Siulittaasussamik qinersineq

Suliassamik eqikkaaneq:

Najukkami Ataatsimiititaliat ileqqoreqqusaat § 6 naapertorlugu inissititerneq ingerlanneqassaaq.

Siulittaasumillu qinersinermi inatsisitigut tunngavissaq imaappoq:

 

Ҥ 6. Ataatsimiitiitaliap ataatsimeerngaarnissaanut ilaasortaq angajulleq (utoqqaanerpaaq) aggersaassaaq.

Imm. 2. Ilaasortat akornannit Najukkami Ataatsimiititaliap siulittaasussaa ataatsimeerngaarnermi amerlanerpaanik taaneqartoq siulittaasunngussaaq. Ataatsimiinneq ilaasortamit angajullerpaamit (utoqqaanerpaaq) aquneqassaaq. Siulittaasoq qinerneqarniareeriarpat siulittaasup tullia ilaasortat akornannit qinerneqassaaq, taannalu siulittaasup peqannginnerani siulittaasuusassaaq.

Imm. 3. Siulittaasutut siulittaasullu tulliatut qinerneqartoq naaggaarsinnaatitaavoq.

Imm. 4. Siulittaasoq siulittaasulluunniit tullia ilaasortaajunnaarpat atuuffiup sinnerani atuuttussamik nutaamik ilaasortat akornanni qinersisoqassaaq”.

Ilaasortanngortut akornanni marluk siulittaasussatut qinigassanngortipput, ukuullutik:

* Peter-Angunnguaq Mikaelsen

* Lucia Møller-Grønvold

Taasinermi sisamanik qinerneqarluni Lucia Møller Grønvold siulittaasutut qinerneqarpoq.