200609 – 21-issaannik ileqquusumik ataatsimiinneq

Oqarasuaatsikkut: Charlotte Pike (IA) aamma Laura Táunâjik

Oqaluuserisassat akuersissutigineqarput.

2a.

1. Ulloq maajip 25-at 2020, Nunat avannarliit killiit illoqarfittut pingaarnersaasa aningaasaateqarfianni siulersuisut ataatsimiipput. Aningaasat katillugit 450.000 DKK aningaasaateqarfimmiik suliniutinut aqqanilinnut agguaanneqarput.
2. Ulloq maajip 27-at 2020-mi borgmesteri Kapisilinnut tikeraarpoq. Kapisilinni takornariaqarnermi inuussutissarsiornermilu periarfissat pillugit ineriartortitsinermut atatillugu innuttaasunik peqataatitsinissaq anguniarlugu oqallilluni ataatsimiisitsineq ingerlanneqarpoq. Innuttaasunit peqataalluarfigineqarpoq. Oqallilluni ataatsimiissitsinerup saniatigut Borgmesterip Kapisilinni meeqqerivik, atuarfik, najukkami kommunip allaffia, ammerivik, savaaqqanik toqoraavittaaq umiatsiaaqqanillu iluarsaasarfik pulaarpai.
3. Ulloq maajip 28-at 2020, borgmesteri Ineqarnermut Attaveqatigiinnermullu Naalakkersuisoq, Karl Frederik Danielsen ataatsimeeqatigaa. Ilaasunik angallassineq pillugu kiffartuunneqarnissamut isumaqatigiissutip nutaamik isumaqatiginninniutigineqarnissaa pillugu ataatsimiinnermi sammineqarpoq.
4. Ulloq maajip 28-at 2020-mi, nuummi innuussutisarsiorneq pillugu siunnersuisooqatigiit inissitsiterput tassanilu siulittaasussamik toqqaasoqarluni. Paamiuni siunnersuisooqatigiit ulloq juunip 11-ani, Kangianilu siunnersuisooqqatigiit ulloq juunip 15-ani inissitsiternissaat siulittaasussaminnillu ivertitsinissaat pilersaarutaavoq.
5. Ulluni 14. & 15 juuni 2020-mi Nunaqarfimmi aqutsisut isumasioqatigiissapput. Isumasioqatigiinneq Paamiuni Tasiilamilu teknikkikkut atortorissaarutit atorlugit isumasioqatigiinneq ingerlanneqassaaq. Isumasioqatigiinnerup kingorna nalunaarusiaq piareeriarpat, kommunalbestyrelsimut ingerlateqqinneqarumaarpoq.
6. Utoqqaat illersuisuata Helene Heilmannip borgmesterimik ataatsimeeqatiserinnilluni saaffiginninnikuuvoq. Tamannalu pissaaq juunip qulingani 2020-imi.
7. Inuiattut ullorsiornermi ulloq juunip 21-at 2020-anni kommuni digitaliusumik aaqqissuusseqqissaaq. Covid-19 peqqutaalluni katersuuteqqusaannginneq killilersimaarniarlugu aalajangiineq ilungersunartoq una pivoq. Ullaakkut ualikkullu pilersaarut kulturikkut ilanngutassiinerit assigiinngitsut ilaatigut nerisassat pillugit, nipilersorneq, qilaatersorneq kommunilu tamakkerlugu inuulluaqqusinerit Kultureqarnermut Aaqqissuussanullu Immikkoortortaqarfiup sulissutigai. Nuna tamakkerlugu aallakaatitsisoqarnissaanik KNR suleqatigineqarpoq.
8. Sanarfinermut avatangiisinullu ataatsimiinnissaata tullissaanut suliamik saqqumiisoqassaaq pinnguartarfiit peerneqarsimasut meeqqeriviit nutaat, atuarfissallu nutaap sanaartorneqarneranni taartissaannik.

2b.

