Taasariaqartut allat

<p>Soqanngilaq.</p>

Laura Taunâjik (S): Tunumi teknikkikkut akimmiffeqakkajuttarnerput pissutigalu ullormut oqaluuserisassat allaganngorlugit e-mailikkut nassiunneqarlutillu saqqummiunneqartassasut kissaatigaarput.

Ataatsimiititaliap Paamiunut aggustip naanerani angalanissaa inuttut namminerisamik peqquteqavissumik piffissamut allamut nuunneqassasoq kissaatigaa.

Paartiineersut tamarmik tunuliaqutaat apeqqutaatinnagit, siulersuisortaaq taamatuttaaq siulersuisuusimasorlu suleqatigiilluarsimanitsinnut qutsavigaakka. Tamassi juullisiorluarnissassinnik ukiumilu nutaami iserluarnissassinnik kissaappassi.

Mala Høy-Kúko (S): Inassuteqaatit/siunnersuutit kommunalbestyrelsip kingullermik ataatsimiinneranni saqqummiunneqartut itigartitsissutigineqartut naliliiffigineqassasut kissaatigaa.

Harald Bianco (IA): Ukiumut qaangiutilersumut partiillu tunuliaqutaat aallaaviginagit suleqatigiinnitsinnut qujavunga, nuannaarutigaaralu ataatsimiititaliat tamarmik Tasiilameersunik ilaasortaqarmata.

Siunissamik ajunnginnerpaamik, juullisiorluarnissassinnik ukiumilu nutaami iserluarnissassinnik kissaappassi.

Justus Hansen (D): Kommunimi tamarmi suliatigut ingerlatat aallussiviginissaat pingaaruteqarpoq, isumaqarpungali tamatumani suleqatigiilluarluta.

Apeqqutit assigiinngitsut piaartumik akissuteqarfigisalernissaat paasissutissiilluarnerusalernissaralu sulissutigissavara.

Ingerlatsivimmi isertuaatsumik ingerlatsisoqarnera suleqatigiilluartoqarneralu pillugit qujavunga.

Juullisiorluarnissassinnik ukiumilu nutaami iserluarnissassinnik kissaappassi.