190827 – Sajstaniat ileqquusumik ataatsimiinneq

Oqaluuserisassat akuerineqarput, immikkoortoq 06B immikkoortoq 04Q-nngorlugu oqaluuserineqarnissaanik Borgmesterip allanngortitsinera ilanngullugu.

Michael Rosing 04B-p oqaluuserinissaanut suliamut attuumavallaarnerarluni nalunaarpoq

Lone R. Pedersen 06C-p oqaluuserinissaanut suliamut attuumavallaarnerarluni nalunaarpoq

Charlotte Pike (IA), Randi Evaldsen (D) aamma Laura Taunjik (S) ataatsimeeqataasinnaanatik nalunaarput

Nadia Olsen (D) Randi Evaldsenimut (D) sinniisussatut akuerineqarpoq

Hans Jukku Noahsen (IA) Charlotte Pikemut (IA) sinniisussatut akuerineqarpoq

Lund Kuko (S) Laura Taunajik-mut (S) sinniisussatut akuerineqarpoq, issiavissaminullu ingissinnaalluni.

2a.

1. Ulloq 8/8-19 atorfinitsitsinissamut ataatsimiititaliap Aningaasaqarnermut Pisortatut atorfiup kommunalditektørip tulliatut atorfimmut allanngortinnissaanik innersuussut akuersissutigaa.

2. Borgmesteri piffissami 20.-24. juli 2019 Tasiilami, Sermiligaami Kulusummilu angalavoq.

3. Borgmesteri aasap ingerlanerani Naalakkersuisunut ilaasortanik assigiinngitsunik ataasiakkaaraluni kaffisoqateqarluni ataatsimeeqateqartarpoq.

4. Piffissami maajip 9-aniit juunip 11-ata 2019-ip tungaanut Isumaginninnermut Inatsiseqarnermullu Naalakkersuisoqarfimmi Nakkutilliisuutitat nalunaaruteqaratik Kommuneqarfik Sermersuup ingerlatsiviani Tasiilami meeqqanut tunngasuni isumaginninnermut malittarisassat malinneqarnersut pillugit nakkutilliiartorput. Tamanna tunngavigalugu, Isumaginninnermut Inatsiseqarnermullu Naalakkersuisoqarfik aggustip 14-iani 2019, Tasiilami suliat meeqqanut tunngasut nalunaaruteqaqqaarani nakkutilliiartorfigineranit nakkutilliinermit nalunaarusiamik inaarutaasumik nassiussaqarput, kiisalu isumaginninnermut suliatigut misissuinernik aallartitsinnginnissamik peqqussuteqarlutik. Suliassaq taanna politikkikkut ataatsimiititani susassaqartuni ataatsimiinnissanut Kommunalbestyrelsillu ataatsimiinnissaanut ilisimatitsissutigineqarumaarpoq. Meeqqanut Ilaqutariinnermullu Ingerlatsiviup maluginiarpaa nalunaarusiami pissutsit piviusut pillugit kukkuluttuuteqartoqarsimasoq, oqaaseqaatillugu Isumaginninnermut Inatsiseqarnermullu Naalakkersuisumut nalunaarutigineqartut.

2b.

Uju Petersen, Meeqqanut Ilaqutariinnullu Ataatsimiititami siulittaasoq:

Soorlu kingullermi ataatsimiinnitsinni nalunaarutigigiga, Namminersornerusut nakkutilliisoqarfia aasap ingerlanerani nakkutilliinertik ingerlassimavaat.

piumasaqaataat ukuupput:

1. Qaammatip ataatsip ingerlanerani pilersaarummik tunniussinissaq.

2. Socialfaglig undersøgelser / tassa suliamik misissuinermi suliassat amigaataasut qaammatit sisamat ingerlanerani 201-it naammassineqassasut

3. Maleruagassanik sanasoqassasoq piffissame tassani misissuisoqarnerani ingerlatsinissamut

4. Misissuinerit naammassereerpata iliuusissamik pilersaarusiorneq. Beredskabsplanimik pilertitsisoqarnikuuvoq - Tasiilami meqqat kinguaasiutitigut innarliisoqartillugu suligasuartussat. Nuummi allaffissornermi sulisussaaleqineq aallaavigalugu ingerlariaaseq allanngortinneqarallarpoq, ilaqutariit inuusuttullu ernumagineqarlutik nalunaarutigineqagaangata, maannakkut BFC aammmalu Ungecenter suleqatigalugit oqaloqatigineqarnerat ingerlanneqartalerallarput. Nuummi meeqqat kinguaasiutitigut innarlerneqarsimasut katsorsarneqarnissaat Socialstyrelsi suleqatigalugu aallartisarniarneqalerpoq

Inge Olsvig Brandt,

Suliffeqarnermut Isumaginninnermullu Ataatsimiititami siulittaasoq:

1. Utoqqaat Illuata ilassutaa tallimanngorpat aggustip 23-ianni 2019 atoqqaartinneqassaaq. Ineeqqat arfineq-pingasut nutaat - susassaqartitsivillu. 3 najugalinnut paaqqutarineqarnerusunut inissat pingasut, inissallu tallimat najugalinnut nammineq isumagisinnaanerusunut. Maanna Utoqqaat Illuat oqilisaassiffiusartunik 14-inik inissaqalerpoq - siornatigut qulingiluaasimasut.

