Saligaatsoq 2021

Saligaatsoq ilisimatinneqarpoq junip 9-ani Paamiuni illoqarfimmi saliineq ingerlanneqassasoq. Aammalu Najukkamik Ataatsimiititaliaq akisussaasuusoq ilisimatinneqarluni.
CSR-ip allagaa imaattoq tiguneqarsimavoq:
"Asasagut Najukkami Ataatsimiititaliat aamma Nunaqarfinni Aqutsisut
Saligaatsoq 2021 ingerlanneqarnissaanut suleqatisererusullusi maanna allagaqarpunga.
Ilanngussami ”1. Najukkami ataatsimiititalianut allagaqaat” akissuteqarfigisinnaavarsi qanoq suleqataarusunnerlusi.
Ilanngussaq ”2. Saligaatsoq 2021” plakatitut ilusilersorneqarnikuuvoq, suleqatigiinnissamullu oqariartuuteqarluni.
Ilanngussat sinneri imatut allaqqasullit ”Kalaallit Nunaat Saligaatsoq” tassaavoq sumiiffiit saliinissaminnut suleqataasut nalunaarsuiffissaat,
saleereernerullu kingorna inerneri nalunaarsorfissaat.
Suleqataasut kikkuuneri aamma saliinerup inernerinik nalunaarsuineq pingaaruteqartutut isigivarput,
taamaasilluta suleqatigiinneq piusimasoq uppernarsarnissaa takutikkumallugu
aamma suleqatigiinnikkut suliniut ataaseq kivinneqarsinnaasoq takutikkumallugu.
Saliinerup inerneranik nalunaarsuinikkut kisitsisinik tunngavissaqalissaagut eqqakkat qanoq annertutiginersut katersorneqarsimanersut
taamaasillutalu takussutissaqalissaagut eqqakkat qanoq annertutigisut avatangiisitsinnut pisimanersut aamma iliuuseqarnissamut tunngaviliisumik.
CSR Greenland suliffeqarfiit suleqataanissaannut kaammattortarpai.
Sumiiffigisami akisussaaffimmik tiguseqataaneq angorusullugu suliniut sumiiffigisani pigineqarnissaa angorusupparput,
taamaasillutalu takutikkumallugu sumiiffinni tamani suleqatigiinneq aqqutigalugu kivitseqatigiittoqarsinnaasoq.
Suleqatiginissarsi tusarfiginissarsilu qilanaaraarput."

Taperserlugu, akuerineqarpoq.