200519 Immikkut ittumik ataatsimiinneq

Ataatsimeeqataasut: Charlotte Ludvigsen (IA), Uju Petersen (IA), Inge Olsvig Brandt (IA), Hans Jukku Noahsen (IA), Lone R. Pedersen (IA), Henrik Rachlev (IA), Justus Hansen (D), Nadia Olsen (D), Michael Rosing (Sam), Rolf Pike (S), Bitten Høegh-Dam uunga Peter Davidsen (S) sinniisuuvoq,  Ane Egede Mathæussen (S) aamma Jens Kristian Berthelsen (S)

Oqarasuaatsikkut: Charlotte Pike (IA), Harald Bianco (IA), Knud Mathiassen (IA) Mala Høy Kuko (S), Thiiooq Knudsen (S) aamma Laura Taunâjik (S)

Afbud: Peter Davidsen (S)

Oqaluuserisassat akuersissutigineqarput.

2a.

1. Ulloq maajip 5-iani, Nuuk imeq ataatsimeersuartitsivoq.

2. Marlunngormat ualikkut maajip 12-ani Meeqqanut Ilaqutariinnullu ingerlatsivik innutaasunut Katuap ineeraani saqqummiivoq. Meeqqat ilaqutariillu inuuniarnikkut ajornartorsiuteqartut pillugit politikki nutaaq, tamatumuungalu isumasarsiat toqqammavigineqartut pillugit Meeqqanut Ilaqutariinnullu ingerlatsivimmit saqqummiunneqarput. Inuit katersuussimanissaannut killilersuineq pissutigalugu amerlanerpaamik inuit 40-t katuap ineeraani isersimasinnaatitaapput.

3. Pilersaarutit malillugit inuussutissarsiorneq pillugu siunnersuisoqatigiinnik pilersitsinissaq, corona pissutigalugu kinguaattoorpoq. Inuussutissarsiorneq pillugu siunnersuisooqatigiit maanna pilersinneqarput siunnersuisooqatigiinnilu ilaasortanik sumulluunniit attuumassuteqanngittunik qarasaasiatigut qinersinikkut toqqaasoqareerluni. Ataatsimiinneq siulleq maajip 28-ani Nuummi pissaaq, ataatimiinnerit tullii Paamiuni Tasiilamilu juni-mi pissapput.

2b. Soqanngilaq.

Ilisimatitsissut tusaatissatut tiguneqarpoq, Siumumiit ima oqaaseqaatitalerlugu immikkoortut pingajuat tusaatissatut tiguneqanngitsoq. Ikinnerussuteqartutut oqaaseqaateqarsinnaatitaaneq malillugu ima oqaaseqaatitalimmik: Taakkunani pingasuni aalajangiissutassut pingasut marlut ajorinngilagut, kisianni angerlarsimaffeqanngitsunut tupit aalajangiissutaasut akueriuminaatsillugit. Siullermik eqqaassutigilaassavarput kingullermik kommunalbestyrelsi ataatsimiimmat neriorsorneqarpugut immikkut ittumik ataatsimiissasugut aningaasaqarnermi ataatsimiititaliami, ajoraluartumik unitsinneqarpoq saqqummiussassat piareersimannginneri pissutigalugit. Tassami immikkut ataatsimiinnermi sukumiinerusumik eqqartorneqarsimasinnaagaluarput pisut aamma pisussat. Ulloq 14. maj tikilligu naluarput angerlarsimaffeqanngitsunut tupit qanoq atorneqarsimanersut aamma akit tungaatigut. 

- Isumaqatigiissut takunikuunngilarput qanoq isikkoqarpa, atsiorneqarnikuuva?

- Sinerissamiittut qanoq pineqarpat? Qanoq isumagineqarpat? Ilami ilaatigut tusarparput iluamik isumagineqarsimanngitsut (immikkoortitsineq).

-    Corona qaangiuppat taava qanoq pisoqassava tupit tungaatigut.

Nukap Meinel'p containeriutai pisiarineqarsinnaagaluarput nammineq neqeroorpoq akeqanngitsumik atorneqarsinnaasut imaluunniit pisiarineqarsinnaallutik 1.5 mill, kronilerlugit. Containeriutai inunnik 45-inik unnuiffiusinnaasut iluarsartuuteriarlugit naleqqussariarlugit pineqarsinnaagaluarput. Tassami taamaalilluni Kommune peqariissaaq tulliani corona takkuteqqissagaluarpat. Massakkumiit eqqarsarniarta qanoq ingerlariaqqissanerluta taamatut attartueqattaarluta pisinnaanngilagut akisutigusut.

Inassuteqaatit tamarmiusut akuersissutigineqarput.

Inassuteqaatini siulleq akuersissutigeqarpoq.

Inassuteqaatit aappaat akuersissutigineqarpoq.

Inassuteqaatit pingajuat akuersissutigineqarpoq.

Inassuteqaatit sisamaat akuersissutigineqarpoq.

Inassuteqaatit tallimaat akuersissutigineqarpoq.

Inassuteqaatit arfernat akuersissutigineqarpoq.

Inassuteqaat akuersissutigineqarpoq.

Soqanngilaq.

Imaqarniliaq akuerineqarpoq nal. 16.20.