201006 – 23-issaannik ileqquusumik ataatsimiinneq

Immikkoortortaqarfiit
Kommunalbestyrelsi
Date
6. October 2020 -
Qulequtaq
Saqqaa

Suliassamik saqqummiussaq

Ilaasortat

Charlotte Ludvigsen (IA)

Charlotte Pike (IA)

Uju Petersen (IA)

Harald Bianco (IA)

Inge Olsvig-Brandt (IA)

Hans Jukku Noahsen (IA)

Knud Mathiassen (IA)

Henrik Rachlev (IA)

Lone Rosengreen Pedersen (IA)

Michael Rosing (Sam)

Nadia Olsen (D)

Justus Hansen (D)

Mala Høy Kúko (S)

Peter Davidsen (S)

Thiiooq Knudsen (S)

Ane Egede Mathæussen (S)

Jens Kristian Berthelsen (S)

Rolf Pike (S)

Laura Tàunâjik Uitsatikitseq (S)

Ataatsimeeqataasut: Charlotte Ludvigsen (IA), Henrik Rachlev (IA), Knud Mathiassen (IA), Storm Ludvigsen (IA), Lone R. Pedersen (IA), Justus Hansen (D), Nadia Olsen (D), Rolf Pike (S), Peter Davidsen (S), Jens Kristian Berthelsen (S), Michael Rosing (Sam), Thiiooq Knudsen (S), Laura Taunâjik Uitsatikitseq (S) og, Ane Egede Mathæussen (S) og Mala Høy Kuko (S) 

Oqarasuaatsikkut: Inge Olsvig Brandt (IA), Harald BIanco (IA), Charlotte PIke (IA), Uju Petersen (IA) og Hans Jukku Noahsen (IA)

Oqaluuserisassat akuerineqarneri

Suliassamik saqqummiussaq

Oqaluuserisassat akuersissutigineqarput.

Lone Rosengreen Pedersen (IA) oqaluuserisassamut 04B-mut attuumavallaarnini nalunaarutigaa.

Storm Ludvigsen (IA) oqaluuserisassamut 04B-mut attuumavallaarnera Borgmesterip nalunaarutigaa.

Henrik Rachlev (IA) oqaluuserisassamut 03A-mut attuumavallaarnini nalunaarutigaa.  

Ane Egede Mathæussen (S) oqaluuserisassamut 03A-mut attuumavallaarnini nalunaarutigaa.  

Oqaluuserisassaq 04G oqaluuserisassani siullinneqassaaq.

Nalunaarutit

Suliassamik saqqummiussaq

2a. Siulittaasumit nalunaarutit

2b. Ataatsimiititanik ataavartunit nalunaarutit

2a.

