Ileqquusumik ataatsimiinneq

Immikkoortortaqarfiit
Najukkami ataatsimiititaq Nuuk
Date
12. February 2019 -
Qulequtaq
Ullormut oqaluuserisassat

Suliassamik saqqummiussaq

Ileqquusumik ataatsimiinneq

Nuummi Najukkami Ataatsimiititaliaq

 

Ullormut oqaluuserisassat

 

Ataasinngorneq 14. januaari 2019, nal. 16.30-18.30

 

 

 

Ilaasortat

Nivi Katrine Christensen

Arnarissoq Fleischer

Moses Masik Marcussen- Mølgaard

Ujammiugaq Engell

Poul Petersen

Finn Meinel

Aviaq Brandt

Nadia Aviaq Olsen

”Ari” Hansine P Rasmussen

Naleraq Eugenius

 

 

Ataatsimeeqataasinnaanani nalunaartoq

Nivi Katrine Christensen

 

Aggersarneqarpoq

Esmar Bergstrøm

Poul Petersen

 

 

 

Ullormut oqaluuserisassat

 

Imai:

1. Ullormut oqaluuserisassat akuerineqarneri 3

2. Ilisimatitsissutit 3

2A: ASN pillugu tusarniaanermut akissummik ilisimatitsissut 3

2B: Suliniutit pilersaarutaasut killiffii aamma 2018-imi naatsorsuutinik oqimaaqatigiissitsineq. 4

3. Aalajangiiffigisassat 6

3A: Pinnguartarfiit iluarsaanneqarnissaat 6

3B: Qinnuteqaat: Paarsisoq – Pinngussat aalassarissutsimut iluaqutaasut 7

3C: Qinnuteqaat: Paarsisoq – Nunu i Bassin. 8

3D: Qinnuteqaat: Panaattartut klubbiat 9

3E: Arsaattarfinni qullilersuineq ungalulersuinerlu. 10

4. Taasariaqartut allat 11

5. Imaqarniliap akuerineqarnera. 11

 

 

 

  1. Ullormut oqaluuserisassat akuerineqarneri

 

 

Siulittaasumit Allatseqarfimmiillu nalunaarutit

 

  1. Ilisimatitsissutit

2A: ASN pillugu tusarniaanermut akissummik ilisimatitsissut

Kommuneqarfik Sermersooq ulloq 14. decembari 20148 Nuummi Mittarfiup allineqarnissaanut ASN-imut nassuiaat (Avatangiisinut sunniutissanik Naliliineq) pillugu tusarniaanermut akissuteqarpoq. ASN-imut nassuiaat Pinngortitamut, Avatangiisinut Ilisimatusarnermullu Naalakkersuisoqarfimmit nassiunneqarpoq.

 

Najukkami Ataatsimiititaliami ileqqoreqqusami § 2, imm. 1 naapertorlugu kommune najukkami inuaqatigiinnut sunniuteqarsinnaasunik avataanit tusarniaasoqartillugu Najukkami Ataatsimiititalianut ilisimatitsisussaatitaavoq.

 

Kommuneqarfik Sermersuup tusarniaanermut akissutaa tamakkiisoq ilanngussaq 1-imiippoq, tassanilu sanaartornermut sulinermut pissutsit taakkartorneqartut tulliuttut pineqarput:

 

Avatangiisit

  • Angallannermut pissutsit

  • Nipiliorneq aamma sajukulaarnerit

  • Silaannarmik mingutsitsineq aamma aniasoornerit

  • Nunamik mingutsitsineq

  • Nunap qaavani imeq aamma imeq maangaannartoq

  • Innarliinaveersaarnermi iliuusissat

     

Takussaasut

  • Sanaartugaq / Mittarfik

  • Quassussuarmi qaqqaq

  • Napparutit

 

ASN-imut nassuiaat, tusarniaanermut paasissutissat allat uaniipput_ https://naalakkersuisut.gl/kl-GL/Tusarniaanerit/Tusarniaanerit-pereersut/2018/Fornyet-hoering-af-VVM_redegoerelsen-for-udvidelsen-af-Nuuk-Lufthavn

 

Inassuteqaat

Inassuteqaatigineqarpoq:

  • Ilisimatitsissut Nuummi Najukkami Ataatsimiititaliamit tusaatissatut tiguneqassasoq

 

2B: Suliniutit pilersaarutaasut killiffii aamma 2018-imi naatsorsuutinik oqimaaqatigiissitsineq

 

2018-imut aningaasaliissutit 992.500 koruuniupput.

Luminious Nuuk, Apummik ilusilersuineq aamma Oqaluttuarisaaneq pillugu allagartalersuutit pillugit suliniutit aningaasaliissutinik tunineqarsimasut aningaasaliissutit atugassanngortinneqarsimasut tamaasa atorsimassappatigit, 2018-imi suli 137.200 koruunit atorneqarsinnaassapput.

 

Aningaasaliissutit atugassanngortinneqarsimasunut decembarip 21-anni killiffik imaappoq:

 

Aningaasartuutit

Aningaasaliissutit atukkat/kr.[1]

 

2018-imi ataatsimiinnerni nerisaqarneq

 

3.790

Isumasioqatigiinneq (inimik attartorneq + nerisaqarneq)

10.010

 

Nuuk Ugeavisimi ussassaarineq

 

2.500

Nuummi Apummik ilusilersuineq (150.000-inik aningaasaliiffigineqarpoq)

 

99.094

Innuttaasumit qinnuteqaat: Innuttaasunut utoqqarnut namminneq angerlarsimaffimmini najugaqartunut juullimut kaageeqqat (aningaasat atorneqanngitsut 4500 kr. Najukkamut Ataatsimiititaliamut utertinneqareerput)

 

15.500

Inngertartut / trommedansforeningen– inuittrommer til børn

 

5.000

Lumnious Nuuk ( (120.000-inik tunineqarput)

 

118.658

Timersortarfik Inussivik (allilerneqarnera/sakkuusivik)

 

200.000

Oqaluttuarisaaneq pillugu allagartalersuutit (100.000-inik tunineqarput)

 

38.000

Red Barnet – Karsit eqqaamasanik imallit (meeqqat angerlarsimaffiup avataanut inissitat)

 

18.500

Red Barnet – Kaassassuk (qinngasaarisarnermik pinaveersaartitsineq)

 

15.000

Hans Egedep Oqaluffiani juullimut tusarnaartitsineq

 

20.000

Ippiarsummi sammisassaqartitsivimmut tapiissuteqarnissaq (juullerpalaarnissaq aamma brætspil - pinnguaatit)

 

20.000

Røde Kors (ilaqutariinnut pissaaleqisunut juullimut ikiorsiinissaq)

 

75.000

Nordisk Koncertkor (Ukiortaami tusarnaartitsineq)

 

100.000

Katillugit

741.092

 

 

Aningaasat atorsinnaasat:

Atuineq:

Atorsinnaasat:

 

Kr. 992.500

 

Kr. 741.092

 

Kr. 251.408

 

 

Ataani takuneqarsinnaapput 2018-imi suliassat suliniutillu pilersaarutaasut killiffii.

 

Suliassaq/suliniut

Killiffik

Aningaasat akuerisat koruuninngorlugit

 

Aningaasat atorneqartut koruuninngorlugit.

Lumnious Nuuk – aallarnisaatitut suliassaq. Unnuk Kulturisiorfik

Naleraq Eugenius tamassuminnga suliaqarpoq qullernillu pisisimalluni.

 

120.000

118.658

Inussiviup pitsaanerusumik atorneqarnissaa

Inussiviup aningaasaliissutit immikkoortinneqarsimasut tiguai, 2019-imilu aningaasat atorneqarnerannit naatsorsuutit uppernarsaatillu nassiutissallugit.

 

200.000

200.000

Oqaluttuarisaaneq pillugu allagartalersuutit

Suleqatigiissitaliortoqareerpoq, allagartat inniminnerneqarput, oqaluttuarisaanermillu ilisimatuumik, oqaatsinik imarisaanillu misissuisussamik, atorfinitsitsisoqarpoq.

 

100.000

38.000

Apummik ilusilersuineq

Suleqatigiissitaliortoqareerpoq, suliamillu ingerlatsisussaq atorfinitsinneqareerluni.

 

150.000

99.094

Qinngutsinni arsaattarfiup eqqaani qullilersuineq

Sanarfinermut Avatangiisinullu Ingerlatsivik entreprenørimit neqerooruteqartitsivoq, innersuussutigalugulu suliassaq aatsaat 2019-imi aallartinneqassasoq - imm. 3E takuuk

100.000

2019-imut kinguartinneqarpoq

Katillugit

 

680.000 kr.

 

455.752 kr.

 

 

 

Inassuteqaat

Inassuteqaatigineqarpoq:

  • ilisimatitsissut tusaatissatut tiguneqassasoq

 

 

 

  1. Aalajangiiffigisassat

 

3A: Pinnguartarfiit iluarsaanneqarnissaat

 

Najukkami Ataatsimiititaliami ilaasortap Aviaq Brandtip kaammattuutaa malillugu, Nuummi Najukkami Ataatsimiititaliap illoqarfimmi pinnguartarfiit aserfallannikut iluarsaanneqarnissaannut aningaasatigut tapiissuteqarnissamut periarfissat siornatigut eqqartorneqarnikuupput. Tassunga atatillugu ASK-ip aamma Gertrud Rasksvejip eqqaani pinnguartarfiit assut aserfallassimasut immikkut taaneqarput.

 

Tamanna Allatseqarfimmit misissorluarneqarpoq, oqaaseqaatigalugulu pinnguartarfiit pingasut kommunimit pigineqartut (tassunga ilanngullugu ASK-ip Gertrud Rasksvejillu eqqaani pinnguartarfiit), kiisalu meeqqerivinni atuarfinnilu ataasiakkaani pinnguartarfiit. Meeqqeriviit atuarfiillu tamarmik toqqaannartumik kommunimut atassuteqarput, iluarsartuussinissamullu pisariaqartitsisoqarnerani tassunga saaffiginnittarlutik.

 

Illoqarfimmi pinnguartarfiit sinneruttut inissiaatileqatigiiffinnit, tassa Illuut, INI aamma Iserit, pigineqarput.

 

Sanarfinermut Avatangiisinullu Ingerlatsiviup ASK-ip Gertrud Rasksvejillu eqqaani pinnguartarfiit alakkarpai, iluarsartuunnissaannullu suliap aallartinnissaanut piareersimalluni.

 

Ingerlatsinermut pisortap siunnersuutigaa:

”(…) pinnguartarfinni taakkunani marlunni iluarsartuussinissat annikinnerusut aallartinneqassasut. ”Annikitsumik iluarsartuussinissat” missingersuusiorneqarsinnaanngillat, ingerlatsivimmi sulisunit suliassat ataasiakkaarlugit iluarsiniarneqassammata. Taamaattorli annikitsumik iluarsartuussinissamut akunnerit 80-it ingerlatsivimmit atorneqarnissaat isumaqatigiissutigineqarsinnaavoq, taamaalilluni akunnerit 80-it qaangiuppata sumut killissimanersut takuneqarsinnaaniassammat.

Tamanna 27.000 koruunit miss. naleqassaaq, tassani atortorissaarutit pisariaqartut ilanngunneqarput (kalunnerit, allunaasat, qinnillit, qalequtit il.il.)”