2. Sap. ak. 41-mi innarluutilinnut sap. akunneqartitsisoqassaaq. Innarluutillit sapaatip akunnerat ataasinngorneq oktobarip arfineq-aappaanni aallartinneqassaaq, katinngatilisaarluni erfalusulisaarlunilu Amisunit aallartittumik ingerlaaqatigiinnertalimmik. Sapaatip akunnerata ingerlanerani innuttaasunut arlaatigut innarluutilinnut assigiinngitsunik aliikkutassaqartitsisoqassaaq. Suleqatigiissitat ilaatigut eqqartorpaat soorlu pisuttuaqatigiinnerit assigiinngitsunik ungasissusillit, Inussivimmi aliikkutassaqartitsinerit Kammagiinnilu assassoqatigiinneq - Pisussat tamakkeriarpata ataatsimiititamut susassaqartumut nassiunneqarput. Tallimanngorneq oktobarip 11-ianni innarluutillit sapaatip akunnerat naggaserneqassaaq OCN-imi ilinniarnerminnik ingerlatsisimasut Innarluutilinnut Tarnimikkullu Nappaatilinnut Immikkoortortaq uppernarsaammik tunineqassalluni, taavalu tallimanngornermi unnukkut Katersortarfimmi nereqatigiittoqarlunilu qitittoqassaaq, innuttaasut Innarluutilinnut Tarnimikkullu Nappaatillit Immikkoortortaannut attuumassuteqartut tassani peqataasinnaallutik.

3. Innarluutillit pillugit immikkoortumut pilersaarutip Suliffeqarnermut Isumaginninnermullu Ataatsimiititami septembarip 17-ianni 2019 oqaluuserineqarnissaa naatsorsuutigineqarpoq.

4. Inuit innarluutillit tapersersorneqarnissat pillugu nutaamik inatsiseqalerneranut atatillugu, suleriaatsit suliassallu allattorsimaffiisa naleqqussarneqarnerat ingerlanneqarpoq. Tassunga atatillugu Suliffeqarnermut Isumaginninnermullu Ingerlatsiviup Inatsisartut inatsisaat nutaaq pillugu sulisunut sukumiisumik nassuiaateqarfigineqarnissa piareersarpaa, taamaasillutik inatsit januaarip 1-ani 2020 atuutilerpat sulisut allannguutinut piareersimaniassammata.

5. Marie aamma Martin Mader aggustip 19-ianni 2019 ataatsimeeqatigineqarput.

Michael Rosing, Meeqqanut Atuarfeqarnermullu Ataatsimiiititmi siulittaasooq:

1. Ukioq atuarfiusoq aallartereerpoq. Tamanna ingerlalluarpoq. Atuarfiit pisortaasa ataatsimiinnerisa ilaanni siunnersuutigineqarpoq, ukumi atuarfiusumi matumani atuartut atuanngitsoortarneri sammineqarnerussasut. Tamatuma kingunerisaanik Dafolo suleqatiserineqarsimavoq, taassumalu Nuummi illoqarfimmi atuarfinni atuanngitsoortarneq qitiutillugu sammissavaa.

2. Atuanngitsoortarnerup suleqatigiissutiginerani, atuarfinni meeqqat atuanngitsoortarneri pillugit paasissutissanik nassiussueqqullugit Meeqqanut Atuarfeqarnermullu Ingerlatsiviup atuarfiit qinnuigai. Atuartut atuanngitsoortarneri pillugit paasissutissat atuarfinniit nassiussuunneqartut aggusti 2018-imiit maaji 2019-ip tungaanut pineqarput.

3. Maannakkut atuanngitsoortarneq pillugu najoqqutassanik iliuusissatullu pilersaarutinik suliaqartoqassaaq, taamaasillutik atuartut amerlanerit atuariartortarniassammata.

Justus Hansen, Sanarfinermut Avatangiisinullu ataatsimiititami siulittaasoq:

1. Pinerluuteqarsimasunut isertitsivittaap tunuani kommunip qaartiterutissaasivittaava sapaatip-akunnera kingulleq atorneqartussanngorlugu tunniunneqarpoq. Maanna ungalulernissaa, iikkap aqerlunit pitarneqarsinnaanngitsup ikkunnissaa asfalterinissarlu kisimik amigaataalerput. Tamanna septembarip ingerlanerani pisussatut naatsorsuutigineqarpoq, paassaasiviup Kalaallit Airport-imut atukkiunneqarnissaa eqqarsaatigalugu.