  1. Septembarip ulluisa pingajuanni Borgmesteri Kommunaldirektørilu Nukissiorfiit Nukissiuteqarnermut Pisortaartaavanit, Kaspar Mondrupimit qaaqqusaanikkut ataatsimeeqatigaat.
  2. Septembarip ulluisa sisamaanni Borgmesterip kommunimilu pisortat susassaqartut. "Tasiilami Suleqatigiippugut"-mi suleqatigiissitat Tasiilamut suliniutiminnik suliaqariartorlutik Nuummut aqqusaarneranni ataatsimeeqatigivaat. Ataatsimiinnermi suleqatigiissitat "Tasiilami Suleqatigiippugut" suliniutertik saqqummiuppaat kingornalu ataatsimut takorluukkat aamma suliniutip angunissaanut pisariaqartitat eqqartorneqarlutik. 
  3. Septembarip ulluisa 26-anni Nuup Bussii ukiut 40-nngortorsiorlutik nalliuttorsiorput, taamaattoq Covid-19-imut atatillugu killilersuinerit peqqutaallutik peqataasinnaasut 100-nut killilersugaapput.
  4. Kommune 2016-imiilli namminersortunik illunik aningaasaliisartunik arlalinnik attartornermut isumaqatigiissusiortarpoq. Inissiat ataasiakkaat innuttaasunut attartorteqqinneqartarput. Tassunga atatillugu kommune nikingassutaanut attartornermut akiliisarpoq, namminersortut illunik aningasaliisartut ineqarnermut akigititaat innuttaasunut akiligassiissutigineqartartunit annertunerummata. Namminersorlutik Oqartussanit tamanna maannakkut misissorneqarpoq. Tassunga atatillugu Namminersorlutik Oqartussat kommunimut attartornermut isumaqatigiissutit aamma ineqarnermut akiliutit nikingassutaat pillugit nalunaarusioqqusipput. Nuna Advokater aamma Advokatfirmaet Malling & Hansen Damm kommunimut peqqussummik naliliipput, isumaqatigiissutigalugulu Namminersorlutik Oqartussani allaffeqarfik peqqussummik tunniussisinnaanngitsut - Nakkutilliisut Kommunit aqunneqarnerat pillugu Inatsisartut inatsisaat nr. 29, 17. november 2017-imeersoq naapertorlugit kisimik peqqussuteqarsinnaatitaapput. Ilisimatitsissutigineqareersutut kommunip pisinnaatitaaffii malillugit sulisimalluta isumaqarpugut. Kommunalbestyrelsimi kikkut tamarmik ineqarnissaanut qulakkeerinninnissamut akisussaaffeqarpugut. Namminersorlutik Oqartussat maani Nuummi sanaartunngillat. Iserit-imut initaarnissamut utaqqisunik allattorsimaffimmi allatsissimasut 1792-iupput, allanullu akissaqassagutta inissanik pissarsiornermi taamatut iliorneq illersorneqarsinnaanerpaavoq.
  5. 2020-mi orpiup ikinnissaanut pilersaarutit pillugit. Katersuunnissamut killiliussat atuuttut ulloq 31. januaari 2021-mut atuupput, taamaattumillu ukioq manna orpiup ikinneqarnissaanut sunniuteqartussaallutik. Ileqquusumik orpimmik ikitsinermi 1000-it sinnillit peqataasarput, tamannalu pillugu tunillatseratartoqarsinnaavoq malittarisassanullu naapertuunnani. Taamaattorli juullilernera, adventip sapaataasa siullermi aallartittussaq, nalliuttorsiutigissavarput, taamaaliussaagulli innuttaasut katersuunnissaat pinaveersaartillugit, inuillu amerlavallaanngitsut nalliuttorsiorneq immikkut malinnaaffigisinnaassavaat. Taamaaliussaagut illoqarfimmi sumiiffinni assigiinngitsuni juullimut orpiit ataatsikkut ikinneratigut. Orpiliaq annerpaaq qaqqami blok 2-p aamma 3-p eqqaani Telep napparutaaniissaaq. Napparut Nuummi sumiikkaluaraanniluunniit takuneqarsinnaassaaq juullikkunilu qulleeralersorneqarluni, taamaalilluni taartumi orpiliatut isikkoqassaaq.  