Nalunaarutit ilisimatitissutillu

Siulittaasup nalunaarutai ilisimatitsissutaalu:
  • Suliniutinut qinnuteqaatinik suliaqarnermi ataatsimeeriaasissaq pillugu ilisimatitsissut:
    Suliniutinut qinnuteqaatinik suliaqarnermi ilaasortat tamarmik tusarneqarnissaat pillugu ataatsimeeriaatsimik nutaamik siulittaasoqarfik aalajangiussaqarpoq.
    Ataatsimiinnerup aallartinnera siulittaasup ingerlattassavaa, suliniutinut qinnuteqaatit sammineqaleraangata siulittaasup tullia aqutsisassalluni.
    Taasissutigineqannginnerini siulittaasoq aperisassaaq qinnuteqaammut oqaaseqartoqarniarnersoq, kingornalu taasissutigineqassalluni.
    Taasinermi siulittaasoq aperisassaaq kina akuersiva?
    Tassani taava siulittaasup tulliata ilaasortat akuersisut tamaasa immikkut imaqarniliamut ilanngunneqartussanik tunngavilersueqqusassavai.
    Siulittaasoq aperisassaaq kina itigartitsinersoq?
    Tassani taava siulittaasup tulliata ilaasortat itigartitsisut tamaasa immikkut imaqarniliamut ilanngunneqartussanik tunngavilersueqqusassavai.
    Siulittaasoq aperisassaaq kina taasiniannginnersoq?
    Taasinermi inernera suliniummut qinnuteqartumut neriorsuuteqarnermi allakkani imaluunniit itigartitsinermi allakkani ilanngunneqassaaq, Najukkami Ataatsimiititaliamiit oqaaseqaat ilanngullugu.
  • Uummat pillugu Nuummi arpatsitsinermi suleqataasinnaagunarneq pillugu ilisimatitsissut:
    Nuummi Najukkami Ataatsimiititaliaq Peqatigiiffik Uummatinit saaffigineqarpoq, aperineqarluni Nuummi Najukkami Ataatsimiititaliaq uummat pillugu arpatsitsinissamut suleqataarusunnersoq. Tassani suleqatigiissutigineqarsinnaasunik arlalinnik taakkartuipput, taakkuli ilaat Nuummi Najukkami Ataatsimiititaliap aalajangiiffigissallugit pisinnaatitaaffianiinngimmata, siulittaasoqarfimmit innersuussutigineqarpoq, suliniutitut qinnuteqaat Kommuneqarfik Sermersuumi immikkoortortamut tigusisussamut innersuunneqartumut ingerlateqqittassallugu.
  • Workshop pillugu nalunaarut
    Allatseqarfilk oqaloqatigisimavarput, workshop siuartinniarlugu tallimanngornermi pisussanngorlugu septembarip 10-anni, nal.: 15:30 – 22:00. Tassani sutugassaqassaaq.
    Pingaaruteqarpoq aamma eqqarsaatersorsimanissarsi, suut suliniutit nammineqsaqqummiukkusunnerlugit immaqaluunniit suut Nuummi najukkami ataatsimiitsitaliap suliniutigissagai/anguniagassarinerai ukiuo 2022-mi-
  • Tusarniaanerit:
    Nuummi Najukkami Ataatsimiititaliaq tusarniummut akissuteqarnissaanik siunnersuutissaqartoqartillugu tamanna taasariaqartuni allani kisimi qaqinneqarsinnaavoq, taasissutigalugu aalajangerneqassaaq kina tusarniummut akissuteqassanersoq.
  • Imminut ilisaritinneq
    Pisortaqatigiit allatseqarfianiit nalunaarutit ilisimatitsissutillu eqqaaneqareerpata, immitsinnut naattunnguamik ilisaritilaarumaarpugut.
Pisortaqatigiit Allatseqarfiat:
  • Ilisimatitsissut
    Aviaja Geisler Kristensen Luvisa Kristiansenip erninerminut atatillugu sulinngiffeqarnerani paarlattaarusuppoq.

Siulittaasup aaliagiuppaa, ataatsimeeriaaseq nutaaq qinersissutigineqassasoq. Taamaasilluni siulittaasut nalilerniassavaat, ilumut taanna ataatsimeeriaaseq misilinneqassanersoq. 
Qinersisoqarpoq; amerlanerussuteqartut aalinagerpaat misilinneqassasoqm arfineq pingasut akuersissutigaat, marluk qinersinngillat.