2a.
- Ataatsimiititaliami siulittaasoq Qanoroomiit apersorneqarpoq. Kingusinnerusukkut itinerusumik pineqartumut nalunaaruteqartoqarumaarpoq.
- Ataatsimiititaliami siulittaasoq natteravnene ataatsimeeqatiginikuuvai. Isumaqatigiipput ukiormut ataaseriaq ataatsimiittarnissaq. Ataatsimiititaliami siulittaasoq 27. november natteravnene ilagalugit illoqarfimmi pisoqataassaaq.
2b.
Utoqqarnut tunngasut:
- Angerlarsimaffimmi ikiorteqarfimmi utoqqaat illuanilu sulisunut Covid-19 pillugu ”lommekort” (najoqqutassat) pilersinneqarput:
- Suut eqqumaffigineqartariaqarpat aamma qanoq iliortoqassava:
Sulisoq Covid-19-imik ersiuteqarpat
Innuttaasoq/sullitaq Covid-19-imik ersiuteqarpat
Kortit aamma Paamiunut – Tasiilamut – Ittoqqortoormiinut nunaqarfinnullu nassiunneqarput. - Pilutami atuisunut tunngatillugu killiffik:
Pilutami atuisuunikut UI-mi Ippiarsummilu avatangiisinik sungiussiartorput.
Atuisut namminneq oqaluttuarput soorunami Pilutaq maqaasillugu, artornarsimasorlu.
Ataasiakkaat neqeroorut iluarisimaarlugu oqaatigaat – naatsorsuutigisimasaallu allaanerusimasoq – ilimagisimasaannilli taama ajortiginngitsoq.
Innarluutilinnut aamma tarnimikkut nappaatilinnut Immikkoortortaq
Ingerlatsivimmit, Meeqqanut Ilaqutariinnullu Ingerlatsivimmiit inuusuttut suliniuteqareernermi malitseqartinneqartut pisariaqartitsiunnaarsimasulli, sulili annertuumik ulloq unnuarlu akunnerit 24-t annertuumik perorsaanikkut tapersersorteqarnissamik pisariaqartitsisut pillugit saaffiginnissitut amerliartortut takkuttalersimasut, malugineqarsinnaavoq.
Ingerlatsivik ullumikkut innuttaasunut taakkununnga neqerooruteqanngilaq. Ingerlatsiviup innuttaasut pineqartut pillugit suliaq qanoq kivinneqarsinnaanersoq misissorusuppaa.
Ingerlatsivimmit business case-mik suliaqartussamik suleqatigiissitaliussaaq.
Suliassat nutaat pineqarmata ingerlatsivik amerlanerusunik aningaasaliiffigineqartussaassaaq.
Oqartussaaffeqarfik:
Oqartussaaffeqarfik 9. novembarimiit isumaginninnikkut ikiorsiissutit aningaasaqarnikkut systemikkut suliarisalissavai. Taamatut suliarinnittalernerup kingunerisaanik sulinermi nammineq suliarisartakkat ikilissapput. Taamaalilluni sulisunut innuttaasunut isumaginninnikkut ikiorsiissutit tunniunneqartartut eqqortuunissaat qulakkeerneqartarneri ajornannginnerulissaaq. Sapaatip-akunnera kingulleq unalu sulisut isumaginninnermut ikiorsiissutit pillugit fagmodulinut tunngasunik pikkorissarnernut peqataapput.
Taamatuttaaq ineqarnermut tapiissutit pensionisiassallu piaartumik aningaasaqarnermut systemikkut ingerlanneqartalissapput.