Ikitsinissamut kisitsineq sivikitsumik digitalikkut aallakaatinneqassaaq. Kommuneqarfik Sermersuup Facebookikkut quppernerani, tassani borgmesteri oqalugiassaaq, taassumalu kingorna erinarsoqatigiinnissamut kissaateqartoqassaaq juulimaarlu orpiup ikinnissaanut kisitsissaaq. Matumani innuttaasut illoqarfimmi sumiikkaluarunilluunniit oqalugiarneq malinnaavigisinnaassagaat eqqarsaataavoq. Kommunip tamanut orpia Aqqaluup Aneerasaartarfianiissaaq, ussassaarutigineqassanngilarli inuit katersuunnissaannut kajumissaarinerussagami, tamannalu naleqqutinngilaq. Aqqaluup Aneerasaartarfiani tatsimi ullormik ataatsimik sioqqutsilluni, tassa adventip sapaataat siulleq sioqqullugu, qullermik ikinneqassaaq. Ukioq manna Juulimaaq nulialu, qatserisartut biiliinut ilaallutik, illoqarfimmi piffissami sivisulaartumi angalaassapput mamakujunnillu agguaallutik. Taamaalillutik meeqqat tamarmik amerlasoorpassuullutik katersuutinngikkaluarlutik juulimaaq takusinnaassavaat. Inuit qanillinnginnissaat pingaaruteqartupilussuuvoq, inuilli ilisimatinneqassapput allatut iliornikkut Juulimaamik takusaqarsinnaasut. 
  6. Covid-19 peqqutaalluni maannakkumut pissutsit aallaavigalugit, Inuuskombest-ip februarimi 2021-imi Nuummi katersuulluni ataatsimiinnissaralua, digitalimik ingerlanneqarnissaa pilersaarusiorneqarpoq.
  7. Kalaallit Nunaanni kommunit  Nunatta Nakorsaaneranit piumaffigineqarsimapput Covid-19-imik tunillatsissimanerluni misissortittarfimmik pilersitsinissamut ikiuuteqqullugit. Nuummi misissuisarfik Danmarkimiit tikittunut – tassa ullut tallimassaanni misissortittussanut aallaqqaammut atorneqassaaq. Ullut misissortiffissat taamaalilluni ullut timmisartuussiffiusartut naapertorlugit ingerlanneqartassapput, maannakkut sapaatip akunneranut sisamariarluni timmisartuussisoqartarpoq, taamaalillunilu sapaatip akunneranut ullut misissuiviit sisamaasassapput. Ulluni misissuiviusuni piffissami nal. 08-p aamma 13-ip akornanni ingerlanneqartassasoq naatsorsuutigineqarpoq. Misiliutitut maani Nuummi aallartinneqalerpoq, tassungalu atatillugu misissortittarfimmit assigiinngitsutigut ikiuuttoqassaaq. Ulluinnarni aqutsisoqartitsissaagut, taassuma misissuisarfinni ilaatigut ”sulisussanik pilersaarusiorneq” isumagisassavaa. Tamatuma saniatigut misissugassanik tigusisartussanik, misissugassanik peqqissaaviliaassisussanik kiisalu misissuisarfimmi sillimasussanik sulisussaqartitsissaagut. Sulisussanik ingerlatsinermik sulialinnik inuttaliinnginnissaq aalajangerneqarpoq. Aammattaaq misissugassanik tigusineq nalorninaateqartuummat sapinngisamik ”nammineq kajumissutsiminnik” sulisussanik pissarsiorpugut. Ullormi misissugassanik tigooraanermi sulisut sisamat pisariaqartittassavagut. Sulisut piffissami pisariaqartitsiffiusumi tassani sulisinneqartassapput aamma atorfeqartitaanerannut allannguiffiussanngilaq. Misileraatitut ingerlanerup qanoq sivisutigiumaarnera suli nalunarpoq, naatsorsuutigineqarallarlunili 2021-mi januaarip naanerata tungaanut ingerlanneqassasoq. Novembarip/decembarip ingerlanerani Nunatta nakorsaanera suliaq pillugu nalilersueqatigineqassaaq.

