Ileqquusumik ataatsimiinneq

Immikkoortortaqarfiit
Najukkami ataatsimiititaq Nuuk
Date
11. March 2019 -
Qulequtaq
Saqqaa

Suliassamik saqqummiussaq

Ileqquusumik ataatsimiinneq

Nuummi Najukkami Ataatsimiititaliaq

Oqaluuserisassat

Ataasinngorneq, ulloq 11. marsi 2019 nal. 16.30-18.30

 

Ilaasortat

Nivi Katrine Christensen

Arnarissoq Fleischer

Moses Masik Marcussen- Mølgaard

Ujammiugaq Engell

Poul Petersen

Finn Meinel

Aviaq Brandt

Nadia Aviaq Olsen

”Ari” Hansine P Rasmussen

Naleraq Eugenius

Pisinnaanatik nalunaartut
Naleraq Eugenius
Arnarissoq Fleischer

Aggersarneqarpoq
Jutho Wilche

Ullormut oqaluuserisassat akuerineqarneri

Suliassamik saqqummiussaq

Nalunaarutit

Suliassamik saqqummiussaq

Najukkami Ataatsimiititaliap isumasioqatigiinnissaa

Najukkami Ataatsimiititaliap isumasioqatigiinnissaanut ulloq allanngortinneqarpoq uani pisussanngorlugu 10-11. juuni 2019

Ileqquusumik ataatsimiinnissamut ulloq nutaaq tassaavoq 6. maaji allanngortinneqanngilaq, siullermik ulluliussaq 13. maaji uterfigeqqikkusunngikkussiuk. Ukiumut pilersaarut februaarip 20-ani mailikkut nassiunneqarpoq.

Ataatsimeeqataasinnaanani nalunaarnerit

Ataatsimeeqataasinnaanngikkaangassi sapinngisamik piaartumik nalunaalaartassaasi, allatseqarfik sinniisussanik ataatsimiigiaqqusinissaminut piffissaqartarniassammat.

Akiligassat

Akiligassanik Najukkami Ataatsimiititaliamit akilerneqartussanik nassiussinerit tamaasa  (uunga nassiuttassapput: efaktura@sermersooq.gl) allatseqarfik assinganik mailikkut nassillugu ilisimatinneqartassaaq uungalu nassiuttassaaq (jish@sermersooq.gl). Taamaaliortassaasi Najukkami Ataatsimiititaliap naatsorsuutaasa malinnaaffigineqarluarnissaat qulakkeerniarlugu.

Itigartitsinerit

Allatseqarfik angalanissamut tapiiffigineqarnissamut qinnuteqaammik tigusaqarsimavoq (timmisartornissamut billetti) itigartitsissuteqarnerlu pillugu allakkiorniarluni, tassami Najukkami Ataatsimiititaliaq angalanissanut aningaasartuutinik akiliussineq ajormat.

Najukkami Ataatsimiititaliami ilaasortat allakkap assinganik nassinneqarumaarput.

Ilisimatitsissutit

Suliassamik saqqummiussaq

2019-imi aningaasaliissutit atugassanngortinneqarsimasut pillugit killiffik

Suliassamik saqqummiussaq

4A 2019-imi aningaasaliissutit atugassanngortinneqarsimasut pillugit killiffik

Nuummi Najukkami Ataatsimiititaliaq 2019-imi katillugit 4.225.000 koruuninik atugassinneqarpoq. Tamatuma saniatigut inunnut qulinut qaammammut 2.124 koruuninik akissarsiaqartitsinissamut taakkunannga ilanngaasoqartassaaq, tassa ukiumut 255.000 koruuniussapput.
 

Taamaalilluni Najukkami Ataatsimiititaliaq 2019-imi 3.970.000 koruuninik aningaasaliissutinik atuisinnaavoq.


