Taasariaqartut allat

Inge Olsvig Brandt (IA): Inuusuttut suleqatigalugit pitsaalluinnarpoq, inuit pitsaasut nukissaqarluartullu pissutsinik pitsanngorsaaqataarusuttut. Toqqissisimanaraassi ataqqillusilu. Politikkikkut anguniakkavut eqqarsaatigalugit, nalunngilarput, sipaarniarnermik aqqusaagaqarsimalluta, tamannalu siunissami malugisussaavarput. Taamaakkaluartoq sipaarniarnerit innuttaasunut eqquinnginnissaat ilungersuutigissavarput. Angerlarsimaffeqanngitsut pikkorissarnerillu sammineqarluarput. Ataatsimiititat akimorlugit annertunerusumik suleqatigiittoqarnissaa qilanaaraara. Juullimi ukiortaassamilu pilluaritsi.

Knud Mathiassen (IA): Suliffeqarnermut Isumaginninnermullu Ataatsimiititap suliassaanut iserluarnissara qilanaaraara. Suleqatiginersi nuannaraara.

Rolf Pike (S): Qujanaq suleqatigilluarassi. Nuannarisarpassi ileqquusumillu kingullermik ataatsimiinnitsinnut qujanaq. Juullimi ukiortaassamilu pilluaritsi. Aappaagu Alaskaliaqatiginissarsi qilanaaraara.