181120 – Aqqanilissaanik ileqquusumik ataatsimiinnera

Immikkoortortaqarfiit
Kommunalbestyrelsi
Date
20. November 2018 -
Qulequtaq
Saqqaa

Suliassamik saqqummiussaq

<p><strong>Ilaasortat</strong></p> <p>Asii Chemnitz Narup (IA)</p> <p>Charlotte Pike (IA)</p> <p>Charlotte Ludvigsen (IA)</p> <p>Uju Petersen (IA)</p> <p>Harald Bianco (IA)</p> <p>Inge Olsvig-Brandt (IA)</p> <p>Rasmine Geisler (IA)</p> <p>Knud Mathiassen (IA)</p> <p>Henrik Rachlev (IA)</p> <p>Randi Vestergaard Evaldsen (D)</p> <p>Justus Hansen (D)</p> <p>Mala H&oslash;y K&uacute;ko (S)</p> <p>Peter Davidsen (S)</p> <p>Thiiooq Knudsen (S)</p> <p>Ane Egede Math&aelig;ussen (S)</p> <p>Jens Kristian Berthelsen&nbsp;(S)</p> <p>Rolf Pike (S)</p> <p>Laura T&aacute;unajik (S)</p> <p>Michael Rosing (Sam)</p>

Justus Hansen (D) ataatsimeeqataasinnaanani nalunaarpoq, Nadia Olsen (D) sinniisutut aggersarneqarpoq

Harald Bianco (IA) oqarasuaatikkut ataatsimeeqataavoq.

Oqaluuserisassat akuerineqarneri

Suliassamik saqqummiussaq

Oqaluuserisassat allannguutai ilanngullugit akuersissutigineqarput.

Nalunaarutit

Suliassamik saqqummiussaq

<p>2a. Borgmesterip nalunaarutai</p> <p>2b. Ataatsimiititanik ataavartunit nalunaarutit</p>

2a.

