Sannavimmik atortarneq pillugu KAPP akissutaa.

Sannavimmik atortarneq pillugu KAPP akissutaa.

Aalajangiiffigisassaq

J.nr.:

Suliffeqarfimmi Kiffartuussineq – Kommunaldirektøri Lars Møller-Sørensen / LMS

 

Suliassamik saqqummiussineq

Kapisilinni aalisartut piniartullu peqatigiiffiat-KAPP- sannaviup akeqalernissaanut oqaaseqaqquneqarmat aalisartut piniartullu ima oqaaseqarput:

Sannavimmik atuinissamut siunertaagunartoq, umiatsiaaqqanik uninngatitsiinnartarnerup pinngitsoortinnissaa oqaaseqartut tamarmik isumaqatigaat tapersernartillugu.

Taamaattorli apeqqusernartoqarpoq akip taama qaffasitsiginissaanut. Pissutigalugu; sannavik ukiuni arlaqalersuni imeqanngilaq, pujoralammik milluaasoqarnani, asaanermut saliinermulluunniit soqarnani/amigartumilluunniit atortoqarluni.

Taakku saniatigut sannavimmut eqqussiviata natia betoni pisoqalilluni itersisimavoq, taamaalilluni annissiniarneq ilungersunarsisillugu, kraani sannavimmut eqqussissutaasinnaasoq amigaataavoq, amutsivittaa sarfarlersillugu ulinnerup inulertarmagu aatsaat sarfarissinerani ajornanngitsumik amusisoqarsinnaalertarmat. Taamatuttaaq sannavimmit motorileriffittut ineeqqamut matu sanimut sisutillugu ammartartoq tamakkiisumik matusinnaanngilaq, pujoralak ineeqqamut matoqqasussaagaluamut isaalersarluni.

Sannavik sananeqarnerminit amutsivittaa avammut takisuujusimasoq, qaanngunit takananngamillu mallertarnerani ukioq anigornagu isanikuummat takissusaa naalinikuuvoq allanngortinneqaqqinnanilu, amutsivigiuminarsarlugu atuisumik iluarsineqarnera eqqaassanngikkaanni.

Taamaakkami kranilerlugu iluarsinissaa kissaatinut ilaalluni.

Sannavimmik atuisut taama eqqartuereerlutik kissaatigaat sannavimmik akeqalersitsinissap eqqarsaatigeqqinneqarnissaa atortut amigaataasut iluarsineqartinnagit.

 

Qinikkat allatseqarfianiit oqaaseqaatit

Soqanngilaq

 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

 

Ilanngussaq/Ilanngussat

KAPP siulersuisuniit allakkat

5A-mi oqaluuserisami sammineqarpoq.