Taasariaqartut allat

Peter Davidsen (S):

Peqatigiiffik Qoornumiit saaffigineqarsimavoq, illut lejskolertarfiit atorneqanngitsut pillugit suleqatigiissinnaanermut tunngasumik Meeqqanut Atuarfeqarnermullu Ingerlatsivimmut saaffiginnissimagaluarlutik suli akineqarsimanngitsut.

Jens Kristian Berthelsen (S):

Hans Egedep eqqaassutissaa pillugu Nuummi innuttaasut amerlasuut aalassaqqapput. Eqqaassutissaliinissamut Nuummi innuttaasut nammineerlutik aningaasanik katersinikuusimapput. Borgmesteri ernumanarsinnaasumik oqaaseqarsimavoq, utoqqaat amerlasuut elektroniskikkut taasisinnaannginnerat taamaalillutillu tusaaneqanngitsoornissaat pissutigalugu elektroniski aqqutigalugu taasisitsineq eqqunngitsumik inerneqarsinnaavoq.

Inuusuttorpassuit silami susassaaleqisarput, tamannalu illoqarfimmi aserorterisarnerup annertusineratigut takuneqarsinnaavoq. Tamanna sapinngisamik piaartumik iliuuseqarfigineqartariaqarpoq.

Laura Taunâjik Uitsatikitseq  (S):

Tasiilami utoqqaat illuanni biili atorneqartartut pitsorluttunut naleqqutinngimmata. Tummerannguanilluunniit tunineqarsinnaaduuppata utoqqarnut biilinut ikiniartunut niuniartunullu iluaquterujussuusussaavoq. Taamaattumik tummerannguit utoqqarnut naleqquttut akisorujussuartussaanngimmata innersuutiginaraluaqaat Kommuneqarfik Sermersooq inniminneeqqullugu.

Thiiooq Knudsen (S):

Nuummi Paamiunilu kommunip meeqqeriviutaani utoqqaallu angerlarsimaffiini aasaanerani sulisussaaleqisarneq.