Ulluinnarni meeqqerinermi neqeroorutit, immikkoortunut pilersaarusiorneq

Amerlanerussutieqartunit inassuteqaatit akuerineqarput. Ikinnerussuteqartut ilisimatitsussut tusaatissatut tigunngilaat imatullu oqaasertalerlugu: Siumumi ilaasortat innersuussutigaat siusinnerusukkut aaliangerneqarsimasoq, tassaasoq; Meeqqeriviit arlallit ataatsimik ningioqartarnissaat. Tamanna nalilersorneqaqqittariaqarpoq taamak perorsaasutut ilinniagaqartut ikitsigisut, ilinniarsimasutuaat arlalinnut ningiuunertik peqqutigalugu perorsaariaatsinut isumaginninnermilu piumasaqaataasut naammaginartumik piffinni ataasiakkaani qulakkeernissaanut piffissaqanngimmata. Taamaattumik paaqqinnittarfiit qangatut ataasiinnarmik ningioqartalernissaat nalilersorneqaqqittariaqarpoq. Allaassagaluarpoq Danmarkimisut sulisut tamarmik perorsaasutut ilinniagaqarsimasuuppata.