  1. Ulloq 3 oktobari borgmesteri IBA-mi ataqatigiissaarisartoqatigiinnut ataatsimiigiaqquneqarpoq Qeqertarsuatsiaat eqqaanni rubinisiorfik pillugu.
  2. Ulloq 12 oktobari Nuummi najukkami ataatsimiititaliaq inissititerluni ataatsimiippoq. Borgmesterimit tikilluaqquneqarput sulilluarnissaminnillu kissaanneqarlutik. Poul Petersen najukkami ataatsimiititaliami siulittaasutut qinerneqarpoq. Ulloq 23 oktobari najukkami ataatsimiititaq sammisaqartinneqarpoq suliassaminnik aallartilluarniassammata oktobarillu 30-anni siullermeerlutik ileqquusumik ataatsimiipput. Najukkami ataatsimiititaliap oqaluuserisassai ataatsimiinnermilu imaqarniliat kommunip nittartagaani atuarneqarsinnaasalissapput.
  3. Ulloq 18 oktobari Reykjavikimi Kommuneqarfik Sermersooq aamma Tromsø Kommune illoqarfittut ikinngutigiinnissaq pillugu atsioqatigiipput. Isumaqatigiissut Asii Chemnitz Narupimit aammalu Kristin Røymo-mit, Tromsø, atsiorneqarpoq taakku Arctic Circle Assembly 2018-imut peqataanerminnut atatillugu Reykjavikimiinneranni.
  4. Illoqarfittut ikinngutigiinnissamik isumaqatigiissutip kommunit taakkua marluk pisussaaffilerpai arlalinnik, ilaatigut avatangiiseq, ilinniartitaaneq illoqarfimmillu ineriartortitsinermut tunngasunik. Alloriarnissaq tulliuttoq tassaavoq, kommunit taakkua marluk suleqatigiissutissanik sukumiisumik pilersaarusiornissaat. Tromsø-mit aallartitat upernaamut Nuummukassapput, tassanilu pilersaarutit eqqartorneqarlutillu aallartisarneqassapput.
  5. Borgmesteri Arctic Circle Assembly 2018-imi peqataavoq, ulluni 19-21 oktobari Reykjavikimi ingerlanneqartumi. Ukioq manna Kommuneqarfik Sermersooq aaqqissuussanik pingasunik isumagisaqarpoq, taakkulu Arctic Circle Assemblyp programmiata ilagivaat. Harpa-p silataani Sermersooq ilulissanik mikinerusunik marlunnik saqqummersitaqarpoq ”Iceberg!”-imik taaguuserneqartumik Saqqummersitsineq ataatsimeersuartunit aamma inunnit sanioqquttunit assorsuaq alutorineqarsimavoq. Arfininngornikkut Issittumi illoqarfimmut nutserarnerup periarfissani unamminartuilu eqqartorneqarput, isumasioqatigiissitsinermi Kommuneqarfik Sermersuumit aaqqisuunneqartumi. Borgmesteri Asii Chemnitz Narup paasisimasallit sassartinneqartut akornanniippoq, Tórshavnip, Iqaluit aamma Tromsøp borgmesterii kiisalu Ph d-ngorniartoq ataaseq peqatigalugit. Issittumi illoqarfinni annerusuni katiterunneq periarfissarpassuarnik pilersitsisartoq tamarmik isumaqataaffigaat, taamaattorli illoqarfinnut alliartortunut annertuumik piumasaqaatitaqarpoq. Isumasioqatigiinnerup nalaani ini inunnik soqutiginnittunik ulikkaarpoq, inuit 100-t missaanniittut tusarnaartuullutik. Kommuneqarfik Sermersooq unnukkut Reykjavikimi Arctic Circle Assembly-mi peqataasunik ilasseqatigiissitsinermut qaaqqusisuuvoq, tassani tamussiussassat Royal Greenlandimeersut sassaalliutigineqarput qilaatersornermik, uaajeernermik nipilersornermillu aliikkusersuisoqarluni. Unnummut kulturisiorfiusumut inuit 400-t missaanniittut takkupput.
  6. Ulloq 20 oktobari 2018 borgmesteri Ilinniartitaanermut, Kultureqarnermut, Ilageeqarnermut Nunanullu allanut tunngassuteqartunut Naalakkersuisumit, Ane Lone Bagger, kiisalu Kalaallit Nunaanni Namminersorlutik Oqartussat Reykjavikimi sinniisoqarfittaavani pisortamit, Jacob Isbosethsen, qaaqquneqarpoq Kalaallit Nunaanni Namminersorlutik Oqartussat Reykjavikimi sinniisoqarfittaavata ammaanersiorneqarneranut.
  7. Ulloq 21 oktobari 2018 Reykjavikimi borgmesteri Aalborgip kommunianik taassumalu suleqatigisaanik ataatsimeeqateqarpoq.
  8. Ulloq 23 oktobari Kulturip siuarsarneqarnissaanut Siunnersuisooqatigiit ataatsimeeqatigiipput, tassanilu Sermeq puljemut qinnuteqarsimasut suliarineqarlutik. 978.750 koruunit qinnuteqartunut 12-inut agguaanneqarput – qinnuteqaatit suli pingasuupput, inaarutaasumik aalajangiiffigineqarnissaminnut utaqqisunik.
