190122 – Aqqaneq aappassaaneerluni ileqquusumik ataatsimiinneq

Immikkoortortaqarfiit
Kommunalbestyrelsi
Date
22. January 2019 -
Qulequtaq
Saqqa

Suliassamik saqqummiussaq

Ilaasortat

Asii Chemnitz Narup (IA)

Charlotte Pike (IA)

Charlotte Ludvigsen (IA)

Uju Petersen (IA)

Harald Bianco (IA)

Inge Olsvig-Brandt (IA)

Rasmine Geisler (IA)

Knud Mathiassen (IA)

Henrik Rachlev (IA)

Randi Vestergaard Evaldsen (D)

Justus Hansen (D)

Mala Høy Kúko (S)

Peter Davidsen (S)

Thiiooq Knudsen (S)

Ane Egede Mathæussen (S)

Jens Kristian Berthelsen (S)

Rolf Pike (S)

Laura Táunajik (S)

Michael Rosing (Sam)

Oqaluuserisassat akuerineqarneri

Suliassamik saqqummiussaq

Oqaluuserisassat naqqiissutaalu akuerineqarput.

Peter Davidsenip (S) oqaluuserisassat siusinnerusukku tnassiunneqartarnissai kissaatigaa.

Michael Rosing (SA): Michael Rosing oqaluuserisassami 04F-imi suliamut attuumassuteqarpallaarnerarluni nalunaarpoq. 