2. Kommuneqarfik Sermersooq Kaalaliit Airport sinnerlugu mittarfiup eqqaani Inuussutissarsiuteqarfissami nunaminertamik atuinissamik akuersissuteqarfigineqarsimasunut 7-inut 6-inut saqitsaannertaqanngitsumik isumaqatigiissuteqarpoq. Nunaminertamik atuinissamik akuersissuteqarfigineqartut arfineq-aappaat pinngitsaaliissummik taarsiissutitalimmik pigisaanik piginnikkunnaarsinneqarpoq, pigisallu nalinginik naliliisussaatitaasut suliaq taanna maanna naqissuserlugu aalajangiiffigereerpaat, taamaasillutik mittarfiup allineqarnissaanut atatillugu nunaminertanut apeqqutit tamarmik maanna aalajangiiffigineqarlutik.

3. Qeqertat tungaannut ikaartarfiup ammarneqarneranut atatillugu Atlantiku qulaallugu Mittarfiup aammalu Atlantiku ikaarlugu Umiarsualiviup akornanni ataqatigiissumik inuussutissarsiuteqarfissamik pilersitsineq piariingajalerpoq. Maannakkut Qeqertani sanaartugassat annikitsut kisimik kiserngorupput.

4. Nuummi suliffeqarfissuaq nunanit allaneersoq Nuummi akunnittarfiliorniarluni soqutiginarluartumik  allaffeqarfimmut saaffiginnissuteqarsimavoq. Maannali saaffiginnissut qanoq kinguneqassanersoq pillugu oqaatigissallugu suli piaarpallaarpoq.

5. Inuusuttut Kulturikkut Illussaata sananeqarnera pilersaarutip malillugit ingerlalluarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq.

Ilisimatitsissut tusaatissatut tiguneqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq Siumut ima oqaaseqaateqarluni, oqaluuserisassat kalaallisoortaani iluarsineqassasoq, utaqqiisaasumik sulinngiffeqarallassasoq, tunuarnani.

Inassuteqaat akuersissutigineqarpoq.

- Ilaasortaqatigiit aalajangerpaat, Knud Mathiassen (IA) Suliffeqarnermut Isumaginninnermullu Ataatsimiititami ilaasortanngussasoq

- Siumut innersuussut tusaatissatut tiguaa.

Michael Rosing (SAM) aamma Nadia Olsen (D) ataatsimiittarfimmit anipput, marluullutik suliamut attuumassuteqarnertik nalunaarutiginikuugamikku.

IA: Aalajangerneqarpoq, Nadia Olsen (D) Suliffeqarnermut Isumaginninnermullu Ataatsimiititami ilaasortanngussasoq, Justus Hansen (D) Aningaasaqarnermut Inuussutissarsiornermullu Ataatsimiititami ilaasortanngussasoq aammalu Nadia Olsen (D) Meeqqanut Atuarfeqarnermullu Ataastimiititami Michael Rosingimut sinniisussanngussasoq.

S: Aalajangernerit akuersissutigineqarput.

D: Aalajangernerit akuersissutigineqarput.

Inassuteqaat akuersissutigineqarpoq

IA aamma SAM: aalajangerput, Harald Bianco (IA) Nunat Avannarliit Killiit Illoqarfiisa Pingaarnerit Suleqatigiiffiata Aningaasaateqarfiani ilaasortanngussasoq.

S: Aalajangerneq akuersissutigineqarpoq.

D: Aalajangerneq akuersissutigineqarpoq.

Inassuteqaat akuersissutigineqarpoq

Inassuteqaat akuersissutigineqarpoq ima oqaasertalerlugu:

- Inassuteqaatini aamma allaqqassaaq, suliassaqarfimmut 10 mio kr-nik immikkoortitsisoqassasoq, aamma

- Siumut kissaatigaa, ilaasortat ataavartumik ilisimatinneqartassasut.

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq

Inassuteqaat akuersissutigineqarpoq allannguutigalugu, komitemik pilersitsinngikkaluarluni, Inuusuttut Kommunalbestyrelsiat siunertamut atorluarneqassasoq.

Amerlanerussuteqartut, tassalu IA, D aamma SAM, inassuteqaat akuersissutigaat.

Siumut inassuteqaat akuerinngilaa oqaaseqaatigalugu, taarsiullugu ullutsinnut naleqquttumik iluarsiissuteqartoqarsinnaanersoq misissorneqassasoq.

Peter Davidsen (S): ipadit illoqarfiup avataaneersunut ajornartorsiutaapput.

Imaqarniliaq akuersissutigineqarpoq nal. 19.06