Taasariaqartut allat

Justus Hansen: Sanarfinermut Avatangiisinullu Ingerlatsivimmut aamma Kommunalbestyrelsimut qujanaq.

Naak ataatsimiititaq Tunumeersuinnarnik ilaasortaqaraluartoq, ataatsimiititamit kommune tamakkerlugu sullinneqarnera ingerlanneqarpoq.

Tunumi eqqaavissuit torersarneqarneri tulluusimaarutigivaa.

Pisortaanermut, ataatsimiititani allatsinut minnerunngitsumillu oqalutsinut qujanaq.

Kommunalbestyrelsinngortussap takusinnaassavaa suliassat annertuut suliarisimagivut arlalissuarnillu aalajangiisarsimasugut ilaatigut Tasiilami suliassanut tunngasunik. Inissiarpassuit aallartinneqartussaapput. Utoqqaat illuat nutaaq atorneqalereerpoq. Nunaqarfinni torersaasoqareerpoq aamma taakku naammassineqarput.

Harald Bianco: Piffissaq qinigaaffiusoq ingerlalluarsimavoq, Kitaaniittunik suleqateqarluarluni. Qujanaq, soorunami qinigaaqqissalluta neriuppugut.

Mala Høy-Kúko: Aamma qujassuteqarpoq. Takuneqarsinnaavoq qanoq sanaartortoqartigisimanera, pingaartumik inissianut tunngasunik. Suleqatigiilluarnissaq pingaaruteqartuusimavoq. Qujanaq atorfilittanut, naak ulapaarfiugaluartoq sullissilluarsimanerat pillugu.

Charlotte Pike: Aamma qujassuteqarpoq, suleqatigiilluarsimaneq nuannaarutigalugu.