2b.

Uju Petersen, Meeqqanut Ilaqutariinnullu Ataatsimiititami siulittaasoq:

  1. Nuummi qaammatini kingullerni annertuumik inuusuttuaqqat assigiinngitsutigut pinerluuteqartut suliassaqartitsipput, iliuuseqarniarnermilu aporfiit annertuut ilagivaat inuusuttunut inissiinissamut periarfissat annikinneri.
  2. Immikkut aaqqiigallarluta miljø-arbejderiugallartunik atorfinitsitsigallarnikuuvugut – naliginnaasumik pissarsiornitsinni qinnuteqartoqarnikuunngimmat.

  3. Psykologinik sulisoqarniarnerput annertuumik ajornartorsiutaavoq, ilaatigut peqqutigalugu MISUmi psykologit aningaasarsiaanut unammillersinnaannginnerput.

  4. Uvani qaammammi Tasiilami meeqqanut sumiginnaasarneq pillugu pikkorissaasoqassaaq, kiisalu qaaammatip naanerani meeqqanut isinnittaaseq pillugu oqallitsitsisoqassalluni.

  5. Tasiilami sulisoqarniarneq pitsaap tungaanut aallariarluni, qaammatip ataatip ingerlanerani ajorseriasaarpoq, sulisut taamaatittut arlaqaleriasaarnerisigut, taamatuttaarlu ukioq manna psykologit suliartortartut corona peqqutigalugu tikinnissaraluat taamaatiinnaneqattaqattaarluni.

  6. Ataatsimiititalliaq Qeqertalimmut Avannaanullu paasisassarsiorluni angalanikuuvoq iluatsilluartumik

Inge Olsvig Brandt, Suliffeqarnermut Isumaginninnermullu Ataatsimiititami siulittaasoq:

Inunnut innarluutilinnut sapaatip-akunneqartitsineq 2020 Innarluutit ersinngitsut

  1. Innarluutilinnut aamma Tarnikkut nappaatilinnut Immikkoortortaqarfik sapaatip-akunnerisa 41-anni kingumut inunnut innarluutilinnut sapaatip-akunneqartitsissaaq. Inunnut innarluutilinnut sapaatip-akunneqartitsineq oqalugiartoqarluni ammaanersiorneqassaaq aamma pølsinik imeruersaatinillu sassaallertoqassaaq. Sapaatip-akunneqartitsinermi ilaatigut aalisariartoqassaaq, Katuami tusarnaartitsisoqarluni naggataarnersiornermilu OCN-imik piginnaasaqarnermi uppernarsaatinik agguaasoqarluni. 

Utoqqarnik sullissisunit:

  1. Borgmesteri Charlotte Ludvigsen aammalu Isumaginninnermut Sulilffeqarnermullu ataatsimiititaliami siulittaasoq Inge Brandt Olsvig Pilutami atuisunik naapititsipput ulloq 25. Sept. Pilutami atuisut kissaatiginikuuaat borgmesteri aammalu ataatsimiititaliami siulittaasoq naapissallugit – sammisassaqartitsivik Ippiarsummut aammalu Utoqqaat Illuannut nuunnginnerminni.
  • Pilutami atuisut anngukkusutatik Borgmesterimut ataatsimiititaliamilu siulittaasumut annguppaat.
  • Borgmesterip aammalu ataatsimiititaliami siulittaasup Kommuneqarfik Sermersuup siunissami aggersumi utoqqarnik sullissinermi politikkikkut anguniarneqartut ilaatigut saqqummiuppaat.

Michael Rosing, Meeqqanut Atuarfeqarnermullu Ataatsimiititami siulittaasoq:

  1. Meeqqanut Atuarfeqarnermullu Ataatsimiititaq ullormi immikkut ittumik sammisaqarnikuuvoq, tassani Meeqqanut Atuarfeqarnermullu Ingerlatsivimmi suliat, tassungalu ilanngullugu suleqatigiinnissamut isumaqatigiissummi suliniutit siumukarnerat eqqartorneqarlutik. Ataatsimiititami ullormi immikkut ittumik sammisaqarnermut uiggiullugu ukioqatigiinngitsunut meeqqerivik Puiaq, Kangillinnguup Atuarfia aamma AKO ”Mini Klubben” alakkarneqarput.

  2. Maani Nuummi kommunip ulluunerani neqeroorutaanut tunngasut piffissami kingullerni tusagassiutitigut oqallisaangaatsiarput. Angajoqqaat eqeersimaartut ilaatigut meeqqerivimmi sulisoqarniarneq pillugu isornartorsiuipput. Ingerlatsivik nalinginnaasumik ulluunerani neqeroorutinut pingaartumilli meeqqerivimmi pineqartumi assigiinngitsunik suliniuteqarluni aallartippoq. Uani eqqaaneqarsinnaapput: Isumaginninnermik sulialinnut suliffik aqqutigalugu inissaqartitsiniarneq salliunneqassasoq, Perorsaanermut tunngasunik siunnersortinit pulaarneqarneq, Angajoqqaanik ataatsimiititsineq aamma sulisunik ataatsimiititsineq. Aammattaaq uanga suliassaqarfimmi pisortaq angajoqqaanik ataatsimeeqateqarpugut, meeqqerivimmi pissutsit pillugit eqqartueqatigiilluta, minnerunngitsumillu assigiinngitsunut tunngasunik aaqqiissutissarsiorluta. Suliniutit assigiinngitsut maanna kinguneqariartulerput nutaamillu atorfinitsitsisoqangajalerlu

