210126 – 25-issaannik ileqquusumik ataatsimiinneq

Immikkoortortaqarfiit
Kommunalbestyrelsi
Date
26. January 2021 -
Qulequtaq
Saqqaa

Suliassamik saqqummiussaq

Ilaasortat
Charlotte Ludvigsen (IA)
Charlotte Pike (IA)
Uju Petersen (IA)
Harald Bianco (IA)
Inge Olsvig-Brandt (IA)
Storm Ludvigsen (IA)
Knud Mathiassen (IA)
Henrik Rachlev (IA)
Lone Rosengreen Pedersen (IA)
Michael Rosing (Sam)
Nadia Olsen (D)
Justus Hansen (D)
Mala Høy Kúko (S)
Peter Davidsen (S)
Thiiooq Knudsen (S)
Ane Egede Mathæussen (S)
Jens Kristian Berthelsen (S)
Rolf Pike (S)
Lund Kukó (S)

Ataatsimeeqataasut: Charlotte Ludvigsen (IA), Uju Petersen (IA), Inge Olsvig Brandt (IA), Knud Mathiassen (IA), Lone R. Pedersen (IA), Justus Hansen (D), Nadia Olsen (D), Michael Rosing (At), Jens Kristian Berthelsen (S), Peter Davidsen (S), Mala Høy Kuko (S), Ane Egede Mathæussen (S), Thiiooq Knudsen (S), Rolf Pike (S), aammalu sinniisussaq Pipaluk Lynge-Rasmussen (IA) 

Oqarasuaatikkut: Harald BIanco (IA), Charlotte PIke (IA), Henrik Rachlev (IA) aammalu Lund Kuko (S)

Peqataanngitsoq: Storm Ludvigsen (IA)

Oqaluuserisassat akuerineqarneri

Suliassamik saqqummiussaq

Oqaluuserisassat akuersissutigineqarput. 

Michael Rosing (At) 04O suliarineqarnerani suliamut attuumavallaarnerarluni nalunaarpoq.

Lone Rosengreen Pedersen (IA) 04L suliarineqarnerani suliamut attuumavallaarnerarluni nalunaarpoq.  

Charlotte Pike (IA) 04B suliarineqarnerani suliamut attuumavallaarnerarluni nalunaarpoq.

Harald Bianco (IA) 04A suliarineqarnerani suliamut attuumavallaarnerarluni nalunaarpoq.

Nalunaarutit

Suliassamik saqqummiussaq

2a. Siulittaasumit nalunaarutit
2b. Ataatsimiititanik ataavartunit nalunaarutit

2a. 