 

Illoqarfimmi pinnguartarfiit amerlanerit misissorneqassappata iluarsartuunneqarlutillu Najukkami Ataatsimiititaliap aningaasaatai atorlugit, pinnguartarfiit sorliit pineqarnersut kikkunnillu pigineqarnersut paasiniarneqartariaqarpoq. Inissiaatileqatigiiffiit oqaloqatigineqassapput, inissiaatileqatigiiffiillu namminneq iluarsartuussisinnaanersut imaluunniit Najukkami Ataatsimiititaliaq aningaasaliissuteqarnikkut tapiissuteqassanersoq paasiniarneqassaaq.

 

Inassuteqaat

Inassuteqaatigineqarpoq:

  • ASK-ip Gertrud Rasksvejillu eqqaani pinnguartarfiit iluarsartuunneqarnissaannut 27.000 koruuninik aningaasaliissuteqassanersoq Najukkami Ataatsimiititaliamit aalajangiiffigineqassasoq

  • Illoqarfimmi pinnguartarfiit sinneri iluarsartuunneqarnissaanut suliaq ingerlateqqinneqassanersoq Najukkami Ataatsimiititaliamit eqqartorneqassasoq aalajangiiffigineqarlunilu

     

 

3B: Qinnuteqaat: Paarsisoq – Pinngussat aalassarissutsimut iluaqutaasut

 

 

Najukkami Ataatsimiititaliaq ulloq 4. decembari 2018 Nuummi ilaqutariit mikisunik meerallit peqatigiiffiannit aallarteqqammersumit qinnuteqaammik nassiunneqarpoq. Paarsisoq pinngussanik aalassarissutsimut iluaqutaasinnaasunik pisinissamut 45.800 koruuninik qinnuteqarpoq (ilanngussaq 1 aamma 2 takukkit).

 

”Peqatigiiffik nutaajuvoq aallarterlaaq, suliniummullu aalajangersimasumut aningaasanik qinnuteqarusuppugut.

Ilaqutariit mikisunik meerartallit, meeqqat ulluinnarni meeqqerivimmiititsineq ajortut. Weekendini ataasiakkaani tamanut ammasumik sammisassaqartitsisarnissaq sulissutigaarput. Suliniut babycafe / Inerikkiartuutaasunik sammisassaqartitsineq Illorpumi neqeroorutaasoq aallaavigalugu peqatigiiffipput pilersinneqarpoq, tamannalu immikkoortunut marlunnut avillugu 2017-imiilli ingerlanneqarpoq, ilaatigut nammineq kajumissutsimik sulineq tunngavigalugu ingerlanneqartoq.

 

Meeqqat inerikkiartornerannut atatillugu peqqinnerulernissamut sammisunik sammisassaqartitsisarnissaq sulinitsinni qitiutinneqarpoq, aamma inersimasut meeqqallu attaveqarneranni nukittorsaanissaq annertuumik qitiutinneqarluni. Illorpumi sammisassaqartitsisarnitsigut aamma ukioqanngitsuniit ataatsimik ukiulinnut sammisumik siusinnerusukkut suliniuteqarnikuunitsinni tapiissutiniit meeqqanut mikisunut naleqquttunik pinngussanik peqarpugut. Neriuutigaarput, atortunik pitsaasunik, pingaartumik aalassarinnerulernissamut iluaqutaasunik peqarnissamut qulakkeerinneqataasinnaassasusi. Una qinnuteqaat meeqqanik sammisassaqartitsinermi atortorissaarutinik pisinermut kisimi atorneqassaaq.”

 

Inassuteqaat

Inassuteqaatigineqarpoq:

  • Siunertamut aningaasaliissuteqartoqassanersoq Najukkami Ataatsimiititaliamit aalajangiiffigineqassasoq

 

Ilanngussat

1 Paarsisumiit qinnuteqaat

2 Missingersuutit

 

 

 

 

 

3C: Qinnuteqaat: Paarsisoq – Nunu i Bassin

 

 

Najukkami Ataatsimiititaliaq ulloq 4. decembari 2018-imi qinnuteqaammik allamik tigusaqarpoq, tassalu peqatigiiffik Paarsisoq. Naluttarfik Malik suleqatigalugu Paarsisoq meeraaqqanik aamma meeqqanik sisamat inorlugit ukiulinnut nalunnguartitsisarnermik aallartitserusuppoq. Paarsisumit qinnuteqaatigineqartut annertussuseraat 59.000 kr.-t, taakkulu atorneqassallutik qaammatini pingasuni affarmilu misileraanerup nalaani sapaatip akunneranut marloriarluni aalajangersimasumik nalunnguartitsisarnermut (ilanngussaq 1 aamma 2 takukkit).

 

Naluttarfik Malik aamma Nuummi Najukkami Ataatsimiititaliaq suleqatigalugu Paarsisumiit kissaatigineqarpoq:

 

”(…) sapaatip akunneranut ulluinnarni ullaap tungaani marloriarluni peqqinnartumik, inuttut akuunissamut akeqanngitsumillu sammisassaqartitsinermik neqerooruteqarnissaq – Paarsisup kissaatigaa, meeqqanut sisamat inorluguit ukiulinnut tamanut neqeroorutaassasoq. Kissaatigaarput, suliniut una kommunimi naluttarfik ilaqutariinnit mikisunik meerartalinnit atorneqarnerulernissaanik aamma imermi pinnguarneq aqqutigalugu meeqqat nalinginnaasumik ineriartornissaannut sunniuteqarluassasoq. Illoqarfitsinni pitsaasumik piumassuseqartumillu naluttartunut klubbeqarpugut. Naluttartut klubbianni sammisassaqartitsineq ullukkut kingusissukkut unnukkullu pisarpoq. Naluttarfik sapaatip akunnerata naanerani ukiut apeqqutaatinnagit kikkunnut tamanut ammasarpoq. Tamannalu ajunngilaq. Taamaattorli meeraaqqanut naluttarfiliarnermik "ilinnialeruttortunut" angajoqqaavinullu toqqissisimanissamik misigerusuttunut tamanna sakkortuutut misinnarsinnaavoq.

 

Peqatigiiffik Paarsisumiit kissaatigaarput, pissutsini eqqissisimanerusuni naluttarfimmiissinnaanissamik ulluinnarni periarfissaqartitsisoqassasoq, pingaartumik angajoqqaanut angerlarsimaannartartunut. Suliniut babycafe / Inerikkiartuutaasunik sammisassaqartitsineq Illorpumi neqeroorutaasumi misilittakkat takutippaat, naluttarfimmi aalajangersimasumik sammisassaqartitsisoqarnissaa tassani atuisut kissaatigigaat. Naluttarfimmi sapaatip akunneranut aalajangersimasumik marloriarluta sullitanut assigiinngitsunut marlunnut sammisassaqartitsisalernissamut atugassanik aningaasaliiffigineqarnissamik qinnuteqarpugut, misileraanerlu qaammatini pingasuni affarmilu ingerlanneqassaaq. Atortunik pisinissamut aamma ilinniartitsisut/akisussaasut akissarsiassaannut kiisalu aaqqissuussinerni naatitanik assigisaanilluunniit sassaalliuteqarnissamut atugassanik aningaasaliiffigineqarnissamik qinnuteqarpugut.”

 

Inassuteqaat

Inassuteqaatigineqarpoq:

  • Siunertamut aningaasaliissuteqartoqassanersoq Najukkami Ataatsimiititaliamit aalajangiiffigineqassasoq

 

Ilanngussat

1 Qinnuteqaat – Nunu i bassin

2 Missingersuutit

 

 

 

3D: Qinnuteqaat: Panaattartut klubbiat

 

Najukkami Ataatsimiititaliaq ulloq 14. decembari 2018-imi qinnuteqaammik tigusaqarpoq, tassaasoq panaattartut klubbiat Tarneq Panarlu (ilanngussaq 1 innersuussutigalugu). Tarneq Panarlu sungiusaatinik isumannaallisaanermilu atortunik pisinissamut 50.000 kr.-nik qinnuteqarpoq.

 

”Maani Nuummi panaattartut klubbeqarpugut, tassanilu sammineqartarlutik Historisk Fægtning, internationalt kaldet HEMA (Historical European Martial Arts). (…) Maani Nuummi klubbi "Tarneq Panarlu" apriili 2017-imi pilersipparput, maannalu arlalialunnguanik aalajangersimasumik takkuttoqartarpoq, amerlanerulaartunilli ataatsikkut sungiusaasalernissaq kissaatigigaluarparput. Siunissaq ungasinnerusoq isigalugu pikkorissunik Nunatsinnit Europami nunat avannarliit unammiuaarnerinut aallartitaqartalernissaq angorusupparput. Eurapap USA-llu akornanni Atlantikumi timersuutip taassuma kisiartaalluta maanga eqqunnera pillugu nersualaarinnittoqartalereerpoq, tamannalu ineriartorteqqinnissaa nuannersuuvoq.

 

HEMA qangatut panaattarnermut tunngasuusup aallaavigisarnerata saniatigut aamma qangaanerusoq sakkut atortarpavut (tassaagajunnerullutik saviminermik sanaat, soorunami kiinnarissuunngitsut) taakkulu atussagaanni isumannaallisaanermut atortorissaaruteqarnissamik annertuumik piumasaqaatitaqarput. Manna tikillugu siulittaasutta nammineerluni sakkuutai atorlugit sungiusartarpugut, ajoraluartumilli takku amerlanngillat.

 

Klubbip aningaasaatai ingerlaavartumik iluarsartuussinermut atornissaannut aamma (siunissaq ungasinnerusoq isigalugu) atortunik nungullartunik taartissamik pisinissamut naammapput, taamaattorli atortunik nutaanik pisinissamut aallarniummut akisoqisumut ukiuni arlalinni tulliuttuni akissaqanngilavut. Taamaammat siunnersuutigissavarput sungiusaatinik pisinissamut Najukkami Ataatsimiititaliaq kr. 50.000-nik aningaasaliissasoq. Aningaasat taakku atorlugit klubbimi sungiusaatinik ataatsimoortunik arfinilinnut naammattunik pisisinnaanngussaagut, taakkulu ulluinnarni sungiusarnermut ilaasortallu nutaat ilitsersornissaannut naammassapput. Tamanna pillugu isummassi tusarfiginissaa qilanaaraarput!”

 

 

Inassuteqaat

Inassuteqaatigineqarpoq,

  • Siunertamut aningaasaliissuteqartoqassanersoq Najukkami Ataatsimiititaliamit aalajangiiffigineqassasoq

 

Ilanngussat

1 Qinnuteqaat

2 Missingersuutit

 

 

 

 

 

3E: Arsaattarfinni qullilersuineq ungalulersuinerlu

 

Najukkami Ataatsimiititaliap oktobarip 30-anni 2018-imi ileqquusumik ataatsimiinnerannit imaqarniliaq innersuussutigalugu, tassani aalajangerneqarpoq, Qinngutsinni arsaattarfiup qullilersorneqarnissaanut 100.000 kr.-nik aningaasaliisoqassasoq.

 

Najukkami Ataatsimiititaliami ilaasortaq Arnarissoq Fleischer allatseqarfik peqatigalugu ingerlatsiviit attuumassuteqartut oqaloqatiginnippoq, imatullu inerniliussaqarluni:

 

  • Arsaattarfiup inissisimaffia siunissami allanngortinneqartussaammat qullersuit nuunneqarsinnaasut atorneqassapput, tassa nunamut toqqavilersorneqartussaatinnagit.

  • Kabeli innaallagissamillu pilersuineq AHL-imiit pissaaq. Meeqqanut Atuarfeqarnermullu Ingerlatsiviup innaallagissamut aningaasartuutit akilertarniarpai.