Justus Hansen, Sanarfinermut Avatangiisinullu ataatsimiititami siulittaasoq:

  1. Nuummi meeqqeriviliornerit/ulluunerani paaqqinnittarfiliornerit pilersaarutit naapertorlugit ingerlanneqarput
  2. Nuummi qaartiterutissaasiviup tungaanut qaqqamit sisoornanaveersaatilernissaa aallartinneqareerpoq
  3. Tasiilap eqqaanilu qassutikunik qaqitsiortorneq aallartereerpoq.
Ilisimatitsissutit

Suliassamik saqqummiussaq

Ineqarnermut tapiissutit pillugit inatsisit aqunneqarnerannut tunngatillugu nakkutilliineq

Suliassamik saqqummiussaq

Henrik Rachlev (IA) aammalu Ane Egede Mathæussen (S) suliamut attuumavallaarlutik ini qimappaat.

Ilisimatitsissut tusaatissatut tiguneqarpoq.

Bilagi

Siusinaartumik pensionit pillugit inatsimmik ingerlatsinermi nakkutilliineq

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Professorimik University of Hawaiimeersumik suleqatiginnilerneq pillugu ilisimatitsissut

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Nunaqarfimmi aqutsisut isumasioqatigiissinneqarnerat 2020

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Aalajangiiffigisassat

Suliassamik saqqummiussaq

Kommunimut pilersaarummut tapiliussap 3E5-4-p, Nuuk Airport, inaarutaasumik akuersissutigineqarnera

Suliassamik saqqummiussaq

Inassuteqaat akuersissutigineqarpoq.

Bilagi

Kommunimut pilersaarummut tapiliussap 3C8-1 Qernertunnguit, Nuuk inaarutaasumik akuerineqarnera

Suliassamik saqqummiussaq

Lone Rosengreen Pedersen (IA) aammalu Storm Ludvigsen (IA) suliamut attuumavallaarlutik ini qimappaat.

Inassuteqaat akuersissutigineqarpoq.

Bilagi

Kommunimut pilersaarummut tapiliussap 1C12-5 Aqutsisoqarfik, Nuuk inaarutaasumik akuersissutigineqarnera

Suliassamik saqqummiussaq

Inassuteqaat akuersissutigineqarpoq.

Bilagi

Kommunimut pilersaarut 2032

Suliassamik saqqummiussaq

Inassuteqaat akuersissutigineqarpoq.

Bilagi

Meeqqat ilaqutariillu inuuniarnermikkut ajornartorsiuteqartut pillugit politikki 2020-2024

Suliassamik saqqummiussaq

Inassuteqaat akuersissutigineqarpoq.

Bilagi

Qinersinermik siulersuisunik toqqaaneq

Suliassamik saqqummiussaq

Inassuteqaat akuersissutigineqarpoq.

Sulinngiffeqareerluni sulileqqinnissamik qinnuteqaat

Suliassamik saqqummiussaq

Inassuteqaat akuersissutigineqarpoq.

Bilagi

Ulloq 30/06 2020-mi (TB2) ilassutitut aningaasaliissuteqarnissamik nuussinissamullu aningaasaliissuteqarnissamik qinnuteqaat

Suliassamik saqqummiussaq

Inassuteqaat akuersissutigineqarpoq.

1. 2021-mut missingersuutit siullermeerneqarneri

Suliassamik saqqummiussaq

Inassuteqaat akuersissutigineqarpoq.

Siumut ikinnerussuteqartutut oqaaseqaat:

Inunnut tunngatillugu sipaarniutit akuerineqanngillat.