  1. Ulloq 5. januaari Nuummi kommunalbestyrelsip ataatsimiittarfiani najukkami ataatsimiititaliat tamarmik ataatsimeeqatigineqarput. Nuummi Najukkami Ataatsimiititaliaq kommunalbestyrelsip ataatsimiittarfiani najuulluni peqataavoq. Ataatsimiinnermi Najukkami Ataatsimiititaliat ukiumi 2020-mi angusatik kiisalu 2021-mut aningaasaliissutigisatik saqqummiuppaat. Tassunga atatillugu 2021-mut missingersuutit saqqummiunneqarput, tassanilu suliniutit siunissamilu pilersaarutit attuumassuteqartut borgmesterimit saqqummiunneqarput. 
  2. Ulloq 6. januaari Katuami Hans Lyngep Inersuaani Timersortartut Ulluat ingerlanneqarpoq. Aaqqissuussisut ilanngullugit katillugit 50-it miss. peqataapput. Aaqqissuussaq internetikkut Kommuneqarfik Sermersuup Facebookikkut nittartagaatigut toqqaannartumik aallakaatinneqarpoq. Nersornaatit sisamat tunniunneqarput, tassa Ukioq manna timersullammak, Maligassiuisoq, Suliniuteqartunut kajumissaat kiisalu Immikkut ittumik Nersornaat. 
  3. Ulloq 9. januaari NGO-nut sivikitsumik isumasioqatigiissitsisoqarpoq. Isumasioqatigiinneq Illorpumi ingerlanneqarpoq, tassanilu peqataapput borgmesteri, kommunalbestyrelsimut ilaasortaq Inge Olsvig Brandt, allaffissornermi sulisut kiisalu NGO-t. Peqataasut katillugit 25-upput, taakkunannga 15-it NGO-t. Ukiumut marloriarluni NGO-nut isumasioqatigiissitsisarnissaq pilersaarutaasarpoq.
  4. Januarip 18-ani 19-anilu borgmesterip tullersortaata aappaa Tasiilami assigiinngitsunik suliaqarpoq. Ulluni taakkunani kommunip susassaqarfiinut aammalu suleqatigissaanut pulaarpoq, kiisalu 2021-mut missingersuutit pillugit innuttaasunik ataatsimiisitsilluni. Covid-19 peqqutaalluni borgmesterip sivitsortumik Tasiilaliarsinnaasimannginnini peqqutigalugu taamannak aaqqiisoqarpoq.
  5. Nuummi nutaaliamik qatserutaasivittaassaq sanaartorlugu aallartinneqalerpoq. Tamanna malunnartinniarlugu nivaqqaarneq (qallunaatut taasagaattut “Første spadetik)  aaqqissuunneqassaaq tamannalu pissaaq februarip 4-ani nal. 14.00 sanaartorfissami.  Nuuk City Development pisussamut aaqqissuussisuuvoq, borgmesterilu ullup malunnartinneqarnerani peqataanissaminut assut qilanaarpoq.
  6. 2021-mi februaarimiit maajimut kommunimi inuussutissarsiornermut siunnersuisoqatigiit pingasut aamma Sermersooq Business suleqatigalugit kommunimi illoqarfinni workshopertitsinissat borgmesterip pilersaarutigai. Tamanna Inuussutissarsiornermut Siunnersuisoqatigiit pingasuusut aallarniuteqarnerat tunngavigalugu nutaamik inuussutissarsiuteqarneq pillugu periusissiornissamut atatillugu pissaaq. Workshopernerni pilersaarutaasuni kommunimi inuussutissarsiuteqartut peqataatinneqassapput matumanilu siunissami Tunumi, Paamiuni Nuummilu inuussutissarsiutinut ataatsimut pilersitsinissaq pingaarnertut sammineqassaaq. Ilaatigut illoqarfinni immikkut ammasumik inuussutissarsiuteqartunut workshopertitsisoqassaaq. Tamanna qaammammi tullermi nalunaarutigineqassaaq.
  7. Kommunalbestyrelsip ataatsimiittarfiani nipi isiginnaarullu atorlugit ataatsimiinnerni attaveqaatit - januaarimi februaarimilu Europami teknikerit atortunik ikkussuiartorlutik tikinnissaat pilersaarutaasimagaluarpoq. Maanna angalanermut killilersuutit atuuttut pissutigalugit taamaaliortoqarsinnaanngilaq. Taamaattumik atortut pilersaarutit malillugit piareersinnaanngillat. Corona pillugu killilersuutit apeqqutaassapput qanoq kingusinaartigissanersut. 

2b. 

Uju Petersen, Meeqqanut Ilaqutariinnullu Ataatsimiititami siulittaasoq:

  1. Tasiilamut atatillugu siornali Prs. Margrethes børnehjemilli siunertani allanngortimmagu, meeqqanik mikisuinnarnik tigusisalerniarlutik annertuumik inuusuttunut inissiivissaaleqineq Tasiilami atuussimavoq, aammami tamanna allani børnehjemmini atuuppoq – inuusuttunut inissiivissaaleqineq. Taamatuttaarlu Coronaqalernerup kingunerisaanik sagsbehandlerik Tasiilamut tikisitsisarneq annertuumik ajornartorsiutinngorsimavoq. Ukiariartornerani sagsbehandlerissaaleqineq annertusimavoq aammalu Socialstyrelsimut ikiortissarsioraluaratta tamanna ajornarsimalluni. Maannakkut Unge Center Tasiilami aallartisarpoq, sulili Prs. Margrethe Børnehjemmi atunngisai atorsinnaanerigut suli paasitinneqanngilagut. Taamaattumik Qimarngiviup siunertaa allanngortikkallaqqavarput.
  2. Sagsbehandlerit pædagogillu atorfinittut tikerarlutik aallartipput, neriuutigaarpullu illoqarfimmut sunniuteqarluarumaartoq. Conni Gregersen aamma Dorthie Kanutsen pikkorissaasoralugit ukiuni 3-sunik pikkorissaaqqinneq Kommuneqarfik Sermersuumi sulisutsinnut ippassaq aallartippoq.Taamatuttaarlu sulisugut arlaqartut SPS-imiit kalerritsipput Akademi uddannelse som rådgiver i Socialt arbejdimi tigusaasimasut upernaallu ingerlanerani ilinniaqqinnertik aallartissagaat.
  3. Suli ulloq unnuarlu angerlarsimaffinnut inissiinissaq pisariaqartarpoq pingaartumik inuusuttuaqqanut pisariaqartitsineq annertuvoq.