  • Peqqinneq Sammisassaqartitsiviullu qullersuarnut tunngasunik ingerlatsinermut aserfallatsaaliinermullu aningaasartuutit akilertarniarpai.

  • Sanarfinermut Avatangiisinullu Ingerlatsivik Entreprenørit neqeroortinneqarnissaannut qullersualersuinermilu pitsaassutsimik qulakkeerinninnissamut tunngasunik ikiuukkusuppoq.

 

Aammattaaq Najukkami Ataatsimiititaliami eqqartorneqarnikuuvoq, Nuussuarmi arsaattarfiup qullilersorneqarnissaanik periarfissanik eqqartuisoqassasoq. Tassani pineqarluni aqquserngup tungaani målit tunuani ungalulersuinissaq, taamaalilluni meeqqanut isumannaanninngorluni.

 

Sanarfinermut Avatangiisinullu Ingerlatsivik suliassanut taakkununnga marluusunut entreprenørinik neqerooruteqartitsisimavoq, annertussuseqarlunilu 231.200 kr. (ilanngussaq 1 innersuussutigalugu).

 

Innersuussutigineqassaaq, suliaq 2019-imi upernaakkut qerinnarpallaarunnaarpat aallartinneqassasoq.

Siunertamut aningaasaliissuteqartoqassappat 2019-imut aningaasat atugassaniit aningaasaliisoqassaaq.

 

Inassuteqaat

Inassuteqaatigineqarpoq:

 

  • Siunertamut aningaasaliissuteqartoqassanersoq Najukkami Ataatsimiititaliamit aalajangiiffigineqassasoq

  • Suliaq 2019-imi aallartinneqarnissaa akuersissutigineqassappat 2019-imi aningasat atugassaniit matussuserneqassaaq.

 

 

Ilanngussat

1 Entreprenørit neqeroorutaat

 

 

 

 

4. Taasariaqartut allat

 

5. Imaqarniliap akuerineqarnera.

 

Imaqarniliaq akuerisassanngorlugu ilaasortanut mailikkut nassiunneqassaaq.

 

 

 


[1] Suliniutit ataasiakkaat inaarutaasumik naatsorsuutaat sillimaffigineqassapput. Aningaasat atorneqanngitsut Nuummi Najukkami Ataatsimiititaliamut utertinneqassapput.

Imaqarniliaq

Suliassamik saqqummiussaq

Ileqquusumik ataatsimiinneq

Nuummi Najukkami Ataatsimiititaliaq

 

Imaqarniliaq

 

Marlunngorneq, ulloq 12. februaari 2019 nal. 16.30-18.30

 

Ilaasortat

Nivi Katrine Christensen

Arnarissoq Fleischer

Moses Masik Marcussen- Mølgaard

Ujammiugaq Engell

Poul Petersen

Finn Meinel

Aviaq Brandt

Nadia Aviaq Olsen

”Ari” Hansine P Rasmussen

Naleraq Eugenius

 

 

Pisinnaanatik nalunaartut

Finn Meinel

Nadia Aviaq Olsen

Naleraq Eugenius

 

 

Oqaluuserisassat

Imarisai

1. Oqaluuserisassat akuerineqarnerat 3

2. Nalunaarutit 3

3. Ilisimatitsissutit 4

3A: 2018-imi aningaasaliissutit atugassanngortinneqarsimasut pillugit inaarutaasumik killiffik. 4

3B: Nerrivik kaajallallugu – suleqatigiissitat sulinerisa killiffiat 5

3C: Innuttaasup saaffiginnissutaa – meeqqanut atuartunut angallannikkut isumannaallisaaneq amigaataasoq 7

4. Aalajangiiffigisassat 8

4A: Arsaattarfinni qullilersuineq ungalulersuinerlu. 8

4B: Nuuk Snow Fest (Nuummi apummik ilusilersuineq) 9

4C: Oqaluttuarisaanermut tunngasunik allagartalersuineq. 10

4D: Ussassaarinissamut pilersaarusiorneq/tamanut ammasumik aaqqissuussineq. 10

4E: Meeqqanut Atuarfeqarnermullu Ataatsimiititamut saaffiginninnissamut siunnersuut - Qinngutsinni inuusuttunut klubbi 12

4F: Najukkami Ataatsimiititaliap 2019-imi isumasioqatigiinnissaanut pilersaarut 13

4G: Innuttaasup saaffiginnissutaa - meeqqanut pinnguartarfinnik sammisassaqartitsivinnillu amigaateqarneq (Qinngorput) 14

4H: Tusarniaaneq: Kultureqarneq pillugu periusissiaq nutaaq. 15

4I: Tusarniaaneq: Takornariaqarneq pillugu politikki 16

4J: Tusarniaaneq: Takornariaqarneq pillugu periusissiaq. 17

4K: Qinnuteqaat: Qiajuk Studios – isiginnaagassiamik takutitsineq kiisalu Nuummi Community Dance Centerimik pilersitsinissamut oqallissaarut 20

4L: Siunnersuut – Interaktiv Park. 21

4. Taasariaqartut allat 22

Najukkami Ataatsimiititaliami siulittaasup aamma Nuummi Røde Korsip inuusuttaanik (INUA) ataatsimeeqateqarnera. 22

5. Imaqarniliap akuerineqarnera. 23

 

 

  1. Oqaluuserisassat akuerineqarnerat

 

Oqaluuserisassat akuersissutigineqarput, imatut allannguutitalerlugit:


Taasariaqartuni allani, siulittaasoq Ungdommens Røde Kors ulloq 12. februaari 2019 ingerlanneqartoq pillugu nalunaaruteqarniarpoq.

 

  1. Nalunaarutit

 

Siulittaasup nalunaarutai:

Siulittaasup isumassarsiatut saqqummiuppaa, ”aningaasaliiffigineqarsimasunik unnussiortitsinissaq” periarfissaatinneqassasoq, pilersaarutit suliniutillu anginerusut Najukkamilu Ataatsimiititaliamit tapiiffigineqarsimasut Najukkami Ataatsimiititaliamut, innuttaasunut peqatigiiffinnulluunniit soqutigisaqaqatigiinnut saqqummiisinneqarsinnaasut, taamaalilluni siunissami pilersaaruteqarumaartunut tapiiffigineqarnissamik qinnuteqarsinnaanermik isumassarsiorfiusinnaaqqullugu. Taamatut aaqqissuussineq assersuutigalugu 2019-ip naajartornerani pisinnaavoq.

Nivi Christensenimit ilisimatitsissutit:

Katuami aningaasaliisussarsiornermut tunngasumik unnukkut aaqqissuussisoqarnikuuvoq. Taamatut aaqqissuussisoqarneranut atatillugu Nivip ussassaarutigaa, Nuummi Najukkami Ataatsimiititaliamut tapiiffigineqarnissamik qinnuteqartoqarsinnaasoq.

 

  1. Ilisimatitsissutit

 

3A: 2018-imi aningaasaliissutit atugassanngortinneqarsimasut pillugit inaarutaasumik killiffik

 

2018-imut aningaasaliissutit (oktobari – decembari) tassaasimapput 992.500 koruunit.[1]

2018-imi aningaasaliissutit atugassanngortinneqarsimasut pillugit inaarutaasumik killiffik 2018-imi januaarip naanerani imaappoq:

 

Aningaasartuutit

Aningaasat/koruunit atorneqartut[2]

 

Ataatsimiinnermi nerisaqartitsineq 2018

 

3.790

Isumasioqatigiinneq (inimik attartorneq aamma nerisaqarneq)

10.010

 

Nuuk Ugeavisimi ussassaarineq

 

2.500

Nuummi Apummik ilusilersuineq (150.000-inik aningaasaliiffigineqarpoq)

 

80.882

Innuttaasumit qinnuteqaat: Innuttaasunut utoqqarnut namminneq angerlarsimaffimmini najugaqartunut juullimut kaageeqqat (aningaasat atorneqanngitsut 4500 kr.. Najukkami Ataatsimiititaliamut utertinneqareerput)

15.500

Inngertartut – meeqqanut inngerutit

 

5.000

Lumnious Nuuk (unnuk kulturisiorfik) (120.000-inik aningaasaliisoqarpoq)

 

118.658

Timersortarfik Inussivik (allilerneqarnera/atortuusivik)

 

200.000

Oqaluttuarisaanermut tunngasunik allagartalersuineq (100.000-inik aningaasaliisoqarpoq)

 

63.000

Red Barnet – Karsit eqqaamasanik imallit (meeqqat angerlarsimaffiup avataanut inissitat)

 

18.500

Red Barnet – Kaassassuk (qinngasaarisarnermik pinaveersaartitsineq)

 

15.000

Hans Egedep Oqaluffiani juullimut tusarnaartitsineq

 

20.000

Ippiarsummi sammisassaqartitsivimmut tapiissuteqarnissaq (juullerpalaarnissaq aamma brætspil - pinnguaatit)

 

20.000

Røde Kors (ilaqutariinnut pissaaleqisunut juullimut ikiorsiinissaq)

 

75.000

Nordisk Koncertkor (Ukiortaami tusarnaartitsineq)

 

100.000

Tarneq Panarlu – panaattartut

 

50.000

Paarsisoq – nuunu nalunnguarfimmi

 

59.000

Paarsisoq – aalanissamut sungiusaatit pinngussat

 

45.800

CISV – Nuummi meeqqat akunnerup naanerani immikkut sammisaqartinneqarneri

 

35.000

Pinnguartarfinnik Gertrud Raskvejimiittunik Qapiarfiusaamiittunillu iluarsartuussineq

 

27.000

Attaveqaqatigiinnissamut atortunik pisineq (roll ups, tujuuluaqqat, ballon-it aamma allagartarsuit)

 

17.417

Katillugit

982.097

 

Nuummi Najukkami Ataatsimiititaliaq taamaalilluni 2018-imi katillugit 10.430 koruuninik atuinngitsoorpoq.

Aningaasat atorneqanngitsut 2019-imut nuunneqarsinnaanngillat.

Inassuteqaat

Inassuteqaatigineqarpoq:

  • ilisimatitsissut tusaatissatut tiguneqassasoq.

 

Aalajangiineq

Ilisimatitsissut tusaatitut tiguneqarpoq

 

3B: Nerrivik kaajallallugu – suleqatigiissitat sulinerisa killiffiat

Suleqatigiissitani assigiinngitsuni 2018-imi suliat pingaarnertut killiffissiorneri Najukkami Ataatsimiititaliamut ilaasortanit tunniunneqassasut Allatseqarfimmit kaammattuutigineqarpoq.

Inassuteqaat

Inassuteqaatigineqarpoq:

  • Suleqatigiissitanit ataasiakkaanit killiffiit tusaatissatut tiguneqassasut

     

Aalajangiineq

Suleqatigiisitanit/akisussaasunit ilisimatitsissutit tusaatissatut tiguneqarput.

Lumnious nuuk – Unnuk Kulturisiorfik

Siunnersuuteqartoq: Naleraq Eugenius.

Killiffik: Naleraq ataatsimiinnermi peqataanngilaq. Allatseqarfimmiilli oqaatigineqarpoq, unnuk kulturisiorfimmi blok 9-mi aamma 10-mi qaliap isuini qullilersuilluni aaqqissuussaq kusanartumik ingerlanneqartoq.

 

Angallanneq pitsaanerusoq

Siunnersuuteqartoq: Poul Petersen (siulittaasoq)
(Suleqatigiissitami inuttaallutik: Ujammiugaq Engell, Naleraq Eugenius, Poul Petersen)

Killiffik: Maannakkorpiaq suliniummik ingerlatsisoqanngilaq.