Tabel 7.1- Isumaginninnermut suliffeqarnermullu ingerlativimmi allaffissornermi periarfissat:

402.3 Inersimasut innarluutillit 05.04.01: Taanna siumumiit akuerinngilarput nikisinneqannginnissaa piumasaralutigu.

402.6 Ilinniarnermi ineqarnermi periarfissat 03.08.01: Siumumiit akuerinngilarput qaffanneqarnissaa piumasaralutigullu Namminersorlutik oqartussat akigititaat atorneqassasoq.

402.9 Taanna itisilerneqarnissaa / nassuiarneqarluarnissaa piumasarivarput.

402.15 Utoqqarnut nerisaqartitsinermi akitigut qaffaaneq 05.0103: Utoqqarnut nerisaqartitsinermiu qaffaaneq akuerinngilarput.

Tabel 9.1- Meeqqanut Atuarfeqarnermullu ingerlatsivimmut allaffissornermi periarfissat.

404.14 Boost -holdeinut ilinniartitsisut tiiminik ikililerineq 03.02.01: Taanna sukumiinerusumik nassuiarneqartariaqarpoq aalajangertinnata.

404.16 Ukioqatigiinngitsunut meeqqerivik 03.01.04: Itigartipparput sipaarniarfigineqassanngilaq.

Tabel 10.1 -sanarfinermut Avatangiisinullu Ingerlativimmi allaffissornermi periarfissat.

405.03 Teknikkimut avatangiisinullu pilersaarusiornernullu oqartussaaffik 07.05.01:          

Ajorinngilarput kukkuneq iluarsineqartussaammat.

Tabel 11.2 -Kommunip politikkikkut atorsinnaasanut takussutissiaq, 2021-mut missingersuut.

080102 Timersorneq: Sooq  naluttarfik sipaarniarfigineqarpa kr. -3.700? sortaatigut.

080203 Katersugaasiveqarneq: Sipaarfiginiarneqarnissaa itigartipparput.

080204 Kulturikkut suliniutit allat: Sipaarfiginiarneqarnissaa itigartipparput.

050301 Utoqqaat: Sipaarfiginiarneqarnissaa itigartipparput.

050502 Majoriaq: Sipaarfiginiarneqarnissaa itigartipparput.

050103 Inersimasut immikkut pisariaqartitsisut: Sukumiinerusumik nassuarneqarnissaa pisariaqartipparput aalajangertinnata.

030102 Meeqqeriviit: Sipaarfiginiarneqarnissaa itigartipparput.

030102 Meeqqerivik: Sipaarfiginiarneqarnissaa itigartipparput.

030103 Meeqqerivik: Sipaarfiginiarneqarnissaa itigartipparput.

030104 Ukioqatigiinngitsunut meeqqerivik: Sipaarfiginiarneqarnissaa itigartipparput.

030202 Neqeroorutit: Sipaarfiginiarneqarnissaa itigartipparput.

Anlægsbudgettet 2021-2029.

160105-001 Allaffeqarfinnik aserfallatsaaliineq A.20: Iluamik nassuiarneqarnissaa piumasariavarput suna suullu aserfallatsaaliinermut iluarsartuunniarneqarpat?

160102-005 Ininut aningaasartuutit nalimmassarneri A.6: Nassuiarneqarnerusariaqarpoq.

160102-004 Katersineq akileeriaannaanissamut A.15: Nassuiarneqarnerusariaqarpoq.

Bilagi

Taasariaqartut allat

Suliassamik saqqummiussaq

Peter Davidsen (S): Pilutami atuisut allakkamik apuussinikuupput, ulloq manna tikillugu atuisut sukumiinerusumik akineqarnikunngimmata atuisut akineqarnissaat kissaatigaa.

Laura Taunâjik Uitsatikitseq (S): Qinikkat innuttaasunik ataatsimiititsineranni utoqqaat apuukkusutaat Kommunimit qanimut tusarniarneqarnissarmik aammalu ataatsimeeqatigineqarnissamik kissataat apuuppaa.

Lukket

Suliassamik saqqummiussaq

Imaqarniliap akuerineqarnera

Suliassamik saqqummiussaq

Imaqarniliaq akuerineqarpoq nal.16.31.