Taasariaqartut allat

Peter Davidsen (S):

Innuttaasut allakkatigut pisortanut (kommunemut) saaffiginnippata kommune pisussaaffeqarpoq sap.ak marluk ingerlaneranni akissuteqarnissamut (sagbehandlingslov).

Siusinnerusukkut saaffigineqarpunga angummik utoqqalinersiutilimmik, nuliani napparsimalersimammat kommunemut saaffiginnittaraluarluni qisuariarfigineqannginnami allakkat uannut tunniuppai tatigalunga ingerlateqqissagakkit aamma taamaaliorpunga Isumaginninnermut Suliffeqarnermullu Ataatsimiitsitaliamut ingerlateqqillugit (allagaannaapput puullit, siulittaasup dueslagianut ilivakka).

Kingusinnerusukkut angut taanna naapikkakku (atia eqqaamannginnakku) aperaara qisuariarfigineqarsaimanersoq ajoraluartumik taamaattoqarsimanngilaq.

Taamaammat kommune innuttaasuniit allakkatigut saaffigineqaruni sap.ak. marluk ingerlanerani qisuariartarnissaa pisussaaffigigatsigu pingaartutut isigaara saaffiginnittut utaqqilussinnartinnagit suliap killiffianik nalunaarfigineqartarnissaat.