1927-mi qatanngutigiit Jakob Jakobsen aamma Abia Jakobsen (Jaakorsuaq aamma Aabiarsuaq)  Nunaqarfissuarmut nunasipput. 1937-mi sumiiffik asimioqarfinngorpoq nunap eqqaani aalisagarpassuaqarnera pissutigalugu. Tarajorterivimmik illuliortoqarpoq kingornalu tarajortikkanik tuniassiortoqalerpoq saarullinnillu panertulisoqartalerluni taamatullu aamma qaleralinnik qullukkiortoqartalerpoq.

1950-ikkunni inuppassuit avataaniit takkussuupput, avannaaniit kujataaniillu aalisariartunik, aalisarfiup annerpaaffiata nalaani nunaqarfimmi inuit 1000-it missaaniissinnaasarput. Annermik tunisassiarineqarput saarulliit tarajortikkat. Saarulliit tammakarmata, ikaassuit panersiiviit piiarneqarput, saarullinniarnerlu inuussutissarsiutini pingaarnersaajunnaarpoq. Ukioq kaajallallugu igaassanik saarullinniartoqartarpoq kiisalu aalisakkanik panertulisoqartarpoq Nuummi kalaalimineerniarfimmi tuniniagassanik.

Kapisilinni misilinneqarnikuupput tuttuuteqarneq kiisalu savaateqarneq. Savaateqarneq marloriarlugu misilinneqaraluarpoq, ullumikkulli savaateqartoqanngilaq. Aamma Kapisilinni tuttuuteqarneq uninnikuuvoq.

Terianniarniarneq nunaqarfiup inuussutissarsiornerani pingaarnersaanikuuvoq unitsinneqarporli teriannissat perlerulermata. Ullumikkut terianniartoqartarpoq akornutitut isigineqalernikuummata. Kommunip pisat akilertarpai. Amianik tunisinermi isertitassaagaluit pamiuanik tunniussinermi isertinneqartalernikuupput. Kapisillit eqqaat aqissit ukallillu piaqqiorfigisuummassuk, nuna tamanna piniarfigissallugu nuannarineqarpoq.

Quppernerup imarisaa qanganitsersimava?

Quppernermut naqqiutissaqarpit?