  9. Ulloq 2 novembari borgmesteri NSIP-p ukiunik 65-ininngortorsiorluni nalliuttorsiornerani katersortarfimmi kaffillernermut peqataavoq.
  10. Ulluni 3 aamma 4 novembari Kalaallit Nunaanni Timersoqatigiit Kattuffiat, Kommuneqarfik Sermersooq suleqatigalugu, Nuummi timersorneq pillugu ataatsimeersuartitsivoq. Ataatsimeersuarnermi qitiutinneqarpoq: Siunissami Kommuneqarfik Sermersuumi timersornermi ornittakkat! Ataatsimeersuarnermi inuit 60-it sinneqartut peqataapput. Peqqinnermut Susassaqartitsinermullu immikkoortoqarfik, fagchef siuttuliullugu, taannaavoq alloriarnissap tullianik iliuuseqartussaasoq, ataatsimeersuarnerup malitseqartinneqarnissaa eqqarsaatigalugu. Immikkoortortaqarfimmit ilusissaq, piffissaq il.il. kingusinnerusukkut nalunaarutigineqassapput.
  11. Ulluni 5-8 novembari Nuummi takornariaqartitsinerup iluani Kalaallit Nunaanni suliallit ataatsimeersuartinneqarput. Ataatsimeersuarneq taaguuserneqarpoq ”Towards More Tourism” (TMT), taannalu Visit Greenlandimit aaqqissuunneqarpoq, Air Greenland, Kalaallit Nunaata Angalatitsivia kiisalu Greenland Business suleqatigalugit.
  12. Ulloq 11 novembari 2018 Århusimi, kalaallinut Qallunaat Nunaanni ilinniagaqartunut suliffissanik nittarsaassisoqarpoq. Suliffissanik nittarsaassineq Ilinniartitaanermut, Kultureqarnermut, Ilageeqarnermut Nunanullu allanut tunngasunut Naalakkersuisoqarfimmit aaqqissorneqarpoq. Ukioq kingullertut Borgmesteri aamma kommunaldirektøri peqataapput, ilaatigullu illoqarfiit pingaarnersaat pillugu periusissiaq kommunimilu suliat pissanganartut saqqummiiffigineqarput. Tassani siunertarineqarpoq Kommuneqarfik Sermersooq tassaassasoq suliffik pilerinartoq ornitassaasorlu angerlarfigineqarsinnaasoq. Saqqummiinermut ilinniagaqartut takkussuulluarput.
  13. Ulloq 12 novembari, borgmesterip UNICEFimi generalsekretæri, Steen Andersen, ataatsimeeqatigivaa UNICEFip Tunumi meeqqat inuusuttullu pitsaanerusumik atugassaqarnissaasa sulissuteqarnerata killiffia pillugu. Tamatumani pineqarpoq suliniut 2019-imi aallartisarneqartussaq.. Gentofte Kommune meeqqat inuusuttullu taakkua pillugit aningaasanik katersilluni aallartippoq. Steen Andersen, UNICEF
  14. Ulloq 14 novembari Qeqertarsuatsiaani unnukkut innuttaasunik ataatsimiititsisoqarpoq. Innuttaasunik ataatsimiititsineq nunaqarfinnut ataqatigiissaarisumit qinikkanut allatseqarfik suleqatigalugu (nunaqarfinnut siunnersorti) aaqqissuunneqarpoq. Nunaqarfinnut ataqatigiissaarisoq facetimikkut peqataavoq, tamannalu ingerlalluarpoq, suliassallu aallartinneqartut aallartinneqartussallu pillugit ilisimatitsissuteqarpoq, nunaqarfinni suliniutissanut tunngasut. Innuttaasunik ataatsimiititsinermut takkuttoqarluarpoq, nunaqarfimmilu aqutsisuni siulittaasoq naliliivoq innuttaasunik ataatsimiititsineq iluatsilluartoq aaqqissuussaalluartuullunilu.
  15. Piffissami 3-5 decembari borgmesteri Københavnimiittussaavoq. Ulloq 4 decembari borgmesteri Gentofte Kommunimi borgmesterimik ataatsimeeqateqassaaq, Gentofte Kommunip Tunumi meeqqat inuusuttullu pillugit UNICEF suleqatigalugu sulissuteqarnerisa malitseqartinnissaat siunertaralugu. Ataatsimiinneq Gentofte-mi ingerlanneqassaaq. Ulloq 5 decembari Københavnimi ”Greenland Conference 2018" ingerlanneqassaaq, aningaasaliissuteqarneq, attaveqaatit aatsitassallu pillugit.  Ataatsimeersuarneq Dansk Industri-mit aaqqissorneqarpoq, Danmarkimit aamma Kalaallit Nunaannit saqqummiivigineqartussaq. Borgmesteri saqqummiisussatut peqataassaaq.
  16. Ulloq 18 decembari borgmesteri Danmarmikimi Kalaallit aningaasaateqarfinnut attaveqaataanni ataatsimiinnissamut aggersarneqarsimavoq. Attaveqaatigisanik ataatsimeeqateqarneq Københavnimi ingerlanneqassaaq.

