B-606, Paamiut tamanut neqeroortitsinermi tuniniarneqarpoq

Kommuneqarfik Sermersooq sinnerlugu, Iserit A/S-ip B-606, Paamiuniittoq tamanut neqerooruteqartitsilluni tuniniarpaa, 1. april 2023 isumaqatigiissuteqarnikkulluunniit tiguneqartussanngorlugu.

B-606 Paamiuniittoq illu qaliaqanngitsoq takisuujuvoq marlunnik immikkoortortalik 1968-milu sananeqarnikuulluni (390 m2). Illu 2018-miilli inoqanngilaq.

Silataa: Illumi ajoquteqanngitsut tassaapput illup toqqavia betonniusoq, silataani qisunnik ersalittunik qallersorneqarsimasut, qaliap quassuttuua kiisalu illup qaavata qalilersornera 2016-imi nutaamik qalleqqinnikuuvoq (aniinganertaali aserorsimavoq). Igalaat matu-lu silarleq aserorterisoqarnerani aserorneqarsimapput, tassani igalaat tamarmik aserorneqarsimapput taamaammallu qisunnik assersorneqarsimallutik.

Illup ilua: Talut qarmasissiamit sanaajusut tamarmik ajoquteqanngillat. Kisianni iikkat qilaalu gipsinik assiaqusersornikut natialu qisuk linoleumimik qalligaq isugutammit aanertaqarput, 2016-mi matunerata kingorna kiassarneqarsimannginnera pissutaalluni. Ineeqqat, torsuusat sulisullu inaat linoleumimik qallerneqarsimapput. Uffarfimmi/perusuersartarfimmi, errorsisarfimmi igaffimmilu klinkinik nateqarpoq fliisinillu iigaqarluni. Innaallagialersorneqarnera kiassaatilersorneqarneralu illu sananeqarnerani pivoq, taakkulu qerisoorlutik ajortissimanissaat naatsorsuutigineqassaaq. Kiassaateqarfimmi avataanit kiassaammik nutaanerusumik ikkussisoqarsimavoq, taannalu suli ingerlavoq. Imermut kissartuusivik rujoorillu aqqutaat mannger-tornersimapput taarserneqartariaqarlutillu. Igaffik anartarfiillu uiguaniittut nungullarsimapput. Talut aserorterneqarnikuupput. Errorsisarfimmi nutaanerusunik marlunnik errorsiveqarpoq.

Illu isikkuatut itsillugu tuniniarneqarpoq. Aserorsimasanut tuniniaasoq akisussaaffeqanngilaq. Piserusuttut namminneq akilikkaminnik siun-nersortissarsioqquneqarput.

B-606 pisisup nammineerluni atorsinnaalissavaa, nammineq pigalugu illoqarfiup ilaanut sumiiffimmut pilersaarummi inatsisinilu allani malitta-risassat kisiisa killiliisoralugit.

Tunisinermut atatillugu aningaasartuutit tamarmik pisisumit akilerneqassapput, taamaattoq naqitsissummut aningaasartuutit (pisiap akiata 1,5%-ia) aamma inissiamik pisinermut atatillugu uppernarsaammik suliaqarnermut (10.000 kr.) pisinerullu eqqortuuneranik uppernarsaammik suliaqarnermut eqqartuussissuserisumut aningaasartuutit pisisup tunisisullu assigiimmik avillugit akilissavaat.

Illu takuniarneqassappat tamanna Paamiuni kommunimi allaffianut isumaqatigiissuteqarluni pisinnaavoq imaluunniit Heidi Jeremiassen mailikkut heja@sermersooq.gl saaffigalugu.

Allakkatigut neqeroorut danskit aningaasaannik aningaasanngorlugit akiliutigiumasat taallugit, ateq, najugaq, oqarasuaatip normua aamma peqaruit mail-adresse allanneqassapput uungalu nassiullugit, Iserit A/S, Postboks 90, 3940 Paamiut imaluunniit Iserit A/S, Postboks 1539, 3900 Nuuk, allakkap puuanut kiminngaanneersuunerinik atsiornertaqanngitsumut ikillugit, taamaallaat ima allaqqassalluni:

”B-606, Paamiut pisiarinissaanut neqeroorut”

Neqeroorut pituttuisuuvoq piumasaqaatitaqaranilu aammalu nangaa-nartoqartitsiffiunani. Pisinermi akigitinneqartussat toqqorneqassapput imaluunniit qularnaveeqquserneqassapput tuniniaasup akuersineranit kingusinnerpaamik ullut tallimat qaangiuppata. Toqqorsinermi sullinne-qarnermut aningaasartuutaasinnaasut pisisumit akilerneqassapput. Neqeroorutit Iserit A/S-imi tiguneqariissapput kingusinnerpaamik ataasinngorneq ulloq 13. februar 2023.

Illu B-606, Paamiut tuniniarneqarpoq amerlanerpaanik piumasarisanullu naleqquttunik akiliuteqarusuttunut. Kommuneqarfik Sermersooq neqeroorutit tiguneqartut tamaasa itigartissinnaanissaannut pisinnaatitaavoq.