2019-imi aningaasaliissutit atugassanngortinneqarsimasut pillugit marsip aallartinnerani killiffiat imaappoq:

 

Aningaasartuutit

Aningaasat atorneqartut/kr.[1]

 

Ataatsimiinnermi sutugassaqartitsineq

 

1400

Nuummi apummik ilusilersuineq. (2019-imi 120.000 koruunit tungaannut aningaasaliiffigineqarput)

 

35.400

Oqaluttuarisaaneq pillugu allagartalersuutit (2019-imi 20.000 koruunit tungaannut aningaasaliissutigineqarput)

 

6.000

Qiajuk Studio – Nuummi innuttaasunut qitittarfimmik pilersitsinissaq pillugu filmimik takutitsineq oqallinnerlu

 

10.000

René Design – paasissutissanik naqiterinermut

 

8.762

Arsaattarfiit eqqaanni qullilersuineq ungalulersuinerlu

(Maluginiagassaq Suliassaq naammassippat aatsaat tunniunneqassapput)

 

152.990 kr.

Katillugit

214.552 kr.

 

Aningaasat atorsinnaasat

Atuineq:

Atorsinnaasat:

 

Kr. 3.970.000

 

Kr. 214.552

 

Kr. 3.755.448

 

Inassuteqaatigineqarpoq

Inassuteqaatigineqarpoq:

  • Ilisimatitsissut tusaatitut tiguneqassasoq

Ilanngussaq

Soqanngilaq

 


[1] Suliniutinut ataasiakkaanut inaarutaasumik naatsorsuusiat sillimaffigineqassaaq. Aningaasat atorneqanngitsoortut Najukkami Ataatsimiititamut utertinneqassapput

Aalajangiineq

Ilisimatitsissut tusaatitut tiguneqassasoq

Aalajangiiffigisassat

Suliassamik saqqummiussaq

Utoqqaat Siunnersuisooqatigiiviniit saaffiginnissut

Suliassamik saqqummiussaq

Utoqqaat Siunnersuisooqatigiiviniit saaffiginnissut – utoqqalinersiutillit akeqanngitsumik bussersinnaanissaat

 

Nuummi Najukkami Ataatsimiititaliaq ulloq 1 marsi 2019 Isumaginninnermut Suliffeqarnermullu Ingerlatsivimmiit allakkanik tigusaqarpoq. Ingerlatsivik Nuummi Najukkami Ataatsimiititaliamut Kommuneqarfik Sermersuumi Utoqqaat Siunnersuisooqatigiivi sinnerlugit saaffiginnissuteqarpoq.

Saaffiginnissummi imatut allassimasoqarpoq:

”Kommuneqarfik Sermersuumi Utoqqaat Siunnersuisooqatigiivi ulluni 28 novembari 2018-imi aammalu 22 februaari 2019-imi ataatsimiittarnerminni sammisassanut assigiinngitsunut tapiiffigineqartarnissaminnik eqqartuisarsimapput. Tassani pineqarput aaqqissuussat, illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu illoqarfiup immikkoortuini utoqqaat, meeqqat, angajoqqaat kiisalu illoqarfiup immikkoortuini inuit atorfissaaruttutut ittunut nukittorsaataasut aamma/ imaluunniit attaveqalersitsisut.

Utoqqaat Siunnersuisooqatigiivisa ataatsimiittarnerminni immikkoortoq, utoqqalinersiallit Nuummi Nuup Bussiinik Nuup, Nuussuup aammalu Qinngutta akornanni atuisarnerannut tunngasoq eqqartortarpaat. Bussinut korti ullumikkut Nuummi utoqqalinersialinnut qaammammut 252 koruuninik akeqarpoq, ilisimaneqarporlu kommunini allani, soorlu Qeqqata Kommuniani, bussertarnermut tunngatillugu atugarissaarnerusut. Qeqqata Kommuniani utoqqalinersialinnut busserneq nal 08.00 - 16.00 akornanni akeqartinneqanngilaq, aamma nal 08.00 sioqqullugu aammalu nal 16.00 kingornatigut ilaanermut ataatsimut busserneq 6,00 koruuneqartinneqartarpoq. (bussimut billetsi akunneq ataaseq atuuttarpoq)

Utoqqaat Siunnersuisooqatigiivinit ilisimaneqarpoq Nuummiinnaq utoqqalinersiallit 900-t missaanniinnerat, Utoqqaallu Siunnersuisooqatigiivinit ilisimaneqarportaaq utoqqalinersiaqaleraanni aningaasat qaammammut naammattusaarneqarsinnaanerat ajornakusoorsisartoq.

Utoqqaat Siunnersuisooqatigiivisa Najukkami Ataatsimiititaliaq kaammattorumavaa misissorneqassasoq utoqqalinersiallit akeqanngitsumik bussersinnaanissaat imaluunniit Qeqqata Kommuniani atugassaritinneqartup assinganik periarfissaqarnissaa.”