Uju Petersen (IA), MIA siulittaasoq:

Suleqatigiissutit Politiillu; Angerlarsimaffinni meeraqartuni persuttaasoqartillugu suleqatigiissutit Tasiilamut, Paamiunut Nuummilu atuuttussat atsioqatigiissutaanikuupput.

Tasiilaq: Suleqatigiissutissaq (kommissorie) Tasiilaq pillugu isumaqatigiissutigineqarnikuuvoq, suliallu assigiinngitsut ingerlanneqalerlutik.

Efterværn / Saqqarlernut Suliniutit aaqqissaasutimikkut allanngortinneqarneri ingerlapput piariingajalerlutillu.

Ataatsimiititaliaq: Tasiilamut paasisassarsiorluni iluatsittumik angalanikuuvoq

Sulisutigut: Nuummi atorfiit ataasiakkaat suli inuttaqanngillat, Tasiilami plejefamiliekonsulentit marliunngornikuupput sagsbehandlerit 1. dec. Pingasunngussapput suli socialrådgiverinik takkuttattussanik ujaasivugut.

Paamiuni suli team lederitut atorfik inuttaqanngilaq, inuttassarsiuteqqinneqassaaq

Henrik Rachlev (IA), MAA siulittaasoq:

Ileqquusumik ataatsimiittarneq tamakkiisumik ingerlavoq ajunngitsumik.siulittaasutut politikkikkut anguniakkat suleqatigiinnermi isumaqatigiissut malillugu naqqaniit pisortanit suleqatigiinneq ingerlanneqarpoq, aaqqissuusaanerusumik avammut tusarliussinissamut kommunikationimi (Attaveqarnermut) ingerlatsivik suleqatigilluinnarlu suliassanik tiguneqartunik suleqatigiittussaagatta ingerlanneqartarpoq. saaffiginnissutit aamma apeqqutigineqartut tiguneqarnerani qujassuteqarfigisarpagut suliassatut tiguneqarlutillu.

Misi Ukiaanerani Kommuneqarfitsinni angalanerani ornitaminni illoqarfiit Tasiilaq, Paamiut, Ittoqqortoormiut tikinneqarput. Suliaminnik suli paasissutissiineqanngillat imaluuniit nalunaarusiunngillat utaqqimaarneqarput.

10.- 14. oktober Meeqqat ukiaanerani atuanngiffeqarnermini timersuut arsarneq ingerlanneqarput "Torrak" aliikkutarilluarpaat peqataaffigilluarneqarlunilu.

Ullut 03-04 november. GIF kalaallit nunaani timersoqatigiiffiup kattuffiata aaqqissugaannik ingerlanneqarput weekend-ini peqataaffigilluarneqarlunilu timersornermik ingerlatsisut isumasioqatigiineq angusaqarfiulluartutut naammassineqarput, anguniagalersorneqarput siunissami timersuut qanoq ittoq anguneqarnissaanut isumasiornermi pingaarnertut assigiinngitsut arlaqartut anguniarneqarput. siammasissumik kommuneqarfik sermersooq tamaat isigalugu, aammattaa pingaarnertut Nuuk annertunerusumik eqqartungaatsiarpaat, taakkartorneqarput timersortarfiit atuinermi assigiinngitsunit akisussaaffilersorneqarnera ataasiinnanngortinnissaanut anguniarneqarpoq.

aaqqissuusseqqinnissaq tullinnguutumik Kommuneqarfik sermersooq suleqatissarsinisaminut ujartuinissaq tigullugu.

Naluneqanngitsutut Meeqqerivimmi Nukariinni atuisut angajoqqaat naammagittaalliummik saqqummiussisoqarpoq avaanngunartumik, naammagittaalliut suliarineqarpoq pisortanik akissuteqarfigineqarlutik, siulittaasutut pissusissamisoorsoraara pisortaqarfimmit suliarineqarluni ingerlanneqarnissaa pissutigalugu inuit ataasiakkaanut tunngassuteqarmat. KNR attaveqarfigineqarpunga apersorneqarnissannut, innersuussutigineqarpoq kommunikation ataqartigiissaarisumut attaveqassasut taassumallu ataqatigiissarneqassammat apersuinissamut akissuteqartussamut.

6.ulloq 07 november.  Meeqqerisut nalunneqanngitsumik amigaatigineqarput nunatsinni tamakku pillugit ingerlatsivimmiit perorsaasut kattuffiat naapeqatigiinneq pivoq, soorlu borgmester asii C narup ippassaq akerliussutimik takutitsisunut oqariartuutit anngussat, tassami immikkoortotaqarfik milloorneqartuarmat ajornatorsiutinik unitsinniarlugu suleqatigiinnissagt anguniarneqarmat. ajornartorsiut aaqqinneqarnissaanut kikkut tamat akisussaasut suleqatigiissutigineqartariaqarmat.

Naggasiullugulu Imminortarneq unitsinniarlugu nuna tamakkerlugu akerliullutik takutitsinermi Paamiuni ingerlanneqartumi kommune-mut ingerlaaqatigiittoqarmata oqariartuutitik tunniukkiartormasuk allamik tunniussiffissaqannginnertik pissutigalugu, kommunep saavanut pimmata kommunal ilaasortanit anillaffigineqarput oqariatuutaallu tigullugit.  


Charlotte Ludvigsen (IA),  SIA siulittaasoq:
taasoq:Suliffeqarnermut isumaginninnermullu Ataatsimiititaliaq kingullermi ataatsimiinnissartik sioqqullugu angerlarsimaffeqanngitsuuneq pillugu immikkut ittumik sammisaqartinneqarmata, Ilisimatusarfimmii, Frelsens Hærimiit Kofoeds Skolemiillu saqqummiussiffigineqartoq pissarsiffiulluarpoq. Isumaqatigiissutigineqarporlu kingusinnerusukkut Kofoeds Skolemi assingusumik ingerlatsisoqarumaartoq, tamatumuuna innuttaasut peqataatillugit.