Nalunaarutit

Suliassamik saqqummiussaq

2a. Siulittaasumit nalunaarutit

2b. Ataatsimiititanik ataavartunit nalunaarutit

  1. Januaarip ulluisa arfernat Kommuneqarfik Sermersuumit ulloq timersorfiusoq Tasiilami, Paamiuni, Ittoqqortoormiini Nuummilu nalliuttorsiorpalaartumik malunnartinneqarpoq.  Ilaatigut Holditsialaat, Timersullammak, Sungiusaallammak il.il. toqqarneqarput.
  2. Januaarip ulluisa 9-t Borgmesteri suleqatinut (politikerinut) suleqatigisartakkanullu ukiortaarsioqatigiisitsivoq.  Kommunalbestyrelsimut ilaasortanut qaaqqusissutit mail aqqutigalugu nassiussorneqarput.
  3. Januaarip ulluisa 11-t Borgmesteri Martha Abelsen, Peqqinnissamut Naalakkersuisoq ataatsimeeqatigaa.
  4. Januarip ulluisa 25-t Sermersooq Business Council-imi siulersuisui ataatsimiipput, tassani aamma Borgmesteri qaaqqusaavoq.
  5. Januaarip ulluisa 30-t 2019, Qaqortumi politikkikkut ataqatigiissaarisut suleqatigiit (PKG)-imut ataatsimeeqatiserineqarpoq.  PKG-p ataatsimiinnginnerani januaarip ulluisa 29, 2019 Naalakkersuisut sammisaqarluni isumasioqatigiinneq pillugu aaqqissuussipput.  Taamaattumik Borgmesteri ulluni januaarip 29-t januaarip ulluisa 31-t tikillugu Qaqortumiissaaq.
  6. Januaarip ulluisa 30-t, 2019 Hans Hedtofts umiarneranit ukiut 60-t qaanngiunnerat malunnartinneqassaaq.  Kommuneqarfik Sermersuup kinguaajusut ilaasa ullormut eqqaaniaaneranut atatillugu suliarujussua tapersersorpaa.  Sømandshjemmip eqqaani kransimik ilisisoqassaaq, Hans Egedep Oqaluffiani eqqaaniaaneqassalluni kiisalu Katersortarfimmi kaffisortitsisoqassaaq.  Taamattuttaaq Tasiilami ulloq malunnartinniarlugu eqqaaniaaneqassaaq naalagiarnertalimmik kaffillertoqassallunilu nammineq kajumissuseq naapertorlugu.
  7. Borgmesteri ulluni 2-6 februari Tasiilamiissaaq.  Februaarip ulluisa 4-t B2 nalliuttorsiutigineqassaaq – utaqqiisaagallartumik inuusuttut kulturikkut illorsuaat pillugu aamma februaari ulluisa 5-t Borgmesterip pilersaarutigaa innuttaasunut ataatsimiititsinissaq.
  8. Februaarip ulluisa 14-t Kommuneqarfik Sermersuumi 2019-imut kulturikkut ambassadørissaq toqqarneqassaaq.
  9. Sap.ak. 8-imi Aningaasaqarnermut Suliffissaqartitsiniarnermullu Ataatsimiititaq Svalbardimullu Danmarkimullu ataatsimiititatut angalassapput.  Taakkunani ilaatigut takornariaqarneq aningaasaqarnermilu kaaviiaatitat pillugit paasisassarsiussapput.
  10. Kommunalbestyrelsip ataatsimiinnissaa juunip ulluisa 18-t pisussaagaluaq sapaatip akunneranik juunip ulluisa 11-nut siuartinneqarnera pillugu ulloq sammisaqarfiusoq  juunip ulluisa 17-t pissussaagaluaq pingsunngoneq juunip ulluisa 12-nut siuartinneqarpoq juunip ulluisa quligat Pinsip aappaa nalliuttorsiutigineqartussaanera pillugu.
  11. Pilersaarutit malillugit Foodlab februaarip qaammataata naanerani ammassaaq. Kalaallit Nunaanni kalaallit nerisassaataannik misileraasussat amerlanerulernissaat piffissallu ingerlanerani nutaaliornissaq aallarnisaanissarlu Foodlabeqarnissamut takorluugaavoq. Foodlab nioqqutissiornermi Nuukullak 35-mi inissisimassaaq. Foodlab-ip igaffinnik atortorissaaruterpassuaqarneratigut ingerlatsinermut aallarnisaasut aningaasartuutaat annikillisarneqassapput, taamaalilluni najugaqavissunut takornarialerisunullu nerisassanik nioqqutissiornissaq imminut akilersinnaanerulissaaq. Init iluarsaanneqareerput atortussallu inniminnerneqareerlutik. Pilersaarutit malillugit Foodlab februaarip qaammataata naanerani ammassaaq.
  12. Angajoqqaat perorsaasullu ulloq 19. novembari 2018-imi kommunalbestyrelsimut akerliussutsimik takutitsinerisa kingunerisaanik, Nuummi meeqqerivinni meeqqat angajoqqaavi pingasunngornermi 23. januaari 2018-imi meeqqanut atuarfeqarnermullu ingerlatsiviup ataatsimeeqatigissavai. Meeqqanut atuarfeqarnermullu ingerlatsivik aaqqissuisuuvoq, ataatsimiinnerlu akunnernik pingasunik sivisussuseqarnissaa naatsorsuutigalugu. Nuummi meeqqerivinni killiffiup naammagineqannginnera akerliussutsimik takutitsinermi pineqarpoq.

2b

Uju Petersen (IA), MIA siulittaasoq:

Meeqqanut Ilaqutariinnullu ingerlatsivimmi, meeqqanut sullissineq suli pitsanngoriartorpoq – naak suli sulisussaaleqisarneq unamminartortaqartitsigaluartoq.

Tasiilami suli aaliangersimasumik socialrådgivereqanngilaq qujanartumillu rådgivningsassistentinik sulisoqarpoq.

Pinaveersaartitsinermi katsorsaanermullu immikkoortortaqarfik ukioq manna inerisarneqarlunilu ineriartorteqqinneqarnissaa pilersaarutaavoq. Ukioq mannamullu kommunalbestyrelsip ineriartortitseqqinnissamut aningaasat immikkoortinnikuusaat pilersaarusiorlugit aallarteruttorpaat.