Uju Petersen, Meeqqanut Ilaqutariinnullu Ataatsimiititami siulittaasoq:

1. Innuttaasunik ataatsimiititsereernermi killiffik (Meeqqat Ilaqutariillu inuuniarnermikkut ajornartorsiutillit pillugit politikki 2020-2024). Nuummi, Tasiilami Paamiunilu innuttaasunik ataatsimiititsinerit iluatsilluartutut pitsaasumik nalilerneqarput. Aaasaanerani sulinngiffeqareernerup kingorna septembarip aallartinnerani suliaq Kommunalbestyrelsimi suliarineqassaaq.

Inge Olsvig Brandt, Suliffeqarnermut Isumaginninnermullu Ataatsimiititami siulittaasoq:

Suliffeqarnermut Fagchefi nutaaq
Piffissami sivitsortumi Suliffeqarnermut immikkoortumi fagschefiugallartut arlaqartareersullu, Bea Lennert 2020-mi maajip ulluisa aallaqqaataanni fagchefitut atorfinitsinneqarpoq. Bea 2006-imiilli suliffeqarnerup iluani Piareersarfimmut kingusinnerusukkullu Majoriamut tunngasut pingaarnertut akisussaaffeqarfigisimavai, kingullertut 2017-imi kommunimut qinersinerup kingornatigut Avannaata Kommunianik pilersitsinissamik suliakkerneqarnissami tungaanut ukiuni arfineq-marlunni Qaasuitsup Kommuniani Suliffeqarnermut tunngasuni fagchefiusimavoq.

Utoqqarnik sullissinermi:
Nuummi angerlarsimaffimmi ikiorteqarneq - angerlarsimaffimmi paaqqinniffiit sisamat assigalugit - ataatsimut naleqartitanik suliaqarput – maannalu utoqqaat ataatsimut najugaqarfii marluk minillugit utoqqarnik sullissisut tamarmik namminneq naleqartitalioreersimalerput. Naleqartitat atorlugit sulisut ataatsimuussuseqalerput suliatillu pigisutut illugit.
Utoqqaat Illuanni imerfiit naleqartitanik ilisarnaatillit sulisunut tamanut agguaanneqarput, tamannalu assut nuannaarnermik tunisivoq, sulisut arlallit tamanna attortissutigaat.

Innarluutilinnut tarnikkut nappaatilinnullu Immikkoortortaqarfimmit
Kammagiit ukiuni qulinngortorsiornermi nalliuttorsiorneq kiisalu taaguummik allannguineq
Ulloq 26. juuli 2020-mi Kammagiit ammaqqaarnerminnit ukiut qulinngussavaat.
Tamatumunnga atatillugu Kammagiit ataasinngornermi ulloq 27. juuni 2020 nal. 13-16 ukiuni qulinngortorsiornermi nalliuttorsiussaaq.
Tamatumunngattaaq atatillugu taaguutaa allanngussaaq, tassa Kammagiinni Sammisassaqartitsinermut Najortigiinnermullu neqeroorut
Nalliuttorsiornermi Kommunalbestyrelsimut ilaasortat tamarmik peqataasinnaasuuppata tamanut nuannaarutaassaqaaq.

Najugaqatigiiffik Seernaq 4-p pisortatigoortumik ammaanersiorneqarnera
Suliffeqarnermut Isumaginninnermullu Ingerlatsivimmi Innarluutilinnut tarnikkut nappaatilinnullu immikkoortortaqarfiup najugaqatigiiffimmik Seernaq 4-miittumik nutaamik ammaaneranut atatillugu, tallimanngornermi 3. juuli 2020-mi nal. 14-16 pisortatigoortumik ammaasoqassaaq, tassanilu Kommunalbestyrelsimut ilaasortat najuunnissaannut tikilluaqqusaapput.

