Aqqusinermi angallannermi nalunaarsukkat

Nuup qeqqani aqqusinerni angallannerup annertussusiani allanngoriarnerit annikitsuinnaasimapput Nuulli sinnerani aqqusinerni amerlasuuni angallanneq annertusisimavoq, ataasiakkaanilu annikillilluni.

Nalunaarusiaq malillugu erseqqissaatigineqarsinnaavoq:

  • Eqalugalinnguani Sipisaq Kangilliup Qernertunnguanullu akornanni angallattut agguaqatigiissillugit amerlanerpaajusut tassanilu angallassissutit 17.100-nit naatsorsorneqartut.
  • Aqqusinersuarmi aammalu H.J Rinksvejimi angallanneq ukiut ingerlanerini allannguuteqarsimanngilaq – taamaattorli H.J Rinksvejip kangiatungaani amerleriaateqarsimavoq kitaatungaanilu annikillisimalluni.
  • Quassunnguami angallanneq ukiut allat tamangajaasa 2.000-inik angallaffiusimariarluni suli annertusoq 2.700-nik angallaffiulluni.  Asfaltilersuisoqareernerata kingorna kigaallassaatinik pilersitsisoqaqqissimannginnera pissutaarpasippoq.
  • Borgmesterip Anniitap Aqquserngani angallanneq annertusiartuinnartoq, maannakkullu ulluinnarni ulloq unnuarlu 9.000-it missaannik angallaffiulluni.
  • Sullorsuarmi angallanneq ulluinnarni ulloq unnuarlu 3.200-nit 3.500-nut angallaffinngornermigut suli annertusiartortoq. Akunnerni angallaffiunerpaani, sullorsuup ataasiinnarmik sammiveqaleqqanerani angallanneq 30%-p missaanik annertusisarpoq.
  • Ikaartarfiup ammarneqarnera sullorsuarmi Eqalugalinnguanilu angallannerup agguataarneqarneranut annerusumik allannguinngilaq, taamaallaalli Sorlaani annikilleriarsimalluni.   Sullorsuarmi ataasiinnarmik sammivilimmi angallattut aqqusinertigut tassuunaarsinnaasut amerlassuserisinnaasaat killeqarpoq.

Nalunaarusiaq tamakkiisoq uani atuarneqarsinnaavoq. Aamma nalunaarusiamut nassuiaat ilanngussarlu aasinnaavatit.