 

Inussiviup pitsaanerusumik atorneqarnissaa

Siunnersuuteqartoq: Finn Meinel

(Finn Meinel, sulinermut atatillugu angalaneq pissutigalugu ataatsimeeqataanngilaq)

 

Oqaluttuarisaaneq pillugu allagartalersuutit

Siunnersuuteqartoq: Nivi Christensen

(Suleqatigiissitami inuttaallutik: Nunatta Katersugaasivianit aallartitat, Colorful Nuuk, Ujammiugaq Engell, Aviaq Brandt aamma Nivi Christensen)

Killiffik: Nunatta Katersugaasivia suleqatigineqarpoq, aamma Nuummi allagartalersuinermik suliniut Nuna tamakkerlugu suliniummut periusissiamut ilaatinneqassaaq, Nuup illoqarfia aallartissutigineqassalluni.

 

Nuummi Apummik ilusilersuineq

Siunnersuuteqartoq: Nivi Christensen

Killiffik: Suliniut ingerlalluarpoq, suliniummilu aqutsisuusoq annertuumik suliaqarpoq. Apummik ilusilersuisitsinissaq illoqarfimmi suliffeqarfinnit, aningaasaateqarfinnit allaniillu ingerlatsisuusunit aningaasatigut, sulisussatigut, atortussatigut, akissarsititsinissami pinnattassatigut, nerisassatigut namminerlu kajumissutsimik ikiuuttussatigut tapersersorneqarluarpoq. Nammineq kajumissutsimik ikiuuttussanik suli amigaateqartoqarpoq, kikkulluunniillu nalunaarnissaannik kajumissaarneqarput.

 

Ilinniartut illuannik pilersitsineq

Siunnersuuteqartoq: Nadia Aviaq Olsen

(Suleqatigiissitami inuttaallutik: Moses Masik Marcussen-Mølgaard, Naleraq Eugenius, Nadia Olsen)

Killiffik: Suleqatigiissitap Hotel Nuummi inini quleriinni allermi init siunertamut atorneqarnissaat siunertaralugu misissuisimavoq. Allatseqarfiup ilinniartut illuannik pilersitsinissamut tunngatillugu politikkikkut suliaqarsimaneq misissussavaa, tamatumalu kingorna suleqatigiisitamut ilisimatitsilluni (siunnersuut 2018-ip naanerani politikkikkut itigartinneqarpoq) tamatuma kingunerisaanik Najukkami Ataatsimiititaliaq iliuusissatigut qanoq periarfissaqarpa.

 

Nuuk Park/pinngortitaq kikkunnut tamanut tikikkuminarsisillugu

Siunnersuuteqartoq: Nadia Aviaq Olsen

(Suleqatigiissitami inuttaallutik: Aviaq Brandt, Arnarissoq Fleischer, Nadia Olsen. Mats Bjerde (Nuummi Najukkami Ataatsimiititaliamut qinigassanngortissimasoq) aamma suleqatigiissitamut ilaanissaanik peqatiserineqarpoq.

Killiffik: Suleqatigiissitap Sermersooq Business Council allallu ingerlataqartut Nuummi silami sammisassanut suliniutinut tunngasumik ataatsimeeqatigigai, tassunga ilanngullugu ingerlaffissanik nalunaaqutsersuineq aamma sioqqanik aqqusineeraliat.

 

Nivi-p suliffeqarfik NORRØN ulloq 22. februaari ataatsimeeqatigissavaa. Norrøn misigisassanut naapertuuttumik akilinnik piviusorpalaartumik ilusilersuineq qitiutillugu ornitassanik siuarsaanermik immikkut ilisimasaqartuupput.

 

Ilaqutariinnik timersortitsineq/timersorneq tamanut ammasoq

Siunnersuuteqartoq: Nadia Aviaq Olsen

Killiffik: Arnarissoq Fleischerip suliaq nangissavaa

 

3C: Innuttaasup saaffiginnissutaa – meeqqanut atuartunut angallannikkut isumannaallisaaneq amigaataasoq

 

Ulloq 18. januaari 2019-imi Annersuup aamma Kangillinnguit Atuarfiata akornanni inuit angallannerannut isumannaallisaasoqannginnera pillugu innuttaasup naammagittaalliuutaa Najukkami Ataatsimiititaliamit tiguneqarpoq. Naammagittaalliut nassiunneqartoq ilanngussat 1-itut ilanngunneqarpoq.

 

Innuttaasup saaffiginnissutaa aamma Sanarfinermut Avatangiisinullu Ingerlatsivimmut nassiunneqarpoq. Saaffiginnissummi ilaatigut ima allaqqavoq:

”Meerarpassuaqarpoq atuartunik, arlaqarpullu Eqalugalinnguit kaajallattariaaniit Kangillinnguit Atuarfiata tungaanut pisuttartut. Aqqut tamanna assut angallaffiulersimavoq, ajoraluartumillu pisuttunut isumannaallisagaanani. Aqqut tamanna ujaqqanik assersorneqartaraluarpoq, maannali ammaannartuuvoq. Kingunerisaanillu meeqqat atuariartortinnerini/suliartornermi biilinik angallaviulersimavoq. Ullaat tamaasa misigisartakkavut imaapput, Meeqqeriviup Annersuup eqqaani nuliaasoq meeraasorlu niuneqartarput, kingorna Kangillinnguit Atuarfiata tungaanut ingerlaqqittarpoq atuartoq niujartorlugu, nioriarlugulu Annersuup eqqaanut uterluni nuliaasoq aqqusaarniarlugu, tamakkulu tamarmik aqqummi tassani pisarput.

 

Meeqqat pisuttut akornisigut biilit ingerlasarput. Biilit ilaat Annersuup tungaanut aqqutip isaarissap saanut aqquserngup qeqqanut unittarput (asseq 1 takuuk) (ilanngussaq 1, ammalortoq tungujortoq). Taamaattumik pisuttut biilit sanioqqunniartillugit aqquserngup qeqqatigoortariaqartarput, tassanilu biilit tunuporsorniartillutik meeqqat takunngitsuukkajuttarpaat.”

 

Allatseqarfimmit oqaaseqaatit:

Innuttaasup saaffiginnissutaa aamma Sanarfinermut Avatangiisinullu Ingerlatsivimmut nassiunneqarpoq, tassanilu nalilerneqarpoq suliaq Kommunimi allaffeqarfimmi suliarineqartariaqartoq. Suliaq Sanarfinermut Avatangiisinullu Ingerlatsivimmit misissorneqaleruttorpoq innuttaasullu saaffiginnissutaa pillugu akissuteqassalluni.

Inassuteqaat

Inassuteqaatigineqarpoq:

  • Nuummi Najukkami Ataatsimiititaliap ilisimatitsissut tusaatissatut tigussagaa

Aalajangiineq

Ilisimatitsissut tusaatitut tiguneqarpoq

 

 

  1. Aalajangiiffigisassat

 

4A: Arsaattarfinni qullilersuineq ungalulersuinerlu

Najukkami Ataatsimiititaliap oktobarip 30-anni 2018-imi ileqquusumik ataatsimiinnerannit imaqarniliaq innersuussutigalugu, tassani aalajangerneqarpoq, Qinngutsinni arsaattarfiup qullilersorneqarnissaanut 100.000 kr.-nik aningaasaliisoqassasoq.

 

Najukkami Ataatsimiititaliami ilaasortaq Arnarissoq Fleischer allatseqarfik peqatigalugu ingerlatsiviit attuumassuteqartut oqaloqatiginnippoq, imatullu inerniliussaqarluni:

 

  • Arsaattarfiup inissisimaffia siunissami allanngortinneqartussaammat qullersuit nuunneqarsinnaasut atorneqassapput, tassa nunamut toqqavilersorneqartussaatinnagit.

  • Kabeli innaallagissamillu pilersuineq AHL-imiit pissaaq. Meeqqanut Atuarfeqarnermullu Ingerlatsiviup innaallagissamut aningaasartuutit akilertarniarpai.

  • Peqqinneq Sammisassaqartitsiviullu qullersuarnut tunngasunik ingerlatsinermut aserfallatsaaliinermullu aningaasartuutit akilertarniarpai.

  • Sanarfinermut Avatangiisinullu Ingerlatsivik Entreprenørit neqeroortinneqarnissaannut qullersualersuinermilu pitsaassutsimik qulakkeerinninnissamut tunngasunik ikiuukkusuppoq.

 

Aammattaaq Najukkami Ataatsimiititaliami eqqartorneqarnikuuvoq, Nuussuarmi arsaattarfiup qullilersorneqarnissaanik periarfissanik eqqartuisoqassasoq. Tassani pineqarluni aqquserngup tungaani målit tunuani ungalulersuinissaq, taamaalilluni meeqqanut isumannaanninngorluni.

Suliassat arlariiusut ataatsimoortillugit entreprenørinut assigiinngitsunut marlunnut Sanarfinermut Avatangiisinullu Ingerlatsiviup neqerooruteqarfigitippai . Entreprenørit 231.000 koruuninik aammalu 152.990 koruuninik neqerooruteqarput (ilanngussaq 1 aamma 2 takukkit).

Allatseqarfiup oqaaseqaatai

Sanarfinermut Avatangiisinullu Ingerlatsivik peqatigalugu allatseqarfiup Najukkami Ataatsimiititamut inassutigineqarpoq neqeroorut kr 152.990 akuersissutigineqassasoq.

Tassani suliap 2019-imi upernaami aallartinneqarnissaa, nuna qeriunnaarneruppat, innersuussutigineqarpoq.

Suliaq naammassineqarpat pisariaqassaaq AHL-ip eqqaani aqqusernup asfaltimik qallerlugu iluarsaateqqinneqarnissaa, tamaana innaallagissamut kabeli amuneqartussaammat. Taamaattumik saniatigut 5.000 koruunit missiliorlugit annerpaamillu 15.000 koruunit angullugit aningaasartuuteqaqqittoqarsinnaanera Allatseqarfiup eqqumaffigeqquaa.

 

Inassuteqaat

Inassuteqaatigineqarpoq:

  • Najukkami Ataatsimiititap qullilersuinissamut ungalulersuinissamullu neqeroorut katillugit 152.990 koruuni akuersissutigissagaa.

  • Najukkami Ataatsimiititap, aqqusineeqqap/aqqusernup asfaltileqqinneqarnissaanut annerpaamik 15.000 koruunit atorneqarnissaat akuersissutigissagaa.

 

Aalajangiineq

Aalajangerneqarpoq, qullilersuinermut ungalulersuinermullu neqeroorut katillugit 152.990 kr.-t akuersissutigineqassasut, oqaasertalerlugu ingerlatsiviit attuumassuteqartut Lions Klubip aningaasaliissutigisimasaat atorlugit ungalulersuisitsisimannginnerat uggornartuusoq. Tassungalu oqaatigineqassaaq, arsaattarfinni qullilersuineq siunissami arsaattarfiliornermi ilanngunneqartalertariaqartoq taamaattumillu tamanna kommunip missingersuusiornerani ilaatinneqartariaqarluni.

 

Tassunga atatillugu Najukkami Ataatsimiititaliap akuersissutigaa, aqqusineeqqanut/aqqusinernut asfaltilersukkanut asfaltilersueqqinnermi annerpaamik 15.000 kr.-t atorneqassasut.