Michael Rosing, Meeqqanut Atuarfeqarnermullu Ataatsimiititami siulittaasoq:

1. Soraarummeernissamut taarsiullugu inaarutaasumik misilitsinnerup atorneqarnissaa pillugu nalunaarut tunngavigalugu, kommunimi 10. klassii juunimi atuarput. Ulloq 16. juuni Paamiuni, ulloq 16.17. juuni Tasiilami aamma ulloq 19. juuni Nuummi soraarummeertoqassaaq. Klassit anginerit soraarummeernermi klassikkaarlutik avinneqartassapput, 100 sinnerlugit katersuuteqqusaannginneq taamaalilluni malinneqassaaq. Ingerlatsivik atuarfillu suleqatigiilluarput kiisalu 10. klassininngaanniit "atuarfik kingulleq" allaanerulaamik ingerlanneqarnissaanut paasinnilluartoqarluni.

Justus Hansen, Sanarfinermut Avatangiisinullu ataatsimiititami siulittaasoq:

1. Nuummi meeqqerivinnik marlunnik sanaartorneq pilersaarut malillugu ingerlavoq, NCD A/S kinguaattoortoqassasoralugu isummernissamut maannakkut tunngavissaqanngilaq. Taakkua meeqqeriviit marluk ukiup matuma ingerlanerani naammassineqarnissaat naatsorsuutigineqarpoq.
2. Neqerooruteqartitsinermi atortut Nuummi Tasiilamilu sanaartorfigissaanernut arlalinnut atugassat naammassiniarlugit suliat kommunimi NCD-milu ingerlanneqarput. Piffissami qaninnermi suliassat taakkua neqeroorutigineqarnissaat naatsorsuutigineqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Inassuteqaat akuersissutigineqarpoq.

Inassuteqaat akuersissutigineqarpoq.

Inassuteqaat akuersissutigineqarpoq.  

Inassuteqaat akuersissutigineqarpoq.

Inassuteqaat akuersissutigineqarpoq.

Jens Kristian Berthelsen (S):

Borgmesterip Kapisilinnut angalasimanera oqaaseqarfigaa, kaammattuutigalugu siunissami taamatut aaqqissuusisoqartillugu minnerpaamik Aningaasaqarnermut Inuussutissarsiornermullu Ataatsimiititaliamut paasissutissiissutigineqartarnissaa, ataatsimiititaliamiillu peqataasoqarsinnaanera periarfissinneqarsinnaanissaa kaammattuutigalugu.

Pinnguartarfiit pioreersut sanaartornermi pilersaarusiorluartanissaat kaammattuutigaa, taamatuttaaq pilersaarutinik tusarlerneqatarnissartik kissaatigalugu.

Ane Egede Mathæussen (S):

Atorfilittitat Kommunalbestyrelsimut akulerissinnaatitaannginneri ersarissaassutigaa, taamatuttaq sinniisut angalanermi peqataasinnaannginneri isumaqataaffiginagu oqaaseqarluni.

Laura Taunâjik (S):

Kommunalbestyrelsimut allakkat tamanut apuuneqartannginneri pillugit oqaaseqaateqarpoq, kaammattuutigalugulu allakkat kommunalbestyrelsemut apuunneqartussat atorfilittitanit apuunneqartarnissaat.

Allaffeqarfimmi kukkuluttornerit peqqutaallutik ataatsimiinnermi tikiulluni peqataannginnini uggoralugu oqaaseqarpoq, kaammattuutigalugu tullissaanut tamanna annerusumik eqqumaffigineqarumaartoq.

Peter Davidsen (S):

Tupersuit pillugit oqaaseqaateqarpoq. Paasissutissat tamakkiisut minnerpaamik Aningaasaqarnermut Inuussutissarsiornermullu Ataatsimiititamut saqqummiunneqartarnissaat oqaaseqarfigalugu. Isumaqatigissut aammalu neqeroorutip takutinneqasimannginnera aamma oqaaseqarfigaa. Taamatuttaq Coronap nalaani paasissutissiisarnerit tamarmiusut tunniunneqarsimanerat nalunaarutigalugu, tupersuarnulli paasissutissat pillugit paasissutissiissutigineqarsimannginnera oqaaseqarfigalugu.

Imaqarniliaq akuerineqarpoq nal. 16.20