Danmarkimut angalareernitta kingorna ataatsimiititaliami aaliangerpugut kommunit  naalakkersuisullu akornanni suleqatigiissitamik pilersitsoqassasoq qallunaat nunaannut nuuttartut ikilisarniarlugit.

Tiliup ataatsimeersuartitsineranni novemberimi 11-anni pisumi qaaqqussaallunga peqataavunga. Ataatsimeersuarnermi Kalaallit Nunaanni Isumaqatigiissutip atuutsilerneqarnissaanut suut aporfiusinnaanersut aamma inuit innarluutillit pisinnaatitaaffii qanoq nukittorsarneqarsinnaanersut qulaajarneqarput. Ataatsimeersuarneq ingerlalluartutut oqaatigisariaqarpoq. Iluatillugu Pissassarfik aammalu Tilioq pulaarpakka paasisassarsiorfigalugit.

Ataatsimiititaliatta Utoqqaat siunnersuisoqatigiivi qaamatip siuliani nuannersumik pissarsiffiulluartumillu ataatsimeeqatigai taamatullu aamma pilersaarutaavoq Innarluutillit Siunnersuisoqatigiivi qanittumi naapinneqassallutik.​​

Justus Hansen (D), SAA siulittaasoq:

Soqanngilaq

 

 

 

 

 

 

 

Ilisimatitsissutit

Suliassamik saqqummiussaq

Ingerlatsinermik kukkunersiuineq

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Ingerlatsinermik kukkunersiuineq

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Sunngiffimmi atuartitsineq 2018 - 2019

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Nukarlerni tuluttut atuartitsinermi pitsaassutsimik nalilersuineq

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Inuusuttut Kommunalbestyrelsiata Kommunalbestyrelsimut inassuteqaatai 2018

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Kommunimut pilersaarummut tapiliussatut siunnersuut, 2B1-1 Industrivej. Nuuk, Nuussuup illoqarfiata ilaa

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Kommunalbestyrelsimut ilaasortat siunnersuutaat pillugit killiffik

Suliassamik saqqummiussaq

Ilisimatitsissut tusaatissatut tiguneqarpoq.

Bilagi

Aalajangiiffigisassat

Suliassamik saqqummiussaq

Nanu Travel 2019-imi kiffartuussinissamik isumaqatigiissuteqarfigineqarnera

Suliassamik saqqummiussaq

Charlotte Pike suliamut attuumassuteqarpallaarnini pillugu ataatsimiittarfimmiit anigallarpoq.

Inassuteqaat akuersissutigineqarpoq, imatut allannguutitalerlugu:

"Nanu Travelimik kiffartuussinissamik isumaqatigiissuteqarnissamik inaarutaarumik akuersissutigineqarnissaa Kommunalbestyrelsimit akuersissutigineqarpoq. Timmisaartuussisarnermi ajornartorsiutinut tunngasut Namminersorlutik Oqartussallu eqqartorneqassapput."

Bilagi

Destination East Greenlandimut Kiffartuussinissamik isumaqatigiissut

Suliassamik saqqummiussaq

 Harald Bianco suliamut attuumassuteqarpallaarnini pissutigalugu oqarasuaatikkut attaveqaat qaminneqarallarpoq.

Inassutigineqartoq akuerineqarpoq.

Bilagi

Tikeraanut sullivik

Suliassamik saqqummiussaq

Nuunneqarpoq, imaalillugu 03H.

Ilisimatitsissut tusaatissatut tiguneqarpoq

Bilagi

Kommunimut pilersaarummut tapiliussaq, 4D12-1, Viska, Qinngorput

Suliassamik saqqummiussaq

Inassuteqaat akuerineqarpoq.

Bilagi

Qamuteralaat pillugit ileqqoreqqusaq, Siunnersuut 2018/2019

Suliassamik saqqummiussaq

Sapaatit-akunnerini arfineq-pingasuni tamanut tusarniaassutigineqarnissaa siunertaralugu inassuteqaat akuersissutigineqarpoq.

Bilagi

Nuup illoqarfiani sumiiffik aqquserngillu taaguusersorneqartussat

Suliassamik saqqummiussaq

Inassuteqaat akuerineqarpoq.