Inge Olsvig Brandt, Suliffeqarnermut Isumaginninnermullu Ataatsimiititami siulittaasoq:

  1. Suliffeqarnermut Isumaginninnermullu Ataatsimiititami siulittaasup nalunaarutigaa Majoriap illutaa imermit ajoquserneqarsimasoq utaqqiisaasumillu allamik aaqqiissuteqartoqartoq. Tassunga atatillugu ilinniartut allaffimmilu sulisut magasinikumi ininut atorneqanngitsunut nuutsinneqarallarsimapput. Majoriaq nalinginnaasumik ammaqqinnissaa 8. februaarimi Jens Kreutzmannip aqqutaani ilimagineqarpoq.
  2. Suliffeqarnermut Isumaginninnermullu Ataatsimiititami siulittaasup nalunaarutigaa, ataatsimiititami siulittaasoq ingerlatsivillu NGO mini-seminareqarnerani ulloq 9. januaari peqataasimallutik, tassani kommunip aamma  NGO`t akornanni suleqatigiinneq oqaluuserineqarluni. Tassunga assingusumik ukiup affaa qaangiukkaangat ataatsimiittoqartassasoq isumaqatigiissutigineqarpoq.
  3. Isumaginninnermut Suliffeqarnermullu Ingerlatsivik pisortanit ikiorsiissutinut suliffissarsiornermut ikiorsiissutinut inatsimmut nutaamut siunnersuutinut, suliffeqanngikkallarnermi ikiorsiissutit pillugit inatsimmut taarsiisussamut akissuteqarpoq. Siunnersuutini pisortanit ikiorsiissutinik suliffeqarnermullu tungasunik qanimut ataqatigiissaarinissamik siunertaqarput. Tamatuma saniatigut pisortanit ikiorsiissutinut inatsimmut nutaamut siunnersuummi innuttaasut pisortanit ikiorsiissutit aningaasanngorlugit tigusassagaat oqaatigineqarpoq, ilaqutariilli innutaasullu arlallit akiligassatigut ajornartorsiorput tapersersorneqarnissamillu pisariaqartitsillutik.Inatsimmi nutaami innuttaasut aningaasaqarneri aaqqissorneqarsinnaanavianngillat. Tamanna akiligassaqalernermik angerlarsimaffeqanngitsullu amerliartornerannik kinguneqarsinnaavoq

Justus Hansen, Sanarfinermut Avatangiisinullu ataatsimiititami siulittaasoq:

  1. Ingerlatsiviup Paamiuni peqataatinneqarnerata nukittorsarneqarnissaa siunertaralugu Paamiuni immikkoortumi aqutsisumik atorfinitsitsisoqarpoq.
  2. Peqatigitillugu akuerisaasumik suliffeqarfik innaallagissamik ikkussuinermik suliaqartartoq Nuummeersoq peqatigalugu atuarfiup nutarternissaa siunertaralugu isumaqatigiissusiortoqassaaq. Suliffeqarfik tassunga atatillugu illoqarfimmi pilersitsissasoq ilimagineqarpoq.
  3. Tasiilami inissiat nutaat sananeqarnissaannut sanaartorfigissaanissamut Tasiilami najukkami sanasut isumaqatigiissusiorfigineqarput.  Peqatigitillugu suliffeqarfiup taassuma massakkut illoqarfimmi inuusuttut kulturikkut illorsuat suliaralugu naammassilerpaa. Qanittumi ammaanersiornissaq ilimagisinnaavarput.
  4. Nuummi atuarfiliorneq pilersaarut malillugu ingerlavoq piffissarititarlu malinneqarluni. Atuarfiup ammaanersiorneqarnissaanut 2023-p qeqqa suli killigitinneqarpoq.