Taamaalillutik aamma inuusuttunut sullissineq allanngorsarneqarpoq, inuusuttut najugaqarfeqartut / najugaqarfeqalertussallu sullinneqarnissaannut aaqqissuussineq allanngortinneqarluni.

Suleriaaseq SBSYS atorlugu sulisut sungiussiartorput aamma katsorsaanermi sulisuniik.

Namminersorlutik oqartussat aaqqissugaannik februarimi sulisut isumasioqatigiitsinneqassapput, siunissami sumiginnaaneq annikillisarnissaa siunertaralugu.

Henrik Rachlev (IA), MAA siulittaasoq:

MAA siullermik tamassi ukiortaami Pilluaritsi, ukioq 2019 -mi suleqatigeeqqinnissatsinnut neriuutigaara, 2018-mitut suleqatigiinnertut ingerlaqqinnissarput kissaatigaara.

18 december 2018. Ataatsimiitsitaliami ataatsimiittarnermi immikkut ittumik ataatsimiinnissaq pisariaqarsimavoq. suliamut pingaaruteqartumut naammassineqarnissaanut anguniarlugu.

19. Januar. GHB-hallen pillugu seminareqarneq ingerlanneqarpoq suliaq tassunga tunngasumut peqatigiiffiit peqataatinneqarput anguniarneqarlunilu GHB-hallen allilerneqarnissaanut. Nuannaarutigaara peqatigiiffiit timersortarfimmik atuineq ajortunik peqataasoqarmat, KS-mi ingerlatsivimmiit saqqummiisoqarpoq GHB halle allilerneqarnissaanut suliniuteqarmata. 

Oqalugiaarninni pingaartillugu innuttaasut peqqinnerulerulersimasut, fitness. Innuttaasut aallunneqarnerulersimammat. KS-mi hovedstadstrategi nuuk issittumik timersornermi qitiutinneqarneqassasoq, tamannalu tapersersorneqarluni ineriartortinneqassaaq. 

Charlotte Ludvigsen (IA),  SIA siulittaasoq:

Inissiat katitertakkat (modulbolig)/Containerini inissiat

Kommune innuttaasunut, inissaaleqisunut, kisiannili sulisunik, inissiaatiteqarpoq katitertakkanik 26-nik. Inissiat 15 novembari 2017-imili ammarneqarput.. Najugaqartut amerlasuut angerlarsimaffimmeeqqilernertik assut ajornartorsiutigisarpaat tamannalu perorsaanikkut immikkut ittumik iliuuseqarfigisussaavoq. Suliassa tamanna siunissami qanoq aaqqiivigineqassanersoq Ingerlatsivimmit massakkut misissorneqarpoq.

Ulloq 15 apriili inissiat taakkua najukkamut allamut nuunneqartussaapput. Inissiat piareeqqinneqarnissaat sivisulaassaaq. Aaqqiissuteqartoqarnissaata tungaanut iliuusissamik sulissuteqartoqarpoq. Peqqinneq pillugu isumaqatigiissut

Peqqissutsimut Naalakkersuisup Martha Abelsen-ip aamma Borgmesterip Asii Chemnitz Narup-ip akornanni ataatsimeeqatigiittoqarpoq. Tassani peqqissutsimut isumaqatigiissutip killiffia ataatsimiissutigineqarpoq. Isumaqatigiissutigineqarpoq ulloq unnuarlu angerlarsimaffimmi paaqqutarinninneq aamma init isumassuiffiusut qanoq ilusilerlugit suliarineqarnissaasa ingerlateqqinneqarnissaat. Taakkua saniatigut Paamiuni utoqqaat illluat aammalu Paamiuni napparsimavik pillugit suleqatigiissuteqarnissaq aamma isumaqatigiissutigineqarpoq.

