Nalunaarutit

2a. Siulittaasup nalunaarutai
2b. Ingerlatsiviup nalunaarutai

2a.

2b.

Suliffeqarnermut Isumaginninnermullu Ataatsimiititap Tilioq innarluutillit pillugit inatsisip atuutilersinneqarneranut killiffik pillugu ataatsimeeqatiginikuuaa. Kommuninik tamanik ataatsimeeqatiginninnerit Tiliumit ingerlanneqarput, kingornalu allaaserisamik ilanngutassiisarluni. Una Sermitsiaq AG-mi tapiliussatut ilanngunniarneqarpoq.

Sapaatip-akunnerani 9-mi utoqqarnut tunngasuni Tasiilamiit angerlarsimaffimmi ikiorteqarfimmi aqutsisup peqataaffigisaanik aqutsisut workshopertinneqassapput. Tasiilami angerlarsimaffimmi ikiorteqarfimmi aqutsisup nunaqarfinni angerlarsimaffimmi ikiorteqartartunut nakkutiginissai suliassaraa. Workshopertitsinermi aqutsineq akisussaaffillu qulequtaapput – naleqartitat tunngavigalugit aqutsineq – utoqqarnut tunngasuni anguniagassat

Suliffissaqartitsiniarnermut Immikkoortortaqarfik aqutsinermut atatillugu Ittoqqortoormiini Majoriaq pulaarpaa. Pulaarnermi pineqarluni sulisunik piginnaanngorsaaneq, iliuusissanik pilersaarusiorneq periusissallu. Ittoqqortoormiini Majoriaq assigiinngitsunik ataatsimiinnernut aggersaanera innuttaasunit inuussutissarsiortuniillu soqutigineqarluarpoq. Suliffissaqartitsiniarnermut Immikkoortortaqarfiup tamatuma angusaqarfiulluarnissaa aamma pisortat suliffeqarfiillu namminersortut tikeraarneq tunngavigalugu suleqatigiilluartoqarnissaa naatsorsuutigaa, ukiup ataatsip missaa qaangiuppat malinnaaffiginninneq pissaaq.