Nuummi Hans Egedep eqqaassutissaata inissisimanera pillugu innuttaasunik peqataatitsinerup suliarineqarnerata ingerlanera

Ilisimatitsissut tusaatissatut tiguneqarpoq Siumumit ima oqaasertalerlugu: suliaq pillugu politikkikkut aalajangiiffiginikuunngisaannarparput, aamma taasinerni peqataanikuunngisaannarluta. Tamatuma saniatigut suliaq Kommunalbestyrelsimut eqqartugassanngorlugu saqqummiunneqarnikuunngisaannarpoq.

Nuummit Eqqaamasanit eqqaassutissap ataannarnissaanik kissaateqartunit atsiornernik katersat ilanngunneqarsimanngillat.

Suleqatigiissitsisunit oqaaseqaat: tullissaani allatut periuseqarnissaq isumaliutigineqartariaqassaaq. Innuttaasunik peqataatitsineq inuit kikkulluunniit isumaannik peqataatitsinerusussaavoq, sakkortunerpaanik isumallit kisiisa pinnagit. Innuttaasunik peqataatitseriaaseq misilittarneqarsinnaavoq.