Tatiginassutsimut tapi

Ulloq 1 oktobari 2017 Kommuneqarfik Sermersooq aamma SIK sulisunut SIK malillugu akissarsiallinnut, toqqaannartumillu utoqqarnut tunngasut iluini aammalu innarluutilinnut immikkoortortami Pakkutami innuttaasunut attaveqartut tatiginassutsimut tapimik isumaqatigiissuteqarput. Tapeq sulisunut napparsimanngitsunut tunniunneqartartussaavoq.

Tapi pillugu neriuutigineqarsimavoq taanna napparsimasarnermik appartitseqataassasoq.

Tapi novembarimi nalilersorneqaqqippoq.

Utoqqarnut tunngasut ataatsimut isigalugit tapi annerusumik napparsimasarnerup annikillisinneqarneranik kinguneqarsimasutut misigineqanngilaq. Tamanna utoqqarnut tunngasuni napparsimasarnerup naatsorsorneqarneratigut tunngavissaqartinneqarpoq.

Angerlarsimaffissaaleqineq pillugu unnukkut immikkut sammisaqarneq

Isumaginninnermut Suliffeqarnermullu Ataatsimiititaq Kofoed Skole peqatigalugu angerlarsimaffissaaleqineq pillugu unnummi immikkut sammisaqarnissamut qaaqqusipput. Tassunga tunngasunik immikkut ilisimasallit arlallit saqqummiisinneqassapput peqatigitillugulu kommunip angerlarsimaffissaaleqinerup iliuuseqarfigineqarnissaanut tunngavissamik aqqissuussineq taanna tunngavileeqataassaaq.

AaqqissuussineqKofoed Skole-mi ulloq 30 januaari nal 18.30 ingerlanneqassaaq

Inuusuttunut Piorsaavimmi eqqiaanermik ilinniartitsineq 01 februaari 2019-imi aallartinneqassasoq pilersaarutaavoq.. Ulloq taanna 01 marsi 2019-imut kinguartinneqartariaqarsimavoq, piffissaq eqqorlugu piareersimanissaq angumerineqarsimanngimmat. Ilinniartitsinermut atortussat tamarmik pisiarineqalereerput akilerneqarlutillu Naalakkersuisoqarfimmit aningaasat pineqartut atorlugit ilinniartitsinerullu aallartinneqarnissaanut faglærerimik atorfinitsitsinissaq kisiat amigaatigiinnalerparput. Faglærerimik atorfinitsitsereerutta inuusuttut innersuunneqartut tulleriiaarneqalissapput kiisalu Nuummi utoqqarnut tunngasuni utoqqaat eqqiaassunneqartarnerat pillugu suliassat erseqqinnerusumik eqqartorneqalissapput.

Justus Hansen (D), SAA siulittaasoq:

Iserit, NCD aamma Kommuneqarfik Sermersuup suleqatigiinnissamik isumaqatigiissut suliarivaat nutarterlugulu. Tassa imaappoq, ineqarnermut akiliummik aalajangersaaneq kiisalu aserfallatsaaliuinermut tunngasut pillugit suleriiaatsit massakkut assigiissarneqarlutik inissinneqartut. Taamaalillutik attartortut inissiani Iserimmit imaluunniit NCD-mit pigineqartuni najugallit taakkunani najugaqarnermi assigiinngissummik malugisaarutissapput.

Nuummi qaartiterutissaasivittaassamut sulinermut atatillugu aqqusinniaq naammassingajalerpoq. Peqatigitillugulu sissaq sinerlugu aqqusineeraliornermi immikkoortoq siulleq pilersaarutit malillugit ingerlanneqarpoq.

Paamiuni utoqqaat illuat nutaaq naammassingajalerpoq. Pequsersuutit il il massakkut pisiarineqareerput inissititerneqarlutillu.

 

 

Ilisimatitsissutit

Suliassamik saqqummiussaq

Kommuneqarfik Sermersuup Tunumi takornarialerinermut aningaasaliissutai pillugit killiffik

Suliassamik saqqummiussaq

Ilisimatitsissut tusaatissatut tiguneqarpoq.