Bilagi

Nuummi kaajallattarissat taaguusersornissaat

Suliassamik saqqummiussaq

Inassuteqaat akuerineqarpoq.

Bilagi

Nuummi aqquserngit marluk taaguusernissaat

Suliassamik saqqummiussaq

Inassuteqaat akuerineqarpoq.

Bilagi

Nuummi illoqarfiup immikkoortuata ilaani Kangillinnguani aqquserngit marluk atserneqarneri

Suliassamik saqqummiussaq

Inassuteqaat akuerineqarpoq.

Bilagi

Pilersaarusiornermut periusissiaq P18

Suliassamik saqqummiussaq

Inassuteqaat akuerineqarpoq.

Bilagi

Sanaartornermut naatsorsuutit akuerineqarnerat

Suliassamik saqqummiussaq

Inassuteqaat akuerineqarpoq.

Bilagi

Nunaqarfinni sunngiffimmi atuartitsineq

Suliassamik saqqummiussaq

Inassuteqaat akuerineqarpoq.

Kommunit ataatsimoorussamik eqqakkanut iluarsiissutissaat

Suliassamik saqqummiussaq

Inassuteqaat akuerineqarpoq.

Bilagi

2019-imi politikkikkut ataatsimiiffissat ullulerneri

Suliassamik saqqummiussaq

Inassuteqaat akuersissutigineqarpoq, imatut allannguutitalerlugu:

Immikkut ittumik sammisaqarneq aamma Kommunalbestyrelsip juunip 17-ianni 18-iannilu pisussat sapaatip akunneranik ataatsimik siuartinneqarput, tassa juunip quliani aqqarnganilu.

Bilagi

Ilassutitut aamma nuussinissamut aningaasaliissutit 3. kvartali 2018

Suliassamik saqqummiussaq

Inassuteqaat akuerineqarpoq.

Bilagi

Missigersuutit 2019. Aappassaaneerinninneq

Suliassamik saqqummiussaq

Inassuteqaammi siulleq akuersissutigineqarpoq

Inassuteqaammi tullia, matuma kinguliinisut allannguutilerlugu akuersissutigineqarpoq.

Peter Davidsenip (S) allannguutissatut siunnersuutaa:

"Kommunalbestyrelsip tamarmiusup inassuteqaatit akuersissutigai, oqaaseqaatigalugu sanaartornermut aningaasaliissutit 300.376.000 kr.-nik aningaasartalerlugit qaffanneqarput. Taamaalilluni, Sermiligaami mallinut illersuusiornissamut misissueqqaarnermut atugassanik 300.000 kr. aningaasaliissuteqartoqarluni, Mala Høy Kúko-p siunnersuutaa marsi 2018-imeersoq innersuussutigalugu."

Inassuteqaammi 3 akuersissutigineqarpoq

Inassuteqaammi 4 akuersissutigineqarpoq

Inassuteqaammi 5 akuersissutigineqarpoq

Inassuteqaammi 6 akuersissutigineqarpoq

Inassuteqaammi 7 akuersissutigineqarpoq

Inassuteqaammi 8 akuersissutigineqarpoq

Inassuteqaatit assigiinngitsut akuersissutigineqarput.

Bilagi

Imminut toquttarneq pillugu oqaloqatiginnissinnaanermut pikkorissartitsineq pillugu aalajangiiffigisassatut siunnersuut.

Suliassamik saqqummiussaq

Kommunalbestyrelsip siunnersuut taperserpaa suliarlu Meeqqanut Ilaqutariinnullu Ataatsimiititamut inassuteqaammi imaattumik allannguutitalerlugu ingerlateqqillugu:

"Akuersissutigineqarpoq, P MI 1-imilu akuersissutigineqartumi 400.000 kr.-nut ilanngullugu atuutilersinneqarnissaa"

 

Ilinniartut meerallit atorfilimmik aappaqarnerat piinnarlugu meeqqami meeqqerivimmi inissaqarnissaannut periarfissaat ajornannginnerusariaqarnissaa pillugu aalajangiiffigisassatut siunnersuut

Suliassamik saqqummiussaq

Kommunalbestyrelsip siunnersuut taperserlugu suliaq Meeqqanut ilaqutariinnullu Ataatsimiititamut ingerlateqqippaa.

Blok H eqqaani qullilersuinissaq pillugu aalajangiiffigisassatut siunnersuut

Suliassamik saqqummiussaq

Kommunalbestyrelsip siunnersuut taperserpaa, suliarlu Sanarfinermut Avatangiisinullu Ataatsimiititamut suliareqqitassanngorlugu ingerlateqqinneqarpoq.

