariaqartut allat

Suliassamik saqqummiussaq

  • Ataatsimiinnissamut tullermut nunaqqatigiit tusarniaaffigineqarnerata allattorneqarneri Februar-imut 2020.
Imaqarniliap akuerineqarnera

Suliassamik saqqummiussaq