Nunaqarfimmi Aqutsisut naliginnaasumik ataatsimiinnerat

Peqataasut.:

Mánassínguaκ Noahsen (S)

Gertrud Henriksen(S)

Ingvar Motzfeldt (S)

Jakob Josefsen (S)

Anda Nathanielsen (IA)

Ilisimatitsissut

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

2-ni December Nunaqarfitsinni Orpik ikinneqarpoq,Nal,16,00

Nunaqqataasunik peqataaffigineqarluartumik,meeqqanullu nuannersumik,pisoqarluni.

Nissimaaq tikissimavoq.

21-ni December Nunaqqatigiit Juullerpalaartumik unnussioqatigiipput peqataaffigineqarluartumik.

Unnuup ingerlanerani eqqugassaqartitsisoqarpoq,isertut normumik tigusinerisigut.

Juullerpaluttunik tussiaqatigiittoqarluni,ukioq mannalu Nunaqqatinnguagut toqukkut qimaguttut

Eqqaaniarneqarlutik.UKIUMUT NUTAAMUT ISERLUARPUGUT.

Qinikkat allatseqarfianiit oqaaseqaatit

Inassuteqaat/Inassuteqaatit

Ilanngussaq/Ilanngussat

Allakkiaq J.Josefsen-mit

Ilisimatitsissut

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Ukioq 2019 aallarnerlugu ataatsimiinnerni oqaluuserisassat aaqqissuuneqarneri nutarsarneqarput. Nunaqarfinni Aqutsisut susassaqarfiit aammalu pisinnatitaaffii eqqarsaatigalugit oqaluuserisat aaqqissuunneqartarnissaat siunertaavoq, taamatuttaaq suliakkiissutit ingerlateqqinneqartarnissaanut periuseq pitsaanerusoq qulakkeerniarlugu.

Oqaluuserisassat ilitsersuummi nassuiaateqarfigineqarput, taannalu kakkiussanngorlugu ilaasortanut aggutaaneqarpoq.

Qinikkat allatseqarfianiit oqaaseqaatit

Inassuteqaat/Inassuteqaatit

Allaffeqarfimmiit inassuteqaatigineqarpoq:

• Ilisimatitsissut tusaatissatut tiguneqassasoq

Ilanngussaq/Ilanngussat

• Iltsersuut

Aalajangiiffigisassaq

J.nr.: 16.03-P15-1-18

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Pilersaarusiornermut inatsimmi § 34 naapertorlugu kommunimi qinersiviusup affaa siulleq naatinnagu (tassa kingusinnerpaamik 2018/19-imi ukiup nikinnerani) Pilersaarusiornermut periusissiassatut siunnersuut kommunalbestyrelsimit saqqummiunneqarsimassaaq. Siunissami kommunimut pilersaarusiornermi suut aallutarineqassanersut periusissiami allaaserineqarsimassapput.

Pilersaarusiornermut periusissiaq P18-imut siunnersuut ilanngussaq ima imaqarpoq:

• kommunimut pilersaarutip kukkunersiorneqarneranit kingullermilli pilersaarusiornerup killiffia (kommunimut pilersaarutip digitaliusup Sermersooq2028.gl-ip 2017-imi marsip qaammataani pilersinneqarneranik imalik)
• siunissami ineriartortinnissaanut apeqqutit pingaarnerit nassuiaatigineqarneri
• periusissiami nutaami kingornalu kommunimut pilersaarummi aallutassatut nutaatut innersuussutit

Suliniutit nutaat imaluunniit aallutarisassat nutaat pingaartillugit pilersaarusiornermut periusissiaq iluarsisassatut siunnersuutigineqartoq kommunalbestyrelsip aggustip ulluisa 27-anni immikkut sammisaqartinneqarnerani saqqummiunneqarpoq. Tamatuma kingorna Pilersaarusiornermut periusissiaq P18-imut inaarutaasumik siunnersuut suliarinepoq, massakkullu inaarutaasumik akuersissutigineqannginnerani tamanut tusarniaassutigineqarluni.