 

Ilanngussat

1. Entreprenør 1-imit neqeroorut

2. Entreprenør 2-mit neqeroorut

 

4B: Nuuk Snow Fest (Nuummi apummik ilusilersuineq)

 

Nuummi Najukkami Ataatsimiititaliap ulloq 30. oktobari 2018-imi ileqquusumik ataatsimiinneranni aalajangiunneqarpoq Nuummi apummik ilusilersuineq pilersinneqaqqissasoq taamaalillunilu 2019-imi marsip qaammataani ingerlanneqassasoq. Najukkami Ataatsimiititaliap Nuummi apummik ilusilersuinissamut 150.000 koruuninik 2018-imi aningaasaliiffigineqassasoq ima oqaasertalerlugu:

 

  • suleqatigiissitamik ammasumik pilersitsisoqassasoq aamma suleqatigineqartussat attuumassuteqartut peqataatinneqassasut

     

  • suliniummut aqutsisumik atorfinitsitsisoqassasoq sulimiummik ingerlatsisussamik aamma ilaatigut aningaasaateqarfiit aqqutigalugit aningaasanik pissarsiortussamik

     

  • Najukkami Ataatsimiititaliaq 2019-imi apummik ilusilersuinissamut aningaasanik immikkoortitsinissamut pisussaatinneqassasoq.

 

Nuummi apummik ilusilersuinissap pilersaarusiornera ingerlanneqaleruttorpoq suliallu ingerlanneqarnissaanut suliniummut aqutsisumik atorfinitsitsisoqarpoq soorluttaaq suleqatissat attuumassuteqartut peqataatinniarlugit suleqatigiissitaliortoqarluni.

 

Ulloq 30. oktobari 2018-imi ataatsimiinnermi saqqummiunneqartutut Nuummi Najukkami Ataatsimiititaliaq 2018-imi aamma 2019-imi katillugit 280.000 koruuninik tapiissuteqarnissaa naatsorsuutigineqarpoq. Ukioq 2018-imi katillugit 80.882 koruunit Nuummi apummik ilusilersuinissamut aningaasaliissutigineqarput. Taamaattumik suliniummut aqutsisup suleqatigiissitallu siunnersuutigivaa Nuummi apummik ilusilersuisoqarnissaanut 2019-imi katillugit 120.000 koruuninik tapiisoqassasoq.

 

Inassuteqaat

Inassuteqaatigineqarpoq:

  • 2019-imi Nuummi apummik ilusilersuinissamut aningaasat tapiissutissatut Nuummi Najukkami Ataatsimiititaliamit aalajangiiffigineqassasut

  • Tassunga atatillugu innersuussutigineqassaaq, Nuummi Najukkami Ataatsimiititaliap unammisitsinermi naliliisartussamik innersuussuteqassasoq aamma siulittaasoq ulloq 21. marsi 2019-imi ammaanersiornermi oqalugiassasoq

 

Aalajangiineq

Aalajangerneqarpoq, 2019-imi Nuuk Apummik ilusilersuineq 120.000 kr.-t tikillugit tapiiffigineqassasoq.

Tassungalu atatillugu aalajangerneqarluni Ujammiugaq Engell dommeritut toqqarneqassasoq aamma Poul Petersen ulloq 21. marsi 2019-imi ammaanersiorluni oqalugiassasoq.

Ilaasortat tamarmik akuersissutigaat.

 

 

 

4C: Oqaluttuarisaanermut tunngasunik allagartalersuineq

 

Nuummi Najukkami Ataatsimiititaliap ulloq 30. oktobari 2018-imi ileqquusumik ataatsimiinneranni aalajangiunneqarpoq allagartalersuisoqassasoq, ilaatigut illut, eqqaassutissat aqquserngillu oqaluttuarisaanermut attuumassuteqartut eqqaannit aamma ilaatigut illoqarfimmi ilusilersukkat eqqaanni. 2018-imi suliniummut katillugit 100.000 koruunit immikkoortinneqarnissaat akuersissutigineqarput.

 

Nammineq illoqarfigisap paasinerunissaa Nuummilu takusassat pioreersut naleqarnerulernissaat suliniummi siunertarineqarpoq. Tamanna najukkami tulluusimaarnermik illoqarfiullu iluani paasisimasaqarnerulernermik kinguneqassaaq. Illoqarfik pillugu takornarianit paasisimasaqarfigineqarnerulissasoq sunniutissat ilagissavaat.

 

Suleqatigiissitaliortoqarpoq suleqatigineqartussat attuumassuteqartut, ilaatigut kommunimi Illoqarfimmik Inerisaanermik aamma Nunatta Katersugaasivianik peqataatinneqarnissaannik siunertaqartumik. 2018-imi katillugit 63.000 koruunit aningaasaliissutigineqarput. Aningaasat ilaatigut bronzimi kuitsivimmut aamma oqaluttuarisaanerup allagartanut allanneqarnerinut suliaqartunut atorneqarput.

 

2019-imi suliniummut 20.000 koruunit Oqaluttuarisaaneq pillugu Allagartalersuinissamut suleqatigiissitamit siunnersuutigineqarpoq.

 

 

Inassuteqaat

Inassuteqaatigineqarpoq:

- 2019-imi Oqaluttuarisaaneq pillugu Allagartalersuisussat aningaasatigut tapiiffigineqassasut Nuummi Najukkami Ataatsimiititaliap aalajangissagaa

 

Aalajangiineq

Aalajangerneqarpoq, Oqaluttuarisaaneq pillugu allagartalersuineq 2019-imi 20.000 kr.-t pallillugit tapiiffigineqassasoq

 

 

4D: Ussassaarinissamut pilersaarusiorneq/tamanut ammasumik aaqqissuussineq

 

Nuummi Najukkami Ataatsimiititaliap kaammattuineratigut, illoqarfiup innuttai eqqarsaatigalugit Nuummi Najukkami Ataatsimiititaliaq pillugu paasissutissiinissamut quppersagaq kommunimi attaveqaqatigiinnermut immikkoortortaqarfianit suliarineqarpoq. Quppersakkat katillugit 800-t kalaallisut danskisullu naqiternissaannut 8.762 koruunit atorneqarput.

Tamatumunnga tunngatillugu Najukkami Ataatsimiititaliap ulloq 14. januaari 2019-imi ataatsimiinnerani attaveqaqatigiinnissamut atortut tullinnguuttut pisiarineqassasut aalajangiunneqarpoq: tujuuluit nasartallit, allagartarsuit, 2 x roll ups aamma ballonit.

 

Tamanut ammasumik aaqqissuussinissaq, tassani Nuummi Najukkami Ataatsimiititaliaq ilaatigut innuttaasunit paasiniaaffigineqarsinnaasoq pillugu Najukkami Ataatsimiititaliap eqqartussagaa pilersaarusiussagaalu siulittaasoq sinnerlugu Allatseqarfiup inassuteqaatigaa.

 

Inassuteqaat

Inassuteqaatigineqarpoq:

  • Paasissutissiinermut quppersakkat naqiternissaannut 8.762 koruunit atorneqassasut Najukkami Ataatsimiititaliamit akuersissutigineqassasoq

  • Tamanut ammasumik aaqqissuussinissaq Najukkami Ataatsimiititaliap pilersaarusiornera eqqartussagaa.

 

Aalajangiineq

Nuummi Najukkami Ataatsimiititaliap akuersissutigaa, paasissutissiinissamut peqitaaqqanik naqiterinermut 8.762 kr.-t atorneqassasut.

Tassunga tunngatillugu aalajangerneqarpoq, takoqqusaarusianik Nuuk Centerimi agguaassinissamut Poul Petersenip NC attavigissagaa.

Qaqugu pissanersoq pillugu siulittaasoq kingusinnerusukkut nalunaaruteqarumaarpoq. Najukkami Ataatsimiititaliami ilaasortat peqataarusupput.

 

 

 

4E: Meeqqanut Atuarfeqarnermullu Ataatsimiititamut saaffiginninnissamut siunnersuut - Qinngutsinni inuusuttunut klubbi

Qinngutsinni inuusuttunut klubbimik pilersitsinissaq pillugu Meeqqanut Atuarfeqarnermullu Ataatsimiititap oqaluuserisassaatut Najukkami Ataatsimiititaliaq siunnersuuteqassasoq Najukkami Ataatsimiititaliamut ilaasortap Arnarissoq Fleischerip kissaatigaa.

 

Qinngutsinni inuusuttunut klubbimik pilersitsisoqarnissaa imaluunniit inuusuttunut ornittagaliortoqarnissaa pisariaqartinneqartoq Arnarissoq Fleischerip oqaatigaa politikkikkullu ataatsimiititamut makku eqqumaffigeqqullugit:

 

”AHL-imi atuartut 500-t sinneqarput. Atuarfik illoqarfiup atuarfiini meeraqarnerpaavoq. Atuartut nukarliit Miniklubbeqarput atuartulli angajulliit ornittagaqanngillat.

 

Qinngutsinni atuartut anginerit unnukkut atuarfiup, Brugsenip aamma Pisiffiup silataanni katersuuttarput.

Aasakkut arsaattarfiup eqqaanniittarput.

 

Qujanartumik aserorterinermik ajornartorsiuteqartoqarneranik suli tusagaqanngilagut, taamaakkaluartoq meeqqanut inuusuttunullu ornittakkamik pilersitsisoqannginnerani tamanna utaqqisariaqanngilarput.

 

Paasisakka naapertorlugit meeqqat amerlasoorpassuit, pingaartumik ukiuunerani, angerlarsimallutik TV atorlugu spil-ertarput.

Soorunami ingasaallugu ajornartorsiutaasinnaavoq, allamimmi sulerissappat?

 

Inuusuttut aneertissuagut, timi atorlugu sammisaqassapput, nutaaliussapput inooqatigiissappullu.

Meeqqat inuusuttorpassuit oqaloqatigisakka inuusuttunullu angajoqqaat Qinngutsinni najugaqartut oqarput, atuareernerup kingorna unnukkullu katersuuffissaaleqisarput/sammisassaqartitsivissaaleqisarput.

 

Nuussuarmi Nuummilu klubbinut innersuussinikkut iluarsiissuteqartoqarsinnaavoq, kisianni meeqqat inuusuttullu angerlarsimaffimminniit pisuinnaq ornittagaqarusunnerupput aammalu atuaqatitik imaluunniit peqatigisartakkatik imaluunniit atuarfimmi peqatigisartakkatik peqatigalugit toqqissisimallutik perusupput.

 

Qinngutsinni ornittakkatut atorneqarsinnaasoq tassaasinnaavoq:

-Ilinniagasserinermi lektiecafé, sapaatip-akunneranut ullo'qeqqata kingorna marloriarluni 2 tiimit

-Sapaatip-akunneranut ulluni aalajangersimasuni sananeq/nutaaliorneq/eqqumiitsuliorneq

-Sapaatip-akunneranut ulluni aalajangersimasuni nipilersorneq/videoliorneq

-Inuusuttunut café

 

Spar-ikoq siunertamut periarfissaasinnaalluarpoq. Kisianni ulluinnarni ingerlanneqarnissaanut inuusuttunillu attaveqartarnissamut sulisoqartariaqarpoq.”

 

Meeqqanut Atuarfeqarnermullu Ingerlatsivimmit oqaaseqaatit

Nuummi inuusuttunut klubbit tallimaasut Meeqqanut Atuarfeqarnermullu Ingerlatsivimmit oqaatigineqarpoq.

Illoqarfiup qeqqani pingasut Nuussuarmilu marluk.

Inuusuttunut klubbit tamarmik, NUIF eqqaassanngikkaanni, unnukkut atuareernerup kingorna ornittakkat inaanni pisarput.

Qinngutsinni inuusuttunut klubbimik pilersitsineq aningaasartuutaangaatsiassaaq taamaattoqassappallu 2020-mut missingersuusiornermut atatillugu eqqartorneqaqqaartussaavoq.