Michael Rosing, Meeqqanut Atuarfeqarnermullu Ataatsimiititami siulittaasoq:

  1. 2021-mi januaarip ulluisa aallaqqaataani Nuummi meeqqeriviit nutaat marluk ammarput. Meeqqeriviit taakku marluk suli atserneqanngillat ataatsimiititamilu ataatsimiinnermi siullermi atsiinissamut aalajangiinissaq ilimagineqarpoq, tamatumalu kingornatigut februaarip ulluisa tallimaanni pisortatigoortumik ammaanersiornermi nalunaarutigineqassapput.
  2. 2021-mi januaarip ulluisa 18-iani Qinngutsinni klubbi aamma ammarpoq. Qinngutsinni klubbimik ammaanissaq 2021-mut missingersuutinut isumaqatigiissummi ilaavoq, aallartinneqareerneralu sumiiffimmilu inuusuttorpassuarnut iluaqutaavoq nuannaarutaalereerlunilu.

 

Ilisimatitsissutit

Suliassamik saqqummiussaq

Qaqqami annaassiniarneq

Suliassamik saqqummiussaq

Ilisimatitsissut tusaatissatut tiguneqarpoq. 

Nuummi bussit unittarfiini utaqqisarfiit

Suliassamik saqqummiussaq

Ilisimatitsissut tusaatissatut tiguneqarpoq. 

Bilagi

Qeqertarsuatsiaat atuarfiannik nakkutilliiartornermit nalunaarusiaq

Suliassamik saqqummiussaq

Ilisimatitsissut tusaatissatut tiguneqarpoq. 

Bilagi

Ulluunerani paaqqinnittarfinnut nakkutilliinermi nalunaarusiat

Suliassamik saqqummiussaq

Ilisimatitsissut tusaatissatut tiguneqarpoq. 

Bilagi

Aalajangiiffigisassat

Suliassamik saqqummiussaq

DEG 2021-mi kiffartuussinissamut isumaqatigiissuteqarfigineqarnera

Suliassamik saqqummiussaq

Harald Bianco (IA) ataatsimiinneq qimappaa.

Inassuteqaatit akuersissutigineqarput ilassutigineqarlunilu kvataalikkaartumik nalunaarusiat Aningaasaqarnermut Inuussutissarsiornermullu Ataatsimiititamut nassiunneqartassasut. 

Bilagi

Nanu Travel 2021-imi kiffartuussinissamik isumaqatigiissuteqarfigineqarnera

Suliassamik saqqummiussaq

Charlotte Pike (IA) ataatsimiinneq qimappaa. 

Inassuteqaat akuersissutigineqarpoq. ima oqaaseqaatitalerlugu ukiumoortumik naatsorsuutit Aningaasaqarnermut Inuussutissarsiornermullu Ataatsimiititamut tunniunneqartassasut.   

Bilagi

Tasiilaq pillugu tamakkiisumik pilersaarutip inaarutaasumik akuersissutigineqarnera

Suliassamik saqqummiussaq

Inassuteqaat akuersissutigineqarpoq 

Bilagi

2021-mut Eqqakkat pillugit malittarisassiat nutaat

Suliassamik saqqummiussaq

Inassuteqaat akuersissutigineqarpoq. 

Bilagi

Sumiiffinnik Aqquserngillu Taaguutaannik Siunnersuisoqatigiit

Suliassamik saqqummiussaq

Inassuteqaat akuersissutigineqarpoq. 

Bilagi

Ittoqqortoormiini atuartunut paaqqinnittarfik (AKO)

Suliassamik saqqummiussaq

Inassuteqaat akuersissutigineqarpoq. 

Kapisilinni atuartunut paaqqinnittarfik (AKO)

Suliassamik saqqummiussaq

Inassuteqaat akuersissutigineqarpoq. 

