Ilisimatitsissut
J.nr.:
Suliffeqarfimmi Kiffartuussineq – Kommunaldirektøri Lars Møller-Sørensen / LMS
Suliassamik saqqummiussineq
Kommuneqarfik Sermersuumi Nunaqarfinni Aqutsisut Pilersaarusiornermut periusissiaq P18 tamanut tusarniaassutigineqartumut oqaaseqaataat.
Pilersaarusiornermut pilersaarusiaq taamatut isikkoqartillugu Nunaqarfinni Aqutsisunit taperserneqarpoq. Periusissiami piffissami pilersaarusiorfissami aggersumi immikkoortut qitiutinneqarlutik sammineqartussat taperserneqarput, ataani immikkut oqaaseqaatiginik ilaneqarlutik:
- Nunaqarfinni ataasiakkaani avatangiisit (illut aammalu illoqannginnersat) eriagisassat nalunaarsorneqarnissaat aammalu pilersaarusiorneqarnissaat kissaatigineqarpoq.
- Tasiilap nunallu pissusaata akuerineqarnissaanik (UNESCO-mi nunarsuarmut kingornussanut tungatillugu) qinnuteqaatip suliarineqarnissaanut tungatillugu periarfissat qulaajarneqarnissaat eqqarsaatigalugu Nunaqarfinni Aqutsisut peqataatinneqarnissaat kissaatigineqarpoq.
- Nunami takornariaqartitsineq eqqarsaatigalugu Qeqertarsuatsiaat ilanngunneqarnissaa kissaatigineqarpoq.
- Inuussutissarsiutit ineriartortinneqarnissaanut pilersaarutip suliarineqarnissaanut atatillugu kissaatigineqarput:
- Arsuup eqqaani umimmaat eqqarsaatigalugit piujuartitsinissaq aammalu atorluaanissaq nunaqarvissunut iluaqutissanngorlugit ingerlatsinissaq sulissutigineqarnissaa kissaatigineqarpoq.
- Arsuup inukilliartornera eqqasaatigalugu periarfissat pioreersut atorluarneqarnissaat siunnersuutigineqarpoq. Pisortat illuutaat
Utoqqaat illuat ullumikkut atorneqanngitsoq atorluarneqarsinnaanera, soorlu suliffissanik pilersitsinikkut siunnersuutigineqarpoq. Nunaqarfinni Aqutsisut siornatigut siunnersuuteqarnikuusimapput utoqqaap illutat meeqqanut angerlarsimaffittut atorneqarsinnaanera sulissutigineqarsinnaasoq.
Qinikkat allatseqarfianiit oqaaseqaatit
–
Inassuteqaat/Inassuteqaatit
Nunaqarfinni aqutsisut inassuteqaatigaat:
- Aalajangiiffigisassaq akuersissutigineqassasoq
Ilanngussaq/Ilanngussat
Papiliaq atsiugaq.