210114 – Ileqquusumik ataatsimiinneq

Ataatsimeeqataasut: Charlotte Ludvigsen (IA), Peter Davidsen (S) aammalu Sinniisussaq Ane Egede Mathæussen (S)

Oqarasuaatikkut: Harald Bianco (IA), Charlotte Pike (IA), Henrik Rachlev (IA) aammalu Justus Hansen (D)

Peqataanngitsoq: Jens Kristian Berthelsen (S)

Oqaluuserisassat akuersissutigineqarput. 

1. Ulloq 5. januaari Nuummi kommunalbestyrelsip ataatsimiittarfiani najukkami ataatsimiititaliat tamarmik ataatsimeeqatigineqarput. Nuummi Najukkami Ataatsimiititaliaq kommunalbestyrelsip ataatsimiittarfiani najuulluni peqataavoq. Ataatsimiinnermi Najukkami Ataatsimiititaliat ukiumi 2020-mi angusatik kiisalu 2021-mut aningaasaliissutigisatik saqqummiuppaat. Tassunga atatillugu 2021-mut missingersuutit saqqummiunneqarput, tassanilu suliniutit siunissamilu pilersaarutit attuumassuteqartut borgmesterimit saqqummiunneqarput.

2. Ulloq 6. januaari Katuami Hans Lyngep Inersuaani Timersortartut Ulluat ingerlanneqarpoq. Aaqqissuussisut ilanngullugit katillugit 50-it miss. peqataapput. Aaqqissuussaq internetikkut Kommuneqarfik Sermersuup Facebookikkut nittartagaatigut toqqaannartumik aallakaatinneqarpoq. Nersornaatit sisamat tunniunneqarput, tassa Ukioq manna timersullammak, Maligassiuisoq, Suliniuteqartunut kajumissaat kiisalu Immikkut ittumik Nersornaat.

3. Ulloq 9. januaari NGO-nut sivikitsumik isumasioqatigiissitsisoqarpoq. Isumasioqatigiinneq Illorpumi ingerlanneqarpoq, tassanilu peqataapput borgmesteri, kommunalbestyrelsimut ilaasortaq Inge Olsvig Brandt, allaffissornermi sulisut kiisalu NGO-t. Peqataasut katillugit 25-upput, taakkunannga 15-it NGO-t. Ukiumut marloriarluni NGO-nut isumasioqatigiissitsisarnissaq pilersaarutaasarpoq.

4. 2021-mi februaarimiit maajimut kommunimi inuussutissarsiornermut siunnersuisoqatigiit pingasut aamma Sermersooq Business suleqatigalugit kommunimi illoqarfinni workshopertitsinissat borgmesterip pilersaarutigai. Tamanna Inuussutissarsiornermut Siunnersuisoqatigiit pingasuusut aallarniuteqarnerat tunngavigalugu nutaamik inuussutissarsiuteqarneq pillugu periusissiornissamut atatillugu pissaaq. Workshopernerni pilersaarutaasuni kommunimi inuussutissarsiuteqartut peqataatinneqassapput matumanilu siunissami Tunumi, Paamiuni Nuummilu inuussutissarsiutinut ataatsimut pilersitsinissaq pingaarnertut sammineqassaaq. Ilaatigut illoqarfinni immikkut ammasumik inuussutissarsiuteqartunut workshopertitsisoqassaaq. Tamanna qaammammi tullermi nalunaarutigineqassaaq.

5. Kommunalbestyrelsip ataatsimiittarfiani nipi isiginnaarullu atorlugit ataatsimiinnerni attaveqaatit - januaarimi februaarimilu Europami teknikerit atortunik ikkussuiartorlutik tikinnissaat pilersaarutaasimagaluarpoq. Maanna angalanermut killilersuutit atuuttut pissutigalugit taamaaliortoqarsinnaanngilaq. Taamaattumik atortut pilersaarutit malillugit piareersinnaanngillat. Corona pillugu killilersuutit apeqqutaassapput qanoq kingusinaartigissanersut.

Inassuteqaat akuersissutigineqarpoq imatut oqaaseqaatitalerugu: Nuummi suleriaaseq erseqqissarneqarnissaa kissaatigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Harald Bianco (IA) suliamut attuumavallaarnini nalunaarutigaa ataatsimiinnermiillu anigallarluni.

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq. 

Inassuteqaat akuersissutigineqarpoq, inassuteqaatini siulleq imatut allannguutitalerlugu: Nuup kangerluani qippoqarnik pisaqarnissamut pissaanissamullu inerteqqutinut tunngatillugu Kommunimi Ileqqoreqqusassatut siunnersuut tusarniaassutigineqarnissaa akuersissutigineqassasoq. 

Inassuteqaat amerlanerussuteqartunit akuersissutigineqarpoq.

Siumumit inassuteqaat siulleq imatut oqaaseqaatitalerlugu akuersissutigineqanngilaq: massakkumut saqqummiunneqartut ersernerlummata, qulaajagassat aningaasartuutissallu takussutissaqanngimmata, Siumumit kissaatigineqarpoq oqaluuserisassap Kommunalbestyrelsemi sammineqannginnerani immikkut ittumik sammisaqarnissaa kissaatigineqarpoq. 

Peter Davidsen (S): Nuummi kalaaliaraq pillugu oqaaseqarniarpoq. Kalaalliaqqami ataatsimiitaliamik pilersitsisoqarnikuuvoq qinikkat, atuisut aammalu ingerlatsivik peqatigalugit. Atorfilittanik suleqateqartarneq ajornartorsiutaasoq atuisunik oqariartuutigineqartoq oqaatigaa. Soorlu assersuutigalu aaqqiissutissanik ajornartorsiutinillu aqqiinniartoqartillugu artorfilinnut saaffiginnittarneq kipiluttunartarnera atuisunit apuunneqartartoq nalunaarutigaa. Ataatsimiititaliap ataatsimiitinneqarnissaa kissaatigaa. 

Anne Egede Mathæussen (S): Piginiagassat killilersorneqartut pillugit oqaaseqarniarpoq. Tunumi qilalugartassiissutigineqartartut killilersorneqarnerujussuat pillugu kommunitut naalakkersuisoqarfimmut saaffiginississutigineqarnissaa Borgmesterimut kaammattuutigaa. Kitaanilu appanut tunngatillugu killilersuinerujussuaq ullullu piniarfiit ikilineqarneri eqqarsaatigalugit kommunitut uparuarneqartariaqartut kaammattuutigaa, uani aalisartut piniartortagut inuutissarsiorniarnerat eqqarsaatigalugu killilersuivallaarujussuarnerat pineqarmat.  

Imaqarniliaq akuerineqarpoq nal. 15.50.