Inassuteqaat

Inassutigineqarpoq:

  • Nuummi Najukkami Ataatsimiititaliamit saaffiginnissut ilisimatitsissutitut tiguneqassasoq

  • Nuummi Najukkami Ataatsimiititaliap akissuteqaatissatut siunnersuut akuerineqassasoq ilassutitalerlugu allanik oqaaseqaateqartoqarnissaanut

Allatseqarfimmiit oqaaseqaatit

Allatseqarfiup oqaatigissavaa, Nuup Bussiisa akigititaat Najukkami Ataatsimiititaliap aalajangiiffigisinnaasaasa avataaniimmat. Akeqanngitsumik utoqqalinersiallit bussertarnissaannik Utoqqaat Siunnersuisooqatigivisa siunnersuutaat Kommunalbestyrelsip susassaqarfianiippoq, taannalu saaffissaavoq eqqortoq, tassani kommunip ingerlatsineranut missingersuutinut tunngasut aammalu kommunip selskabiutaani allannguisoqarnissaanut siunnersuutinut tunngasunik suliaqartussaasoq.

Utoqqaat Siunnersuisooqatigiivisa malittarisassaanni §3 imm 3 naleqqiuguk, Utoqqaat Siunnersuisooqatigiivi sukkulluunniit Kommunalbestyrelsimut siunnersuuteqarnissaminnut periarfissaqartinneqarput.

Utoqqaat Siunnersuisooqatigiivinut akissuteqaateqarnissami pingaartinneqassaaq, Najukkami Ataatsimiititaliaq sammisassanut aamma utoqqarnut suliniutinut aningaasanik tapiissuteqartoqarsinnaanera periarfissaasoq aamma Najukkami Ataatsimiititaliamit Utoqqaat Siunnersuisooqatigiivisa, utoqqaat peqatigiiffiisa imaluunniit Nuummi utoqqaat aaqqissuussinernut, asiarnernut imaluunniit Nuummi utoqqarnut iluaqutaasumik aaqqissuussinernut aningaasanik qinnuteqaatit tigulluarneqartarnissaat. Akissuteqaatigineqartumi qinnuteqaateqartarnermi periutsit aammalu tunniussisoqartarnerani piumasaqaatigineqartut innersuussutigineqassapput.

Ilanngussat

1 Utoqqaat Siunnersuisooqatigiivisa ulloq 1 marsi 2019-imi saaffiginnissutaat

2 Nuummi Najukkami Ataatsimiititaliamiit akissutissatut siunnersuut

Aalajangiineq

Utoqqarnut siunnersuisooqatigiit saaffiginnissutaat ilisimatitsissutitut tiguneqarpoq akissutitullu allagaqaatissaq akuersissutigineqarluni.

Qinnuteqarneq – Meqqaanut sumiginnakkanut angalatitsineq, Meeqqat Ikiortigit

Suliassamik saqqummiussaq

Qinnuteqarneq – Meqqaanut sumiginnakkanut angalatitsineq, Meeqqat Ikiortigit

 

Najukkami Ataatsimiititaliap aningaasanik qinnuteqaat Kalaallit Nunaanni Meeqqat Ikiortigimiit ulloq 8. februar 2019 tiguaat. 12.025 kronit meeqqanut sumiginnakkanut angalatitsinissamut qinnutigineqarput 9. juni 2019-mi atugassatut.

Qinnuteqaat takussutissatut ilanngunneqarpoq (ilanngussaq 1) Qinnuteqaammi ilaatigut ima allaqqasoqarpoq:

"Meeqqat ajornartorsiortut sumiginnakkallu ulluinnaat qimalaarnissaat siunertaavoq, silaannarissumut misigisassarsiornissamut aamma angajoqqaat sulisullu toqqissisimasumik katerisimaaqatigiinissaannut.

Qaqqakkut angalaarneq silaanarissiorneruvoq, timi aalatillugu nuannersunillu misigisassarsiorluni. Meeqqat pinngortitaq najugartik paasisaqarfigissavaat, kiisalu unamminartunik misigisassaqartinneqassallutik. Ulluinnarni ajornartorsiutit qaqqasiornikkut puigorallarneqarsinnaapput nuannisaqatigiillunilu.