Aalisartut akornanni saligaatsuunissaq pillugu aalajangiiffigisassatut siunnersuut

Suliassamik saqqummiussaq

Kommunalbestyrelsip siunnersuut taperserpaa, suliarlu Sanarfinermut Avatangiisinullu Ataatsimiititamut suliareqqitassanngorlugu ingerlateqqinneqarpoq.

Aqqusineeqqap iluarsaanneqarnisaa pillugu aalajangiiffigisassatut siunnersuut

Suliassamik saqqummiussaq

Siunnersuut taasissutigineqarpoq.

Siunnersuut ilaasortanit 18-init taperserneqanngilaq, ilaasortat tassaapput Inuit Ataqatigiit, Demokraatit, Siumut aammalu Suleqatigiissitsisut.

Siunnersuut Siumut-mi ilaasortamit ataatsimit taperserneqarpoq.

Siunnersuut itigartitsissutigineqarpoq.

Tummeralernissaq pillugu aalajangiiffigisassatut siunnersuut

Suliassamik saqqummiussaq

Kommunalbestyrelsip siunnersuut taperserpaa, suliarlu Sanarfinermut Avatangiisinullu Ataatsimiititamut suliareqqitassanngorlugu ingerlateqqinneqarpoq.

Ittoqqortoormiini Utoqqaat Pisinnaanerusut Illuat atiata allanngortinnissaanut imatut ”Utoqqaat Angerlarsimaffiat” pillugu aalajangiiffigisassatut siunnersuut

Suliassamik saqqummiussaq

Kommunalbestyrelsip siunnersuut taperserpaa, suliarlu Suliffeqarnermut Isumaginninnermullu Ataatsimiititamut suliareqqitassanngorlugu ingerlateqqinneqarpoq.

Nuummi bussini Wifi-mik akeqanngitsumik atuisoqalernissaa pillugu aalajangiiffigisassatut siunnersuut.

Suliassamik saqqummiussaq

Suliaq taasissutigineqarpoq.

Siunnersuut ilaasortanit 11-nit taperserneqanngilaq, ilaasortat tassaapput Inuit Ataqatigiit aammalu Demokraatit.

Siunnersuut ilaasortanit arfineq-pingasunit taperserneqarpoq Siumut-mi aammalu Suleqatigiissitsisunit.

Siunnersuut itigartitsissutigineqarpoq.

Sermiligaami kraanip iluarsiivigineqarnissaanik aningaasaliisoqarnissaa pillugu aalajangiiffigisassatut siunnersuut.

Suliassamik saqqummiussaq

Kommunalbestyrelsip siunnersuut taperserpaa, suliarlu Sanarfinermut Avatangiisinullu Ataatsimiititamut suliareqqitassanngorlugu ingerlateqqinneqarpoq.

Tunumi inuussutissarsionermik ataatsimiittaliamik pilersitsinissaq pillugu aalajangiiffigisassatut siunnersuut.

Suliassamik saqqummiussaq

Suliaq taasissutigineqarpoq.

Siunnersuut ilaasortanit 12-nit taperserneqanngilaq, ilaasortat tassaapput Inuit Ataqatigiit aammalu Demokraatit.

Siunnersuut ilaasortanit arfineq-marluk taperserneqarpoq Siumut-mi aammalu Suleqatigiissitsisunit.

Siunnersuut itigartitsissutigineqarpoq.

Tasiilami uulianik immaarsiiviit amerlineqarnissaanik eqqaavinnillu matoqqasunik pilersitsisoqarnissaa pillugu aalajangiiffigisassatut siunnersuut.

Suliassamik saqqummiussaq

Suliaq taasissutigineqarpoq.

Siunnersuut ilaasortanit 12-nit taperserneqanngilaq, ilaasortat tassaapput Inuit Ataqatigiit aammalu Demokraatit.

Siunnersuut ilaasortanit arfineq-marluk taperserneqarpoq Siumut-mi aammalu Suleqatigiissitsisunit.

Siunnersuut itigartitsissutigineqarpoq.

Sermiligaaq kangerluani immap naqqa ningittakagunik kivisoornkunik qalluisoqarnissaa pillugu aalajangiiffigisassatut siunnersuut.

Suliassamik saqqummiussaq

Suliaq taasissutigineqarpoq.

Siunnersuut ilaasortanit 12-nit taperserneqanngilaq, ilaasortat tassaapput Inuit Ataqatigiit aammalu Demokraatit.