Qinikkat allatseqarfianiit oqaaseqaatit

Pilersaarusiornermut pilersaarusiaq taamatut isikkoqartillugu taperserneqarnissaa allaffeqarfimmiit siunnersuutigineqarpoq. Nunaqarfinnut tunngatillugu periusissiami piffissami pilersaarusiorfissami aggersumi sammisarineqartussatut ataani aalajangerneqartut taperserneqarnissaat innersuutigineqarput:

• Nunaqarfiit pillugit immikkoortumut pilersaarutip piviusunngortinneqarnissaa
• Nunaqarfinni ataasiakkaani inuussutissarsiutit ineriartortinneqarnissaannut pilersaarutit

• Kapisilinnut avatangiisinik illersuiffiusumut nungusaataanngitsumullu pilersaarut

Taamatuttaaq Kommunimut tamarmut eqqarsaatigalugit suliniutissat:

• Nunami takornartitsineq qulequtakkuutaarlugu pilersaarusiorneqarnerata ineriartortinneqarnera, Tasiilap eqqaa, Ittoqqortoormiit, Paamiut eqqaat, Arsuup kangerlua aamma Nuup kangerlua ilanngullugit.
• Kommunimi illoqarfinni nunaqarfinnilu annerusumik minnerusumilluunniit inuussutissarsiutigalugu aalisartut piniartullu pisariaqartitaat tamakkerlugit Aalisarneq pillugu immikkoortumut pilersaarummik suliaqarneq

Naggataagullu Tasiilap eqqalu eqqarsaatigalugit:

• UNESCO-mi nunarsuarmi kingornussanut Tasiilap nunallu pissusaata akuerineqarnissaanik qinnuteqaammut pilersaarut

Inassuteqaat/Inassuteqaatit

Nunaqarfinni aqutsisut inassuteqaatigaat:

• Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Pilersaarusiornermut periusissiaq

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Ilisimaleriikkatut maani nunaqarfitsinni Qeqertarsuatsiaani peqqinnissaqarfik iluamik ingerlanngilaq.

Maani peqqinnissaqarfitsinni sulisumik aalaakkaasumik sulisoqartariaqarnera, sulisuusimasup soraarneranut tunngatillugu Nuummi “Peqqinnissaqarfiup immikkoortuani nakorsat pisortaat” Jesper Olesen oqarasuaatikkut ilungersunarrtorsiorneq pillugu oqaloqatigaara. Siullermik Nunaqarfinni ataqatigiissaarisorput isumasioriarlugu qisuariartereerlugu.

Tassani erseqqissarneqarpoq maani Qeqertarsuatsiaani sulilivittussamik pissarsiorluni nivinngaasoqarsimasoq soqutiginnissinnaasumik pissarsiorluni, aammalu utaqqiisaagallartumik taartaasussamik pissarsiortoqartoq kiisalu sulilivittussamik pissarsisinnaaneq ajornartorsiutaasoq nunaqarfimmiuniit sulisumut nuanninngitsumik iliuuseqartarsimaneq patsisaalluni ornigineqarpallaarsimannani.

Tamanna iluarsineqassappat peqqinnissaqarfik qinikkatut ataatsimeeqatiginissaa pisariaqarsorinarpoq qinikkallu tamatuminnga iliuuseqaqataanissaat kaammattuutigaara

Inassuteqaat/Inassuteqaatit

Ilanngussaq/Ilanngussat

Allagaqaat M. Noahsen-mit

Aalajangiiffigisassaq

J.nr.:

Suliffeqarfimmi Kiffartuussineq - Kommunaldirektøri Lars Møller-Sørensen / LMS

Suliassamik saqqummiussineq

Siullermik ukiortaami pilluaritsi, qujanarlu 2018-imi tapersersuillusi tapiisarnissinnut. Neriulluta aamma ukioq 2019 pisarnissitut tapersersuilluarumaartusi.

Siullermik nalunaarutigissavara Timersoqatigiiffik Iliarssuk-mi ataatsimeersuarnermi ilaasortanit piumasarineqarmat ukioq 2019-mi angutit inersimasut futsal-imi gm-ertoqarnerani peqataasoqassasoq, taannalu siulersuisut tungaanniit isumagivarput tamannalu aamma angullugu, taamaattumik peqataassagaanni akiliisoqartarpoq, kakkiussamilu ilanngussani uppernarsaat ilanngupparput aammalu qanoq atsigissusaa takuneqarsinnaalluni.

Taammaattumik neriuutigaarput tapiisinnaassasusi, uagummi aningaasaatigut amigarluinnarmata imaasiallaannarlu taama atsigisumik aningaasanik isertitsisinnaanata. Ilaasortagut pakatsisissanngikkitsigit noqqaassuterput akuerineqarnissaa neriuutigaarput.

Inassuteqaat/Inassuteqaatit

Nunaqarfinni aqutsisut inassuteqaatigaat: Aalajangiiffigisassaq akuersissutigineqassasoq

Ilanngussaq/Ilanngussat

Iliarssuup qinnuteqaataa.