(...) Angallat Immanuel 6-7 tiimini angallassinissaminut neqeroorpoq, aalisarneq nunaliarnerlu ilanngullugit.

Meeqqat angajoqqaallu peqataassapput, Ilaqutariinnik Sullissivimmut Nuummiittumut attuumassutillit. Ilaqutariit pisariaqartippaat meeqqanut immikkut sammisassaqartitsinikkut pilersitsisoqarnissaa, tassuunalu nuannersumik misigisassarsiornikkut angajoqqaat meeqqallu atassuteqalernissaannut ikorfartuutaasinnaasumik.

Nuummi Najukkami Ataatsimiititaliap Ilaqutariinnik Sullissivik aqqutigalugu ilaqutariit atassuteqarfigai, aalajangersimasunik sammisaqartarput timi aalanissaanut periarfissaqarlutik, silami misigisassarsiortarneq aammalu toqqissisimasumik katerisimaartarnissaq qitiulluni.

Angalanissamut meeqqat 16-t qaaqquavut inersimasullu arfineq-marluk, Najukkami Ataatsimiititaliameersullu kajumissutsimik peqataasut sisamat.

Innersuutigineqartoq

Uunga innersuussutigineqarpoq:

  • Nuummi Najukkami Ataatsimiititaliap qinnuteqaat oqaloqatigiissutigissagaat aalajangiillutillu siunertamut aningaasanik tapiissanersut.

    Ilanngussat

    1 Meeqqat Ikiortigit-mit qinnuteqaat ulloq 8. feb 2019

Aalajangiineq

Meeqqat aarlerinartorsiortut Red Barnet-ip aaqqissugaanik angallammik angalaartussat, 12.025 kr.-nik tapiiffiginissaat akuersissutigineqarpoq.

Qinnuteqaat – Ernisarfik, Dronning Ingridip Napparsimmavissua

Suliassamik saqqummiussaq

5C: Qinnuteqaat – Ernisarfik, Dronning Ingridip Napparsimmavissua

  1. ulluisa 22-ni 2019, Nuummi Najukkami Ataatsimiititaliaq, Dronning Ingridip Napparsimmavissuani Ernisarfimmiit aningaasaliiffigineqarnissamut qinnuteqaammik tigusaqarput. Pisatsersuinissamut 20.000 koruuninik qinnuteqarput.

Qinnuteqaat missingersuutitalerlugu ilanngussatut kakkiunneqarpoq. Qinnuteqaammi ilaatigut ima allassimasoqarpoq:

”DIH-imi ernisussiortut nunatsinni erniartortut ernisarfimmiinneranni misigisaat pitsanngorsarusuppaat. Ernisarfik apriilimi 2014-imi ininut angisuunut nutaanut nuunneqarpoq, taamaattorli angerlarsimaffippalaartumik pilersitsinissamut ukkassinissaq killeqarluni – erninerit amerlanerit pissusissamissut pinartoqanngitsumik ingerlasarput, taamaattumik inini napparsimavippalaartuni angerlarsimaffippalaarneq toqqissisimanermillu misiginissap pilersinnissaa kissaatigivarput.

Tapiiffigineqarnermik kissaateqarnitsinnut ilaatigut ukua pisiarissavavut:

  • Højtalerit mikisut angallattakkat.

  • Ilisimatusarnermi misissuinerit takutippaat sianiutit, malugissutsit hormonillu ataqatigiittut. Højtalerit mikisut atorlugit aappariit ernisarfik nammineq akisunnerminnik misigissutsiminillu pilersitsiffigisinnaavaat – tassuuna aappariit toqqissisimanerulissapput arnarlu pitsaanerusumik nallisitsisalissaaq erninerullu pissusissamisut ingerlaannarnissaa qulakkeerneqassalluni.

  • Naneruutaasat LED-illit.

  • Rebozo-t

    ”Rebozo” qungaseqummik/ulimmik isumaqarpoq. Ernisuttumut tagiartuutitut erninerulluunniit ingerlanerani aalanermut pitsaasumut iluaqutissatut atugassatut tulluarsakkat.

  • Skaaviit

    "Peqqissaavissunni" peerniarlugu erninermi nalinginnaasumi pinartoqartillugu sakkut toqqoqqanissaat pillugit skaavinnik immikkuullarissunik pisariaqartitsivugut.