Siunnersuut ilaasortanit arfineq-marluk taperserneqarpoq Siumut-mi aammalu Suleqatigiissitsisunit.

Siunnersuut itigartitsissutigineqarpoq.

Tasiilami umiatsianik angallatinillu qaqitsiviup aqqutaa cementerneqarnissaa pillugu aalajangiiffigisassatut siunnersuut.

Suliassamik saqqummiussaq

Kommunalbestyrelsip siunnersuut taperserpaa suliarlu Sanarfinermut Avatangiisinullu Ataatsimiititamut inassuteqaammi imaattumik allannguutitalerlugu ingerlateqqillugu:

"Taasiilami umiarsualivik pillugu ataatsimoortumik suliniuteqarfigineqarnissaanut ilaatinneqarnissaa siunertaralugu suliaq Sanarfinermut Avataniisinullu Ataatsimiititamut ingerlateqqinneqarpoq"

Taasariaqartut allat

Suliassamik saqqummiussaq

Mala Høy Kúko (S):

Kummiini piniartut aalisartullu eqalussuarnik ajornartorsiuteqarneq pillugu saaffiginnissutaat suli akineqarsimanngilaq. Tamanna akineqartariaqalerpoq, ullummi 100-t qaangiupput saaffiginnittoqarmalli.

Tasiilami puttasut?

Tasiilami umiarsualiviup itisilerneqarnissaa?

Asii C Narup: Apeqquteqaatit taakku allaffeqarfimmut apuunneqarunik pineqartut tamarmik aamma akineqarniassapput.

Thiioq Knudsen (S):

Mittarfittarnissaq Inatsisartuni akuersissutigineqarmat, NC-ip saavani Kommune pølsillerpoq. Taamatut nuannatsitsinermi Kommuneqarfik Sermersuumi illoqarfiit tamakkerlugit ilaatinneqartariaqarput.

Peter Davidsen (S):

Nuup Kangerluani saliinissaq kissaatigineqarpoq, kingullermillu WWF saliimmat naammassineqanngilaq. Taamatut nittarsaassineq atorsinnaanngilaq - kangerluk salinneqartariaqarpoq. Aalisartut piniartullu kiisalu peqatigiiffiit eqqortunik atortulerlutik saleeqataasinnaallutillu tassunga tunngasunik arlaatigut suleqataasinnaapput.

Aalisartunut piniartunullu suleqatigiissitaliortoqarnikuuvoq, qinikkatut atorfilittanut saaffiginnikkaangatta qisuariarfigineqarneq ajorpugut akineqarnerlu ajorluta.

Qujassuteqarneq: Kommune pitsaanerusoq pingaartumillu mittarfittaarnissamut tunngatillugu suleqatigiissimanermut partiinut tamanut qujanaq.

Ane Egede Mathæussen (S):

Aputaajaanermut tunngasumik saaffiginnissuteqarnerup akissuteqarfigineqarnissaa kissaatigaa.

Charlotte Ludvigsen (IA):

Ilaasortaaqatinnut tamanut borgmesterimullu suleqatigiinnitsinnut qujarusuppunga aamma Isumaginninnermut Suliffeqarnermullu Ingerlatsivimmi pisortartaatsinnut qujarusuppunga. Kiisalu tamanik juullisiorluaqqusillunilu ukiumut nutaamut iserluaqqusivoq.

Laura Táunâjik (S):

Tasiilami imigassamik tuniniaaviusartup nuunneqarnissaanik saaffiginnissutinnut killiffik pillugu paasisaqarusunnarpoq.

Ukiumut qaangiutilersumut suleqatigiilluarnermullu qujanaq, kiisalu juullisiorluarnissassinnik ukiumullu nutaamut iserluarnissassinnik kissaallusi

Randi Vestergaard Evaldsen (D):

Justus Hansen sinnerlugu partiinut tamanut suleqatigiilluarsimanermut qujassuteqarpoq, partiimik tunuliaqutarput avissaartuutiginagu pingaarnersiuisaratta. Allaffeqarfimmut oqalutsinullu qujanaq. Juullisiorluarisi ukiortaamullu iserluarisi.

Suliat matoqqasut

Suliassamik saqqummiussaq

Lukket

Suliassamik saqqummiussaq

Lukket

Suliassamik saqqummiussaq

Lukket

Suliassamik saqqummiussaq

Imaqarniliap akuerineqarnera

Suliassamik saqqummiussaq

Imaqarniliaq akuerineqarpoq nal. 21.31