 

Inassuteqaat:

Inassuteqaatigineqarpoq:

- Nuummi Najukkami Ataatsimiititaliap siunnersuut eqqartussagaa oqaluuserisassanngortitallu Meeqqanut Atuarfeqarnermullu Ataatsimiititamut ingerlateqqinneqassanersoq aalajangiullugu.

 

Aalajangiineq

Nuummi Najukkami Ataatsimiititaliap akuersissutigaa, oqaluuserisassatut siunnersuut Meeqqanut Atuarfeqarnermullu Ataatsimiititamut ingerlateqqinneqassasoq.

 

4F: Najukkami Ataatsimiititaliap 2019-imi isumasioqatigiinnissaanut pilersaarut

Kommunimi Najukkani Ataatsimiititaliat tamarmiullutik 2019-imi maajip ulluisa arfernanni aamma arfineq-aappaanni ataatsimut isumasioqatigiisinneqassapput.

Isumasioqatigiinneq Nuummi ingerlanneqassaaq ullunilu marlunni pilersaarutit tamakkiisut pigineqarumaarlutik.

 

Nuummi Allatseqarfiup najukkani ataatsimiititaliat allat allatseqarfii suleqatigalugit ullunut marlunnut pisussanut pilersaarut suliarissavaa. Taamaattoq pilersaarutit eqqarsaatigalugit Najukkani Ataatsimiititalianit kissaatinik isumassarsianillu Allatseqarfimmut nassiussisoqaqqusivoq. Sammisat aalajangersimasut Najukkani Ataatsimiititalianit eqqartorneqarusuppat imaluunniit paasisaqarfigineqarnerorusuppat? Imaluunniit ullunut marlunnut pingaarnertut immikkut ittumik sammisaqartitsisoqassava?

 

Pilersaarutinut isumassarsiassat tassaasinnaapput:

 

  • Innuttaasunik peqataatitsineq:

    Innuttaasunik peqataatitsineq pillugu saqqummiussineq: periutsit, sakkussat, periarfissat aamma sunniutit. Innuttaasunik peqataatitsineq pitsaasoq sunaava aamma Najukkami Ataatsimiititaliap innuttaasut pitsaanerpaamik qanoq peqataatissinnaavai?

  • Misilittakkanik ataatsimut avitseqatigiinneq:

    Najukkani Ataatsimiititaliat sisamaasut sunik aallartitsippat. Immissinnut isumassarsiorfigisinnaavisi? Imaluunniit siunissami suliniutaasussat ilaat pillugit suleqatigiissinnaavisi?

  • Kommunimi suliniutit pillugit saqqummiineq

    Kommunimi suliniutit/iliuuseqarfissat/susassaqarfiit arlaat pillugu immikkut paasisaqarfiginerorusuppisiuk?

  • Isikkamik arsaanneq imaluunniit ataatsimoorluni sammisaqaqatigiinneq

    Najukkami Ataatsimiititaliamut ilaasortat imminnut ilisarisimalernerunissaat anguniarlugu timersuummik imaluunniit ataatsimoorluta sammisaqarnissamut suliaqassaagut

  • Isumasioqatigiinneq

    Sammisaq immikkut ittoq atorlugu workshoppertitsineq?

 

Matumani Borgmesterip immaqalu Kommunalbestyrelsimut ilaasortat ilaasa naapikkusussavaasi.

 

Allatseqarfimmiit oqaaseqaatit

Isumasioqatigiinnissaq 13.-14. maaji 2019-imut kinguartinneqarpoq.

 

Inassuteqaat

Inassuteqaatigineqarpoq:

  • Najukkami Ataatsimiititaliap isumasioqatigiinnermi imarisassatut ilusissatullu kissaatit eqqartussagai

 

Aalajangiineq

Aalajangerneqarpoq, allatseqarfik pilersaarummik siunnersuusiussasoq Najukkamilu Ataatsimiititaliamut nassiullugu isumassanik siunnersuutinillu ilassuteqarnissamut piffissaliilluni.

 

4G: Innuttaasup saaffiginnissutaa - meeqqanut pinnguartarfinnik sammisassaqartitsivinnillu amigaateqarneq (Qinngorput)

 

Qinngutsinni meeqqanut sammisassanik pinnguartarfinnillu amigaateqartoqarnera pillugu innuttaasup saaffiginnissutaa Najukkami Ataatsimiititaliamit ulloq 9. januaari 2019-imi tiguneqarpoq.

 

Innuttaasoq ima allaaserinnippoq:

 

”Meeqqanut minnernut pinnguarfissaaqqat nammineq ikkussukkat kiisalu atuarfiup nunaminertai kommunillu pinnguartarfiit kommunip inissiaataasa eqqaaniittuinnaat ikkussugai eqqaassanngikkaanni, meeqqanut inuusuttunullu sammisassaqartitsivinnik iluaqutaasinnaasunik soqanngilaq. Assersuutigalugu immikkoortuni Uiffak, Musaq aamma Asiarpak taakkulu ataanni pinnguartarfeqanngilaq. Kingunerisaanik meeqqat inuusuttullu containerit eqqaaviit, umiatsianut inaalitsiviit assigisaannilu qaavini eqqaanilu pinngualersarput, aamma kuup eqqaani cementit (pinngortitamit ajortinneqareersut) ajortisarlugit. Inuusuttut taakkuupput angerlarsimaffiup avataani sammisassarsiortuusut namminnerlu klubbiliortarlutik/fiistertarlutik inuusuttorpassuit katersuuffigisaannik (sanilinut assut akornusersuisumik).”

 

Aammattaaq bussit unnukkut ingerlaartarnertik unitsittaraat innuttaasup erseqqissarpaa, taamaattumik Qinngutsinni najugaqartuusut assersuutigalugu illoqarfimmi klubbimiissaguni angerlajaarnerusariaqarlutik.

 

Allatseqarfimmit allakkatigut akissut innuttaasup ulloq 11. januaari 2019-imi tiguaa (takuuk ilanngussaq 1):

 

Inassuteqaat

Inassuteqaatigineqarpoq:

  • Nuummi Najukkami Ataatsimiititaliap innuttaasup saaffiginnissutaa eqqartussagaa qanorlu malinnaavigineqassanersoq aalajangerluni

     

Aalajangiineq

Aalajangerneqarpoq, innuttaasoq allaffigineqassasoq paasitillugu Najukkami Ataatsimiititaliap Qinngutsinni pinnguartarfeqannginnermik inuusuttunullu sammisassaqannginnermik ajornartorsiut paasilluaraa. Najukkami Ataatsimiititaliamit nalunaarutigineqassaaq, Qinngutsinni inuusuttunut ornittakkamik pilersitsinissaq sulissutigineqarmat, innuttaasunullu Qinngutsinni meeqqanut inuusuttunullu sammisassaqartitsinissamut aningaasaliiffigineqarnissamik qinnuteqartunut tapiissuteqartarlutik.

 

Ilanngussaq

1. Nuummi Najukkami Ataatsimiititaliap Allatseqarfianit allakkatigut innuttaasumut ulloq 11. januaari 2019-imi akissuteqaataa

 

 

4H: Tusarniaaneq: Kultureqarneq pillugu periusissiaq nutaaq

Kultureqarneq pillugu periusissiap nutaap suliarineqarneranut atatillugu, Sermersuumi kulturilerineq siunissami qanoq ilusilersorneqassanersoq Najukkami Ataatsimiititaliamit siunnersuusiortoqassasoq kommunimit kissaatigineqarpoq.

 

Kultureqarnermut tunngasuni kommune qanoq siunertaqarnersoq paasiniassallugu kultureqarneq pillugu periusissap siunertarivaa. Kulturilerinermi aamma iliuusissatut pilersaaruteqarnermi ineriartornissamut takorluukkat kultureqarneq pillugu periusissiaqarnermi pineqarput.

 

Taamaattumik allaffissamik imaqanngitsumik ilissinnut nassiussisoqarpoq – allaffissamilu kultureqarneq pillugu periusissiami soqartariaqarneranik allattuissaasi (ilanngussaq 1). Aallutassarerusutat sisamaasut siunissami iliuuseqarfissatut isigisavut ilanngunneqarput, taakkulu tunngavigalugit ilissi takorluukkassinnik, isumassarsiassassinnik siunnersuutissassinnillu tunngaviliisinnaasut. Kultureqarneq pillugu periusissiami suut sammineqartariaqarnersut pillugit kiffaanngissuseqarlusi isummasi tunniunneqartussat Kultureqarnermut Immikkoortortaqarfimmut pingaarnerpaajuvoq – qanorluunniit ukkataqartoqaraluarpat soqanngippalluunniit.

 

Isumassarsiaqarussi siunnersuutissaqarussilu uunga nassiunneqassapput kultur@sermersooq.gl

kingusinnerpamaik 15. februaari 2019.

 

Kissaatisi isummasilu tamarmik ilanngunneqarsinnaasut qulakkeerneqarsinnaanngilaq, taamaattoq isummat isumassarsiallu sapinngisamik assigiinngitsut kommunimit peqataatinneqarusupput.

 

Najukkami Ataatsimiititaliat, kultureqarnermut suliffeqarfiit kulturilerisullu saniatigut kommunip app-ia ISUMAGA aqqutigalugu innuttaasut paasiniaaffigineqarput. Najukkami Ataatsimiititaliap akissuteqarnissaanut piffissaliunneqartoq assigalugu INUUSUKOMBEST qinnuigineqarpoq kultureqarnermut politikkissamut siunnersuuteqassasoq.

 

Inassuteqaat

Inassuteqaatigineqarpoq:

  • Kultureqarneq pillugu periusissiamut takorluugaasinnaasut, isumassarsiaasinnaasut siunnersuutaasinnaasullu Najukkami Ataatsimiititaliamit eqqartorneqassasut kingusinnerpaamillu 15. februaari 2019-imi nassiullugit.

 

Aalajangiineq

Nuummi Najukkami Ataatsimiititaliap tusarniummut akissuteqarnissamut periarfissaqartinneqarnini qujassutigaa, taamaattorli kultureqarneq pillugu periusissiamut oqaaseqaatissaqaranilu siunnersuutissaqanngilaq. Kisianni Nuummi Najukkami Ataatsimiititaliamiit oqaatigineqassaaq, tusarniaanermut piffissarititaq sivikippallaartoq aamma kultureqarneq pillugu periusissiamut allamik sanilliussassaaleqinarmat Najukkami Ataatsimiititaliamut nalilersuinissaq ajornakusoortoq. Illoqarfimmi suliffeqarfiit kulturimut tunngasunik suliallit immaqa tassunga siunnersuutissaqassapput. Nuummi Najukkami Ataatsimiititaliamit aamma oqaatigineqassaaq, kultureqarneq pillugu periusissiatut siunnersuummik oqaaseqaateqarfigineqarsinnaasumik takusaqarnissaq soqutiginarsinnaasoq.

 

Ilanngussat

1. Kommuneqarfik Sermersuumi Kulturilerinermut kissaatisi

2. Kommunimi kultureqarnermut politikki atuuttoq pillugu linki: https://sermersooq.gl/kl/kommuuni/politikkit-pilersaarutillu/kulturi-pillugu-politikki

 

 

4I: Tusarniaaneq: Takornariaqarneq pillugu politikki

 

Politikkikkut suleqatigiinnissamik isumaqatigiissummi kissaatigineqarpoq takornariaqarnerup ineriartortinneqarnissaa tapersersorneqassasoq aammalu kommunip Illoqarfiit Pingaarnersaannut Periusissaani taaneqarpoq takornariaqarneq pillugu periusissiortoqassasoq. Taamaattumik kommunimut takornariaqarneq pillugu ineriartortitsinermut aqqutissiuussisussamik polikkiliortoqarpoq. Taannaassaaq kommunip takornariaqarneq pillugu periusissiaanut aallarniutaasussaq, tassanilu annertunerusumik allaaserineqassalluni, takornarialerinerup iluani qaffaanermi ineriartortitsinissamilu qanoq ililluni tapersersuisoqarniarnersoq.