  • Saagut akimut ersinngitsut (qaqortut)

  • Projektori

    Projektori atorlugu inimi namminneq misigissutsitik atorlugit toqqaasinnaapput. Angerlarsimaffimmit illoqarfigisamit pinngortitarsuup assinginik imaluunniit pinngortitarsuarmi assinik kusanartorsuarnik isiginnaarnissaq taamaalilluni periarfissaavoq?"

Allatseqarfimmit oqaaseqaatit:

Allatseqarfiup erseqqissaatigaa Peqqinnissaqarfik SANA-lu Namminersorlutik Oqartussat ataaniimmat taamaattumik Kommunip susassaqarfiata avataaniittoq.

Kommunit aqutsinermut inatsisaa § 32 imm 4 naapertorlugu Najukkami ataatsimiititaliat aningaasat atorsinnaasut (…)tamanut tusarniaanernut, kulturimut, timersornermut imaluunniit inunnik katerisimaartitsinernut atorneqarsinnaapput.

Najukkami ataatsimiititaliat pillugit ileqqoreqqusami takuneqarsinnaavoq §2 Imm 4 aamma imm 5:

Najukkami Ataatsimiititaliamut aningaasaliissutinit sumiiffimmi najugaqartut, peqatigiiffiit, kommunimi politikerit aammalu oqartussat akornanni suleqatigiinnerat, kiisalu sumiiffinni innuttaasut taakkulu timitalimmik, kulturikkut oqartussaaqataanerisalu periarfissaasa naleqartitaasalu attannissaat inerisaqqinnissaallu siuarsarneqassapput.

Aningaasanik agguaassisarnermi makkua eqqarsaatigineqassapput:

  • Aaqqissuussat sumiiffinni najugaqartunut ataatsimoornerulersitsisut inooriaatsimillu ilorraap tungaanut saatitsisinnaasut.

  • Aaqqissuussat, illoqarfiup ikmmikkoortuani najugaqartunut ataatsimoornerulersitsisut inooriaatsimillu ilorraap tungaanut saatitsisinnaasut

  • Aaqqissuussat, illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu utoqqaat, meeqqat, angajoqqaat imaluunniit ataatsimoorfiusartut arlaatigut anguniagaqarlutik pitsaanerulersitsinissaq anguniarlugu sulissuteqartartut.

  • Aaqqissuussat neqeroorutillu kulturikkut, nipilersornikkut, timersornikkut eqqumiitsuliornikkut sunngiffimmilu sammisassaqartitsinikkut siunertarineqartut pitsaanerulersinnissaannut ineriartortinneqarnissaannullu tunngassuteqartut.

  • Agguaanneqartussatut aningaasaliissutit aamma tusarniaassutinut tamanut ammasumik ingerlatitassanut, workshoppinut, suliniutinut, aaqqissukkanut allanut sulianulluunniit najukkami ataatsimiititaliap pilersitaanut atorneqarsinnaapput.

Inassutigineqartoq

Inassutigineqarpoq:

  • Nuummi Najugaqartut Ataatsimiititaliaata qinnuteqaat oqallisigissagaat aalajangerlugulu siunertamut aningaasaliisoqassanersoq.

Ilanngussat

1 Ernisarfimmit qinnuteqaat, Dronning Ingridp Napparsimavissua februaarip ulluisa 22-t2019.

Aalajangiineq

Najukkami Ataatsimiititaliap qinnuteqaat itigartitsissutigaa (6 akerliupput taavalu 1 akuersivoq) oqaaseqaatigalugu Najukkami Ataatsimiititaliap malittarisassai najoqqutaralugit akuersissuteqarnermilu nalilersuutit tunngavigalugit ernisarfimmut pequtisiutissanut tapiissuteqarnissaq naapertuutinngimmat. Taamaakkaluartoq Najukkami Ataatsimiititaliap Ernisarfik siunnersorsinnaavaa, Helene aamma Svend Jungep aningaasaateqarfianut qinnuteqaateqaqqullugit.

