Taasariaqartut allat

Laura Taunâjik Uitsatikitseq (S):

1. Qanittukkut ilissinnut allappunga, qujanartumillu HH akissuteqarpoq. Aqagu unnukkut Kuummiuni qassusersorneq pillugu innuttaasunik ataatsimeeqateqassasut, paasisitsiniaanerussalluni. Innuttaasut ukiortinnagu qanoq akuutinneqarsinnaanerat pillugu eqqartueqatigiissaasut.

2. Iserimmut tunngavoq. Suliaq pingaaruteqaraluartoq sullissinerat pitsaanerusinnaavoq. Tamatuma qaqeqqinneqarnissaa noqqaassutiginikuuara Sullissinerat innuttaasunut assut kipiluttunarpoq. Ataatsimiinnermi tullermi tamatuma qaqinneqarnissaa kissaatigivara.

3. Qimmit nunaminertamillu atugassiissuteqarnermut tunngavoq. Sap.ak. marluk pingasut matuma siona apeqquteqaatigaara, akineqarlungalu. Ilaatigut inatsisinut tunngasut innersuussutigineqarput. Imeqarfiup ungasinngisaani qimmiliveqarnissamut nunaminertamik atugassiissuteqarsimaneq ernummatigaara.