 

Kommunip Kommuneqarfik Sermersuumi Najukkami Ataatsimiititaliat takornariaqarneq pillugu politikkissamut immersueqataanissaannik periarfissikkumavai. Najukkami Ataatsimiititaliat tusarniaanermit akissuteqaatitik kingusinnerpaamik 15. februaari 2019 uunga nassiutissavaat Carina Hjorth: carc@sermersooq.gl

 

Takornariaqarneq pillugu politikkimi kommunip pingaarnertut takorluugai makku allaaserineqassapput:

 

Kommuneqarfik Sermersuup ornitassanik siunnerfilimmik ineriartortitsineq aqqutigalugu aammalu inuussutissarsiornermut tunngasunik najoqqutassaqartitsinikkut takornariaqarneq inuussutissarsiorfittut patajaatsutut piginnaasaqarfiulluartumik erseqqissumillu kommunip nunattalu aningaasarsiorneranut iluaqutaanissaa anguniarpaa.

 

Taamatut takorluugaqarneq imaattunik anguniagaqarnermik kinguneqarpoq:

  1. Tamanut takornariaqarneq

  2. Najoqqutassat piginnaasallu eqqortut

  3. Ornitassat orniginarluartut

  4. Pinngortitaq kulturilu isumalluutitut nunattalu erlinnartuutaattut

  5. Takornarialerineq aningasarsiornikkut, inuttut avatangiisitigullu patajaatsutut inuussutissarsiutigalugu

     

Imarisaani aallaavigineqartut tassaapput Sermersooq Business Council, Destination East Greenland aamma Grønlandsbanken takornarialerisunik soqutigisaqartunillu apersuinerinit, apeqqutinik akisassanik misissuinerinit workshoppeqartitsinerinit isumasioqatigiissitsinerillu pissarsiarineqarsimasut. Tamakkua saniatigut aallaavigineqarput Visit Greenlandip nuna tamakkerlugu ataatsimeersuartitsinerinit isumasioqatigiissitsinerinillu pissarsiarineqartut, aammalu Namminersorlutik Oqartussat kommunillu ataatsimoorlutik Tunumi Kitaanilu isumasioqatigiissitsinerineersut. Aamma kommunalbestyrelsip immikkut sammisaqartitsineranit qinikkanit pissarsiarineqartut ilaatinneqarput.

 

Taamaattumik takornarialerineq pillugu politikkimi, patajaatsumik ineriartortitsisoqarnissaanut pitsaasunik atugassaqartitsinissamik isumaginninnissaanut kommunip takornarialerinermik ingerlatsisunut nukittuumik suleqatiginissaa takorluukkatut saqqummiunneqarpoq. Tamanna takorluukkami aammalu anguniagassani tallimani takuneqarsinnaavoq.

 

Inatsisitigut tunngavigisat allagaatillu tunngaviliiviusut

Kommuneqarfik Sermersuup Takornarialerineq pillugu periusissiaa

Visit Greenlandip Towards More Tourism-mit innersuussutai 11-t

 

Inassuteqaat

  • Najukkami Ataatsimiititaliat takornariaqarneq pillugu politikkissamut siunnersuut ilisimatitsissutitut tigussagaat tusarniaanermilu akissuteqaat kingusinnerpaamik 15. februaari 2019 nassiutissagaat

     

    Aalajangiineq

    Nuummi Najukkami Ataatsimiititaliap tusarniummut akissuteqarnissamut periarfissaqartinneqarnini qujassutigaa, taamaattorli takornariaqarneq pillugu politikkimut oqaaseqaatissaqarani.

     

    Ilanngussat

  1. Kommuneqarfik Sermersuup takornaqarneq pillugu politikkia

 

4J: Tusarniaaneq: Takornariaqarneq pillugu periusissiaq

Sermersooq Business Council kommunip kajumissaarineratigut takornariaqarneq pillugu kommunimut takornariaqarneq pillugu periusissiamik sulissutiginnippoq. Takornarialerinermik inuussutissarsiutillit apersornerisigut, workshoppertinnerisigut immersuinikkullu kommunalbestyrelsillu workshoppertinneratigut periusissiamut suliaqarnermut peqataatitsineq qulakkeerneqarpoq. Periusissiami takorluugaq saqqummiunneqarpoq, kommune inuussutissarsiornermut aalajangersakkanik pilersitsiniartoq siunissami imminut napatissinnaasumik aamma avataanit soqutigisaqatigiit ukioq naallugu iliuuseqarsinnaaneq sammisinnaanngorlugu.

 

Kommunimut, Sermersooq Business Council, Namminersorlutik Oqartussanut, takornarialerinermik inuussutissarsiutilinnut aningaasaliisunullu pitsaanerusumik takornariaqarnerup ineriartorneranut malittarisassanik pilersitsiniarluni iliuusissatut pilersaarutinik siunnersuuteqarpoq. Kommuneqarfik Sermersuup Takornarialerinermut periusissiaa Ilanngussaq 1-itut ilanngunneqarpoq.

 

Namminersorlutik Oqartussat Nunamut tamarmut takornariartitsinermi pilersaarummut ilanngussassamik suliaqassapput. Pilersaarut taanna nunap immikkoortuinik imaqartussaavoq, tamatumunngalu atatillugu Namminersorlutik Oqartussat kommunit ilanngussanik tunniussaqarnissaannik noqqaassuteqarpoq. Kommuneqarfik Sermersuup nunap immikkoortui ”Sermersuup Kangia” aamma ”Sermersuup Kitaa” ilanngutissavai. Ilanngutassaq kommunip takornariaqarnermut politikkia periusissiaalu tunuliaqutaralugit suliarineqarpoq. Kommunip Namminersorlutik Oqartussanut ilanngussaliassaa Ilanngussami 2-tut ilanngunneqarpoq.

 

 

Kommunip Kommuneqarfik Sermersuumi Najukkami Ataatsimiititaliat takornariaqarneq pillugu politikkissamut immersueqataanissaannut periarfissikkusuppai. Najukkami Ataatsimiititaliat qinnuigineqarput tusarniaanermut akissuteqaatertik Carina Hjorth-imut nassiuteqqullugu kingusinnerpaamik 15. februaari 2019: carc@sermersooq.gl

 

Periusissiaq naatsumik

Periusissiaq qitiutinneqarpoq, kommune inuussuutissarsiortunut innutaasunullu suleqataassasoq kimittooq. Kommune aalajangersakkanik suliaqassaaq takornariaqarnerup imminut napatissinnaasutut ineriartortinneqarnissaa siunertaralugu. Periusissiami anguniarneqarpoqKommuneqarfik Sermersuup tarkornariaqarnermut anguniagarigaa, pinngortitamut tulluussakkamik kimittuumik inuussutissarsiummik patajaatsumik pilersitsisoqarnissaa. Inuussutissariummi tassani kulturi nunarsuarmilu kommunit annersaanni ilisarnaatit tamaneersut ikorfartortigalugit kommunip Nunattalu takornariarfissatut nukittuutut nittarsaannissaa , pinngortitaq, piviusut kulturilu aqqutigalugit takornariat nunanit tamaneersut puigugallarinngisassatut migisaqarnissamik pisariaqartitaannik naammassinnittumik.

 

Anguniarneqartoq tassaavoq takornariaqarnermi tamakkiisumik suliffissaqartitsilernissaq, misigisassallu aningaasarsiutaasinnaasut tamaasa ataatsimoortinneqarnissaat, taamaasilluni takornariaqarneq atituumik eqqarsaatigineqassammat, aammalu inuit piginnaasallu suliffeqarfinnit tamaneersut peqataatillugit.

 

Takornariaqarneq pillugu periusissiami 2023-imut anguniarneqartut makkuupput:

 

Anguniagassatut siunniussat

2023

Suliassaqartitsineq

Takornarianik sullissisut 10 %-imik amerlinissaat.

  1. Kitaani: Ukioq naallugu takornarianik sullissisut 220-it.
  2. Kangiani: Ukioq naallugu takornarianik sullissisut 105-it.

Timmisartukkut angallanneqartartut

Nunanit allanit timmisartukkut Islandimiit toqqaanartumik kiisalu Kangerlussuaq aqqutigalugu Danmarkimit tikittut tunngaviusumik pitsaanerusumik iliuuseqarfigineqarsinnaanngillat. Nunanit allanit angalasut najugaqartunit angalasunit naammaginartumik immikkoortinneqarsinnaanngillat taamaattumik unnuisarfinnik ineriartortitsineq ingerlanneqassappat tulluarnerussaaq.

Suliaqartut kommunilu 2023 kingorna silaannakkut angallanneq pitsaanerusumik periarfissinniarlugu siunissamut nutaamut piareersarnikuupput.

Umiarsuarnik takornariartaatinik angalasut

2019-2023-mut angalasut ukiumut minnerpaamik 10 %-imik amerlinissaat.

  1. Kitaani: umiarsuarsuarnik takornariartaatinik angalasut 27.000.
  2. Kangiani: umiarsuarsuarnik takornariartaatinik angalasut 10.000.

Unnuinerit

Nunanit allaniit unnuisut ukiumut 3 %-imik amerleriassapput:

  1. Kitaani: tikeraat unnuisut 8.600
  2. Kangiani: tikeraat unnuisut 5.500

Inuiaqatigiit aningaasaqarnerani kaaviiaartitat

Ukiumut kaaviiartitat 5 %-imik qaffassapput

  1. Kommunimi: 220 mio DKK

 

 

Kina qanoq iliuuseqassava ?

Periusissiami takornariaqarnermik inuussutissarsiornerup ineriartortinnissaanut sinaakkutissanik , pitsanngorsaasussanik ikorfartuutaasussanillu iliuusissatut siunnersuuteqarpoq. Kommunimut, Sermersooq Business Council, Namminersorlutik Oqartussanut, takornarialerinermut inuussutissarsiortunut aningaasaliisunullu pitsaanerusumik takornariaqarnerup ineriartorneranut malittarisassanik pilersitsiniarluni iliuusissatut pilersaarutinik siunnersuuteqarpoq . Allaaserineqarnerat 1-imi "Sermersuumi Takornariaqarneq pillugu periusissiaq 2019-2023" qupp. 23-mi takuneqarsinnaapput.”

 

Inassuteqaat

Inassuteqaatigineqarpoq:

Najukkami Ataatsimiititaliat Takornarialerinermut periusissiaq ilisimatitsissutitut tigussagaat immaqalu tusarniaanermut akissuteqaat kingusinnerpaamik 15. februaari 2019-imi nassiutissagaat.

 

 

Aalajangiineq

Nuummi Najukkami Ataatsimiititaliap tusarniummut akissuteqarnissamut periarfissaqartinneqarnini qujassutigaa, taamaattorli takornariaqarneq pillugu politikkimut oqaaseqaatissaqarani.