Kalaaliaqqamut nutaassamut suleqatigiinnissamut ataatsimiititami peqataasunik marlunnik inassuteqarneq

Suliassamik saqqummiussaq

Kalaaliaqqamut nutaassamut suleqatigiinnissamut ataatsimiititami peqataasunik marlunnik inassuteqarneq

Sanarfinermut Avatangiisinullu Ingerlatsivik Nuutoqqami kalaalimineerniarfissap pilersinnissaanut atatillugu Najukkami Ataatsimiititaliamut saaffiginnissuteqarpoq, pilersaarutit malillugit maj naalerpat 2019-mi piareertussaq. Sanarfinermut Avatangiisinullu Ingerlatsiviup Najukkami Ataatsimiititaliami ilaasortat marluk suleqatigiinnissamut ataatsimiititaliamut peqataanissaanut qaaqqusipput, siunissami Kalaaliarassaq ingerlalernissaanut maleruagassat ajunnginnerpaamik ilusilersorneqarnerani taperseeqataanissaanut.

Suleqatigiinnissamut ataatsimiititaliami ilaasortat ukuussapput:

Kommunalbestyrelsemit (Partiit siulittaasui) inuit marluk

Aalisartut Piniartullu Peqatigiiffianeersut (NAPP og NEQITAQ) inuit pingasut

Kommuneqarfik Sermersuumiit inuit marluk

Nuummi Najukkami Ataatsimiititaliamiit inuit marluk

Pingasoriarluni ataatsimiittoqartarnissaa naatsorsuutigineqassaaq. Ataatsimiinneq siulleq ulloqeqqasioqatigiinnikkut pissaaq ulloq 28. marts nal 10.00-12.30

Sanarfinermut Avatangiisinullu Ingerlatsivik neriuppoq ilaasortat marluk Najukkami Ataatsimiititaliamiit suleqatigiinnissamut ataatsimiititaliamut tunniussimallutik tapersiisinnaassasut, illoqarfigisatsinni ingerlalluartumik Kalaaliaraateqarnera Kommuneqarfik Sermersuumut annertuumik pingaaruteqarmat.

Allatseqarfimmit oqaaseqatit:

Allatseqarfiup unnersuussutigaa Najukkami Ataatsimiititaliami siulittaasoq Poul Petersen ilaasortaasussat marluusut aappaattut qinerneqassasoq.

Inassutigineqartoq

Innersuusiffissat:

  • Nuummi Ataatsimiititaliaq ilaasortanik marlunnik suleqatigiinnissamut ataatsimiititaliami ilaasortassanik toqqaassasoq.

Ilanngussat

Soqanngilaq

Aalajangiineq

Aalajangerneqarpoq Poul Petersen suleqatigiinnissamut ataatsimiititaliami ilaasortatut qinerneqartoq. Tassunga atatillugu Najukkami Ataatsimiititaliap tupigusuutigaa, nerisassiornermut tunngasunik nittarsaassisut NERISA – an arctic food cluster nammineq ingerlataminnik suliffiutilinnit neriniartarfiutilinniit, Semersooq Business Council allaniillu ilaasortaaffigineqartoq suleqatigiinnissamut ataatsimiititaliami ilaasortaatitaqanngimmat. Taamaattumik Najukkami Ataatsimiititaliap siunnersuutigaa namminneq ilaasortassamik marluk aappaat NERISA-mut tunniunneqassasoq.

Taasariaqartut allat

Suliassamik saqqummiussaq

  • Aviaq Brandt siunnersuuteqarpoq Najukkami Ataatsimiititaliap messengerikkut attaveqaataa atorunnaarsinneqassasoq, email-ikkut attaveqartarnissaq atorneqarniassammat.
  • Poul Petersen nalunaarpoq, paasissutissiisarnissaq pillugu quppersakkami attaveqarfissat allassimanngitsut. Tamanna ajuusaarnarpoq.
    Tassunga atatillugu kissaatigivaa, Najukkami Ataatsimiititaliap facebookikkut quppernera atorneqarnerulissasoq siunertanullu aalajangersimasunut atorneqarnerulissalluni.
  • Nadia Olsenip tamanut kaammattuutigaa 2019-imut tunngatillugu isumassarsiaminnik suliniutigerusutaminnillu saqqummiussisaqqullugit.
Imaqarniliap akuerineqarnera

Suliassamik saqqummiussaq

Imaqarniliaq akuerisassanngorlugu ilaasortanut mailikkut nassiunneqassaaq.

Imaqarniliaq ulloq  15. marsi 2019 akuersissutigineqarpoq