2021-mi Suliat allaaserineqarneri

Suliassamik saqqummiussaq

Inassuteqaat akuersissutigineqarpoq. 

Bilagi

Aningaasaqarnermut Inuussutissarsiornermullu Ataatsimiititap angalanera pillugu nalunaarusiaq

Suliassamik saqqummiussaq

Inassuteqaat akuersissutigineqarpoq. 

Bilagi

Najukkami Ataatsimiititalianut ileqqoreqqusat allanngortinneqarnerat

Suliassamik saqqummiussaq

Inassuteqaat akuersissutigineqarpoq. 

Bilagi

Paamiuni meeqqat ilaqutariillu pillugit isumaginninnermi suliani ataqatigiissaarinermut suleqatigiissitamut ileqqoreqqusat

Suliassamik saqqummiussaq

Inassuteqaat akuersissutigineqarpoq. 

Bilagi

Nuup Kangerluani qipoqqarnik pisaqarnissamut pissaanissamullu inerteqqutinut tunngatillugu ileqqoreqqusaq

Suliassamik saqqummiussaq

Lone Rosengreen Pedersen (IA) ataatsimiinneq qimappaa. 

Inassuteqaat akuersissutigineqarpoq. 

Bilagi

Piginnittuunermut periusissamik toqqaanissamut inassuteqaat

Suliassamik saqqummiussaq

Inassuteqaat amerlanerussuteqartunit akuerissutigineqarpoq.

Siumup ikinnerussuteqartutut oqaaseqaataa:

Siullermik una suliaq AIA-mi saqqummiunneqarmat Kommunit aqunneqarnerat pillugu Inatsisartut inatsisaat nr. 29, 17. november 2017-imeersoq § 25 naammassineqanngilaq.

  • Paasissutissat pingaarutillit ilaatinneqanngillat.
  • Aningaasaqarnermut oqaaseqaatinik paasissutissanillu ilanngussanik soqanngilaq.

Tassami AIA kommunalbetyrelsemut inassuteqannginnermini paasissutissanik sukumiisunik tamakkiisunillu tunngaveqarluni inassuteqartussaavoq, tamanna pinngilaq.

Qulaani taasatta saniatigut kommunalbestyrelsemi ilaasortanut sukumiisumik peqataatitsinnginneq naammaginanngilaq, minnerpaamik uuma suliap ingerlanerani gruppimi siulittaasunut malinnaatsitsisoqartariaqarpoq.

Namminersorlutik Oqartussaniit kommunet inissianut tigusinissaannut paasissutissat tunngavigineqartut 2016-meerput tamannalu naammaginanngilaq. Inissianik tigusinissami paasissutissat aningaasanullu attuumassutillit 2021-mi atuuttut tunngavigineqarnissaat piumasaraarput.
Taamaattumik kissaatigaarput Piginnittuunermut periusissamik toqqaanissamut inassuteqaat kinguartinneqassasoq sukumiinerusumik illuatugeriinniit (Kommune - Namminersorlutik Oqartussat) paasissutissat aningaasaqarnikkullu kingunissai qulaajarneqareerpata kommunalbestyrelsemut tamarmiusumut saqqummiunneqarlutik.

Ingerlariaqqinnissaq; tassunga tunngatillugu kissaatigaarput:

Oqartussanut PKG-mi ataatsimiinnissani gruppeformændinit malinnaatinneqarnissaanik piumasaqarneq.

Pilersuisup eqqaata asfaltilersorneqarnissaanut siunnersuut, Taasilaq

Suliassamik saqqummiussaq

Inassuteqaat amerlanerussuteqartunit akuersissutigineqarpoq. 

Bilagi

Kommunalbestyrelsip sinniisussatut allattorsimaffianit tunuarniuteqarneq

Suliassamik saqqummiussaq

Michael Rosing (At) ataatsimiinneq qimappaa.

Inassuteqaat akuersissutigineqarpoq. 

Bilagi

Taasariaqartut allat

Suliassamik saqqummiussaq

Soqanngilaq.

Lukket

Suliassamik saqqummiussaq

Imaqarniliap akuerineqarnera

Suliassamik saqqummiussaq

Imaqarniliaq akuerineqarpoq nal. 16:55