Pilersaarutit Tasiilami inuusuttut inissiassaat 4-8-t

Suliassamik eqikkaaneq / Sagsresume:

Tasiilami inuusuttut inissiassaat, inissisimaffissaat qanoq isummersuutiginerissi aalajangerneqassaaq.

 

 Inissiat inissisimaffiginiagaat massakkut qimmiliveqarfittut atorneqarpoq. Innuttaasut tallimat arfineq marluk missaat piginnittut, qimmii inissisimaffigaat. Taamaattumik apeqquserneqarpoq, qimmiliveqarfittut inissisimanera iluarineqartorujussuummat. Eqqaani kooqarluni kiisalu immamut qanimmat ukiumilu sikugaangat, qimussikkut aallarfigissallugu inissisimanera iluarineqarluni.

Taamaammat Najukkami ataatsimiititaliami ilaasortat paaserusuppaat, inissiat tassaniinnissappata qimmit sumut nuunneqassappat? Najukkami ataatsimiititaliami ilaasortat pitsaanerutikkaluarpaat, inissiat qutsinnerusumut nuunneqaraluarpata, qimmit allamut nuunneqannginnissaat pinerullugu.

Imaluunniit illoqarfimmi inissiat arlaatigut avissaartuutillugit sanaartornissaat. Ataatsimoortinnagit inissiani najugaqartussat inuusuttuusussaammata, festertarfittut atorneqarnissaat ernumagineqar-poq. Tamakku pinaveersaarniarlugit taamatut siunnersuutigineqarpoq. Kiisalu “Napparngummut” heliport-ip qulaata tungaani inissiat sanaartorneqarsinnaannginnersut apeqquserneqarluni?

Aamma Najukkami ataatsimiititaliami ilaasortat paaserusuppaat, inissiat inissisimaffissaata siunnersuutigineqartup nalaani, massakkut inissiat inoqartuniit qimmit arlaatigut naammagittaal-liuutigineqartarnersut? Soorlu assersuutigalugu Iserit A/S-imut, qimmit naammagittaalliutigineqar-tarpat nipituallaarneri pillugu?