Aningaasaqarnermut Inuussutissarsiornermullu Ataatsimiititap angalanera pillugu nalunaarusiaq

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Tusarniaanermit akissutit

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Aalajangiiffigisassat

Suliassamik saqqummiussaq

Tapiiffigitinnissamut malittarisassat nutarternissaannut siunnersuut

Suliassamik saqqummiussaq

Inassuteqaatit akuerineqarput imannak oqaasertalerlugit:

- Kommunalbestyrelsip aalajangersarpaa tapiiffigiinnissamut malittarisassat ukiuni 2019-imi aammalu 2020-mi atuutsinneqassasut, aammalu

- Tapiiffigineqarsimasut allattoqarfimmut aningaasat siunertamut atorneqarsimanersut nalunaarutigisassagaat.

Bilagi

Qinersinermut Siulersuisut

Suliassamik saqqummiussaq

Demokraatinit Justus Hansen (D) Qinersinermi Siulersuisunut innersuussutigineqarpoq.

Innersuussut taavalu Demokraatit innersuussinerat Kommunalbestyrelsimit akuerineqarpoq.

Qilalukkat pillugit politikkerimit siunnersuut

Suliassamik saqqummiussaq

Inassuteqaat akuerineqarpoq.

Bilagi

Sermersooq Business Council-imit 2019-imut Inuussutissarsiorneq pillugu pilersaarut

Suliassamik saqqummiussaq

Inassuteqaat akuerineqarpoq.

Bilagi

Kommuneqarfik Sermersuumi Nunarsuarmi anguniakkat tunaartaralugit iliuusissatut pilersaarut

Suliassamik saqqummiussaq

Inassuteqaat akuerineqarpoq.

Bilagi

Kommunalbestyrelsimit sulinngiffeqarallarnissap sivitsornissaanut qinnuteqaat

Suliassamik saqqummiussaq

Michael Rosing suliamut attuumassuteqarpallaarluni nalunaarnikuugami ini qimappaa.

Kommunalbestyrelsip Nivi Olsenip (D) sulinngiffeqarnerminik sivitsuinissamik qinnuteqaataa akuersissutigaa. Kommunalbestyrelsip Inuit Ataqatigiit aamma Demokraatit Randi Vestergaard Evaldsenip (D) borgmesterip tulliatut siullertut ingerlaannarnissaanik inassuteqaataat akuersissutigaa aamma Nivi Olsen (D) taarserlugu Michael Rosing (SAM) Kommunalbestyrelsimi ilaasortaagallarnissaa kiisalu Inge Olsvig Brandtimut (IA) Meeqqanut Atuarfeqarnermullu Ataatsimiititami sinniisuunissaa tusaatissatut tiguneqarluni.

 

Bilagi

Kulusummi sikunut illersuutigisassamik pilersitsinissamik siunnersuut

Suliassamik saqqummiussaq

Kommunalbestyrelsip siunnersuut taperserpaa, suliarlu Sanarfinermut Avatangiisinullu Ataatsimiititamut suliareqqitassanngorlugu ingerlateqqinneqarpoq.

Bilagi

Taasariaqartut allat

Suliassamik saqqummiussaq

Mala Høy Kuko (S): 

Ikkatsermi saliinissaq pillugu Tasiilami Najukkami ataatsimiititaliaq tusarniaavigineqarpoq, tusarniaanerlu ullunik 14-inik sivisussuseqarpoq tusarniaanermilu atortut tuluttuinnaq allaqqallutik. Tamatuma saniatigut paasissutissat amigarput.

Rolf Pike (S):
Ittoqqortoormiini meeqqerivimmi inissat amigaataapput.

 

Suliat matoqqasut

Suliassamik saqqummiussaq

Lukket

Suliassamik saqqummiussaq

Imaqarniliap akuerineqarnera

Suliassamik saqqummiussaq

Imaqarniliaq akuerineqarpoq nal. 17.12