 

Ilanngussat

  1. Takornarialerinermut periusissiaq Sermersooq 2019-2023
  2. Kommuneqarfik Sermersuup Namminersorlutik Oqartussat takornarialerineq pillug periusissiaanut ilanngukkumasai

 

 

 

 

4K: Qinnuteqaat: Qiajuk Studios – isiginnaagassiamik takutitsineq kiisalu Nuummi Community Dance Centerimik pilersitsinissamut oqallissaarut

 

Ulloq 27. januaari 2019-imi Qiajuk Studios – Outreach-imit aningaasatigut taperneqarnissamut qinnuteqaat Nuummi Najukkami Ataatsimiititaliamit tiguneqarpoq. Qinnutigineqartut katillugit 10.000 koruuniupput.

 

Aningaasatigut tapiiffigineqarnissamut qinnuteqartoqarpoq tassanilu isiginnaagassiatut aaqqissuussaq akeqanngitsumik F R E E: Performance Power takutinneqassalluni, tamatumalu kingorna Nuummi Community Dance Centerimik pilersitsinissaq pillugu oqallittoqassalluni.

 

Aaqqissuussami sullitariniarneqartut tassaapput Nuummi inuit meeqqanik inuusuttunillu sullissisut. Pingaartumik ulloq unnuarlu angerlarsimaffiit, kommunip sunngiffimmi ingerlatai allallu meeqqat ilungersunartorsiortut eqqarsaatigalugit allanngueqataarusuttut.

 

Isiginnaagassiaq Qiajuk Outreach-imik pilersitsinermut atatillugu 2019-imi upernaakkut takutinneqassaaq.

 

Isiginnaagassiaq pillugu:

F R E E: Performance Power piviusulersaarusiaavoq nersornaasersimasoq, tassanilu inuusuttuaqqat tallimat malinnaavigineqarput ilaatigut qitik oqariartaatsimillu taalliornerit atorlugit annersaasarnermik, ilaqutariinni ajuittumik ingerlanerit piitsuunerillu qaangerniaraat.

Isiginnaagassiami inuusuttut Destiny Arts Center Oaklandimi Californiami ukiuni aalajangiisuulluinnartussani pisuni malinnaaffigineqarput, ilaatigullu inuunerminni misigisimasatik tunngavigalugit takutitsinissamut pilersitseqatigiillutik. Isiginnaagassiami inuusuttuaqqat nukissaqarnissartik, akiuussinnaassuseqarnertik siunissarlu pillugu neriuuteqarnertik anguniaraat eqqumiitsuliornertut takutitsiviuvoq.

Aamma takuuk: https://freethedocumentary.com/screening-kits/deluxe-community-screening-kit

 

Missingersuutit katillugit qinnuteqaammi takuneqarsinnaapput – takuuk ilanngussaq 1.

 

Kommunimi Peqqinnermit Susassaqartitsinermillu oqaaseqaatit:

Innuttaasunut aaqqissuussaq akeqanngitsoq Immikkoortortaqarfimmit suliniutitsialattut isigineqarpoq taavalu Nuummi Community Dance Centerimik periarfissatut pilersitsinissamut inuusuttut soqutiginnittullu oqallinnissaannut peqataatinneqarput. Isiginnaagassiaq taama ittoq atorlugu innuttaasut inuusunnerusut oqallinnermi peqataanissaannut peqquteqarluarput.

 

Inassuteqaat

Inassuteqaatigineqarpoq:

  • Suliniut aningaasatigut tapiiffigineqassanersoq Nuummi Najukkami Ataatsimiititaliamit aalajangiunneqassasoq

 

Aalajangiineq

Aalajangerneqarpoq, qinnuteqaat akuerineqartoq suliniullu 10.000 kr.-nik tapiiffigineqassasoq

5-it akuersipput marlullu taaseqataanatik

 

Ilanngussaq

1 Qinnuteqaat

 

 

 

4L: Siunnersuut – Interaktiv Park

 

Najukkami Ataatsimiititaliamut ilaasortaq Naleraq Eugenius ulloq 29. januaari Nuummi atortorissaarutit pillugit Parkeqalernissaanut eqqartuinissamut siunnersuuteqarpoq.

 

Nuummi innuttaasut atortorissaarutit atorlugit eqqumiitsulianik teknologiimillu nutaanik misigisaqarnissaat suliniummi siunertarineqarpoq.

Suliniut nutaarluinnaasussaavoq, pissutigalugu illoqarfimmi atortorissaarutit atorlugit suli ikkussuisoqarnikuunnginnami. Naleraq Eugeniusip Teamlab attaveqarfigivaa, ilaatigut ilaqutariit meeqqallu pillugit atortorissaarutit atorlugit suliaqartartuupput. Teamlab suliniuteqarnermi suleqatissatut periarfissaasinnaavoq taamaalillunilu Naleraq Eugeniusip kissaatigaa periarfissaqarluarnerani suliniut maannakkut iliuuseqarfigineqassasoq: https://www.teamlab.art/

 

Atortorissaarutit atorlugit eqqumiitsuliat tunngavigalugit suliniuteqarnissamut periarfissat isumassarsiallu eqqartorneqassasut Naleraq Eugeniusimit kissaatigineqarpoq: Assersuutigalugu Najukkami Ataatsimiititaliap eqqumiitsuliortut imaluunniit atortorissaarutit atorlugit suliaqartut aggersarsinnaavai, taamaalillutillu immikkut sammisaqarlutik ulloq ataaseq imaluunniit sapaatip-akunnera, ilaatigut Nuummi atortorissaarutit atorlugit ikkussuinissaq siunertaralugu? Sumi tamanna pisinnaava? Suleqatigiissitaliorsinnaavugut?

 

Oqaaseqaatit

Kultureqarnermut Aaqqissuussinermullu Immikkoortortaq ima oqaaseqaatissaqarpoq:

Suliniut tunngaviatigut Immikkoortortaqarfimmit tapersersorneqarpoq. Suliniut pissanganarlunilu nutaaliorneruvoq, Nuup illoqarfiata aqquserngini qiimmassaassaaq. Suliniut suliaralugu ingerlatiinnarneqarnissaa aalajangiunneqassappat, Illoqarfimmik Inerisaaneq peqataatinneqassasoq innersuussutigineqarpoq. Matumani Aningaasaateqarfik Sermeq aqqutigalugu qinnuteqartoqarsinnaasoq periarfissaasoq nalilerneqarpoq.

 

Inassuteqaat

Inassuteqaatigineqarpoq:

- atortorissaarutit atorlugit eqqumiitsuliornissap aallartinneqarnissaanut periarfissat Najukkami Ataatsimiititaliap eqqartussagaa

 

Aalajangiineq

Aalajangerneqarpoq, immikkoortoq Naleqqap ataatsimeeqataanerani eqqartorneqarniassammat kinguartinneqassasoq.

Kisianni Najukkami Ataatsimiititaliamiit oqaatigineqassaaq, isumassarsiamut isumalluarlutik aamma Najukkami Ataatsimiititaliap qanoq inissisimasinnaanera pillugu annertunerusumik tusagaqarusullutik. Immaqa suleqatigiissitaliortoqarsinnaavoq aamma suliffeqarfiit anginerit kulturimut tunngasunik suliaqartut, katersugaasiviit kiisalu kommunimi Illoqarfimmik Inerisaavik aamma Kulturi Aaqqissuussisarnermilu Immikkoortortaqarfik suleqatigiilersinnaassapput.

 

4. Taasariaqartut allat

Najukkami Ataatsimiititaliami siulittaasup aamma Nuummi Røde Korsip inuusuttaanik (INUA) ataatsimeeqateqarnera

Siulittaasup ulloq 12. februaari Nuummi Røde Korsip inuusuttaani nammineq kajumissutsiminnik sulisartut ilaannik ataatsimeeqateqarpoq. Røde Korsip inuusuttaanit allakkatigut saaffiginnissuteqarneq ataatsimiinnermi tunuliaqutaavoq, taakku kissaatigisimavaat isumassarsiami ilaanik Najukkami Ataatsimiititaliamik suleqateqarnissaq aamma/imaluunniit tusarusullugu Najukkami Ataatsimiititaliamut aningaasanik tapiiffigineqarnissamut periarfissaqarnersoq.

 

Røde Korsip inuusuttaani nammineq kajumissutsiminnik sulisartut isumassarsiat ilaatigut uku saqqummiuppaat:

  1. Ilqutariinnut meerartalinnut inuusuttunulluunniit qaammatikkaartumik Katuap inersuaaraani filmertitsisarneq.

  2. Akeqanngitsumik oqalugiartitsineq imaluunniit “TED-Talks” assigiinngitsunik qulequtaqarluni assersuutigalugu “anaanatut kisimiittuuneq qanoq ippa”. Attaveqatigiinnissamut oqaloqatigiinnissamullu periarfissaqalersitsisarpoq.

  3. Nuup Saavani kulturisiorsitsineq, tuniniaaveqartitsilluni qaannamillu misiliisoqarsinnaalluni il.il.

 

Røde Korsip inuusuttai juuni tungaanut 6000 kr. kisiat sinneraat taamaattumillu isumassarsiami ilaannik piviusunngortitsinissamut aningaasanik amigaateqarlutik. Røde Korsip inuusuttaa Nuummi Røde Korsip aaqqissuussaaneranut atanngillat taamaattumillu immikkut nammineq missingersuuteqarlutik.

 

Saaffiginninnerat pillugu siulittaasoq allatseqarfillu qujapput, illoqarfimmilu nammineq kajumissutsiminnik suliniarnerannik nersualaarlugit. Taakku saniatigut siulittaasoq allatseqarfillu imaattumik oqaaseqaatissaqarput:

  • Røde Korsip inuusuttaat isumassarsiamut sukumiisumut tapiiffigineqarnissamut qinnuteqarnissamut immersugassamik immersuisinnaapput. Qinnuteqarnissamut immersugassaq kommunip nittartagaaniippoq, aamma Jill Hellesen ikiuutissappat attavigineqariaannaavoq.

  • Røde Korsip inuusuttaasa misissortariaqarpaat, pingaarnertut kattuffigisaminnit aningaasaliiffigineqarsinnaanerlutik.

  • Ilaqutariinnut Katuami filmertitsisoqassappat immaqa pitsaassaaq, Katuamut tusarniutigilaassallugu, taakanimi nammineq aamma akikitsumik meeqqanut filmertitsisarput.

 

Inassuteqaat

Inassuteqaatigineqassaaq:

  • ilisimatitsissut Nuummi Najukkami Ataatsimiititaliamit tusaatissatut tiguneqassasoq

     

Aalajangiineq

Ilisimatitsissut tusaatissatut tiguneqarpoq, oqaasertalerlugu Katuap immaqa inersuaaraq akeqanngitsumik atukkiussinnaagaa, aamma assersuutigalugu filmertitsinissamut oqalugiartitsinissamulluunniit Innuttaasut Illuat Illorput akeqanngitsumik atorneqarsinnaavoq. Tassunga atatillugu Røde Korsip inuusuttaasa isumassarsiatsialaatitik arlalissuit aamma pingaarnertut kattuffimminnut saqqummiussinnaagaluarpaat, tassannga immaqa amerlanernik aningaasaliiffigineqarnissaq periarfissaassaaq.

 

5. Imaqarniliap akuerineqarnera

 

Imaqarniliaq ilaasortanut e-mailikkut akuerisassanngorlugu nassiunneqassaaq.

 

 

 


[1] Aningaasaliissutini akissarsiassat ilanngaatigineqarput. (Qaammammut ilaasortamut ataatsimut 2.124 kr.)

[2] Suliniutit ataasiakkaat inaarutaasumik naatsorsuutai eqqarsaatigineqassapput. Aningaasaliissutit atorneqanngitsut Nuummi Najukkami Ataatsimiititaliamut utertinneqassapput.